ATV

Blog

  • ‘Qeveria për familjet”, Shabani: Nuk është zgjidhje e papunësisë për me e punësu dikë vetëm për 6 muaj

    ‘Qeveria për familjet”, Shabani: Nuk është zgjidhje e papunësisë për me e punësu dikë vetëm për 6 muaj

    Njohësi i çështjeve të ekonomisë, Zekirja Shabani, në emisionin A23 në ATV, tha se projekti ‘Qeveria për familjet” nuk është një zgjedhje për ta zbutur papunësinë në vend, por sipas tij, kjo i ndihmon institucionit që të abuzojë me shifra.

    “Nuk është zgjidhje për gjashtë muaj me punësua dikë, por është një zgjedhje në atë që thamë, abuzim të vazhdueshëm me shifra, është keqpërdorim i shifrave në të mirë të institucionit. Agjencia e Statistikave në fund të vitit do të dalë me atë shifrën e famshme që me anketën e punësimit që në Kosovë është ulur papunësia për shkak se çdo gjashtë mujor kemi pasur rritje të numrit të të punësuarve dhe rritje të numrit të të angazhuarve me kontratë”, tha Shabani.

    Sipas tij, praktika të tilla kanë ndodhur edhe me qeveritë e kaluara, të cilët përmes projekteve të ndryshme angazhonin punëtorë me paka tejet të ulëta, dhe në fund të vitit thoshin se ka pasur ulje të papunësisë në vend.

    “Qeveritë e kaluara përmes skemave të caktuara të ministrisë së punës, kanë punësuar njerëz për me pastru kanale, për me pastru ara, për me pastru rrugë të ndryshme dhe kështu dilnin në fund të vitit e thoshin ‘e kemi ulë papunësinë në Kosovë’ duke ua dhënë nga 150 euro në muajt”, tha Shabani. /atvlive.tv

  • Opozita e quan të jashtëligjshëm shkarkimin e anëtares së Bordit në OShP

    Opozita e quan të jashtëligjshëm shkarkimin e anëtares së Bordit në OShP

    Komisioni për Buxhet, Punë dhe Transfere edhe në mbledhjen e sotme po vazhdon diskutimin për vendimin e Qeverisë së Kosovës për shkarkimin e anëtares se Organit Shqyrtues të Prokurimit, Kimete Gashi, në lidhje me tenderin për insulina.

    Kryetari i Komisionit, Armend Muja, adresoi akuza ndaj Bordit të OShP-së se po tentojnë të bëjnë kontrabandë të barnave, me insistimin për sigurimin e tenderit për insulina pa autorizim të marketingut.

    Ai paraqiti dy vendime të OShP-së njërën në vitin 2019 dhe tjetrin në vitin 2021, ku tha se ka kontradiktë mes tyre.

    Mirëpo, anëtarja e Bordit të OShP-së, Kimete Gashi, insistoi në ligjshmërinë e vendimet për tenderin për insulina, ku tha se i njëjti është vërtetuar edhe nga gjykatat e rregullta.

    Nën anën tjetër, deputetët opozitarë thanë se vendimi i Qeverisë për shkarkimin e anëtares së Bordit të OShP-së, Kimete Gashi është i jashtëligjshëm.

  • Kurti konfirmon se betimi i tre kryetarëve në veri bëhet të enjten në ndërtesa publike

    Kurti konfirmon se betimi i tre kryetarëve në veri bëhet të enjten në ndërtesa publike

    Kryeministri Albin Kurti para qeveritar ka konfirmuar se betimi i tre kryetarëve në veri do të bëhet të enjten në ndërtesa publike, raporton Ekonomia Online.

    Sipas tij, veprimet e institucioneve e kanë në qendër funksionalizimin dhe garantimin e shërbimeve publike për të gjithë qytetarët pa dallim, duke shtuar se kjo nuk është zgjedhje kjo është detyrim.

    Ai shtoi se frikësimet e shantazhet nga Serbia ndikuan te qytetarët serb që mos të dalin në zgjedhje.

    “Dje u bë një muaj nga mbajtja e zgjedhjeve në veri, nuk pati asnjë incident ishin të qeta dhe paqësore. Frikësimet e shantazhet nga Serbia ndikuan tek qytetarët. Vota e munguar ishte mungesë e vullneti të lirë. Fushatat e këtilla ndaj serbeve janë të shpeshta dhe të vazhdueshme”.

    “Te premten e kaluar kryetari i zgjedhur i Mitrovicës bëri betimin e tij, nënkryetarja u emërua nga komuniteti serb. Nesër në ndërtesa publike në këto komuna do të mbahet edhe betimi i 3 kryetarëve. Veprimet tona kanë në qendër funksionalizimin dhe garantimin e shërbimeve publike për të gjithë qytetarët pa dallim. Kjo nuk është zgjedhje kjo është detyrim i yni”, tha ai.

  • KDI: Skenderaj, komuna më transparente në vitin 2022

    KDI: Skenderaj, komuna më transparente në vitin 2022

    Komuna e Skenderajt është më transparentja për vitin 2022, sipas Institutit Demokratik të Kosovës (KDI) që të mërkurën ka publikuar “Indeksin e Transparencës për Qeverisjen Komunale”.

    KDI-ja në një konferencë për media bëri të ditur se komunat janë vlerësuar në 87 indikatorë për tetë shtylla: 1. transparenca në shpenzimet publike përmes prokurimit publik, 2. transparenca buxhetore, 3. transparenca në grantet dhe subvencionet komunale, 4. përfshirja e qytetarëve në vendimmarrjen komunale, 5. qasja në dokumente publike, 6. përgjegjshmëria e komunave për të adresuar risqet e korrupsionit dhe konfliktin e interesit, 7. menaxhimi i pronës komunale, si dhe 8) transparenca e ndërmarrjeve dhe organizatave publike në pronësi të komunave.

    Diana Metushi – Krasniqi nga KDI ka thënë se indeksi i transparencës në qeverisjen komunale për vitin 2022 e rendit Komunën e Skenderajt më transparenten me 92.63 pikë (nga maksimumi prej 100 pikëve në 87 treguesit e matur), pasuar nga komunat e Lipjanit dhe Mitrovicës të vlerësuara me 91.13 pikë, Prizreni (90.63 pikë), Drenasi (89.88 pikë), Prishtina (89.13 pikë), Rahoveci (88.94), Ferizaj (86.94 pikë), Gjakova (85.38 pikë) dhe Hani i Elezit (83.62 pikë), dhe Dragashi (82.73 pikë).

    Metushi – Krasniqi ka thënë se vetëm në sektorin e prokurimit publik nëpër komuna ka një rritje të transparencës prej 20 për qind.

    Metushi: Rritet transparenca nëpër komuna

    Video

    “Transparenca e përgjithshme në këta 87 indikator dhe 8 shtylla të politikave të qeverisjes lokale në vitin 2022 është 68 për qind. Kemi 12 për qind mesatarisht rritje prej matjeve të vitit 2021 që nënkupton një vullnet të mirë për komunat për të rritur transparencën dhe llogaridhënien kundrejt qytetarëve të tyre. Shohim se kemi një rritje prej 20 për qind në sektorin e prokurimit publik, vetëm 2 për qind rritje në shtyllën e transparencës buxhetore. Po ashtu kemi rritje edhe në qasjen në dokumentet publike dhe informacionit publik me pjesëmarrjen publike, ndërsa rritja më e madhe është vërejtur në shtyllën e transparencës për ndërmarrjet publike dhe organizatat komunale”, theksoi ajo.

    Kristína Kroková nga Transparency International – Slovakia theksoi që është e mahnitur të shohë progresin që komunat në Kosovë po arrijnë nga viti në vit.

    Ajo potencoi që komunat në Sllovaki nuk kanë pasë progres të përnjëhershëm si në rastin e Kosovës, dhe sipas matjeve të tyre nga viti 2012 progresi nuk ka kaluar 25%-shin

    Kroková: Synimi ynë është që të zvogëlojmë korrupsionin

    Video

    “Synimi ynë është që të zvogëlojmë korrupsionin duke e rritur transparencën në përfshirjen e qytetarëve dhe duke fuqizuar proceset dhe zvogëlimin e burokracive të shumta. Që nga vitit 2010, për çdo dy vjet publikojmë renditjen e 100 komunave më të mëdha në Sllovaki dhe këtë e bëjmë duke vlerësuar në më shumë se 109 indikator. Transparenca që nga fillimi e deri më tani është rritur për 23 për qind”, theksoi ajo.

    Katër komunat veriore, Leposaviqi, Mitrovica e Veriut, Zubin-Potoku dhe Zveçani, kanë pikët më të ulëta sa i përket transparencës.

    KDI inkurajon të gjitha komunat të analizojnë ku çalojnë sa i përket matjeve të 2022 dhe të përkushtohen për të përmbushur standardet e transparencës gjatë viteve në vijim.

  • Faton Bislimi jep doreheqje nga Kryesia e LDK-së

    Faton Bislimi jep doreheqje nga Kryesia e LDK-së

    Faton Bislimi ka dhënë dorëheqje nga Kryesia e LDK-së. Sipas tij, kjo ka ndodhur për shkak se përcaktimi i tij për rikthimin e rugovizmit si djathtizmi autentik kombëtar i duhet Kosovës dhe LDK-së së idealeve të shtetit.

    Dorëheqjen ai e ka bërë publike vet me anë të një postimi në Facebook.

    Bislimi ka renditur një varg pakënaqësish me partinë.

    Teksti i plote i dorëheqjes nga Kryesia:

    Miq,

    Dashnia e kontributi për vendin e interesin kombëtar kanë qenë dhe mbeten rruga ime e vetme e angazhimit politik. Rugovizmi si djathtizmi autentik kombëtar është fanari im. Kësaj rruge nën dritën e këtij fanari nuk do t’i ndahem.

    Më poshtë keni tekstin e plotë të dorëheqjes sime nga Kryesia e LDK-së:

    z. Lumir Abdixhiku, Kryetar

    Anëtarëve të Kryesisë së LDK-së

    24 Maj 2023

    I nderuar Kryetar,

    Të nderuar kolegë të Kryesisë,

    Po ju shkruaj për t’ju njoftuar me vendimin tim për të dhënë dorëheqje nga Kryesia dhe Këshilli i Përgjithshëm i LDK-së, efektivisht nga sot. Marrja e këtij vendimi nuk ishte aspak e lehtë! Por, në mes të heshtjes përballë injorimit të paarsyeshëm, personalizimit të skajshëm, dhe përpjekjes perfide për sforcim të pozitës personale e jo të partisë, kryesisht nga kreu i saj në njërën anë, dhe besimit të palëkundur për një LDK që i qëndron besnike vizionit rugovist, për një LDK që shpërfaqë e praktikon djathtizmit autentik kombëtar si dhe një LDK që e sheh secilin aktivist e aktiviste, të mëparshëm apo të tanishëm, si hisedarë e jo si shërbëtorë të partisë; unë zgjedh këtë të fundit. Zgjedh LDK-në e idealeve dhe pragmatizmit politik, jo atë të interesave personale e grupore; LDK-në e atyre që sakrifikuan e nuk u lodhën asnjëherë së punuari për liri, demokraci e pavarësi, jo atë të lartësimit të përfituesëve e tregtarëve politikë; LDK-në e vlerësimit dinjitoz të figurave themeltare e të të rënëve të saj, e jo atë të homazheve fallso para varreve të tyre; LDK-në e miqësisë permanente me SHBA-të, jo atë të thirrjes me zë të shterur në këtë miqësi vetëm për poena politikë; LDK-në e aktivistëve e kontributdhënësëve, jo atë të titullarëve! Për këtë LDK, qëndroj i palëkundur edhe tash e tutje!

    Fatkeqësisht, kjo LDK që unë zgjedh dhe e dua – sepse besoj fuqishëm që i shërben vendit e kombit – vetëm sa po tkurret konceptualisht nën çasjen e kreut të tanishëm. Sikur shumë të tjerë, edhe unë personalisht kam qenë shpresëplot në këtë lidership; nuk e mohoj. Jam përpjekur të bëj punën time, kam shpreh shqetësimet në forumet e partisë (qoftë edhe në rastet e rralla që një mundësi e tillë na është dhënë). Moskonsiderata e personalizimi i skajshëm i udhëheqjes së partisë ka vazhduar. Jo më! Jo me mua, të paktën!

    Data e sotit koincidon me Ditën e Presidentit, një celebrim demokratik që Presidenti Historik, Dr. Ibrahim Rugova, e kishte institucionalizuar. Është pikërisht kjo figurë emblematike e kombit tonë që më ka dhënë e vazhdon të më jep frymëzim për të ardhmen dhe politikën. Janë urtësia e vizioni i palëkundur politik që shpërfaqte Presidenti Rugova si virtyte të politikës që do duhej të lartësoheshin sot. Dhe, pikërisht, për ta bërë këtë, unë lirohem nga këto pozita partiake, ashtu që me secilin që beson në LDK-në autentike rugoviste, në vizionin djathtist kombëtar, bazuar në urtësi politike, të mund të punojmë bashkërisht për interesin e kauzën kombëtare, e jo për tekamendjet e dikujt që pozitën personale e sheh si qëllim politik e nënshtrimin e përdorimin oportunist të të tjerëve si virtyt politik.

    Nga thellësia e zemrës falëmnderoj secilin aktivist e aktiviste të LDK-së, secilin anëtar besnik të LDK-së, e secilin votues anekënd Kosovës dhe nga mërgata jonë (të cilët janë gurthemel i shtetit tonë)! U jam përjetësisht mirënjohes për nderin jetësor që me keni dhënë të isha Deputet në Kuvendin e Republikës së Kosovës, si dhe Anëtar i KP dhe Kryesisë së LDK-së së fundi. Nuk ua harroj asnjëherë këtë besim dhe nuk po ndahem nga ju assesi. Andaj, me gjithë kapacitetin tim do vazhdoj angazhimin tim për kauzën tonë kombëtare, për idealet e ruajtjes dhe sforcimit të shtetit të Kosovës – sidomos në këtë kohë kritike për vendin – në bashkëpunim të ngushtë me miqët tanë të njëmendtë në Washington, DC. Përvoja ime në Capitol Hill tash e mbi dy dekada më ka mësuar shumëcka, por një është e vecantë (e thënë nga Presidenti Abraham Lincoln): “nuk mund t’i ikësh përgjegjësisë të së nesërmes duke i bishtruar asaj sot!”

    Përzemërsisht juaji,

    Faton Bislimi

  • Obiliq: Gruaja kërkoi të shkojë në strehimore pasi ndjehej e kërcënuar

    Obiliq: Gruaja kërkoi të shkojë në strehimore pasi ndjehej e kërcënuar

    Një grua në Obiliq ka raportuar në polici se kishte pasur probleme me të dyshuarin mashkull dhe e njëjta ka kërkuar të shkojë në strehimore pasi ndihej e kërcënuar.

    Policia njofton se i dyshuari është arrestuar dhe me vendim të prokurorit është dërguar në mbajtje.

  • Sulm seksual në Gjakovë, arrestohet një person

    Sulm seksual në Gjakovë, arrestohet një person

    Policia ka informuar se një grua në Gjakovë dje ka raportuar se është sulmuar seksualisht nga një i dyshuar i panjohur.

    Lidhur me rastin, është arrestuar një person.

    “Pas një pune operative-hetimore nga njësia e hetimeve të Stacionit Policor Gjakovë është arritur të identifikohet i dyshuari i cili është arrestuar dhe pas intervistimit me vendim të prokurorit është dërguar në mbajtje.”, ka bërë të ditur Policia.

    Rasti është cilësuar si “Sulm seksual”.

  • ​Strategjia për zhvillim, Kurti: Kosova qëndron krahas shteteve evropiane

    ​Strategjia për zhvillim, Kurti: Kosova qëndron krahas shteteve evropiane

    Kryeministri i Kosovës, Albin Kurti, ka deklaruar se Kosova qëndron krahas shteteve partnere evropiane në përpilimin e zbatimit e strategjive dhe në zhvillimin e miratimin e politikave përmes të cilave në thelb synohet tranzicioni i drejtë ekonomisë së gjelbër e të qëndrueshme.

    Kurti konferencën “Java e Zhvillimit të Qëndrueshëm në Kosovë” ka theksuar se koncepti i qëndrueshmërisë është më qendërn e pothuajse të gjitha politikave, strategjive e ligjeve të cilat po i hartojnë e po i miratojnë.

    “Kosova qëndron krahas shteteve partnere evropiane në përpilimin e zbatimit të strategjive dhe në zhvillimin e miratimin të politikave të cilat në thelb e synojnë tranzicionin drejt ekonomisë së gjelbër e të qëndrueshme. Përmes tyre synojmë të adresojmë sfida mjedisore që krijojnë barazi sociale, zhvillim ekonomik dhe gjithëpërfshirje. Koncepti i qëndrueshmërisë është më qendërn e pothuajse të të gjitha politikave, strategjive e ligjeve të cilat po i hartojmë e po i miratojmë. Gjatë gjysmës së parë të mandatit të qeverisë jemi fokusur në adresimin e pabarazive sociale dhe ekonomike. Përmes politikave gjithëpërfshirse e skemave për zhvillim në mbështetje sociale të cilat kemi filluar t’i aplikojmë do të sigurojmë që grupet e cenueshme, duke përfshirë grupet me të ardhura të ulëta e ato të margjinalizuara të kenë përmirës të dukshëm në mirëqenie, çasje në punësim, arsim e shëndetësi energji e shërbime të tjera”, tha ai.

    Mes tjerash Kurti tha se trajtimi i ujrave të ndotura në nivel vendi është rritur nga një përqind sa ishte kur filluan mandatin, në 11 për qind.

    Ai tha se synimi qeverisë është që pesë vitet e ardhshme të kenë shtatë kryeqendra me impiante.

    Përfaqësuesi i BE-së në Kosovë, Tomas Szunyog tha se BE është e gatshme për të përkrahur Kosovën që të ketë zhvillim të qëndrueshëm.

    Ambasadori gjerman në Kosovë, Jörn Rohde është shprehur se Kosova është ngritur në nivel më të lartë, duke iu afruar standardeve të Evropës.

    “Është e rëndësishme që të kemi një eko-sistem të qëndrueshëm, porse ambienti kërkon punë e përkushtim të plotë. Kuptojmë se për të arritur këto qëllime na duhet edhe bashkëpunim. Dhe Bashkimi Evropian është i gatshëm për të përkrahur Ballkanin Perëndimor e Kosovën që të ketë zhvillim të qëndrueshem”, tha Szunyog.

    “Partneri ka për qëllim tranzicionin e neutralitetit të energjisë. Plani nacional i energjisë e i klimes është duke u hartuar me shpejtësi. Duhet të kemi veprime të qarta. Qeveria ka punuar në mënryë konkrete, mirëpo edhe sektori privat është hisetar në këtë. Kosova po afrohet sa më shpejtë standardeve të Evropës dhe menaxhmenti integrues i mbeturinave kërkon veprim të thjeshtë. Kosova është ngritur në nivel me të lartë me politikat e këtij problemi. Ne duhet të sabshku të jemi përkushtuar dhe bashkëpuniminjomë më energji e mbeturina dhe cdo prejkt që e mban ajrin e ujin e Kosovës të pastër, poashtu edhe tokën pjellore”, tha Rohde.

    Drejtor Ekzekutiv i Institutit për Politika Zhvillimore, Burim Ejupi tha se Kosova ndër vite ka shënuar progres në këtë drejtim.

    “Kur e shohim Kosovën këto 6 vjet, e shohim që ka një peogresë dhe po e shohim një Kosovë, një qeveri që është duke shkuar ka e gjelbërta”, tha Ejupi.

  • Plagosje në Podujevë, arrestohet një person

    Plagosje në Podujevë, arrestohet një person

    Një person është plagosur dje në Podujevë, ndërsa tre persona të tjerë kanë pranuar tretman mjekësor.

    Lidhur me rastin, është arrestuar një person.

    Policia ka informuar se të gjithë të lënduarit pas tretmanit mjekësor janë liruar.

    “Është raportuar për një rrahje në mes të disa personave. Si pasojë, një person mashkull kosovar është plagosur nga arma e zjarrit i cili më pas është dërguar për tretman mjekësor, po ashtu tre meshkuj kosovarë kanë pranuar tretman mjekësor. Në vendin e ngjarjes është konfiskuar një pistoletë, një gëzhojë dhe një shkop druri.”, ka bërë të ditur Policia./KP

  • Gratë iraniane protestojnë brenda burgut kundër ekzekutimeve

    Gratë iraniane protestojnë brenda burgut kundër ekzekutimeve

    Një grup i grave të burgosura për aryse politike që mbahen në burgun famëkeq Evin të Teheranit, kanë organizuar një portestë kundër ekzekutimit të fundit të tre protestuesve.

    Ato gjithashtu protestuan kundër rritjes së përdorimit të dënimit me vdekje, i cili është kritikuar gjerësisht nga grupet e të drejtave të njeriut dhe qeveritë në mbarë botën.

    Sipas raporteve të publikuara më 23 maj nëpër rrjete sociale, disa nga të burgosurat më të njohura politike femra, duke përfshirë Sepideh Gholian, Bahareh Hedayat, Faezeh Hashemi dhe Narges Mohammadi, morën pjesë në një protestë brenda burgut, ku secila prej tyre lëshuan deklarata duke dënuar valën e ekzekutimeve.

    Golrokh Ebrahimi Iraee, një tjetër e burgosur, tha: “Të burgosurat politike femra të burgut Evin mbajtën një ceremoni të shtunën [20 maj] në oborrin e repartit të grave për të protestuar ndaj ekzekutimeve të fundit, duke përfshirë ekzekutimin e dy personave në burgun e Arakit me akuzën për blasfemi [sharje e zotit], dhe tre ekzekutimet e fundit në Isfahan”.

    Iraee, e cila në prill u dënua me shtatë vjet burg për krime “kundër regjimit”, tha se “natyra e këtij regjimi është të eliminojë fizikisht kundërshtarët, kritikët dhe ata që protestojnë kundër politikave të tij”.

    Nuk është bërë e ditur nëse gratë u ndëshkuan për protestën.

    Gjyqësori i Iranit, i nxitur nga liderët e lartë, ka marrë një qëndrim të ashpër kundër protestuesve që demonstrojnë kundër vdekjes së Mahsa Amini në shtator.

    Njëzetedy vjeçarja vdiq teksa po mbahej në paraburgim nga policia në Teheran, pasi u ndalua me arsyen se nuk e kishte vendosur shaminë e kokës në mënyrë të duhur.

    Vdekja e saj ngjalli zemërim në të gjithë vendin, duke bërë që dhjetëra mijëra persona, të udhëhequr nga gra dhe student, të dalin në rrugë duke kërkuar më shumë liri.

    Përgjigja e ashpër e forcave të sigurisë iraniane ka intensifikuar protestat, me shumë që kanë bërë thirrje që lideri suprem Ayatollah Ali Khameni të japë dorëheqjen.

    Deri më tani, autoritetet iraniane kanë ekzekutuar të paktën shtatë protestues.

    Aktivistja e burgosur Mohammadi tha se qeveria “po hakmerret ndaj lëvizjes revolucionare në një mënyrë brutale duke ekzekutuar dhe vrarë njerëz”.

    “Irani i vitit 2023 nuk është Irani i viteve 1980. Nëse qëllimi i ekzekutimeve në vitet ’80 ishte krijimi i frikës, tmerrit dhe shtypja e rrymave dhe tendencave të ndryshme, ekzekutimet e fundit do të kenë efektin e kundërt”, tha ajo.

    Grupi i të Drejtave të Njeriut në Iran me bazë në Norvegji thotë se këtë vit të paktën 275 persona janë ekzekutuar në Iran, duke përfshirë të paktën 90 në tre javët e fundit, duke e bërë majin “muajin më të përgjakshëm” në vend në pesë vitet e fundit.

    Aktivistja Gholian, e arrestuar në fillim të këtij muaji pasi kritikoi publikisht Khamenein, tha gjatë protestës se “misioni ynë është tani më i qartë. Ata do të largohen para se të mbarojnë të gjitha rezervat e naftës. Ne do të kërcejmë me pasion në atdheun tonë”.

    Vida Rabbani, Nasrin Khazri Javadi, Shakila Manfred, Zohreh Sarv dhe Mahvash Shahriari ishin të burgosurat tjera politike që morën pjesë në tubimin brenda burgut./REL/