ATV

Blog

  • Gjilan: Tejkaloi në vijë të plotë, policia gjobit shoferin me 200 euro, ia merr edhe lejën për tre muaj

    Gjilan: Tejkaloi në vijë të plotë, policia gjobit shoferin me 200 euro, ia merr edhe lejën për tre muaj

    Policia në Gjilan ka identifikuar dhe gjobitur një vozitës të automjetit Golf me targa vendore, i cili më 3 maj 2025 kishte kryer tejkalim të rrezikshëm në kundërshtim me Ligjin për Rregullat e Trafikut Rrugor.

    Rasti u dokumentua përmes pamjeve video të dërguara nga qytetarët, ndërsa policia e gjobiti me 200 euro dhe dy pikë negative. Gjithashtu të njëjtit iu mor leja për tre muaj.

    Njoftimi:

    Identifikohet dhe gjobitet vozitësi për tejkalim të rrezikshëm në trafik

    Gjilan, 11 maj 2026

    Me datë 03.05.2025 vozitësi i automjetit Golf me targa vendore, në kundërshtim me ligjin mbi rregullat e trafikut rrugor nr. 08/L-186, ka kryer një tejkalim të parregullt duke rrezikuar sigurinë e pjesëmarrësve të tjerë në trafik.

    Veprimi i kundërligjshëm është dokumentuar edhe përmes pamjeve video të realizuara nga qytetarët, ku shihet momenti i tejkalimit të rrezikshëm në rrugë.

    Pas pranimit të pamjeve Njësiti Rajonal i Komunikacionit Rrugor në Gjilan ka ndërmarrë menjëherë veprimet e nevojshme operative, me ç’rast është arritur identifikimi i vozitësit ndaj të cilit është shqiptuar gjobë konform legjislacionit në fuqi.

  • “Mirë se erdhe Vjosë në shtëpi” – LDK del me mesazh për Osmanin

    “Mirë se erdhe Vjosë në shtëpi” – LDK del me mesazh për Osmanin

    Lidhja Demokratike e Kosovës (LDK) ka publikuar një mesazh politik ku theksohet rëndësia e unitetit dhe rikthimit te vlerat themelore të partisë, pas tubimit të djeshëm të bashkimit me Vjosa Osmanin.

    “Kjo është LDK-ja jonë. Kjo është shtëpia politike që na ka formuar të dyve. Shtëpia që na ka mësuar ta duam Kosovën para vetes. Shtëpia që, edhe në ditët më të vështira, nuk e humbi kurrë besimin tek Republika”, thuhet në njoftim.

    Mesazhi vijon me thirrje për bashkim të brendshëm dhe forcim të partisë.

    “Kjo shtëpi sot na thërret të dyve. Është koha t’i japim të gjitha kësaj shtëpie”, thuhet tutje.

    Duke e cilësuar momentin aktual si të rëndësishëm politik, në deklaratë theksohet edhe ideja e krijimit të një momentum të ri brenda subjektit.

    “Yjet politike na kanë sjellë sërish në një vend. Në të njëjtin vend që ndihemi të dy mirë! Le ta krijojmë këtë momentum në një lidhje që qëndron në kohë. Prandaj sonte, le ta kuptojmë se ky nuk është vetëm bashkim politik. Ky është kthim në shtëpi. Prandaj, mirë se erdhe Vjosë në shtëpi!”, thuhet në njoftim.

  • Protesta e dhunshme e PD më 17 prill, Apeli liron 5 protestuesit që hodhën molotov

    Protesta e dhunshme e PD më 17 prill, Apeli liron 5 protestuesit që hodhën molotov

    Gjykata e Apelit ka vendosur këtë të hënë, 11 maj, lirimin nga qelia të pesë mbështetësve të Sali Berishës, të arrestuar pas protestës së 17 prillit.

    Për ta është caktuar masa e sigurisë “detyrim paraqitje”, ndërsa vendimi është dhënë nga gjyqtari Dritan Hasani.

    Kjo ishte hera e parë që Gjykata e Tiranës vendosi masën e burgimit për protestues të Partisë Demokratike, të cilët qëndruan 21 ditë në qeli për shkak të akteve të dhunës gjatë protestës së opozitës.

    Ata akuzohen për veprat penale “Kundërshtim i punonjësit të rendit publik”, “Prishja e rendit dhe qetësisë publike” dhe “Mbajtje pa leje të armëve shpërthyese dhe municionit”.

    Sipas policisë, në prokurori janë dorëzuar prova filmike që tregojnë protestuesit e maskuar gjatë marshimit pas Sali Berishës, të cilët kanë sulmuar me molotovë dhe mjete piroteknike drejt godinës së Kryeministrisë dhe forcave të policisë.

  • Arrestohen influencuesit e TikTok-ut, shitnin mallra të falsifikuara me vlerë mbi 1.1 mln euro

    Arrestohen influencuesit e TikTok-ut, shitnin mallra të falsifikuara me vlerë mbi 1.1 mln euro

    Një grup krijuesish përmbajtjesh në TikTok u arrestuan për shitjen e mijërave rroba të falsifikuara.

    Më shumë se 1.2 milion euro veshje, përfshirë atlete dhe çorape që besohet se janë vjedhur, u gjetën në një magazinë në Rotherham, South Yorkshire.

    Oficerët gjithashtu ndërprenë një burrë që po bënte një transmetim të drejtpërdrejtë në TikTok për të promovuar mallrat e falsifikuara. Një total prej 26,489 artikujsh u sekuestruan në ambientet e tyre, duke mbushur katër kamionë 18 tonësh.

    Një hetim zbuloi se influencuesit po pretendonin në mënyrë të rreme se shisnin produkte origjinale në përgjigje të komenteve nga shikuesit e TikTok.

    Hetimi zbuloi gjithashtu “fletë mashtrimin për komisionet” të cilat u ofronin krijuesve të përmbajtjes paga më të larta për çdo artikull të falsifikuar që mund të shisnin.

    Një video në TikTok tregoi një nga influencuesit duke qëndruar pranë kutive me ato që ai pretendon se janë atlete Nike, duke shtuar se ai ka qenë në platformë për një periudhë nëntë mujore.

    Një klip tjetër tregon të njëjtin influencues duke promovuar “çorape të bardha Nike”.

    “Çdo gjë që shesim është autentike djem. Nuk do të ishim në gjendje të shisnim këtu nëse nuk do të ishte kështu”, përpiqet t’i sigurojë shikuesit një tjetër influencues.

    Blerësit janë paralajmëruar se rrobat e falsifikuara nuk ka gjasa të jenë të cilësisë së mirë dhe prodhohen nga punëtorë në kushte të këqija, shkruan Metro.

    Gjashtë persona u arrestuan me dyshimin për shpërndarje mallrash me markë tregtare të rreme, sipas Aktit të Markave Tregtare të vitit 1994, transmeton Klankosova.tv.

    Të gjithë janë liruar me kusht ndërsa hetimi vazhdon.

    Shërbimi i Policisë së Qytetit të Londrës, Jamie Kirk, tha: “Ky hetim tregon se si ka evoluar shitja e mallrave të falsifikuara, duke kaluar nga tezgat tradicionale të tregut në aplikacionet moderne dhe tregjet online. Në këtë rast, ndikuesit u përdorën për të promovuar dhe shitur produkte të falsifikuara për audienca të mëdha. Ky rast duhet t’i dërgojë një mesazh të qartë kujtdo që shet mallra të falsifikuara në internet: është e paligjshme dhe ne do të ndërmarrim veprime”.

  • Nis seanca ndaj Thaçit dhe të tjerëve kundër administrimit të drejtësisë

    Nis seanca ndaj Thaçit dhe të tjerëve kundër administrimit të drejtësisë

    Ka nisur seanca në çështjen Thaçi dhe të tjerët në Dhomat e Specializuara të Kosovës në Hagë.

    Rasti i gjykimit lidhet me akuzat për vepra kundër administrimit të drejtësisë.

    Në këtë rast, nën akuzë janë Hashim Thaçi, Bashkim Smakaj, Fadil Fazliu, Isni Klaj dhe Hajredin Kuçi.

    Në seancën fillestare më 27 shkurt 2026, të akuzuarit u deklaruan të pafajshëm për veprat penale që iu ngarkohen.

    Në seancë u bë e ditur se ish-presidenti Hashim Thaçi dhe të tjerët po i përcjellin përmes videolidhjes.

  • Konjufca: Kërkojmë trajtim të barabartë e të drejtë nga BE-ja, të nisin negociatat për anëtarësim

    Konjufca: Kërkojmë trajtim të barabartë e të drejtë nga BE-ja, të nisin negociatat për anëtarësim

    Ministri i Jashtëm, Glauk Konjufca, ka deklaruar se Kosova kërkon trajtim të barabartë dhe të drejtë nga Bashkimi Evropian, duke theksuar se vendi është i gatshëm të ecë përpara brenda një procesi meritokratik.

    Sipas tij, ky proces nënkupton që Kosova të marrë statusin e vendit kandidat dhe të nisë negociatat për anëtarësim në BE.

    “Gjithashtu, ne duam të kemi një trajtim të barabartë dhe të drejtë nga BE-ja, ne si Kosovë jemi gati të lëvizim dhe të avancojmë brenda këtij kuadri të procesit bazuar në merita. Në të njëjtën kohë, ajo që mendojmë është se çfarë do të thotë në të vërtetë ky proces bazuar në merita është që Kosova të ketë statusin e vendit kandidat dhe të nisë negociatat për anëtarësim në BE”, ka thënë Konjufca para fillimit të takimit të ministrave të jashtëm të vendeve anëtare të BE-së me homologët e tyre nga Ballkani Perëndimor të hënën në Bruksel.

    Konjufca ka thënë se hapi i parë drejt këtij qëllimi është pyetësori i BE-së.

    Ai gjithashtu ritheksoi ndikimin e Rusisë në minimin e sigurisë jo vetëm të Ballkanit, por edhe të Evropës.

    “Ajo që në të vërtetë po minon arkitekturën e sigurisë së Ballkanit Perëndimor, por edhe të gjithë Evropës, është ndikimi i keq i Rusisë në rajonin tonë, dhe prandaj mendoj se një Bashkim Evropian i bashkuar dhe i zgjeruar duhet të shihet gjithmonë nga perspektiva e nevojës strategjike”, ka thënë ai.

    Për dialogun me Serbinë, Konjufca theksoi se duhet të përfundojë me njohje të ndërsjellë.

    “Sa i përket dialogut me Serbinë, Kosova gjithmonë ka qenë dhe do të jetë gjithmonë konstruktive në dialog, por dialogu duhet të përfundojë me njohje të ndërsjellë. Le të fillojmë duke pasur pyetësorin, ky është hapi i parë. Pres me shumë optimizëm rezultate konkrete”, është shprehur ai.

  • Hajnat e dukatit bëjnë kërdi nëpër shtëpi, tri familje kosovare kërkojnë ndihmën e Policisë

    Hajnat e dukatit bëjnë kërdi nëpër shtëpi, tri familje kosovare kërkojnë ndihmën e Policisë

    Tri raste të vjedhjeve të rënda janë raportuar gjatë ditës së diel në Kosovë.

    Sipas raportit të policisë, rastet janë shënuar në Ferizaj e Klinë, ndërsa cak i hajnave ishin stolitë e arit e paratë e gatshme.

    Lidhur me rastet, deri më tani asnjë person nuk është arrestuar.

    Më poshtë gjeni rastet e vjedhjeve:

    “Ferizaj 10.05.2026-10:00. Ankuesi mashkull kosovar ka raportuar se persona të panjohur me forcë kanë depërtuar në banesën e tij me ç’rast kanë vjedhur stoli ari dhe para të gatshme. Rasti nën hetime”.

    “Ferizaj 10.05.2026-10:00. Ankuesi mashkull kosovar ka raportuar se persona të panjohur me forcë kanë depërtuar në banesën e tij me ç’rast kanë vjedhur stoli ari. Rasti nën hetime nga njësitë relevante”.

    “Klinë 10.05.2026-21:38. Ankuesi mashkull kosovar ka raportuar se persona të dyshuar të panjohur, kanë depërtuar në shtëpinë e tij me forcë dhe nga aty kanë vjedhur para te gatshme, stoli ari si dhe një armë me leje. Lidhur me rastin është njoftuar prokurori. Rasti nen hetime”.

  • Pëllumbat po ju bëjnë rrëmujë në tarracë? Këto truke i largojnë përgjithmonë

    Pëllumbat po ju bëjnë rrëmujë në tarracë? Këto truke i largojnë përgjithmonë

    Kur pëllumbat e zgjedhin tarracën tuaj si vend të sigurt, pastrimi i zakonshëm nuk mjafton. Duhet t’u krijoni kushte që ta kuptojnë se aty nuk mund të qëndrojnë më

    Nëse tarraca juaj gjithnjë e më shpesh duket sikur është bërë strehë për pëllumbat, nuk jeni të vetmit. Problemi është se ata nuk vijnë rastësisht. Kur një herë e vlerësojnë hapësirën si të sigurt, kthehen vazhdimisht dhe lënë gjurmë që tërheqin edhe tufa të tjera.

    Prandaj, pastrimi i zakonshëm nuk mjafton. Duhet t’u dërgoni një sinjal të qartë se ky nuk është më vend ku mund të ulen lirshëm.

    Truket që ua ndryshojnë menjëherë drejtimin

    Një nga mënyrat më të thjeshta dhe më efektive është folia e aluminit. Priteni në shirita më të gjatë dhe vareni në rrethojë, pranë dritares ose rreth kondicionerit. Në diell shkëlqen, në erë lëshon zhurmë të lehtë dhe krijon një efekt që pëllumbat e përjetojnë si rrezik.

    Efekt të ngjashëm japin edhe sendet që lëvizin. CD-të e vjetra, shiritat plastikë ose rrotullueset që dridhen nga era krijojnë kombinim të lëvizjes dhe dritës, duke i shtyrë pëllumbat të kërkojnë një vend tjetër.

    Disa përdorin edhe balona me sy të vizatuar, sepse zogjtë shpesh i perceptojnë këto forma si praninë e grabitqarëve.

    Aromat që nuk u pëlqejnë

    Edhe pse shpesh mendohet se aromat nuk ndikojnë shumë te pëllumbat, disa përzierje mund t’i pengojnë. Speci djegës, piperi dhe kanella mund të hidhen në vendet ku ata zakonisht ulen, duke ua bërë hapësirën të pakëndshme.

    Një zgjidhje tjetër e thjeshtë është një spërkatës i përgatitur në shtëpi. Përzieni ujë dhe uthull, shtoni pak spec djegës dhe spërkatni rrethojën, pllakat ose zonën pranë kondicionerit. Nëse e përsëritni një herë në javë, pëllumbat gradualisht e ndryshojnë zakonin dhe largohen.

    Kur asgjë tjetër nuk ndihmon

    Në rastet më të vështira, duhen barriera fizike. Gjembat plastikë, të vendosur në vendet ku pëllumbat ulen më shpesh, nuk i dëmtojnë zogjtë, por ua pamundësojnë qëndrimin.

    Edhe rrjeta e vendosur nën strehë, rreth kondicionerit ose në pjesët ku ata hyjnë më shpesh mund ta mbyllë plotësisht qasjen. Nuk është gjithmonë zgjidhja më estetike, por është shumë efektive kur metodat e tjera nuk japin rezultat.

    Gabimet që i kthejnë përsëri

    Gabimi më i madh është ushqimi i pavetëdijshëm. Thërrimet që lihen për zogj të tjerë shpesh përfundojnë te pëllumbat, duke i bërë të kthehen çdo ditë.

    Një gabim tjetër është shtyrja e pastrimit. Era e jashtëqitjes mbetet dhe për ta është sinjal se vendi është i sigurt. Nëse nuk pastrohet menjëherë, problemi vetëm sa zgjerohet.

    Po ashtu, përdorimi i vetëm një metode rrallë jep rezultat afatgjatë. Pëllumbat janë të qëndrueshëm dhe mësohen shpejt. Efekti më i mirë arrihet kur kombinohen dy ose tri metoda njëkohësisht.

    Thelbi është i thjeshtë: nuk mjafton vetëm t’i largoni, duhet t’i bindni se në tarracën tuaj nuk kanë më arsye të kthehen.

  • Këto ushqime nuk duhet t’i hani kurrë me stomak bosh

    Këto ushqime nuk duhet t’i hani kurrë me stomak bosh

    Të gjithëve na ka ndodhur të gjejmë një situatë ku jemi zgjuar ose kemi ndier shumë uri dhe kemi ngrënë gjënë e parë që na ka rënë në dorë. Megjithatë, ekspertët e të ushqyerit theksojnë se kjo nuk është gjithmonë një ide e mirë, veçanërisht kur stomaku ynë është bosh.

    Mënyra se si e fillojmë ditën mund të ketë një ndikim të madh në tretje, nivele energjie dhe shëndet të përgjithshëm. Edhe pse shumë njerëz konsumojnë kafe, ëmbëlsira ose fruta menjëherë pasi zgjohen, disa ushqime mund të shkaktojnë shqetësime kur konsumohen me stomak bosh.

    Ekspertët paralajmërojnë se disa prej tyre rrisin aciditetin e stomakut, shkaktojnë ndryshime të menjëhershme të sheqerit në gjak ose e ngarkojnë sistemin tretës.

    Fruta agrume

    Portokallet, limonët, grejpfruti dhe frutat e tjera agrume janë të pasura me vitaminë C, por për shkak të aciditetit të tyre të lartë, ato mund të shkaktojnë urth dhe acarim të stomakut, veçanërisht tek njerëzit me sistem tretës të ndjeshëm. Konsumimi i frutave agrume me stomak bosh mund të çojë gjithashtu në një ndjesi djegieje ose të përziera tek disa njerëz.

    Ëmbëlsira

    Kur në mëngjes me stomak bosh konsumojmë ushqime të ëmbla si petulla, pasta ose çokollatë, kjo e ngarkon shumë pankreasin tonë. Ekspertët thonë se marrja e shpejtë e sheqerit me stomak bosh shkakton një rritje të menjëhershme të insulinës, e ndjekur nga një rënie po aq e shpejtë, duke shkaktuar lodhje dhe mungesë energjie.

    Ushqim pikant

    Ushqimet pikante dhe pikante mund të irritojnë mukozën e stomakut dhe të shkaktojnë dhimbje barku, urth ose ndjesi djegieje. Prandaj, ato nuk rekomandohen si vakti i parë i ditës.

    Perime të papërpunuara

    Edhe pse kastravecat, specat ose sallata jeshile të freskëta mund të duken si një mëngjes ideal për dietë, ato nuk janë të përshtatshme për një stomak bosh. Perimet e gjalla përmbajnë shumë aminoacide dhe fibra, të cilat janë të vështira për t’u tretur nëse nuk ka ushqim tjetër në stomak.

    Banane

    Bananet janë një ushqim i shpejtë dhe i ngopshëm që shumë njerëz zgjedhin kur janë me nxitim. Megjithatë, ekspertët paralajmërojnë se nëse i hani me stomak bosh, rrezikoni një rritje të papritur të niveleve të magnezit në gjak. Një çekuilibër i tillë i papritur mund të ushtrojë një barrë në sistemin tuaj kardiovaskular në planin afatgjatë. Zemra ka nevojë për një mjedis të qëndrueshëm për të funksionuar në mënyrë optimale, kështu që rritjet e papritura të mineralit nuk rekomandohen.

  • Plagoset një person në Kamenicë, dy të dyshuar në pranga

    Plagoset një person në Kamenicë, dy të dyshuar në pranga

    Një person është plagosur në Kamenicë, ndërsa dy të dyshuar janë arrestuar.

    Sipas njoftimit zyrtar të policisë, një i dyshuar i tretë është liruar në procedurë të rregullt.

    “Raportohet se viktima mashkull kosovar është lënduar nga arma e zjarrit, të njëjtit i është ofruar ndihma mjekësore. Në lidhje me rastin janë arrestuar tre të dyshuar meshkuj kosovarë. Pas intervistimit me vendim të prokurorit dy të dyshuar dërgohen në mbajtje për 48 orë, ndërsa i dyshuari i tretë i cili dyshohet se ka kryer vepër penale moslajmërim te veprës penale lirohet në procedurë të rregullt. Arma e zjarrit është konfiskuar. Rasti nën hetime”, thuhet në raportin e policisë.