ATV

Blog

  • Aksident trafiku në Gjakovë: Vetura godet traktorin, shoferi dërgohet në gjendje të rëndë në QKUK

    Aksident trafiku në Gjakovë: Vetura godet traktorin, shoferi dërgohet në gjendje të rëndë në QKUK

    Numri i madh i aksidenteve në trafik po vazhdon të jetë shqetësues. Çdo ditë raportohet për aksidente të shumta në komunikacion dhe në të shumtën e rasteve shkaktohen si pasojë e pakujdesisë së shoferëve gjatë vozitjes, duke rrezikuar kështu jetën e tyre dhe të pjesëmarrësve tjerë në trafik, raporton Gazeta Sinjali.

    Një aksident trafiku ka ndodhur edhe dje në fshatin Babaj i Bokës në Gjakovë, ku janë përfshirë dy automjete, një veturë dhe një traktor.

    Si pasojë e ndeshjes, shoferi i traktorit ka pësuar lëndime të rënda trupore, ku fillimisht është trajtuar në Gjakovë e më pas është transferuar në Qendrën Klinike Universitare të Kosovë.

  • Jetesa nën oxhaqet e qymyrit të djegur, çfarë thonë qytetarët e Obiliqit për ajrin e ndotur

    Jetesa nën oxhaqet e qymyrit të djegur, çfarë thonë qytetarët e Obiliqit për ajrin e ndotur

    Obiliqi, një qytezë industriale në pjesën qendrore të Kosovës afër Prishtinës.

    Qytetarët e Obiliqit, prej vitit 1962 bashkëjetojnë me tymin e oxhaqeve të Korporatës Energjetike të Kosovës, i cili sipas tyre, nga viti në vit po ua rëndon gjendjen mjedisore.

    Ata i thanë ATV-së, se ajri i ndotur nga përzierja e tymit, pluhurit dhe hirit ka janë erë të rëndë që e ngacmon frymëmarrjen, por ata pranojnë se viteve të fundit, situata është përmirësuar dukshëm sa i përket ndotjes.

    “Tash është më mirë se përpara. Ka filtera, i kanë ngjit. A-ja është pak ma e ndotur, B-ja jo”, thotë një qytetar.

    “Unë jetoj në Mazgit, nuk na bëjnë dëm shumë. Që me ba dëm, bëjnë në Milloshevë, Plemetin, Fushë Kosovës, po çka me ba tash”, thotë një tjetër qytetar.

    Deklaratat e plota të qytetarëve të Obiliqit i gjeni në videon më poshtë:

  • Parashikimi i motit me Erza Hotin

    Parashikimi i motit me Erza Hotin

    Dita e sotme në Kosovë pritet të ketë kryesisht reshje të shiut.

    Temperatura minimale do të jetë në Gjakovë me 11 gradë Celsius, ndërsa maksimalja pritet që të jetë në Prizren me 22 gradë Celsius.

    Edhe dita e nesërme në Kosovë pritet të ketë kryesisht reshje të shiut.

    Temperatura minimale do të jetë në Gjakovë me 11 gradë Celsius, ndërsa maksimalja në Pejë me 23 gradë Celsius.

    Parashikimin e plotë të motit, për rajon dhe Evropë, mund ta gjeni në videon e mëposhtme:

  • Situatë e qetë në komunat në veri të Kosovës

    Situatë e qetë në komunat në veri të Kosovës

    Policia e Kosovës tha se në komunat në veri të Kosovës, të banuara me shumicë serbe, situata është e qetë.

    Veton Elshani nga Policia e Kosovës i tha Radios Evropa e Lirë se situata në veri është stabile dhe se zyrtarët policorë po vazhdojnë të qëndrojnë afër ndërtesës së Komunës së Zveçanit, Leposaviqit dhe Zubin Potokut. Ai që shtoi se nuk ka pasur asnjë incident gjatë natës.

    Më 26 maj, në këto tri komuna grupe të serbëve lokalë u përleshën me Policinë e Kosovës, e cila asistoi kryetarët e rinj shqiptarë që të hynin në zyrat e tyre. Ndërtesat e këtyre komunave paraprakisht janë përdorur nga strukturat paralele serbe.

    Policia përdori shok-bomba dhe gaz lotsjellës për të shpërndarë protestuesit, ndërkaq serbët lokalë hodhën gurë në drejtim të policëve.

    Në Zveçan pati edhe të shtëna me armë zjarri.

    Disa vetura policore u dogjën, ndërkaq pesë policë u lënduan gjatë përleshjeve.

    Autoritetet në Kosovë kanë mbrojtur vendimin e tyre që kryetarët e rinj të veriut të hynin në zyrat e tyre.

    Por, faktori ndërkombëtar e cilësoi shkuarjen në komunat në veri të kryetarëve të rinj si “hyrje me forcë”, duke dënuar veprimet e Prishtinës.

    Shtetet e Bashkuara i kanë kërkuar Qeverisë së Kosovës që të përmbahet nga “veprimet tjera që mund të rrisin tensionet dhe të promovojnë dhunë”.

    Sekretari amerikan i Shtetit, Antony Blinken, paralajmëroi se këto veprime do të rezultojnë me pasoja në raportet dypalëshe SHBA-Kosovë.

    Veprimet e Kosovës janë dënuar edhe nga Bashkimi Evropian, shtetet e QUINT-it (SHBA-ja, Mbretëria e Bashkuar, Italia dhe Franca), ndërkaq NATO ka kërkuar nga të dyja palët që të zgjidhin mosmarrëveshjet përmes dialogut.

    Serbia ka ngritur në nivelin më të lartë gatishmërinë luftarake të forcave të saj, pas trazirave në veri. Ndërkaq, Lista Serbe, partia kryesore e serbëve në Kosovë, ka kërkuar nga Beogradi që të ndërpresë dialogun me Prishtinën, që ndërmjetësohet nga Brukseli.

    Në katër komunat në veri të Kosovës, në zgjedhjet lokale të 23 prillit u zgjodhën katër kryetarë të rinj shqiptarë, pasi në këto zgjedhje të jashtëzakonshme nuk morën pjesë partitë serbe.

    Zgjedhjet u mbajtën pas dorëheqjes së kryetarëve nga radhët e Listës Serbe – partisë më të madhe të serbëve të Kosovës – në nëntor të vitit të kaluar.

    Kjo parti i braktisi të gjitha institucionet e Kosovës, për shkak të vendimit të Qeverisë në Prishtinë për të kryer procesin e riregjistrimit të makinave me targa ilegale serbe.

    Zgjedhjet u bojkotuan nga popullata shumicë serbe në atë zonë, e cila tani nuk i pranon rezultatet, përkatësisht kryetarët e rinj.

    Pjesëmarrja në zgjedhjet e prillit ishte 3.47 për qind e numrit të përgjithshëm të votuesve të regjistruar. /REL

  • Gjykimi për krime lufte, “Kosova të mësojë nga gabimet e Bosnjes”

    Gjykimi për krime lufte, “Kosova të mësojë nga gabimet e Bosnjes”

    Drejtoresha e organizatës “Medica Zenica”, që vepron në Bosnje dhe Hercegovinë, Sabiha Husiq deklaron se nuk mjaftojnë katër prokurorë në ndëshkimin e krimeve të luftës, aq sa aktualisht numëron Kosova. Ajo thotë se shteti duhet të krijojë mjedis të sigurt për të mbijetuarat që dëshmojnë për atë çfarë kanë përjetuar dhe që autorët e këtij krimi të ndiqen penalisht. Në intervistën për KosovaPress, ajo flet edhe për padinë për gjenocid ndaj Serbisë, për çka vlerëson se Kosova duhet të mësojë nga gabimet e Bosnje-Hercegovinës. Po ashtu, tregon për përvojat e këtij vendi në trajtimin e viktimave të dhunës seksuale nga kriminelët serbë.

    Sabiha Husiq, e cila udhëheq organizatën më të vjetër të grave në Bosnje, konsideron se është e rëndësishme që gratë dhe burrat të flasin për torturat që kanë përjetuar nga kriminelët serbë.

    Për ndëshkimin e krimeve të luftës, Husiq shton se nuk janë të mjaftueshëm katër prokurorë, sa aktualisht numëron Kosova.

    Drejtoresha e organizatës “Medica Zenica” vlerëson se Kosova duhet të mësojë nga gabimet që ka bërë Bosnje-Hercegovina në përgatitjen e padisë për gjenocid kundër Serbisë.

    Në intervistën për KosovaPress, ajo tregon se tash e tri dekada kanë ofruar qindra shërbime për të mbijetuarat e dhunimeve seksuale, atyre të dhunës në familje dhe në komunitet. Ajo shton se kanë ofruar këshillim psikologjik, ligjor, fuqizim ekonomik dhe puna në zonat rurale.

    Lajmi i plotë është në sistemin me parapagim.

    Rreth 20 mijë gra e burra janë dhunuar seksualisht gjatë luftës së fundit në Kosovë nga kriminelët serbë. Deri më tani nga gjykatat vendore është shqiptuar vetëm një dënim prej dhjetë vitesh për dhunim seksual për kriminelin Zoran Vukotiq. Ndërkaq, së fundmi janë ngritur dy aktakuza në mungesë nga Prokuroria Speciale./

  • Sot mbahet gara ndërkombëtare “Tiranathlon”

    Sot mbahet gara ndërkombëtare “Tiranathlon”

    Gara ndërkombëtare “Tiranatlon” do të zhvillohet sot (28 maj) në Tiranë. Ky është eventi i treti i këtij lloji që do të zhvillohet në Tiranë si pjesë e Tirana Qyteti Europian i Sportit, duke bërë bashkë tri disiplinat në një garë të vetme siç janë noti, çiklizmi dhe vrapi.

    Për mbarëvajtjen e mirë të aktivitetit sportiv “Tiranathlon” në Parkun Helen pranë Liqenit të Farkës, Bashkia e Tiranës, në bashkëpunim dhe me Ambasadën Greke dhe Policinë e Shtetit, ka hartuar një plan masash për organizimin e lëvizjes së automjeteve gjatë zhvillimit të garës, shkruan Rtsh. Bashkia e Tiranës ka informuar qytetarët për kufizimin e qarkullimit të automjeteve nga ora 08:00 deri në orën 12:00, sipas segmenteve rrugore si më poshtë:

    Ndalimin e qarkullimit të automjeteve në kuadër të mbarëvajtjes dhe organizimit të aktivitetit sportiv “Tiranathlon”, në parkun Helen pranë Liqenit të Farkës, ditën e diel, datë 28.05.2023, nga ora 08:00 deri në orën 12:00, sipas segmenteve rrugore si më poshtë:

    – Rruga e “Tuneleve”, (duke filluar nga kryqëzimi rruga “Tuneleve” me rrugën “Daxhit” deri te kryqëzimi rruga “Tuneleve” me rrugën “Panorama e Liqenit).

    – Rruga “Daxhit”, (duke filluar nga kryqëzimi rruga “Daxhit” me rrugën “Shaqir Palushi”, deri tek kryqëzimi rruga “Daxhit” me rrugën e “Vrapëve”).

    – Rruga “Diga e Liqenit”, (duke filluar nga kryqëzimi rruga “Panorama e Liqenit” me rrugën “Diga e Liqenit”, deri tek kryqëzimi rruga “Daxhit” me rrugën “Diga e Liqenit”).

    – Rruga “Panorama e Liqenit”, (duke filluar nga kryqëzimi rruga “Tuneleve” me rrugën “Panorama e Liqenit”, deri tek kryqëzimi rruga “Panorama e Liqenit” me rrugën “Diga e Liqenit”).

    – Rruga interurbane kryesore (TEG – Ura Shkozë).

    – Blv Zhan D’Ark, Blv Gjergj Fishta, Blv Bajram Curri (segmenti nga ura Shkozë – pallati me shigjeta).

    Itinerari i lëvizjes së mjeteve të linjave urbane do të devijohet si më poshtë:

    Linja Nr. 1/A “Selitë – Kristal – Qendër – Stacioni i Trenit – Allias” dhe 1/B “Kodra e Diellit 2 – Kristal – Qendër – Stacioni i Trenit – Allias” devijon në njërin drejtim në “sheshin WiIIson” tjetri në qendër.

    Linja Nr. 2 “TEG – Sauk i Vjetër – Kopshti Zoologjik – Ish Stacioni i Trenit” devijon te sheshi “Willson”.

    Nr. 5 /A “Ish Kombinati i Autotraktorëve – Qendër’ pezullohet përkohësisht.

    Nr. 8 “Ish Stacioni i Trenit – Qendër – Sauk i Ri/ Sauk i Vjetër/ Sanatorium – TEG devijon te rrethrotullimi “Ekonomikut”.

    Linja Nr. 9 “Qyteti Studenti – Jordan Misja” devijon në qendër.

    Linja Nr. 10/A “Materniteti i Ri – Qendër – Ish Fusha e Aviacionit” pezullohet përkohësisht.

    Linja Nr. 13 “Tirana e Re” devijon te rrethrrotullimi i “Fabrikës së bukës” dhe ne qendër.

    Linja Nr. 14 “Unaza” pezullohet përkohësisht.

    Qarkullimi i mjeteve të emergjencës dhe Policisë së Shtetit do të vazhdojë normalisht në të gjithë itineraret e mësipërm.

  • Muzeu “Gjergj Kastriot Skënderbeu”, rreth 25 mijë vizitorë në periudhën janar-maj

    Muzeu “Gjergj Kastriot Skënderbeu”, rreth 25 mijë vizitorë në periudhën janar-maj

    Muzeu “Gjergj Kastrioti Skënderbeu” në Krujë gjatë periudhës janar-maj, ka shënuar një fluks të lartë vizitorësh vendas e të huaj.

    Drejtori i Muzeut Historik dhe Etnografik Krujë, Mehdi Hafizi tha sot se rreth 25 mijë vizitorë kanë vizituar nga fillimi i këtij viti muzeun, me një rritje prej 50% krahasuar me të njëjtën periudhë të vitit të kaluar.

    “Edhe këtë vit numrin më të lartë të turistëve të huaj, pritet ta kenë polakët pasuar nga italianët, spanjollët, gjermanë dhe amerikanët”, tha Hafizi për ATSH-në.

    Sipas tij, gjatë majit muzeu ka tërhequr vëmendjen edhe të vizitorëve arbëreshë nga Civita (Kalabri), si dhe nxënës nga të gjitha trevat shqiptare.

    Muzeu Kombëtar “Gjergj Kastrioti Skënderbeu” është përuruar më 1 nëntor të vitit 1982 në kështjellën e Krujës. Ky muze ka edhe karakterin e një memoriali që trajtohet si kullë shqiptare e Veriut. Kompleksi i muzeut është shpërndarë në disa hapësira, të cilat vizitohen kronologjikisht sipas ngjarjeve.

    Në këtë muze ndodhen objekte që i përkasin periudhave të ndryshme historike, por në disa pavijone trajtohet historia e Mesjetës së Hershme, Principatat Shqiptare, pushtimi osman dhe betejat e shqiptarëve për të përballuar këtë pushtim.

  • Burri nga Kosova e vret gruan në Zvicër

    Burri nga Kosova e vret gruan në Zvicër

    Të premten një grua, 37-vjeçare nga Kosova është gjetur e vdekur në banesën e saj në Vevey, Vaud. Ajo dyshohet të jetë vrarë nga bashkëshorti i saj, po ashtu kosovar.

    I dyshuari 42 vjeç është paraqitur në stacionin policor në kantonin e Bernës, shkruan Blick. Aty ka njoftuar se i njëjti ka deklaruar që e kishte plagosur bashkëshorten në banesën ku ajo jetonte.

    Prokurorët kanë hapur hetimet për zbardhjen e rrethanave të kësaj vdekjeje, e cila mund të ketë ardhur si pasojë e dhunës në familje. Autori i dyshuar, partneri i saj është arrestuar.

    Pasi efektivët e policisë kanë shkuar në banesën e viktimës kanë parë që ajo ishte e goditur disa herë me thikë. Autori i dyshuar u arrestua menjëherë nga policia e Bernës dhe iu dorëzua autoriteteve të Vaud për procedime të mëtejshme. Katër fëmijët e viktimës po kujdeseshin nga familja.

    Hetimet synojnë të zbardhin rrjedhën e ngjarjeve dhe motivet e mundshme të krimit në mënyrë që autoritetet të klasifikojnë saktë krimin.

  • Turqia sot voton në raundin e dytë të zgjedhjeve presidenciale

    Turqia sot voton në raundin e dytë të zgjedhjeve presidenciale

    Sot, në Turqi do të mbahet raundi i dytë i zgjedhjeve presidenciale. Votuesit do të zgjedhin midis presidentit Recep Tayyip Erdoğan dhe kandidatit të opozitës Kemal Kılıçdaroğlu për një mandat pesëvjeçar.

    Votimi filloi në orën 8:00 të mëngjesit me kohën lokale dhe do të përfundojë në orën 17:00.

    Më shumë se 64,1 milionë njerëz janë të regjistruar për të votuar, duke përfshirë edhe ata jashtë vendit. Rreth 1,92 milion shtetas turq kanë votuar tashmë në qendrat e votimit jashtë shtetit, shkruan AA.

    Gjithsej 191.885 kuti votimi janë vendosur për votuesit në mbarë vendin.

    Balotazhi u caktua pasi asnjëri nga kandidatët, në raundin e parë të mbajtur më 14 maj së bashku me zgjedhjet parlamentare, nuk arriti të fitojë shumicën ose më shumë se 50 për qind të votave. Megjithatë, Erdoğan kryesoi në raundin e parë me 49,52 për qind.

    Aleanca Popullore e Erdoğanit fitoi shumicën në parlamentin prej 600 anëtarësh përballë Aleancës Kombëtare, e cila përbëhet prej gjashtë partish opozitare.

  • ​Ambasadori turk: Dialogu, e vetmja rrugë për stabilitet të qëndrueshëm në Kosovë

    ​Ambasadori turk: Dialogu, e vetmja rrugë për stabilitet të qëndrueshëm në Kosovë

    Ambasadori i Turqisë në Kosovë, Sabri Tunç Angili deklaroi të shtunën se dialogu është e vetmja rrugë për të pasur stabilitet të qëndrueshëm në Kosovë.

    Ai tha se e mbështesin procesin e dialogut ndërmjet Kosovës dhe Serbisë.

    “Ne besojmë se stabiliteti është shumë shumë i rëndësishëm jo vetëm në Kosovë, por në të gjithë Ballkanin, dhe për të arritur një stabilitet të qëndrueshëm, ne besojmë se e vetmja rrugë është dialogu, kështu që ne mbështesim procesin e dialogut të lehtësuar nga Bashkimi Evropian, ndërmjet Kosovës dhe Serbisë, dhe ne gjithashtu mbështesim të gjitha çështjet dhe problemet që duhet të zgjidhen me mjete paqësore”, tha ai.

    Ndryshe, pesë policë janë lënduar dhe katër automjete janë dëmtuar të premten (26 maj) nga incidentet në veri të Kosovës. Kështu ka bërë të ditur Policia e Kosovës, duke theksuar se një prej veturave është djegur.

    Me qëllim të pengimit të hyrjes së kryetarëve në objektet komunale, disa qytetarë janë mbledhur para ndërtesave komunale në veri të vendit. Përveç personave të angazhuar dhe automjeteve të tyre të vendosura në afërsi dhe pranë objekteve komunale, në komunat veriore janë lëshuar edhe alarmet, të cilat përdoren nga strukturat kriminale për mobilizim dhe tubime.

    Ndërkohë, ndërkombëtarët kanë dënuar veprimet e Qeverisë Kosovës, duke kërkuar që të ulen tensionet.

    Kryetari i Zveçanit, ai i Leposaviqit dhe kryetari i Zubin Potokut, të dalë nga zgjedhjet e 23 prillit, kanë kryer betimin të enjten (25 maj). Asnjëri prej tyre nuk është betuar në objektin e komunës përkatëse, përveç kryetarit të veriut të Mitrovicës.

    Zgjedhjet në veri janë bojkotuar nga partia më e madhe e serbëve në Kosovë, Lista Serbe, me mbështetjen e Beogradit zyrtar.

    Kryetarët paraprakë nga kjo parti, kanë dhënë dorëheqje nëntorin e vitit të kaluar. Ata janë larguar nga institucionet në shenjë pakënaqësie me vendimin e Qeverisë së Kosovës që ka obliguar qytetarët t’i kthejnë targat e veturave nga ilegale në ato të Republikës së Kosovës.