ATV

Blog

  • Për 14 vjet, rreth 135 mijë nxënës më pak në Kosovë

    Për 14 vjet, rreth 135 mijë nxënës më pak në Kosovë

    Nga viti shkollor 2008/09 deri në vitin e kaluar 2021/22, Kosova ka rreth 130 mijë nxënës më pak, që paraqet rënie prej mbi 30%.

    Në hulumtimin e Institutit GAP, që ka përpunuar statistikat e MASHTI-t për komuna, shihet se ka komuna si Kamenica ose Juniku, ku ka për 50% rënie të numrit të nxënësve për 14 vjet.

    Rënia e numrit të nxënësve sidomos nëpër vende rurale sipas njohësve të arsimit rrezikon që shumë shkolla të mbyllen. Në mënyrë që kjo të mos sipas Rinor Qehaja, duhet bërë analiza statistikore për numrin e nxënësve nëpër komuna.

    “Duhet të bëhet një analizë statistikore, se kush është numri i vërtetë i nxënësve në krahasim me numrin e mësimdhënësve, dhe ne bazë të kësaj të zhvillojmë një strategji shtetërorë që prek të gjitha komunat, e që do të nxiste ri -organizim të brendshëm nëpër të gjitha komunat por edhe për instalim të politikave të mirëfillta qoftë në rekrutim e qoftë të investimeve kapitale në infrastrukturë”, tha Rinor Qehaja nga instituti EDD GUARD.

    Edhe pse numri i nxënëse ka rënë dukshëm dhe trendi i rënies po vazhdon, numri i personelit arsimor është pak a shumë i njëjtë. Salie Gajtani, njohëse e arsimit, thotë që duhet kujdes me investime në të ardhmen.

    “Qeveria duhet te kujdeset për hartimin e drejtë të politikave arsimore, në mënyre që të mos vijmë në aso situate që numri i mësimdhënësve të jetë në dis proporcion me numrin e nxënësve. Prandaj nevojitet një bashkëpunim i ngushtë midis MASHT-it dhe DKA-ve, në mënyre që të mos ketë investime të gabuara, në ndertimin e shkolla që prirjet janë për të mbetur të zbrazëta, apo punësimin e mësimdhënësve te rinj ne shkollat ku rënia e numrit te nxënësve është rapid”, tha Gajtani.

    Personeli arsimor i tepërt në disa komuna është problem që haset tash e sa kohë dhe përmendet në raporte dhe pranohet nga MASHTI. Mirëpo, deri më tani nuk ka pasur nisma konkrete ri-trajnimin e tyre, pensionimin e hershëm, apo ndonjë zgjedhje tjetër. /atvlive.tv

    Edicionin Qendror të lajmeve në ATV e gjeni në videon më poshtë:

  • Kosova pa hapësira të mjaftueshme kulturore

    Kosova pa hapësira të mjaftueshme kulturore

    Volodimir Kyrshov, nga Ukraina i cili po qëndron në Prishtinë tash e disa javë, vizitën e tij në Kosovë po e bën në park, pasi sipas tij Kosova është vendi i vetëm që ka vizituar, që ka mungesë të vendeve kulturore.

    “Unë kam ardhur këtu në park pasi që është vendi im i preferuar. Si një gjenerate të vjetër që i takoj unë preferoj që të vizitoj vende kulturore, por unë shpresoj që këtu në Kosovë duhet të ngritet investimi i vendeve kulturore, sepse në Tiranë ka me shumë investime në kulturë, atje kanë 3 teatro dhe realizojnë aktivitete të ndryshme. Këtu është shumë një nivel i ulët i kulturës, kështu që duhet të investoni në hapësira kulturore”, tha Volodimir Kyrshov, turist nga Ukraina.

    Se Kosova ka mungesë të vendeve kulturore, e thotë edhe Iva Meliza nga Finlanda.

    “Unë sapo kam arritur në Kosovë, është dita ime e parë, si fillim shkova në muze dhe definitivisht unë i preferoj muzetë, por pashë që këtu në Kosovë ka numër të ulët të vizitorëve në vendet kulturore”, tha Iva Meliza, turiste nga Finlanda.

    Situata në Prishtinë është e tillë që Teatri Kombëtar aktivitetet i zhvillon në Pallatin e Rinisë, meqë ndërtesa do të duhej të ishte në renovim. Këtë fundjavë nuk kishte shfaqje ne repertor. Teatri Dodona ka kalendar të rregullt të aktiviteteve, kurse ekspozita të hapura ka edhe në Galerinë e Arteve dhe në atë te Qafa.

    “Qendra kulturore duhet të vizitohet sepse na tregon një trashëgimi, një kulturë tonën, ato e kemi për detyrë që kur kemi kohë të lirë t’i vizitojmë. Edhe Qeveria nuk ka bërë asgjë për rregullimin, për investim në qendra kulturore, ku edhe të huajt me pa hartën dhe me i vizituar vendet më të mira”, tha Azem Sekiraqa, qytetar.

    Sivjet është anuluar edhe festivali i muzikës Sunny Hill. Në Prishtinë organizohet një festival i filmit, kurse para pak ditësh ka përfunduar festivali ndërkombëtar i teatrit, që organizohet nga Kolegji AAB, ku morën pjesë trupa teatrore nga Kosova, vendet e rajonit dhe një trupë nga Spanja. /atvlive.tv

    Edicionin Qendror të lajmeve në ATV e gjeni në videon më poshtë:

  • E diel e qetë në Zveçan e Leposaviq

    E diel e qetë në Zveçan e Leposaviq

    As ulëset që i sollën për protestues, sot nuk u mbushen.

    Pak protestues u panë të dielën në Zvecan, në fundjavën e dytë të protestave të vazhdueshme, që kur kryetarët e rinj të komunave tentuan të vendosen në ndërtesat e komunave.

    Gjendje pothuajse e njëjtë ishte edhe në Leposaviq.

    Të ulur nën tenda e në shoqërim te këngëve nacionaliste serbe, qytetarët ndonëse të pakët në numër, po vazhdonin protestën.

    Kjo barrierë që shërben për mos ti lënë veturat të hynë brenda perimetrit ku qëndrojnë protestuesit, sot u largua nga vetë ata, por vetëm që andej të parakalojnë disa dasmor, që erdhën për ta përkrahur protestën.

    Sidoqoftë, sipas gazetarit serb Branislav Krstic, protesta do vazhdojë derisa policia të largohet nga objektet komunale.

    “protestat do të vazhdojnë deri kur pjesëtarët e njësisë speciale dhe policia rregullore e shtetit të Kosovës largohet nga ndërtesat e komunave në veri të vendit. Nuk është vendi që duhet me qëndru policia jonë”, tha Krstic.

    Forcat speciale të Policisë vazhdojnë të qëndrojnë në objektet e Komunave, mirëpo, ndërmjet tyre dhe protestuesve vazhdojnë të qëndrojnë forcat e KFOR-it që përkujdesen për ambient të qetë.

    Nesër në Kosovë do të vijnë përfaqësuesi i State Departmentit Gabriel Escobar dhe ai i BE-ë Miroslav Lajcak, të cilët do të takojnë krerët e shtetit me qëllim të depërshkallëzimit të situatës dhe caktimit të datës së zgjedhjeve të reja në komunat e veriut të Kosovës. /atvlive.tv

    Edicionin Qendror të lajmeve në ATV e gjeni në videon më poshtë:

  • Kurti dhe Escobar me dallime për zhvillimet në veri

    Kurti dhe Escobar me dallime për zhvillimet në veri

    Shtetet e Bashkuara të Amerikës, vazhdojnë të insistojnë se vendosja në objektet komunale e kryetarëve të sapo-zgjedhur në tre komunat veriore, ishte gabim nga ana e Prishtinës zyrtare.

    Në një intervistë për BBC-në, i dërguari i posaçëm u Uashingtonit për Ballkanin Perëndimor, Gabriel Escobar u shpreh se kryetarët e sapo-zgjedhur kanë mundur t’i ushtrojnë detyrat e tyre nga objekte alternative.

    “Ky përshkallëzim ka qenë pjesërisht rezultat i mosgatishmërisë së palës kosovare që ta dëgjojë komunitetin ndërkombëtar. Ajo i ka provokuar tensionet, në mënyrë të panevojshme, duke insistuar në shfrytëzimin e objekteve komunale. Ekzistojnë ndërtesa tjera prej të cilave mund të bëhet puna, dhe nëse asgjë tjetër, pandemia e koronavirusit na ka mësuar që mund të punojmë edhe nga lokacione alternative”, tha Escobar.

    Sipas Escobar, dhunës që e ka karakterizuar veriun e Kosovës së fundmi duhet t’i vij fundit. E Kjo sipas diplomatit amerikan duhet bërë me angazhim në dialog.
    “Shumë pjesëtarë të komunitetit ndërkombëtar janë duke e parë këtë situatë si përbalje në mes të Kosovës dhe Serbisë. Por na duhet ta kujtojmë se këtu ekziston edhe një dështim për arritur pajtim etnik brenda Kosovës. Ne i kemi inkurajuar të dyja palët që të angazhohen në dialog”, tha Escobar.

    Mysafir i BBC-së të dielën ishte edhe kryeministri i Kosovës, Albin Kurti, pasi paraprakisht është deklaruar për CNN, Guardian, Politico dhe media tjera të rëndësishme.

    Kurti theksoi se është dakord me largimin e njësive speciale policore nga objektet komunale. Mirëpo, ai ripërsëriti se nga kush kontrolloheshin këto objekte para mandatit të kryetarëve të ri.

    “Në këto tri komuna, Leposaviq, Zubin Potok dhe Zveçan, i kemi tri ndërtesa, dhe nëse jo kryetarët, atëherë kush duhet të jetë në to? Nëse nuk janë për kryetarët, kujt i shërbejnë ato? Kryetarët janë në zyrat e tyre, dhe kështu duhet të jetë. Ato ndërtesa janë asete të Republikës së Kosovës. Dikur kanë qenë struktura paralele të Serbisë, por ato janë struktura ilegale, të krijuara me fonde të Beogradit zyrtar, i cili dëshiron ta destabilizojë shtetin tonë, me idenë e Beogradit për të krijuar një botë të madhe serbe. Ne e kundërshtojmë diçka të tillë”, tha Kurti.

    Ndërkaq, për herë të parë pas përshkallëzimeve në veri të vendit, më pesë dhe gjashtë qershor Escobar bashk me të emisarin special të Bashkimit Evropian për dialogun Kosovë-Serbi, Miroslav Lajçak do e vizitojnë Kosovën. /atvlive.tv

    Edicionin Qendror të lajmeve në ATV e gjeni në videon më poshtë:

  • Shqipëria vizitohet për herë të parë nga një president i Estonisë

    Shqipëria vizitohet për herë të parë nga një president i Estonisë

    Presidenti i Estonisë, Alar Karis, me ftesë të presidentit Bajram Begaj do ta vizitojë Shqipërinë më 7-9 qershor.

    Kjo është vizita e parë e një presidenti të Estonisë në Shqipëri dhe një ngjarje e shënuar në marrëdhëniet dypalëshe midis dy vendeve.

    Sipas agjendës së vizitës, pas ceremonive të mirëseardhjes, që do të zhvillohen më 7 qershor 2023, ora 15:00, në Institucionin e Presidentit të Republikës, të dy Presidentët do të zhvillojnë një takim kokë më kokë e më pas do të kryesojnë delegacionet zyrtare në një takim të zgjeruar. Në fund të takimeve, të dy presidentët do të kenë dhe një dalje të përbashkët për mediat.

    Në qendër të bisedimeve, siç u bë e ditur, do të jenë nevoja e nxitjes së mëtejshme të marrëdhënieve dypalëshe, veçanërisht në çështjet e bashkëpunimit ekonomik dhe qeverisjes elektronike, por edhe zhvillimet në rajonin e Ballkanit Perëndimor, integrimi evropian i Shqipërisë dhe i vendeve të këtij rajoni, si dhe ndikimi i agresionit ushtarak rus në Ukrainë, për Estoninë dhe rajonin e vendeve Balltike por edhe të Ballkanit Perëndimor.

    Më 9 qershor, të dy presidentët do të ndjekin një stërvitje të përbashkët kibernetike të ekspertëve nga Estonia, Shqipëria, Mali i Zi dhe Maqedonia e Veriut.

    Në kuadër të kësaj vizite, presidenti i Estonisë do të takohet edhe me autoritetet e tjera të larta shqiptare, si dhe do të vizitojë edhe qytetin e Beratit.

  • Kurti e falënderon kryetarin e Leposaviqit për “qëndresën shembullore”

    Kurti e falënderon kryetarin e Leposaviqit për “qëndresën shembullore”

    Kryeministri i Kosovës, Albin Kurti ka shkruar se kryetari i komunës së Leposaviqit, Lulzim Hetemi çdo ditë merr mesatarisht nga dhjetë kërkesa të ndryshme që të dalë prej zyrës së tij.

    Kurti ndërsa tregoi se ai është vëllai i dëshmores së UÇK-së, Fatime Hetemi ka falënderuar Lulëzim Hetemin për qëndresën e tij shembullore për Republikën e Kosovës.

    “Çka s’i thonë: disa e marrin me të mirë, disa jo më të mirë, e disa të dyja këto njërën pas tjetrës. Lulzim Hetemi është vëllau i dëshmores Fatime Hetemi (që ra heroikisht si ushtare e UÇK-së bashkë me Fehmi e Xhevë Lladrovcin më 22 shtator 1998). E falënderoj Kryetarin Lulzim nga zemra për qëndresën e tij shembullore për Republikën e Kosovës dhe rend e ligj”, ka shkruar Kurti.

  • Turqia nis trupat e saj në Kosovë për të përforcuar KFOR-in

    Turqia nis trupat e saj në Kosovë për të përforcuar KFOR-in

    Ministria turke e Mbrojtjes ka bërë të ditur se ka nisur një numër të ushtarëve turq në Kosovë, si përforcim për misionin e NATO-s në Kosovë.

    Autoritetet turke kanë thënë se pas ngjarjeve të fundit në Kosovë, batalioni i Brigadës 65 të Mekanizuar të Këmbësorisë, është nisur drejt Kosovës.

    “Pas ngjarjeve që ndodhën në Kosovë, batalioni komando i Komandës sonë të Brigadës së 65-të të Mekanizuar të Këmbësorisë (Lüleburgaz) i caktuar në rajon filloi të shpërngulet në Kosovë”, thuhet në postimin e publikuar në Twitter.

  • Komandanti i KFOR-it e ashpërson gjuhën ndaj Kurtit: Nuk është NATO çadër ku strehohesh pas veprimeve të njëanëshme

    Komandanti i KFOR-it e ashpërson gjuhën ndaj Kurtit: Nuk është NATO çadër ku strehohesh pas veprimeve të njëanëshme

    Misioni paqeruajtës i NATO “nuk mundet dhe nuk duhet të konsiderohet si një çadër ku duhet të strehohesh pas veprimeve të njëanshme që shqetësojnë balancet e pasigurta”, ka thënë Komandanti i KFOR-it, Angelo Michele Ristuccia.

    Ai këtë e ka deklaruar në një intervistë për gazetën italiane “Corriere”, ku ka kritikuar gjerësisht kryeministrin e Kosovës, Albin Kurti, për “veprime të njëanshme” dhe “hapa të mbrapsht prej dy viteve”.

    “Para së gjithash, vendimi i kryeministrit kosovar Albin Kurti për të vendosur kryetarë komunash me përkatësi etnike shqiptare të pa njohur nga shumica serbe, pa marrë parasysh këshillat e kundërta të gjithë bashkësisë ndërkombëtare. Veprimi i dytë i njëanshëm i qeverisë së Prishtinës ishte përdorimi i forcës pa u konsultuar me ne, duke e bërë kështu të nevojshme ndërhyrjen tonë për të shmangur një tragjedi”.

    NATO tashmë ka dërguar edhe 700 trupa shtesë në Kosovë, pas tensioneve të fundit.

    Komandant Ristuccia ka mbajtur takim edhe me kryeministrin Kurti gjatë këtyre tensioneve.

  • New York Times për protestat në Serbi: Më të mëdhatë që nga përmbysja e Millosheviq

    New York Times për protestat në Serbi: Më të mëdhatë që nga përmbysja e Millosheviq

    Gjatë së shtunës është mbajtur protesta e pestë radhazi që nga fillimi i majit në kryeqytetin e Serbisë, Beograd. Protestat “Serbia kundër dhunës” kanë filluar si pasojë e dy masakrave që ndodhën atje, njëra në një shkollë në Beograd, tjera në një fshat në rrethinë të Beogradit, ku mbetën 18 persona të vrarë.

    Për këto protesta ka shkruar e prestigjiozja amerikane “New York Times”, ku në një artikull i ka cilësuar këto protesta si më të mëdha në rrugët e kryeqytet serb që nga përmbysja e 5 tetorit të vitit 2000, kur u përmbys qeveria e kasapit të Ballkanit, Sllobodan Millosheviq.

    “Protestat në Serbi për të shtënat masive radhazi muajin e kaluar, u përhapën të shtunën më të mëdha në rrugët e kryeqytet, Beograd, qëkur demonstruesit rrëzuan Slobodan Millosheviçin si president i Serbisë në vitin 2000”, shkruan prestigjiozja amerikane.

    Gjithashtu, në artikullin dedikuar këtyre protestave, shkruhet se protestat janë shndërruar në një revoltë kundër sundimit gjithnjë e më autoritar të presidentit Aleksandër Vuçiq.

    “Protestat janë shndërruar në një revoltë më të gjerë, por deri më tani, paqësore kundër sundimit gjithnjë e më autoritar të zotit Vuçiç, i cili ka qeverisur kombin ballkanik, fillimisht si kryeministër dhe më pas si president, për gati një dekadë. Z. Vuçiq e filloi karrierën e tij politike si një nacionalist radikal gjatë luftërave ballkanike të viteve 1990, por ka kërkuar në vitet e fundit të paraqitet si një udhëheqës proevropian i etur që Serbia të ringjallë përpjekjet e saj të ngecura për t’u bashkuar me Bashkimin Evropian. Ai ka hequr dorë nga vendosja e sanksioneve ndaj Rusisë për luftën e saj në Ukrainë, por Serbia votoi në Kombet e Bashkuara për të dënuar Moskën”.

  • Vela komenton protestën e qetë në Beograd: Kështu duken kur s’i organizon Vuçiqi

    Vela komenton protestën e qetë në Beograd: Kështu duken kur s’i organizon Vuçiqi

    Blerim Vela, shef i stafit të presidentes, Vjosa Osmani ka thënë se një Serbi demokratike dhe integruese në BE është garanci për paqe dhe stabilitet në rajon.

    Ai në një postim në Twitter ku ka shpërndarë pamje nga protesta e së shtunës kundër Vuçiqit e mbajtur në Beograd e cila ishte me pjesëmarrje të madhe dhe e qetë, ka thënë se kështu është kur një protestë nuk organizohet nga Vuçiqi.

    “Kështu duken protestat në Serbi kur ato nuk organizohen nga Vuçiqi dhe makineria e tij e dhunshme SNS. I qetë dhe i denjë. Një Serbi që është vërtet demokratike dhe e integruar në BE është një garanci për paqen dhe stabilitetin në rajon”, ka shkruar Vela.