ATV

Blog

  • ​Popullsia në Gjermani në nivel rekord

    ​Popullsia në Gjermani në nivel rekord

    Pa imigrimin popullsia në Gjermani do të zvogëlohej. Por si pasojë e një migracioni të lartë në vitet e fundit numri i popullsisë është rritur në 84.4 milionë vetë.

    Asnjëherë më parë Gjermania nuk ka pasur kaq shumë banorë. Popullsia në vitiin 2022 është rritur me 1,3 %, një rritje e ndjeshme kjo, ka bërë të ditur Zyra Federale e Statistikavë në Gjermani. Sipas saj në fund të vitit 2022 në Gjermani jetonin 84,4 milionë banorë.

    Sipas të dhënave të rritja e popullsisë lidhet qartë me shtimin e migracionit. Në vitin 2022 erdhën në Gjermani rreth 1,5 milionë banorë, katër herë më shumë se në vitin 2021. Një pjesë e madhe janë qytetarë nga Ukraina, shkruan Deutsche Welle.

    Mbi 12 milionë qytetarë me prejardhje të huaj në Gjermani

    Në tërësi në fund të vitit 2022 jetonin në këtë vend rreth 72 milionë gjermanë dhe 12,3 nënshtetas me prejardhje të huaj. Me 1,34 milionë vetë janë nënshtetasit me origjinë turke ata që përbëjnë grupin më të madh të qytetarëve gjermane me prejardhje të huaj. Pas tyre renditen ukrainasit, 1,05 milionë vetë dhe ata sirianë, 883.000 vetë. Për shkak të luftës në Ukrainë është gjashtëfishuar numri i ukrainaseve dhe ukrainasve që jetojnë në Gjermani.

    Edhe numri i të huajve në popullsinë e përgjithshme është rritur nga 13,1% në 14,6%. Numri i qytetarëve me nënshtetësi të huaj është rritur në një kohë që numri i gjermanëve është ulur. Një zhvillim tjetër: Në vitin 2022 në Gjermani kanë ndërruar jetë më shumë persona se sa kanë lindur. Në përgjithësi ka pasur 327.000 më shumë raste vdekjeje se lindjeje. Në vitin 2021 kjo shifër ishte 228.000. /DW/

  • Kurti: Rrëmbimi i policëve ndërlidhet me propozimin tonë pesë pikësh, ata janë rrëmbyer duke ngrënë drekë

    Kurti: Rrëmbimi i policëve ndërlidhet me propozimin tonë pesë pikësh, ata janë rrëmbyer duke ngrënë drekë

    Kryeministri i Kosovës, Albin Kurti, ka thënë se kidnapimi i tre zyrtarëve të Policisë së Kosovës, ndërlidhet me propozimin e tij pesë pikësh për deeskalim të situatës në veri të vendit.

    Teksa ka folur për kidnapimin e policëve, shefi i ekzekutivit u shpreh shteti serb ka për synim destabilizimin e shtetit të Kosovës. Ai këtë veprim e quajti edhe si hakmarrje nga ana e Serbisë, pasi zyrtarët policor po luftojnë krimin e organizuar.

    “Në mesditën e 14 qershorit, u ushtrua agresion nga ana e Serbisë me anë të arrestimit të tre zyrtarëve policor thellë në brendi të territorit të Republikës së Kosovës. Ky akt i agresionit të pashembullt ushtarake të Serbisë, është hakmarrje direkte ndaj Policisë së Kosovës, vetëm e vetëm sepse po luftohet krimi i organizuar dhe që ka për synim destabilizimin, atëherë kur patëm propozuar planin pesë pikësh për deeaskalim të plotë të situatës në veri të vendit tonë”, ka thënë Kurti.

    Kurti, në një konferencë për media ka thënë se zyrtarët policor janë vizituar nga drejtori i Zyrës Ndërlidhëse në Serbi, Jetish Jashari.

    “Vetë ngjarja e rrëmbimit të policëve ka ndodhur në Kosovë, rrëmbimi nuk ka ndodhur në Serbi. Ne jemi në komunikim të vazhdueshëm edhe me zyrën ndërlidhëse në Serbi. Ambasadori Jetish Jashari ka vizituar policët ndaras sot, përshkrimi se si ka ndodhur rrembi është i njëjtë nga të tretë. Ata thonë se rrëmbimi ka qenë tek tryeza duke ngrënë drek dhe 15 persona (ushtarak serb) i kanë sulmuar dhe i kanë rrëmbyer. Te tret kanë rrëfyer njëjte kur janë pyetur ndaras nga ambasadori Jetish Jashari”, u shpreh tutje Kurti.

  • ​Tensione në mes protestuesve në Zveçan pasi opozitarët serbë u shkojnë në vizitë

    ​Tensione në mes protestuesve në Zveçan pasi opozitarët serbë u shkojnë në vizitë

    Përfaqësues opozitarë në Serbi, Aleksandar Jovanoviq, lider i Lëvizjes Ekologjike në Serbi, Mirosllav Aleksiq nga Partia Popullore dhe Danijela Nestoroviq, deputete në Parlamentin e Serbisë, kanë vizituar sot protestuesit në Zveçan, të cilët po protestojnë për të 26 ditë kundër prezencës së pjesëtarëve të Policisë së Kosovës dhe kryetarëve shqiptarë në veri.

    Prezenca e këtyre opozitarëve ka ngjallur tensione në mes të protestuesve, me ç’rast mbështetësit e Listës serbe dhe ata të opozitës janë sharë e fyer verbalisht, ndërsa ka pasur edhe shtyerje mes vete.

    Ata thanë para gazetarëve se kanë ardhur këtu për t’u solidarizuar me protestuesit, sepse gjendja e popullatës këtu është e njëjtë sikurse edhe e atyre në Serbi, raporton KP.

    Mirosllav Aleksiq nga Partia Popullore tha se e ka obligim që të përfaqësojë qytetarët nga Kosova dhe nga çdo pjesë tjetër e Serbisë.

    “Përsa na përket neve, do të flasim dhe do të kërkojmë përgjegjësi nga autoritetet dhe do të kërkojmë hapa konkretë, por mendoj se nga këtu në Kosovë qytetarët duhet të japin zërin dhe qëndrimin e tyre dhe ne nuk duhet të heshtni më, nuk duhet të heshtim në atë se çfarë po ndodh për 10 vite këtu”, tha ai.

    Aleksandar Jovanoviq, lider i Lëvizjes Ekologjike në Serbi tha se ka ardhur për të mbështetur protestuesit në veri.

    “Unë nuk kam ardhur këtu për të fajësuar askënd apo për t’u marrë me politikë, ata që janë përgjegjës për paqen dhe rendin në Kosovë janë ata që janë pas nesh, ata janë ata që kanë 10 vjet që vuajnë edhe atë që po ndodh në Serbi edhe atë që po ndodh këtu. Është një shkelje brutale e të gjitha ligjeve të mundshme, kështu që nuk ka ndonjë dallim të madh mes asaj që po ndodh këtu dhe në Serbi nëse shikon”, tha ai.

    Deputetja Danijela Nestoroviq ftojë të gjithë në dialog në mënyrë që qytetarët të mund të jetojnë të qetë në veri.

    “Ne kemi një interes të përbashkët. Unë do të doja të dëgjoja se çfarë kanë ata njerëz kundër opsioneve të tjera politike, ja e keni rastin t’i dëgjoni, ne e durojmë çdo ditë në kuvend dhe është krejtësisht e parëndësishme, thjesht do t’i ftoja të gjithë në dialog dhe thjesht që njerëzit këtu në Zveçan dhe në çdo pjesë të Kosovës që përfaqëson territorin tonë, të fillojnë të jetojnë normalisht“, tha ajo.

    Opozitarët pas Zveçanit vazhduan për në veri të Mitrovicës, ndërsa mësohet se do t’i vizitojnë protestuesit edhe në komunat tjera veriore.

  • ​Policia kontroll në kampin MEK në Shqipëri, iranianët kundërshtojnë

    ​Policia kontroll në kampin MEK në Shqipëri, iranianët kundërshtojnë

    Forcat RENEA, FNSh, Operacionalia dhe policia nga drejtoritë vendore vunë në zbatim një plan të hartuar me detaje për ndërhyrje në një territor ku prej vitesh aksesohej vetëm nga muxhahedinët në kampin Ashraf 3 në Manëz të Durrësit.

    Top Channel raporton se prej orës 4 të mëngjesit Policia e Shtetit me të gjitha njësitë e saj pas vendimit të Gjykatës së Posaçme nisi kontrollin në kampin Ashraf por shumë prej muxhahedinëve kundërshtuan kontrollin dhe kjo detyroi policinë të përdorte gaz lotsjellës.

    Përfaqësuesit e Organizatës së Muxhahedinëve të Popullit të Iranit (MEK) u vendosen në Shqipëri në vitin 2014 pas një marrëveshje për qëllime humanitare. Sipas Ministrisë të Brendshme ky grupim nuk iu është përmbajtur angazhimeve të dakortësuara duke thyer marrëveshjen.

    Autoritetet shqiptare ishin në kërkim të pajisjeve teknologjike të cilat konsiderohen me vlerë për hetimet që prej kohesh ka nisur Struktura e Posaçme kundër Krimit të Organizuar dhe Korrupsionit (SPAK), por kjo nuk u prit mirë nga muxhahedinët. Shumë prej tyre e cenuan shkelje privatësie dhe agresion ndaj personave të pambrojtur dhe refuzuan kontrollin. Ndërsa autoritetet kanë dyshime të arsyeshme se muxhahedinët në Shqipëri po kryejnë veprime operacionale kundër shtetit të Iranit.

    Disa prej tyre u shoqëruan me furgona në polici ndërsa të tjerë u organizuan në tubime kundër veprimeve të policisë.

    Sipas muxhahedinëve përdorimi i gazit dhe sprajit nga policia solli humbjen e jetës së një personi dhe lëndimit të 36 të tjerëve. Top Channel hyri brenda qendrës shëndetësore të kampit ku dhjetëra persona shfaqnin probleme në frymëmarrje si dhe djegie sysh. Në këtë qendër ndodhej dhe trupi i pajetë i një personi dhe për të sqaruar shkaqet e vdekjes së tij është ngritur një grup hetimor nga policia dhe prokuroria e Durrësit.

    Policia e Shtetit dhe Ministria e Brendshme në reagimet e bëra për mediat theksuan se nuk ka jetë të humbura nga ndërhyrja e policisë dhe se të gjitha veprimet ishin konform ligjit duke ruajtur etikën dhe të drejtat e qytetarëve.

  • Asgjësohen 32 krerë gjedhe me sëmundje të Brucelozës

    Asgjësohen 32 krerë gjedhe me sëmundje të Brucelozës

    Agjencia e Ushqimit dhe Veterinarisë (AUV), ka asgjësuar 32 krerë gjedhe në dy ferma, në Gjilan dhe Prizren.

    Sipas AUV-it këto gjedhe kanë rezultuar pozitiv në sëmundjen e Brucelozës.

    “Më datën 19 dhe 20 qershor 2023, në Gjilan dhe Prizren janë asgjësuar 32 krerë gjedhe nga dy ferma. Të cilat kanë rezultuar pozitiv në sëmundjen e Brucelozës”, thuhet në njoftimin e AUV-it.

    AUV njofton se për të penguar përhapjes e sëmundjeve infektive Agjencia e Ushqimit dhe Veterinarisë, gjatë gjithë vitit zhvillon politika për luftimin e sëmundjeve infektive Zoonotike.

    Sipas njoftimit, AUV bën hulumtime diagnostike, merren mostra për testime dhe në secilin rast kur ato rezultojnë pozitiv në ndonjërën nga sëmundjet infektive.

    “Menjëherë ndërmerren veprimet ekzekutive për asgjësimin e kafshëve për ta penguar përhapjen e sëmundjes. Masat tjera janë dezinfektimi i fermës dhe mbikëqyrja e afateve kohore për ripopullim”,

    AUV në rastet e paraqitjes se sëmundjeve infektive, ndihmon fermerët me mbulim të shpenzimeve për asgjësim, bën dezinfektimin e fermës.

    Po ashtu AUV kompenson fermerët për kafshët e asgjësuara me qëllim të ruajtjes se shëndetit veterinar dhe atij human.

  • Escobar: Tensionet në Veri kanë potencial për t’u bërë konfrontim rajonal

    Escobar: Tensionet në Veri kanë potencial për t’u bërë konfrontim rajonal

    Emisari i ShBA-së për Ballkanin Perëndimor, Gabriel Escobar, ka folur për situatën në veri të Republikës së Kosovës.

    Escobar ka thënë se Washingtoni zyrtar është shumë i shqetësuar, pasi që ajo që po ndodh në veri ka potencial për t’u shndërruar në një konfrontim rajonal.

    “Jam shumë i shqetësuar. Kjo ka potencialin që të bëhet një konfrontim rajonal. Prandaj ne po mbështesim shumë përpjekjen evropiane. Aspiratat e vendeve janë për t’u bërë pjesë e Evropës. Si përkrahës kryesor të Kosovës, ne duam ta shohim pjesë të NATO,-s BE-së”, ka thënë Escobar.

    Në hyrje të një interviste për Atlantic Council ka folur edhe Miroslav Lajcak, i cili ka thënë se fakti që janë në një intervistë të tillë bashkë tregon se Washingtoni dhe Brukseli janë bashkë.

    Lajcak ka thënë se po qëndron në Washington për të pasur një seri takimesh dhe për të diskutuar hapat e radhës.

    “Fakti që jemi këtu bashkë, tregon që po punojmë bashkë BE dhe SHBA. Jam këtu për të pasur një seri takimesh me partnerët këtu, sepse situata është mjaft kritike, dhe kemi nevojë për të diskutuar hapat e radhës. Situata është e tensionuar, s’kam pse e fsheh”, ka thënë Lajcak.

  • Orban i lutet Vuçiqit të lirojë tre policët e Kosovës

    Orban i lutet Vuçiqit të lirojë tre policët e Kosovës

    Kryeministri i Hungarisë, Viktor Orban, i është lutur presidentit serb, Aleksandar Vuçiq, që të dëgjojë rekomandimin e Budapestit zyrtar dhe t’i kthejë policët e arrestuar të Kosovës në vendin e tyre.

    “Me respekt, ju lus i dashur Aleksandar që ta mendoni mirë këtë. Armiqtë e Serbisë janë të etur për të dëmtuar Serbinë dhe kjo është një situatë dhe rast i tillë që mendoj se do të ishte më mirë që ju të dëgjoni rekomandimin e Hungarisë për t’i kthyer ata në Kosovë”, tha Obran në Suboticë, gjatë takimit me zyrtarët e lartë të Serbisë.

    Tre policëve të kidnapuar u është caktuar masa e paraburgimit prej një muaji dhe ata po mbahen në një burg në Kralevë.

  • Që pesë ditë vazhdojnë kërkimet për gruan që është hedhur nga ura e Fshajt

    Që pesë ditë vazhdojnë kërkimet për gruan që është hedhur nga ura e Fshajt

    Që nga dita e premte në Gjakovë po vazhdojnë kërkimet për gruan që është hedhur nga ura e Fshajt.

    Policia e Kosovës kishte informuar se gruaja kishte rënë nga ura rreth orës 10:00, ditën e premte, ndërkaq deri tani ende nuk është gjetur viktima.

    Zëdhënësi i Policisë së Kosovës për Rajonin e Gjakovës, Sheremet Elezaj tha për telegrafin se kërkimet po vazhdojnë.

    “Njësitet e kërkim – shpëtimit janë duke vazhduar kërkimet por deri tani ende nuk është gjetur viktima”, tha ai.

    Ndryshe, në njoftimin që kishte bërë Policia ditën e premte thuhej se, një femër e moshës madhore ka rënë nga ura e Fshajt në lumin Drini i Bardhë dhe se të gjitha njësitet e nevojshme policore dhe zjarrfikësit menjëherë kanë dalë në vendin e ngjarjes si dhe është njoftuar Njësia për Kërkim Shpëtim.

  • Kryetari i “Dardanëve” reagon pas shkarkimit të Giresses, ka një mesazh për lojtarët

    Kryetari i “Dardanëve” reagon pas shkarkimit të Giresses, ka një mesazh për lojtarët

    Federata e Futbollit të Kosovës sot ka marr vendim për ta shkarkuar trajneri e Kosovës, Alain Giresse.

    Ky vendim i FFK-së erdhi pas rezultateve negative të kombëtares në kualifikimet për në Kampionatin Evropian Euro 2024, e sidomos pas humbjes të së hënës kundër Bjellorusisë.

    Pas shkarkimit të trajneri francez, ka reaguar edhe kryetari i grupit të tifozëve të Kosovës, të njohur si “Dardanët” i cili ka thënë se federata mori vendim të drejtë, por që ka porositur lojtarët që të angazhohen më shumë në fushë, raporton KosovaPress.

    “Kombëtarja nuk është klub. Fanella e saj djersitet, por edhe ndjehet. Është krenari ta mbash atë, jo obligim sa për t’u grumbulluar. FFK veproi drejtë me shkarkimin e Giresses, por nuk duhet harruar: tifozët duan angazhim me zemër, jo formal. Ata duan sukses. Prandaj edhe e mbështesin e i mbështesin futbollistët. Siç kanë bërë ashtu edhe do të bëjnë, veçse duhet reciprocitet: lojtarët t’ua kthejnë tifozëve, me angazhim! Veç kësaj, ditëve në vijim do të kemi takim bashkëpunimi me FFK-në, për t’u koordinuar për të mirën e Kosovës. Kosova përjetë dhe asnjëherë vetëm.”, ka shkruar Berisha në Facebook.

    Kosova është pjesë e grupit I në kualifikimet për në Euro 2024 dhe ka vetëm tri pikë pas katër ndeshjeve të zhvilluara.

  • Rusia kryen sulme ndaj Kievit dhe qyteteve tjera ukrinase

    Rusia kryen sulme ndaj Kievit dhe qyteteve tjera ukrinase

    Rusia ka sulmuar caqet ushtarake dhe infrastrukturore në Ukrainë në orët e hershme të së martës, përfshirë në kryeqytetin, Kiev dhe në qytetin perëndimor të Lvivit, kanë bërë të ditur zyrtarët ukrainas.

    Ukraina tha se ka rrëzuar 32 prej 35 dronëve “Shahed” të prodhuar nga Irani, që ishin nisur nga rajoni Briansk i Rusisë, si dhe nga Deti Azov.

    Zyrtarët ukrainas thanë se një objekt shumë i rëndësishëm është qëlluar në Lviv, dhe që ndodhet vetëm 70 kilometra larg Polonisë, shtet anëtar i NATO-s.

    Megjithatë, përkundër këtyre sulmeve të kryera gjatë natës, nuk ka pasur raportime për viktima.

    Moska ka intensifikuar sulmet ajrore qëkur Kievi filloi kundërofensivën e shumëpritur, nëpërmjet të cilës ka thënë se ka rimarrë 113 kilometra katrorë të territorit, nga forcat ruse.