ATV

Blog

  • Pyetësor rajonal: Gjuha e urrejtjes ndaj gazetarëve në Evropën Juglindore

    Pyetësor rajonal: Gjuha e urrejtjes ndaj gazetarëve në Evropën Juglindore

    Vitet e fundit, rritja nivelit të gjuhës së urrejtjes kundër gazetarëve është bërë një shqetësim i rëndësishëm për industrinë e medias dhe shoqëritë demokratike në mbarë botën. Në Evropën Juglindore, vendet si Greqia, Serbia, Kosova, Maqedonia e Veriut dhe Bullgaria kanë pësuar gjithashtu një rritje të incidenteve të tilla. Ky studim rajonal synon të eksplorojë prezencën, natyrën dhe pasojat e gjuhës së urrejtjes kundër gazetarëve në këto vende, si dhe të identifikojë zgjidhjet e mundshme dhe metodat më të mira për të luftuar këtë çështje.

    Gjuha e urrejtjes kundër gazetarëve kërcënon parimet e lirisë së shprehjes, lirisë së shtypit dhe demokracisë. Kjo mund të çojë në autocensurë, të krijojë një mjedis pune armiqësor dhe madje të rezultojë në dëmtim fizik të gazetarëve. Duke kuptuar sfidat dhe kontekstet specifike në Greqi, Serbi, Kosovë, Maqedoninë e Veriut dhe Bullgari, ne shpresojmë të kontribuojmë në një kuptim më të plotë të kësaj çështjeje në rajon dhe më gjerë.

    Ky pyetësor synon të mbledhë informacion të vlefshëm nga gazetarë, organizata mediatike, politikëbërës dhe ekspertë për të dhënë njohuri mbi gjendjen aktuale të gjuhës së urrejtjes kundër gazetarëve dhe faktorëve të ndryshëm që kontribuojnë në rritjen e saj. Ne do të shqyrtojmë gjithashtu rolin e mediave sociale, kuadrin ligjor dhe qëndrimet shoqërore në përkeqësimin ose zbutjen e gjuhës së urrejtjes kundër gazetarëve në këto vende.

    Pjesëmarrja juaj në këtë pyetësor është thelbësore për ndërtimin e një mjedisi më mbështetës për gazetarët dhe promovimin e rëndësisë së një shtypi të lirë dhe të pavarur në Evropën Juglindore. Së bashku, ne mund të punojmë për të nxitur një kulturë respekti dhe vlerësimi për rolin jetik që gazetarët luajnë në shoqëritë tona.

    Klikoni këtu për të plotësuar pyetsorin!

  • Deputetja britanike pas takimit me Kurtin: Kosova ia vlen të mbrohet

    Deputetja britanike pas takimit me Kurtin: Kosova ia vlen të mbrohet

    Kryetarja e Komitetit për Punë të Jashtme në Parlamentin e Mbretërisë së Bashkuar dhe deputetja britanike, Alicia Kearns, është takuar me kryeministrin e Kosovës, Albin Kurti.

    Përmes një postimi në Twitter, Kearns ka thënë se Britania e Madhe duhet të qëndrojë pranë partnerëve të saj duke shtuar se takimi me kryeministrin Kurti ishte produktiv.

    Teksa ka theksuar se “Kosova ia vlen të mbrohet”.

    Gjatë takimit Kearns ka thënë se ka diskutuar edhe për përshkallëzimin e situatës në veri të vendit.

    “Duhet të qëndrojmë krah partnerëve tanë. Ishte shumë produktiv takimi me Kryeministrin Albin Kurti këtë mëngjes, për të diskutuar se si të de-përshkallëzohet situata, kthimi i tre policëve të rrëmbyer kosovarë, mbështetja e komunitetit serb në Kosovë dhe milicia e mbështetur nga Beogradi”, ka shkruar Kearns.

    Ndërsa Zyra e Kryeministrit ka njoftuar se në këtë takim është diskutuar për qeverisjen, progresin në vend dhe marrëdhëniet dypalëshe.

    “Me deputeten Kearns, kryeministri Kurti diskutoi për qeverisjen, progresin në vend dhe marrëdhëniet dypalëshe. Vëmendje të veçantë iu dha zhvillimeve të fundit në katër komunat veriore në Kosovë dhe sulmeve të organizuara nga grupe kriminale atje ndaj Policisë, KFOR-it dhe gazetarëve, si dhe përfshirjen aktive të Serbisë në tensionimin e situatës deri te rrëmbimi i tre policëve të Kosovës brenda territorit të Republikës, për të cilët Serbia duhet të mbahet përgjegjëse ndonëse ata u liruan sot gjatë ditës”, njoftoi Zyra e Kryeministrit.

  • Eksperti i Sigurisë zbulon arsyen pse u rrëmbyen tre Policët, lidhet me grupet kriminale

    Eksperti i Sigurisë zbulon arsyen pse u rrëmbyen tre Policët, lidhet me grupet kriminale

    Ekspert i çështjeve të Sigurisë, Bedri Elezi ka thënë se tre policët u kidnapuan pasi që ata kishin shumë informacione për grupet kriminale në veri të vendit.

    Në një intervistë në Direkt, Elezi ka shtuar se Serbia e ka përdorur rastin për të marrë favore nga SHBA-të.

    “Ka pasur deklarime zyrtare nga ana e përfaqësuesve të Republikës së Kosovës se tre policët janë kidnapuar për shkak të informacioneve që ata kishin”, ka thënë Elezi në Direkt.

    Ai ka shtuar gjithashtu se Serbia e ka përdorur këtë rast për të negociuar me Shtetet e Bashkuara të Amerikës.

    “Serbia i rrëmbeu tre pjesëtarët e Policisë së Kosovës, që ishin pjesë edhe e Ushtrisë Çlirimtare të Kosovës që më pas t’i lironte pas kërkesë së SHBA-së, në mënyrë që më pas të kërkoj favore”, ka thënë Bedri Elezi. /ATV LIVE/

  • Prishtina pa barnatore kujdestare gjatë natës

    Prishtina pa barnatore kujdestare gjatë natës

    Në mungesë të barnatoreve të hapura pas mesnatës, qytetari nga Prishtina Agim Asllani, pavarësisht gjendjes së rëndë shëndetësore, është detyruar ta presë mëngjesin për t’i blerë medikamentet e nevojshme.

    “Kom pas rast para një jave, kam kërkuar barnatore, por nuk ka pasë askund hapur, kam pritur deri në mëngjes. Këtu kryeqytet e mos të ketë barnatore hapur, duhet Ministria e Shëndetësisë t’i rregullojë këto gjëra”, tha Agim Asllani, qytetar.

    Të njëjtin hall e ndajnë edhe qytetarët e tjerë.

    “Duhet 24 orë se tash që është sezoni me diell e gripa, po kemi nevojë për fëmijë e për vete nganjëherë, nuk qëllojnë në shtëpi, kur po dalim krejt mbyllur”, u shpreh Rasim Gërbeshi, qytetar.

    “Me bo me u sëmu natën, nuk ke ku të shkosh me i ble, a kështu kur e din që ndonjë është hapur shkon qaty”, tha Nazif Haziri, qytetar.

    Përveç kësaj, qytetarët ankohen edhe për çmime të larta të barnave.

    “Jeta vazhdon edhe gjatë natës, normalisht që duhet të ketë barnatore hapur në orët 1 e 2, edhe gjatë gjithë natës, mirëpo problematikë tjetër është se çmimet e barnave duhet të barazohen në të gjitha barnatoret”, tha Mustafa Halili, qytetar.

    Për këtë shqetësim të qytetarëve, nga Komuna e Prishtinës është premtuar një zgjidhje.

    “Realisht duke e pasur parasysh se Prishtina është kryeqytet dhe shumë QMF punojnë 24 orë, nuk ka barnatore hapur gjatë natës, për këtë arsye me odën e farmacistëve të Kosovës, shoqatën e farmacistëve kemi bërë grup punues që ka filluar punën para tri javë dite, javën e ardhme do të realizohet drafti i parë, pastaj debati publik në kuvend dhe pas seancës publike do të bëhet monitorimi i tyre gjatë natës dhe gjatë festave”, tha drejtori i Shëndetësisë, Izet Sadiku.
    Gjatë muajit korrik pritet të mbahet diskutim publik, për gjetjen e një zgjidhjeje për kujdestari të barnatoreve në kryeqytet. /atvlive.tv

    Edicionin Qendror të lajmeve në ATV e gjeni në videon më poshtë:

  • Prishtina prezanton planin e sigurisë në shkolla

    Prishtina prezanton planin e sigurisë në shkolla

    Me qëllim të sigurisë dhe mirëqenies së nxënësve, Komuna e Prishtinës ka hartuar planin e veprimit për sigurinë e nxënësve në shkolla, për vitin 2023/26.

    “Hulumtimet e përfshira të kryera nga institucionet e kryeqytetit, OSBE dhe Policia e Kosovës, kanë nxjerrë në pah se një përqindje e konsiderueshme e nxënësve ndihen të pasigurt në shkollat e tyre. Kemi vizitorë të padëshiruar nëpër shkolla, zënka fizike nëpër shkolla, vandalizmi, ngacmimet gjatë rrugës, vjedhjet e gjërave të nxënësve dhe këta janë vetëm disa nga faktorët që nxënësit tanë i shohin në aspektet që cenojnë sigurinë e tyre. Madje, edhe nxënësit më të vegjël kanë raportuar apo kanë qenë të shqetësuar me dukuri të ngjashme”, tha kryetari i Prishtinës, Përparim Rama.

    Drejtoresha e Arsimit në Komunën e Prishtinës, Besianë Musmurati, thotë se plani i veprimit ka tri objektiva kryesore për nxënësit.

    “Objektiva e parë është infrastruktura shkollore që garanton siguri. Përmirësimi i klimës së shkollës dhe objektiva e tretë është rritja e sigurisë nga shtëpia në shkollë dhe anasjelltas. Buxheti vjetor është 1.5 milion euro në vit”, tha Musmurati.

    Ndërkaq, Ministria e Arsimit, Shkencës dhe Teknologjisë tha se ndryshimi i qeverisjeve lokale, ka shkaktuar ngecje në sistemin arsimor.

    “Në rrethanat e përgjithshme që i kemi, konsideroj se pa krijuar favore për siguri dhe mbrojtje të fëmijëve në kontekst të shkollës, siç e kërkon legjislacioni në fuqi, shumë është e vështirë me u fol për rezultate mësimore dhe është shumë e vështirë me fol për kompetencat apo ato që pretendon kurikula dhe shkolla. Gjatë kësaj pune që kemi punuar shumë, konsideroj se sistemi vit pas viti ka çaluar. Konsideroj se çalohet për shkak se pushtetet ndryshohen nëpër komuna dhe ne nuk jemi mësuar me trasua memorien institucionale”, tha Merita Jonuzi nga MASHT.

    Plani i Sigurisë është hartuar në bashkëpunim me nxënësit, mësimdhënësit, prindërit dhe shkollat. Për hartimin e planit të veprimit, hulumtimi është realizuar në 20 shkolla të kryeqytetit me 500 nxënës, përfshirë stafin e shkollës dhe prindërit. /atvlive.tv

    Edicionin Qendror të lajmeve në ATV e gjeni në videon më poshtë:

  • Shtrenjtohen kurbanet, thuhet se në këtë ka ndikuar ndryshimi i çmimeve në treg

    Shtrenjtohen kurbanet, thuhet se në këtë ka ndikuar ndryshimi i çmimeve në treg

    160 euro kushton një dele për kurban këtë vit. Krahasuar me vitin e kaluar, çmimi i kurbanit është shtrenjtuar së paku për 20 euro.

    Ky çmim, sipas Bashkësisë Islame të Kosovës, është si shkak i ndryshimit të çmimeve të tregut.

    “Çmimi për një kurban është caktuar 160 euro. Vitin e kaluar ka qenë 140 euro, sivjet është 160 euro, po e shihni tregun, kanë ndryshuar çmimet, kanë lëvizur çmimet edhe te kafshët. Tregu na ka imponuar që çmimet të ngrihen”, tha sekretari i përgjithshëm i BIK-ut, Ahmet Sadriu.

    Sadriu për më tepër thotë se therjen e kurbaneve as këtë vit nuk do ta bëjnë në Kosovë.

    “Na edhe këtë vit nuk kemi mundur të realizojmë një operacion apo një obligim detyrë të tillë që e kemi këtu në Kosovë, për shkak të mungesës edhe të kushteve, edhe mungesës së kurbaneve, kështu që jemi detyruar që edhe këtë vit therjen e kurbaneve ta bëjmë në njërën prej shteteve të Bashkimit Evropian”, tha Sadriu.

    Ndërkaq, Agjencia e Ushqimit dhe Veterinarisë, me qëllim të ruajtjes së shëndetit, iu bën thirrje qytetarëve, që therjen e kurbaneve ta bëjnë në thertore, në të kundërtën do të shqiptohen gjoba.

    “Therja në hapësira publike në çfarëdo forme është e ndaluar me ligj dhe është e sanksionuar dhe kush do që haset duke i kryer veprimet që bien ndesh me ligjin, do të ndëshkohen nga autoritetet kompetente në Republikën e Kosovës. U bëjmë thirrje që therjet të bëhen në thertore që të mos rrezikohet jeta e asnjë qytetari, sepse në thertore është një veterinar i cili kryen kontrollin e kafshës para therjes”, tha Lamir Thaçi, zëdhënës në Agjencinë e Ushqimit dhe Veterinarisë.

    Sipas Thaçit, në Kosovë janë mbi 50 thertore të licencuara ku mund të bëhet therja e kafshëve. /atvlive.tv

    Edicionin Qendror të lajmeve në ATV e gjeni në videon më poshtë:

  • Kosova nënshkruam marrëveshje me shtetin e Iowas

    Kosova nënshkruam marrëveshje me shtetin e Iowas

    Presidentja e vendit, Vjosa Osmani, ka pritur në takim guvernatoren e shtetit të Iowa-s, Kim Reynolds, me ç’rast rast nënshkruan marrëveshjen për marrëdhënie mes shteteve simotra, Kosovës dhe Iowa-s. Kjo marrëveshje pritet ta fuqizojë bashkëpunimin edhe më tej në fushën e sigurisë, arsimit, kulturës dhe bujqësisë.

    “Po ashtu do të krijoj instrumente për koordinim të shtuar mes dy vendeve tona edhe në fushën e mbrojtjes. Një bashkëpunim ky që ka qenë esencial mes FSK-së dhe Iowa-s. Por mbi të gjitha marrëveshja e nënshkruar sot do t’iu hapë rrugë përafrimit dhe përfitimeve të drejtpërdrejta të qytetarëve tanë. Për Republikën e Kosovës aleanca me ShBA-në vazhdon të mbetet ekzistenciale”, tha Osmani.

    Përkushtim për ta zgjeruar bashkëpunimin shprehu edhe guvernatorja Reynolds.

    “Marrëdhënia jonë speciale është e ndërtuar në një themel të fortë të partneritetit në fushën e sigurisë, të Gardës Kombëtare të Iowa-s dhe Forcës së Sigurisë së Kosovës, e cila vazhdon të lulëzojë edhe tani… Kjo është një dëshmi aq e fuqishme e ndikimit që partneriteti ynë mund të ketë. Mund të dini se sa jemi të përkushtuar për t’i zgjeruar partneritetin dhe bashkëpunimin tonë edhe më tej, në fushën e sigurisë, edukimit dhe në lidhjet e reja komerciale”, tha Reynolds.
    Pas takimit me Osmanin, Reynolds u takua edhe me kryeparlamentarin Glauk Konjufca.

    Takimi qe i mbyllur për media, por përmes një shkrimi në Facebook, Konjufca tha se biseduan për mundësitë e zgjerimit të fushave të bashkëpunimit reciprok dhe shkëmbyem pikëpamjet rreth zhvillimeve politike në vend e rajon.

    Në fund të vizitës, Reynolds u takua edhe me Ministren e Punëve të Jashtme, Donika Gërvalla. /atvlive.tv

    Edicionin Qendror të lajmeve në ATV e gjeni në videon më poshtë:

  • Numri i përdoruesve të drogave në Kosovë, i lartë

    Numri i përdoruesve të drogave në Kosovë, i lartë

    Heroinë, kokainë, marihuanë e hashash, janë disa nga llojet e drogave që Policia e Kosovës i ka konfiskuar vetëm në 6-mujorin e parë të këtij viti. Krejt këto lloje të drogave që arrijnë sasinë mbi 10 kg, policia ua konfiskoi 373 personave.

    Ndërkaq, në vitin 2022 u identifikuan 1066 persona, si përdorues dhe bartës të substancave narkotike.

    Kurioziteti, kushtet e dobëta ekonomike e problemet familjare, sipas sociologut Jeton Brajshori, janë disa nga arsyet që shtyjnë të rinjtë të bëhen përdorues të drogës.

    “Kushtet jo të mira, informimi jo i duhur, të gjitha këto i shpien drejt përdorimit të drogave, posaçërisht të rinjtë”, tha Brajshori.

    Megjithatë, Brajshori vlerëson se institucionet duhet të fokusohen më shumë te parandalimi i këtij fenomeni.

    “Institucionet duhet me u marrë më shumë, kanë ende shumë punë deri në eliminimin e rasteve të tilla”, vlerësoi Brajshori.

    Por, trajtimi i përdoruesve të drogës në Kosovë, sipas Safet Blakajt nga Qendra “Labirint”, nuk është edhe aq i thjeshtë. Ai vë në pah mungesën e një qendre për rehabilitim afatgjatë dhe të përshtatshëm për këtë kategori shoqërore.

    “Duhet patjetër të ketë edhe një institucion që merret me trajtimin e përdoruesve të drogave, për shërbimet ditore, diagnostika të problemit dhe jo vetëm për shtrirjen e tyre, siç është spitali i psikiatrisë”, tha Blakaj.

    Sipas organizatës “labirint”, aktualisht në Kosovë, janë rreth 40 mijë përdorues aktivë të drogave. Vetëm në këtë qendër, kanë kërkuar trajtim të thellë 2.850. /atvlive.tv

    Edicionin Qendror të lajmeve në ATV e gjeni në videon më poshtë:

  • BE-ja këmbëngul në zgjedhje të reja në veri, “masat gati nëse nuk veprohet”

    BE-ja këmbëngul në zgjedhje të reja në veri, “masat gati nëse nuk veprohet”

    Me gjithë shqetësimin e thellë për tensionet në veri të Kosovës, Këshilli i Ministrave të Jashtëm i Bashkimit Evropian nuk mori asnjë vendim.

    Përfaqësuesi i Lartë për Politikë të Jashtme dhe Siguri, Josep Borrell, theksoi se shtetet anëtare janë të gatshme të marrin masa nëse nuk shohin veprime për shtensionim të situatës.

    “Shtetet anëtare nënvizuan shqetësimet e tyre të thella lidhur me vazhdimin e tensioneve në veri të Kosovës dhe theksuan rëndësinë e de-eskalimit më linjë me qëndrimin e 3 Qershorit. Vendet anëtare do të marrim masa, nëse do të jetë e nevojshme, në mënyrë që të ngre levat e Bashkimit Evropian dhe për të mbështetur dialogun për normalizim”, tha Borrell.
    Pasi tha se problem janë kryetarët pa legjitimitetet, Borrell theksoi nevojën e mbajtjen së zgjedhjeve të reja dhe pjesëmarrjes së serbëve në to, pa kushte.

    “Hapat e radhës është të bëhet gjithçka për të shpallur zgjedhjet, ne pajtohemi që zgjedhjet duhet të mbahen, ne pajtohemi që nuk mund të kemi kryetarë në zyrat e tyre që mbrohen nga forcat e NATO-s përgjithmonë. Dhe të jenë të zgjedhur me 2-3% pjesëmarrje në zgjedhje. Kjo nuk është zgjidhje qëndrueshme dhe duhet të zëvendësohet me zgjidhje tjera dhe zgjidhjet tjera mund të vijnë vetëm nga zgjedhjet e reja”, tha Borrell.

    Përfaqësuesi i Lartë i BE-së tha se do të vazhdojnë kontaktet me Kosovën dhe Serbinë, në përpjekjet për shtensionimin e situatës.

    Ndërsa, pa dhënë detaje, tha se masat eventuale mund të jenë politike dhe financiare, por të përkohshme dhe të kthyeshme – varësisht sjelljes së palëve. /atvlive.tv

    Edicionin Qendror të lajmeve në ATV e gjeni në videon më poshtë:

  • Peja me dy komisione për t’i vlerësuar dëmet nga përmbytjet

    Peja me dy komisione për t’i vlerësuar dëmet nga përmbytjet

    Të hënën u varrosën Mirsada e Dion Ademaj, që vdiqën si pasojë e përmbytjeve të së shtunës, në qytetin e Pejës.

    Përveç dy jetëve të humbura, edhe dëmet materiale ishin të mëdha, pasi shumë shtëpi u dëmtuan e shumë lokale e biznese private u shkatërruan tërësisht.

    Për vlerësimin e dëmeve, ishte themeluar një komision, por sot u shtua edhe një tjetër. Njëri do t’i vlerësojë dëmet nëpër shtëpi e tjetri nëpër biznese.

    “Në mbledhjet e bordit e kemi një komision të formuar për vlerësim të dëmit. Por meqenëse ka qenë terren i hapur kemi bërë dy komisione. Komisioni i parë do t’i vlerësojë dëmet nëpër shtëpi, ndërsa komisioni i dytë do t’i vlerësojë dëmet nëpër biznese. Pra personave të cilëve përmbytjet u kanë shkaktuar dëme, do të kenë mundësi të aplikojnë përmes një formulari ku ne pastaj e dërgojmë në qeveri për kompensim të dëmeve”, zëdhënësi në Komunën e Pejës, Faik Zekaj.

    Dy prej lagjeve më të prekura nga përmbytjet janë “Asllan Çeshmja” e “Fidanishte”. Në asnjërën prej tyre, shtëpitë nuk janë të ndërtuara sipas një plani
    urbanistik.

    “Jo, një pjesë e tyre janë të ndërtuara më herët, një pjesë janë ndërtuar para luftës. Një pjesë e ndërtimit kanë leje e një pjesë tjetër kanë legalizime”, tha Zekaj.

    ATV-ja ka tentuar të kuptojë se kur ka qenë hera e fundit që komuna ka bërë zgjerimin e rrjetit të kanalizimit në këto lagje, por për këtë çështje nuk mori detaje. /atvlive.tv

    Edicionin Qendror të lajmeve në ATV e gjeni në videon më poshtë: