ATV

Blog

  • Osmani i kërkon përfaqësuesit të UNDP-së, mbështetje për fuqizimin ekonomik të grave dhe fëmijët me nevoja të veçanta

    Osmani i kërkon përfaqësuesit të UNDP-së, mbështetje për fuqizimin ekonomik të grave dhe fëmijët me nevoja të veçanta

    Presidentja e Republikës së Kosovës, Vjosa Osmani priti në takim përfaqësuesin e UNDP-së në Kosovë, Nuno Querios, të cilit i uroi mirëseardhje dhe shprehu gatishmërinë për vazhdimin e bashkëpunimit në projektet, të cilat do të zbatohen në Kosovë nga UNDP-ja.

    Gjatë takimit Osmani vlerësoi lartë kontributin e UNDP-së në mbështetjen e shumë programeve dhe projekteve në Kosovë, me theks të veçantë tek ato për gratë, rininë, mjedisin dhe personat me nevoja të veçanta.

    Presidentja Osmani kërkoi mbështetje për projektet, të cilat janë ndër prioritetet e mandatit të saj, të cilat përfshinë fuqizimin ekonomik të grave, përkrahjen e fëmijëve me nevoja të veçanta, si dhe agjendën e gjelbër.

    Ndërsa, përfaqësuesi i UNDP, u shpreh i hapur për të bashkëpunuar për t`i përkrahur këto prioritete duke marrë parasysh edhe projektet e ngjashme që po zhvillohen në rajon.

    Ndër të tjera, u diskutua edhe për Forumin për Gratë, Paqen dhe Sigurinë, i cili organizohet nga Presidentja Osmani. Presidentja falënderoi UNDP-në për partneritetin dhe bashkëpunimin e deritanishëm, si dhe nga ky takim u riikonfirmua mbështetja edhe për këtë vit.

  • Publikimi i përgjimit me Simiqin, reagon Mimoza Kusari-Lila

    Publikimi i përgjimit me Simiqin, reagon Mimoza Kusari-Lila

    Shefja e deputetëve të Lëvizjes Vetëvendosje, Mimoza Kusari-Lila, ka folur ekskluzivisht për Ekonomia Online lidhur me përgjigjet e dala në media për një komunikim me Igor Simiqin e Listës Serbe.

    Kusari-Lila tha se kontakti me ish-deputetin ka qenë në suaza të normales dhe se është biseduar për votimin e tri projektligje; Ligji për Festa Zyrtare, Ligji për Liritë Fetare dhe Ligji për Vetëqeverisjen Lokale.

    Ajo ka mohuar se ka pasur kontakt me dikë tjetër nga kjo Listë, përveç me Igor Simiq dhe Slavko Simiqin.

    “Ka 15 muaj që Lista serbe nuk është pjesë e Kuvendit, nëse atyre po ju mungon e dinë ku i kanë adresat, në kohën kur kanë qenë pjesë e Kuvendit, komunikimi ka qenë tërësisht në bazë të komunikimit brenda Kuvendit, brenda seancës për agjenda. Kanë qenë tri agjenda vazhdimisht që e kanë përcje3llë këtë komunikim; Ka qenë Ligji për Festa Zyrtare, Ligji për Liritë Fetare dhe kërkesat që ata vazhdimisht i kanë parashtruar në raport me mjetet transportuese, qofshin mortore ose ambulante dhe Ligjin për Vetëqeverisjen Lokale. Pra krejt ka qenë nën këtë kuptim, përderisa për aludimin e komunikimit të personit në fjalë për mua kontakt në Kuvendin e Kosovës kanë qenë dy përfaqësues, shefi i deputetëve Igor Simiq dhe Slavko Simiq, që tash e kanë treguar që përkundër përpjekjeve për çfarëdo normaliteti në kuptimin e përfaqësimit të interesave, ata kanë komunikim dhe sjellje abnormale, edhe këto supozime të një portali në veçanti, e tregojnë përpjekjen e dëshpëruar të tyre për të treguar një pamje tjetër për asaj se çfarë po ndodh në terren”, u shpreh ajo.

    “Mos të harrojmë, sot në terren janë të gjitha institucionet e Republikës së Kosovës, sot individë të lidhura me këto grupe kriminale po arrestohen, natyrisht sipas veprave të cilat i kanë bërë dhe gradualisht veriu po i kthehet normaliteti. Prandaj, krejt çka mund të them është një përpjekje e dëshpëruar për të njollosur së pari Qeverinë, e pastaj pozitën. Për mua është paksa edhe absurde mënyra dhe forma, por gjithsesi që jam këtu për secilin që ka pyetje me këtë”, u shpreh ajo.

    Kusari-Lila tha se nuk ka komunikuar asnjëherë me nënkryetarin e Listës serbe, Milan Radojçiqin, i cili ka urdhërarrest nga Policia e Kosovës. Për të njëjtin, tha se do të arrestohet në momentin që do të kapet nga Policia.

    “Unë nuk kam as numër, as komunikim me Milan Radojçiqin. Unë i përmenda, kanë qenë dy përfaqësues këtu që ishin, përderisa gjatë gjithë kohës i kam refuzuar dhe i kam rezistuar komunikimit me të dhe komunikimi çfarë kanë pasur Lista serbe me Milan Radojçiqin është çështje e tyre, e kanë nënkryetar, ai dihet se si është dhe në Qeverinë Kurti është kthyer aktakuza dhe është kthyer urdhërarresti, prandaj edhe në momentin që do të zihet ai do të arrestohet. Prandaj nuk ka ndonjë hapësirë për ndonjë komunikim tjetër në raport me këtë person”.

  • Publikimi i përgjimit të Kusari-Lilës, kërkohet të ndërpritet seanca e Kuvendit

    Publikimi i përgjimit të Kusari-Lilës, kërkohet të ndërpritet seanca e Kuvendit

    Deputetja e Partisë Demokratike të Kosovës, Ganimete Musliu e ka sfiduar shefen e Grupit Parlamentar të LVV-së, Mimoza Kusari-Lilën për përfshirjen e saj në një audio-incizim me Sllavko Simiqin, deputetin e Listës Serbe.

    Musliu, në seancën i ka pyetur deputetët e shumicës qeverisëse: “Me koordinim, a po koordinim?”.

    Ajo ka thënë se seanca e jashtëzakonshme e së hënës duhet të ndërpritet pas publikimit të audio-inicizimit në të cilin Kusari-Lila e pranon se ka biseduar në telefon me Millan Radoiçiqin, politikanin e sanksionuar nga ShBA-ja.

    “Unë mendoj se duhet me ndërpre seancën sot. E sot, duhet me dhanë llogari ‘a me koordinim a po koordinim? Se sot po del që me shumë koordinim. LVV-ja koordinohet me Listën Serbe kundër shtetit të Kosovës. Me Radoiçoiqin. Mos e ulni more kryet sot? Mos e ulni. A me koordinim a po koordinim po ju pyes? Se këtu po del që me koordinim keni dal kundër të gjithë atyre që kanë bërë diçka për këtë vend”, tha Musliu.

  • Publikohen përgjimet ku Mimoza Kusari bisedon me Slavko Simiqin për Milan Radojiçiqin

    Publikohen përgjimet ku Mimoza Kusari bisedon me Slavko Simiqin për Milan Radojiçiqin

    Gazeta “Nacionale” ka publikuar pjesën e parë të përgjimit të bisedave të shefes së grupit parlamentar të Lëvizjes Vetëvendosje, Mimoza Kusari-Lilës, me deputetin e Listës Serbe, Slavko Simiq.

    Gazetari Berat Buzhala në hyrjen e përgjimeve të para ka zbuluar se këto incizime janë bërë në qershor të vitit të kaluar. Biseda ndërmjet Kusari-Lilës e Slavko Simiqit është bërë në zyrën e shefes së grupit parlamentar të Vetëvendosjes.

    Në përgjimet e tjera që do të publikohen ditëve në vazhdim Kusari-lila koordinohet me Listën Serbe për temën e veteranëve, i ofendon kolegët e vetë nga partitë në opozitë dhe një letër që Radojiçiqi ia ka përcjellë shefes së grupit parlamentar të Vetëvendosjes.

    Slavko Simiq dëgjohet teksa i ka thënë Kusari-Lilës se ne që nga fillimi kemi pasur raport partnerësh. Këtë, shefja e deputetëve të LV-së nuk e mohon asnjëherë.

    PJESË NGA BISEDA:

    Slavko: Ti e din që unë të kam lidhë me Millanin, keni bisedu ka 30-40 minuta për me gjetë ndonjë zgjidhje.

    Mimoza: Dy-tre minuta.

    Slavko: Një herë keni bisedu gjatë, ku keni bisedu për energji në veri, a e mban mend.

    Slavko: Kemi provu me gjetë zgjedhje edhe me ndërtu një raporto partnerësh dhe çfarë ndodhi, njeri që marrim direkt instruksione, që e ka një diapazon të gjanë për secilin prej nesh, pa të cilin nuk mund të bëjmë asgjë… disa vendime që i marrim bashkë me të, nuk mundet me ndiku as Vuçiqi.

    Mimoza: E kush është kryesori, Rakiq apo?

    Slavko: Milani bre është kryesore, po çfarë Rakiqi, i cili është veç kryetar i Listës Serbe dhe anëtar i Qeverisë ama kur të vjen puna për me marrë vendime, për këtë sene nuk ka nevojë as me më pyet sepse t’i kam shpejgu kur kemi bisedu… Njeriu nuk e ka meritu aspak tretmanin që i është bërë, duke e futë në listën e ndalimit.

    Mimoza: Pse po më thua mua?

  • ​Kuvendi miraton Projektligjin për Agjencinë e Inteligjencës dhe Sigurisë së Mbrojtjes

    ​Kuvendi miraton Projektligjin për Agjencinë e Inteligjencës dhe Sigurisë së Mbrojtjes

    Kuvendi i Kosovës, ka miratuar Projektligjin për Agjencinë e Inteligjencës dhe Sigurisë së Mbrojtjes, në seancën e sotme plenare, transmeton KP.

    Deputetët zgjodhën edhe një anëtar në Këshillin Shtetërorë të Cilësisë në Agjencinë kosovare të Akreditimit.

    Pas kësaj, deputetët shkuan në pauzë deri në orën 16:00.

  • ​Dëshmitari që pretendon se u ndalua nga UÇK-ja po intervistohet në seancë private

    ​Dëshmitari që pretendon se u ndalua nga UÇK-ja po intervistohet në seancë private

    Edhe një tjetër dëshmitar i mbrojtur i Zyrës së Prokurorit të Specializuar (ZPS), ka nisur dëshminë e tij para trupit gjykues në Hagë, në rastin kundër ish-krerëve të Ushtrisë Çlirimtare të Kosovës (UÇK). Ai po intervistohet nga prokuroria në seancë private, lidhur me periudhën e vitit 1998 kur ai pretendon se është mbajtur e keqtrajtuar nga pjesëtarë të UÇK-së.

    Një përmbledhje të dëshmitarit me kodin 4337 e ka lexuar prokuroi James Pace, sipas së cilit, ai ishte marrë nga shtëpia e tij në vitin 1998 dhe ishte mbajtur i ndaluar për rreth një muaj.

    Prokurori ka thënë se dëshmitari është shqiptar i Kosovës dhe se në vitin 1998 ishte një bujk.

    “Dëshmitari 4337 është shqiptar i Kosovës i cili në vitin 1998 ishte një bujk. Në mes të gushtit e morën nga shtëpia ushtarët e UÇK-së dhe e mbajtën për rreth një muaj të ndaluar. E morën në pyetje anëtarët e UÇK-së. U abuzua verbalisht dhe u kërcënua, u keqtrajtua dhe u rrah disa herë nga pjesëtarë të UÇK-së, gjithashtu vërejti që u rrahën edhe të ndaluar të tjerë dhe ishin në kushte të dobëta. Gjatë kohës që u mbajt në ndalim, dëshmitari 4337 qëndroi në një dhomë pa dyshekë dhe nuk i dhanë ushqim të mjaftueshëm, nuk u trajtua nga pikë[amja mjekësore. Lëndimet që pësoi dëshmitari 4337 për shkak të rrahjes dhe keqtrajtimit kanë ende ndikim në mirëqenien dhe shëndetin e tij”, ka lexuar Pace.

    Pyetjet sqaruese për këtë dëshmitar janë zhvilluar në seancë private e cila pastaj ka vazhduar me përmbajtje të redaktuar apo tërësisht e mbyllur për publikun.

    Tutje, gjykata ka lëshuar në transmetim publik një pjesë të shkurtë të dëshmisë së këtij dëshmitari.

    Prokurori Pace: Ne seancë private ne folëm lidhur me ndalimin tuaj, nuk do e themi vendin se ku, a mund të na thoni nëse gjatë apo pas këtij ndalimi ndonjë pjesëtar i UÇK-së ju dha mundësinë të kundërshtoni faktin që ishit ndaluar?

    Dëshmitari: Asnjëherë.

    Prokurori Pace: Gjatë ose pas ndalimit, a ju dha ndonjë pjesëtar u UÇK-së ndonjë dokument që pretendonte se kjo ishte baza se pse ju kishin ndaluar juve, që pretendon e ju kishit bërë diçka keq dhe për këtë arsye ju ndaluan?

    Dëshmitari: … (Nuk kuptohet përgjigja)

    Prokurori Pace: Gjatë ose pas ndalimit tuaj, ndonjë pjesëtar i UÇK-së a ju ka akuzuar konkretisht për ndonjë krim që pretendohej se ishte kryer atëherë?

    Dëshmitari: Jo asnjëherë.

    Prokuroi Pace: Gjatë ose pas ndalimit tuaj, a ka pasur ndonjë pjesëtar të UÇK-së që ju ka akuzuar për ndonjë krim konkret që pretendohet që keni kryer ju.

    Dëshmitari: Askujt nuk i kam pasur borxh asnjëherë.

    Pas kësaj seanca ka vijuar me përmbajtje të redaktuar.

    Dëshmitari me kodin 4337 pritet të intervistohet rreth tri orë nga prokuroria ndërsa gjashtë të tjera nga ekipet mbrojtëse.

    E gjithë dëshmia e tij mund të përfundojë brenda dy ditësh.

    Ky është dëshmitari i dymbëdhjetë i ZPS-së në gjykimin kundër Hashim Thaçit, Kadri Veselit, Jakup Krasniqit e Rexhep Selimit.

    Gjykimi ka nisur më 3 prill me deklaratat hyrëse të tyre.

    Para trupit gjykues, Thaçi, Veseli, Selimi dhe Krasniqi janë deklaruar të pafajshëm për akuzat për krime të pretenduara të luftës.

    Ata ndodhen në qendrën e paraburgimit në Hagë prej nëntorit të vitit 2020./KosovaPress

  • ​Dybala: Nuk largohem nga Roma

    ​Dybala: Nuk largohem nga Roma

    E ardhmja e Paulo Dybalas te Roma nuk është në pikëpyetje. Këhsut ka lënë të kuptohet nga vet lojtari pas thashethemeve të vazhdueshme për një interes nga Chelsea, me klubin anglez të gatshëm për të paguar klauzolën 12 milionë euro që është e vendosur në kontratën e tij.

    “Jam i emocionuar, jam i lumtur të qëndroj në Romë dhe të filloj stërvitjen”, tha Dybala pasi zbarkoi në kryeqytet për të nisur stërvitjet me Romën.

    Ditëve të fundit mediat angleze raportuan se Chelsea është i gatshëm të paguajë klauzolën e lirimit të argjentinasit pasi ata janë në kërkim të një sulmuesi të ri pasi Romelu Lukaku pritet të largohet nga “Stamford Bridge”.

  • ​Tahiri: Sot po fillon një etapë e re e bashkëpunimit të LVV-së me Milan Radojiçiqin

    ​Tahiri: Sot po fillon një etapë e re e bashkëpunimit të LVV-së me Milan Radojiçiqin

    Shefi i Grupit Parlamentar të Partisë Demokratike të Kosovës, Abelard Tahiri, ka thënë se sot po fillon një e etapë e re e bashkëpunimit të Lëvizjes Vetëvendosje me kriminelin Milan Radojiçiq, i cili është edhe nënkryetar i Listës Serbe.

    Tahiri reagoi në Kuvendin e Kosovës, pas publikimit në medie të disa përgjimeve mes shefes së Grupit Parlamentar të LVV-së, Mimoza Kusari-Lila me anëtarin e Listës Serbe, Slavko Simiq.

    “I bëjë thirrje Prokurorisë së Shtetit që të ndërmarrë hapa në raport me të gjithë ata njerëz që janë në komunikim me njerëz që janë ndjekje nga Prokuroria e Shtetit dhe listën e zezë të ShBA-së. Sot me gjasë po fillon një etapë e re e bashkëpunimit të Lëvizjes Vetëvendosje me Milan Radojçiq”, tha ai. /KP

  • ​Mehaj reagon për ushtarin e KFOR-it që i amputohet këmba

    ​Mehaj reagon për ushtarin e KFOR-it që i amputohet këmba

    Ministri i Mbrojtjes, Armend Mehaj ka shprehur keqardhjen për ushtarin hungarez të KFOR-it, të lënduar nga grupet kriminale serbe gjatë protestave në Zveçan, të cilit për shkak të gjendjes së rënduar shëndetësore iu është dashur që t’i amputohet këmba nga ana e mjekëve të Institutit Kombëtar të Rehabilitimit Mjekësor në Hungari.

    Mehaj ka uruar uror që 26 ushtarët tjerë hungarez të plagosur sa më parë të rikuperohen, e të vazhdojnë angazhimin e tyre në kuadër të misionit të KFOR-it.

    “Grupet kriminale përgjegjëse për sulmin ndaj pjesëtarëve të KFOR-it duhet të marrin dënimin meritor, ngase dhuna është e papranueshme dhe asnjë formë nuk mund të zmbraps ushtrimin e rendit e ligjit, mjeteve demokratike të pakontestueshme, të drejta e të domosdoshme për sigurinë e vendit dhe të qytetarëve të Republikës së Kosovës”, ka shkruar ai në Facebook.

  • ​Futbollisti humb jetën pas aksidentit tragjik me motor

    ​Futbollisti humb jetën pas aksidentit tragjik me motor

    Një 23-vjeçar ka humbur jetën në një aksident fatal të ndodhur natën e së dielës 9 korrik në Meta di Sorrento: viktima udhëtonte me motorin e tij.

    Futbollisti Vincenzo Gargiulo ka vdekur si pasojë e plagëve të marra në një aksident tragjik me motor pasi skuteri me të cilin po udhëtonte përplasi një makinë për arsye që ende nuk janë verifikuar.

    Edhe pse mori shumë shpejtë ndihmën mjekësore, kjo nuk mjaftoi që të shpëtohej jeta e Gargiulos, përcjellë KosovaPress.

    Vincenzo Gargiulo, 23 vjeç, menjëherë pas përplasjes dhe fluturimit nga skuteri i tij, është transportuar në spitalin Cardarelli ku sipas informacioneve të para të grumbulluara ka ndërruar jetë pas pasojave të aksidentit.

    Forcat e rendit po përpiqen të zbardhin rrethanat në të cilat i riu humbi jetën natën e së shtunës dhe të dielës në Meta pranë Sorrentos .

    Vincenzo, me origjinë nga Vico Equense, ishte i njohur sepse kishte luajtur dhe ende luante futboll në skuadra të ndryshme.