Emisioni veror “n’mal A n’det” ka filluar transmetimin në ATV. Ky emision, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.
Një ndër rubrikat që do ta përcjellin këtë emision është edhe rubrika me anekdota.
Edhe në emisionin e mbrëmshëm, u përmenden disa anekdota të cilat janë mjaft të njohura në mesin tonë.
Gazetari Ensar Ramadani, deri sa në emision po bisedohej për anekdotat, tregoi se shprehje të urta popullore ka dëgjuar shumë nga gjyshja e tij, të cilat janë përcjellë deri tek ajo prej gjeneratave të më hershme.
“’Fjalët e hallkut e birat e gardhit nuk mshelen kurrë’, ka thanë ai i moçmi. Unë jam rritë, fatmirësisht e kam pasur një gjyshe që krejt sendet në jetë m’i ka lidhë qysh ka thënë babai i saj, gjyshi i saj, për deri sa nuk kemi pasur gjëra të shkruara”, tregon gazetari. /atvlive.tv
Tre persona janë lënduar si pasojë e një përleshje e cila ka ndodhur rreth orës 20:00 në Prishtinë në rrugën “Ibrahim Luftiu”, në afërsi të gjimnazit “Sami Frashëri”. Ndërsa janë arrestuar pesë.
Në raportin 24-orësh të Policisë së Kosovës bëhet e ditur se është raportuar se gjatë përleshjes është përdorur edhe një armë zjarri, e cila është konfiskuar.
“Janë arrestuar pesë të dyshuar meshkuj kosovarë pasi që, janë rrahur në mes vete. Me vendim të prokurorit të dyshuarit, katër janë dërguar në mbajtje, ndërsa njëri do të dërgohet në vuajtje të dënimit pasi që, kishte urdhër arrest nga gjykata”, thuhet në raport.
Policia e Kosovës ka arrestuar në Pejë një person të dyshuar për kanosje ndaj dy prokurorëve.
Në një njoftim për media bëhet e ditur se Drejtoria Rajonale e Policisё Pejё, më 14 korrrik rreth orёs 19:20, ёshtё informuar se nё rrugën “Mbretёresha Teutё”, i dyshuari ka kanosur pёrmes telefonit dy prokurorë tё shtetit.
“Policia menjëherë ka marrё masat e nevojshme duke kërkuar tё dyshuarin (i njohur pёr Policinё), nё vendbanimin e tij, mirёpo i njëjti nuk ёshtё hasur nga Policia”, thuhet në njoftim derisa bëhet e ditur se pas njё pune intensive tё hetuesve tё Sektorit Rajonal pёr Hetime DRP Pejё, ёshtё arritur tё identifikohet lokacioni i personit tё dyshuar dhe i njëjti ёshtё arrestuar.
Lidhur me rasti ёshtё njoftuar Prokurori i shtetit i cili ka urdhëruar qё i dyshuari tё ndalohet pёr 48- orё.
Emisioni veror “n’mal A n’det” ka filluar transmetimin në ATV. Ky emision, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.
Një ndër rubrikat që do ta përcjellin këtë emision është edhe rubrika “Ku me shku n’mal”, në të cilën do të shfaqen reportazhe nga vende të ndryshme malore në Kosovë.
Dje në emisioni veror “n’mal A n’det” u shfaq një reportazh nga Jala, një ndër vendet më atraktive për të kaluar pushimet në bregdetin shqiptar.
Në Jalë, gazetarja e ATV-së zhvilloi disa biseda me turistët, të cilët treguan eksperiencat e tyre në këtë vend turistik.
Shumë nga turistët treguan se tash e disa vite i bëjnë pushimet në Jalë, për shkak se është një vend me i veçantë në krahasim me vendet tjera në bregdetin shqiptar. /atvlive.tv
Reportazhin e plotë të ATV-së në Jalë e gjeni në videon më poshtë:
Të gjithë ne mezi presim sezonën e verës për të kaluar pushime të paharrueshme, ku synojmë aventura nga më të ndryshme por me një kosot më të përballueshme.
Një udhëtim nëpër Evropë mund të themi se është një ëndërr e realizuar nëse bëjmë një planifikim të duhur edhe nëse nuk mund të kurseni shumë në pjesën e pushimeve verore evropiane për të shkuar atje, ka disa mënyra të tjera për të konsideruar uljen e kostove pasi të jeni në terren.
Së pari, kostoja e akomodimit në Evropë mund të jetë mjaft e tepruar, veçanërisht në qytetet e njohura si Parisi, Londra dhe Roma. Dhe këto shpenzime mund të shtohen shpejt pa i kushtuar shumë vëmendje, veçanërisht nëse planifikoni të qëndroni për një periudhë të gjatë.
Me aeroplanët që përshkojnë Oqeanin Atlantik dhe hotelet që nuk kanë probleme të mbushin dhomat nëpër pikat e nxehta turistike, do t’ju duhet të veproni me zgjuarsi.
“CNN Travel”, foli me agjentë udhëtimesh, ekspertë dhe udhëtarë ekspertë gjithashtu, për këshillat e tyre mbi kursimin e parave në udhëtimet evropiane këtë verë të paprecedentë.
“Ndërsa tarifat e hoteleve dhe biletat e avionit rriten edhe më shumë këtë verë, lundrimi vazhdon të jetë një opsion pushimesh me vlerë të lartë dhe një mënyrë fantastike për të eksploruar Evropën në një mënyrë më ekonomike sesa nëse do të udhëtonit me rrugë tokësore”, tha Colleen McDaniel, kryeredaktor i “Cruise Critic”.
Ndërsa vera përfundon dhe shkollat fillojnë të hapen, Katy Nastro nga agjencia për biletat e fluturimeve nga Amerika e Veriut në Evrop thotë se kërkesa e reduktuar për udhëtime mund të sjellë me vete çmime më të lira.
Veçanërisht nëse jeni duke kërkuar të përfitoni sa më shumë nga bileta ajrore që keni paguar për të shkuar në Evropë dhe për të vizituar më shumë se një destinacion pa pasur nevojë të hipni në një aeroplan tjetër, thotë ajo, lundrimi mund të korrë kursime serioze mbi atë që do të paguanit për një pushim të ngjashëm që lidh vendet me rrugë. /atvlive.tv
Federata e Basketbollit të Kosovës (FBK) përmes një komunikate ka bërë të ditur se drejtori ekzekutiv i FIBA Evropës, Kamil Novak do të qëndrojë sot për një vizitë një ditore në Kosovë.
Qëllimi i vizitës së Novak do të jetë për ta përkrahur FBK-në për punën e palodhshme që po e bën bordi në krye me kryetarin, Arben Fetahu në zhvillimin e basketbollit në Kosovë, raporton KosovaPress.
Novak fillimisht do të vizitojë zyrat e FBK-së, ndërsa më pas do të ketë një drekë pune me Komitetin Ekzekutiv të FBK-së.
Po ashtu, Novak do të jetë prezent në ndeshjen mes Kosovës dhe Maltës që do të zhvillohet në kuadër të Kampionatit Evropian, Divizioni C për meshkuj U16.
Menjëherë pas kësaj përballje Novak udhëton drejt Prizrenit, ku edhe do të ndjek nga afër përballjen mes Kosovës dhe Zvicrës, në kuadër të raundit të tretë parakualifikues për Eurobasket 2025.
Në tetor të vitit të kaluar vendin tonë e kishte vizituar Andreas Zagklis, Sekretari Gjeneral i FIBA Botës.
Shkencëtari i NASA-s, Peter Kalmus, ka paralajmëruar se kjo verë “do të jetë më e freskëta” nga çfarë do të përjetojmë për pjesën tjetër të jetës, pasi valët e të nxehtit vazhdojnë të shkatërrojnë Evropën dhe SHBA-në, ndërsa përmbytjet, musonët dhe tajfonët godasin Azinë.
“Shumica e njerëzve ende nuk e dinë se në çfarë rreziku janë”, tha Peter Kalmus në Twitter.
“Kjo do të jetë vera më e freskët për sa jetë ju ka ngelur, dhe kjo nuk duhet të jetë vetëm një meme. Në fakt është e tmerrshme” shtoi ai.
Kalmus bëri thirrje që përdorimi i lëndëve djegëse fosile të përfundojë sa më shpejt të jetë e mundur, përpara se të sqaronte në një postim të mëvonshëm se “do të ketë gjithmonë ndryshime rajonale dhe ndërvjetore, por në një kuptim mesatar, tendencat e nxehtësisë nënkuptojnë se kjo do të jetë vera më e freskët për një kohë të gjatë”.
Ai tha gjithashtu se nëse bota dhe shoqëria “kalojnë në modalitetin e emergjencës klimatike”, do të ishte e mundur që planeti të fillonte të ftohet deri në fund të shekullit.
Secila krahinë, ka jo vetëm mënyrë e të folurit me të cilën identifikohet, mirëpo ka edhe shprehje e gatime të ndryshme e të veçanta.
Kështu në kuadër të rubrikës ”Shqipnisht”, të emisionit “n’mal A n’det”, gazetarja e ATV-së, ka pyetur qytetarët e Kosovës se a e dinë ata se çfarë lloji i ushqimit është pispili?
Fjala ‘pispili’ në Shqipëri, ka kuptimin e ushqimit tradicional (pites), që në Kosovë ndryshe njihet si lakror që gatuhet me miell misri.
“Për herë të parë po e dëgjojë prej teje këtë fjalë, nuk e paskam dëgjua ndonjëherë. At fjalorin e Shqipërisë, unë realisht i kam disa kolegë dhe më duhet 2-3 herë me i dëgjua sepse ka shumë terme të ndryshme prej neve”, u përgjigj një qytetar.
“Jo nuk po e disha për besë, s’kam dëgju kurrë”, tha një grua.
“Faleminderit që më informove se kurrë lidhje për këtë fjalë s’paskam ditë”, u shpreh një burrë./atvlive.tv/
Për më shumë ndiqni përgjigjet e qytetarëve në videon e mëposhtme:
Dita e sotme në vendin tonë pritet të ketë mot me diell.
Temperaturën minimale për ditën e sotme e ka shënuar Ferizaj me 17 gradë Celsius, ndërsa atë maksimale Prizreni me 35 gradë Celsius.
Edhe dita e nesërme pritet të jetë me kushte të njëjta atmosferike.
Temperaturën minimale për ditën e nesërme do ta mbajë qyteti i Pejës me 18 gradë Celsius, ndërsa atë maksimale Pprizreni me 35 gradë Celsius.
Ndërkohë, edhe në Shqipëri pritet të ketë mot me diell dhe kthjellime. Temperaturën minimale do e ketë Korça me 16 gradë Celsius, ndërsa ajo maksimale do të jetë në Berat me 40 gradë Celsius. /atvlive.tv//atvlive.tv
Parashikimin e plotë të motit, për rajon dhe Evropë, mund ta gjeni në videon e mëposhtme:
Në të njëjtën ditë kur pritet të zhvillohen bisedime në Bruksel në mes të krynegociatorëve të dialogut mes Kosovës dhe Serbisë, Besnik Bislimit dhe Petar Petkoviqit, Sekretari i Përgjithshëm i NATO-s, Jens Stoltenberg, do të takohet me presidentin e Serbisë, Aleksandar Vuçiq më 19 korrik në Bruksel.
Më 12 korrik, Vuçiq ka bërë të ditur se i ka dërguar NATO-s letër zyrtare me kërkesë që ta takojë shefin e këtij institucioni.
Temë e bisedimeve besohet se do të jetë situata në Kosovë.
Më 11 korrik, Bashkimi Evropian ka konfirmuar se është pajtuar me Kosovën në marrjen e disa hapave për uljen e tensioneve në veri./atvlive.tv/
