ATV

Blog

  • Rikthehet “Mergata Fest & Sport”, tri ditë sporti dhe argëtimi pa kufij në sheshin “Adem Jashari” në Lipjan

    Rikthehet “Mergata Fest & Sport”, tri ditë sporti dhe argëtimi pa kufij në sheshin “Adem Jashari” në Lipjan

    Bëhuni gati për tre ditë me plotë aktivitete sportive dhe argëtimi në “Mergata Fest & Sport”, që do të mbahet në datat 27, 28 dhe 29 korrik. Ky festival i shumëpritur, tashmë tradicionoal, organizohet posaçërisht për diasporën dhe premton një përzierje të gjerë të aktiviteteve sportive dhe argëtuese.

    Naim Llugiqi dhe Alban Zejnullahu, organizatorë të festivalit, kanë ndarë më shumë detaje rreth këtij eventi në emisionin e mëngjesit ALARM në ATV.

    Një nga pikat kryesore të festivalit do të jenë koncertet e mbrëmjes me fillim nga ora 20:00, që do të mbahen nën patronatin e kryetarit Imri Ahmeti. Sheshi “Adem Jashari” në Lipjan për tri netë radhazi do të gjallërohet me performancat magjepsëse të këngëtarëve të njohur të estradës, ndër të cilët do të jenë Sabri Fejzullahu, Nora Istrefi, Alban Mehmeti, Xuxi, e shumë të tjerë.

    “Përpos aktiviteteve sportive që do të ketë, ne e kemi edhe festivalin, do të thotë koncertin prej orës 20:00, i cili organizohet nën patronazhin e kryetarit Imri Ahmeti. Deri në ora 23:00 e kemi çdo natë, për tri net radhazi, krejt këngëtarët nga estrada. Është Sabri Fejzullahu, Nora Istrefi, Alban Mehmeti, Xuxi e shumë të tjerë. Prej orës 20:00 që fillojnë, i ftojmë në sheshin “Adem Jashari” në Lipjan”, tregoi Naim Llugiqi.

    Ndërsa, Alban Zejnullahu, i cili në këtë festival do të përkujdeset për pjesën e sportit, tha se për dallim prej vitit të kaluar, këtë edicion do të ketë edhe sporte të tjera, të cilat janë mjaft atraktive për pjesëmarrësit.

    “Realisht, sivjet do të mbajmë aktivitete të ngjashme siç i kishim vitin e kaluar, por kësaj here pak më ndryshe me do sporte që nuk janë parë më herët dhe kryesisht janë sporte që janë shumë atraktive për qytetarët që do të marrin pjesë”, tha Zejnullahu.

    Bisedën e plotë të Naim Llugiqit dhe Alban Zejnullahut në ALARM e gjeni në videon më poshtë:

    Emisionin e plotë e gjeni në videon më poshtë:

  • Bella Hadid ndahet nga Marc Kalman

    Bella Hadid ndahet nga Marc Kalman

    Pavarësisht zërave për një fejesë të mundshme Bella Hadid u nda nga Marc Kalman.

    Një burim i afërt me familjen tha se Hadid dhe Kalman u ndanë në fillim të këtij viti, por nuk e bënë publike.

    Që atëherë, ajo ka kaluar kohë me nënën e saj, Yolanda Hadid, në fermën e saj në Pensilvani.

    “Bella e përfundoi lidhjen sepse donte të merrte kohë për t’u fokusuar tek vetja”, tha burimi.

    Hadid dhe Kalman patën bërë publike lidhjen e tyre në korrik të vitit 2021, megjithëse u tha se ata kishin filluar lidhjen që në vitin 2020. /atvlive.tv

    Më shumë detaje i gjeni në videon më poshtë:

  • DJ Khaled tregon ‘sekretin’ për jetëgjatësinë bashkëshortore

    DJ Khaled tregon ‘sekretin’ për jetëgjatësinë bashkëshortore

    DJ Khaled dhe Nicole Tuck u shfaqën në tapetin e kuq në Gala të Fondacionit Shawn Carter të Jay-Z dhe zbuluan se çfarë e ka mbajtur të fortë lidhjen e tyre 11 vjeçare!

    11 vjet, dy fëmijë DJ Khaled dhe partnerja e tij Nicole Tuck vazhdojnë të kenë një nga marrëdhëniet më të bukura dhe më të dashura në Hollywood.

    Artisti i referohet bashkëshortes si ‘Mbretëresha ime’ dhe flet me entuziazëm për dashurinë e tij për të në çdo rast që i jepet.

    Ndërsa bisedonin me HollywoodLife në një intervistë eksluzive, të dy DJ Khaled dhe Nicole zbuluan mendimet e tyre mbi atë që e ka bërë romancën e tyre të funksionojë përmes famës, orareve të ngarkuara dhe fëmijëve.

    ‘’Duhet të jesh i vërtetë në çdo kohë”. Ne jemi një familje e vërtetë. Ne jemi të pastër dhe të vërtetë. Pra, momentet tona së bashku janë momentet më të lumtura.

    Mbretëresha Ime, ajo është gjithmonë e vërtetë. Dhe e mbaj të vërtetë gjatë gjithë kohës. Mendoj se çdo marrëdhënie, thjesht duhet të jesh real dhe i pastër, dhe duhet të qëndrosh pranë njëri-tjetrit, në kohë të mira, në kohë të vështira . Kështu e dini se keni një marrëdhënie të vërtetë’’, tha Khaled. /atvlive.tv

    Më shumë detaje i gjeni në videon më poshtë:

  • Kylie Jenner mohon thashethemet për operacionet në fytyrë

    Kylie Jenner mohon thashethemet për operacionet në fytyrë

    Gjatë episodit të ri të The Kardashian’s , Kylie Jenner bisedoi me motrat Kourtney dhe Khloe Kardashian për presionet e standardeve të bukurisë në shoqëri.

    “Më kujtohet gjithmonë se isha fëmija më i sigurt në dhomë”, tha Kylie. “Gjithmonë e kam dashur veten – ende e dua veten – dhe një nga keqkuptimet më të mëdha për mua është se unë isha ky fëmijë i pasigurt dhe bëra kaq shumë operacione për të ndryshuar të gjithë fytyrën time, gjë që është e rreme.”

    Kylie më pas vuri në dukje se sa shumë “ndikim” dhe “fuqi” kanë ajo dhe motrat e saj dhe si ka ndikuar në standardet e bukurisë së të tjerëve në mediat sociale.

    Kylie gjithashtu u tregoi motrave të saj se një nga pasiguritë e saj vinte prej tyre.

    Ju kujtohet se si gjithmonë flisnit për veshët e mi?” Kylie pyeti.

    “Por unë nuk e prita ashtu,” E mora sikur të gjithë po talleshin me veshët e mi shpjegoi Kylie. /atvlive.tv

    Më shumë detaje i gjeni në videon më poshtë:

  • Cardi B shpenzoi 20,000 dollarë për dy fëmijët e saj

    Cardi B shpenzoi 20,000 dollarë për dy fëmijët e saj

    Cardi B ka folur për fëmijët e saj se si ajo është e lumtur që ka arritur të ketë mundësi financiare t’I blejë fëmiëjve gjëra që Cardi si kishte në fëmijërinë e saj.

    Në një intervistë të re në gazetën prestigjioze New York Times, reperja rrëfeu se ka blerë 20,000 dollarë lojëra luksoze për dy fëmijët.

    ‘’Kjo është ajo për të cilën punoj shumë, për fëmijët e mi,” shpjegoi ajo. “Shpenzimet e tepërta për fëmijët tuaj nuk do të thotë se jeni një prind i shkëlqyer, por ju bën të ndiheni mirë. Të bën të ndihesh sikur po jeton ëndrrën tënde të fëmijërisë.”

    Reperja shpesh ka thënë se mund të jetë një repere pak më e ashpër me fjalë dhe temperamenti I saj mund të dalë nga kontrolli, por sipas saj, ajo është një nënë shumë e mirë.

    “Gjatë gjithë kohës mendoj për fëmijët e mi. Kur jam në telefon me menaxherin tim i them sigurohu që një përqindje e çekut tim të shkojë për fëmijët e mi.

    Cardi përshkroi se sa mirë ndihet që tani është në gjendje t’ua kthejë të dashurve të saj gjithcka që ata kan bërë për të.

    “Kur i bleva një shtëpi nënës sime, kjo do të thoshte shumë për mua. Kur bleva shtëpinë time me burrin tim, kjo do të thoshte shumë për mua. Kur bleva një shtëpi tjetër … vazhdova të bleja më shumë shtëpi,” tha ajo.

    Cardi B ka dy fëmijë me bashkëshortin e saj Offset, reperi nga grupi Migos, i cili ka edhe tre fëmijë të tjerë nga lidhjet e mëparshme. /atvlive.tv

    Më shumë detaje i gjeni në videon më poshtë:

  • Fuqizimi i grave kosovare, organizohet panairi i tretë me produkte bujqësore dhe bimore sheshin ‘Zahir Pajaziti’

    Fuqizimi i grave kosovare, organizohet panairi i tretë me produkte bujqësore dhe bimore sheshin ‘Zahir Pajaziti’

    Panairi i tretë radhazi i organizuar nga EcoKosWomen (EKW) nisi punimet në Sheshin Zahir Pajaziti më 20 korrik, i cili ka për qëllim fuqizimin dhe mbështetjen e grave rurale në Kosovë.

    EKW, një organizatë e dedikuar për promovimin e barazisë gjinore dhe mundësive ekonomike për gratë, prezantoi 25 agrobiznese të drejtuara nga gratë kosovare gjatë ngjarjes.

    Këto gra ndërmarrëse kishin një platformë të jashtëzakonshme për të ekspozuar punën e tyre dhe për të tërhequr vëmendjen nga qytete të ndryshme të Kosovës.

    Ekipi i ATV-së ishte prezente në panair, për të vëzhguar nga afër punimet që po bëhen aty dhe duke zhvilluar edhe disa biseda me gratë sipërmarrëse.

    Për më shumë njohuri mbi panairin dhe historitë frymëzuese të grave pjesëmarrëse, shikoni videon më poshtë:

    Emisionin e plotë e gjeni në videon më poshtë:

  • Kurti: Kosova e ka vendin në Këshillin e Evropës, i kemi plotësuar edhe kushtet ligjore

    Kurti: Kosova e ka vendin në Këshillin e Evropës, i kemi plotësuar edhe kushtet ligjore

    Kryeministri i Kosovës, Albin Kurti, ka deklaruar se Republika e Kosovës e ka vendin në Këshillin e Evropës pasi është ndërtuar në vlerat evropiane dhe në respektim të pakicave, raporton Ekonomia Online.

    Në takimin e parë të Grupit Koordinues për anëtarësimin e Republikës së Kosovës në Këshillin e Evropës, Kurti u shpreh anëtarësimin mundëson qasjen në gjykatën ndërkombëtare për të drejtat njeriut dhe kjo forcon edhe më shumë mbrojtjen e qytetarëve tanë pa dallim.

    Madje shprehte i bindur se Kosova i ka plotësuar edhe kërkesat ligjore për t’u bërë anëtare e Këshillit të Evropës.

    “Si organizata më e vjetër Këshilli i Evropës sikurse shteti ynë mishërojnë vlerat në të drejtat e njeriut. Republika e Kosovës është ndërtuar në vlerat e Këshillit të Evropës si dhe të drejtat e komuniteteve pakicë natyrshëm e ka vendin në këtë organizatë”.

    “Kjo mundëson qasjen në gjykatën kjo forcon edhe më shumë mbrojtjen e qytetarëve tanë pa dallim. Republika e Kosovës ka plotësuar edhe kërkesat ligjore për t’u bërë anëtare e Këshillit të Evropës”, tha Kurti.

    Zëvendëskryeministrja, Donika Gërvalla, tha se kjo çështje është marrë në mënyrë intensive e me seriozitet e profesionalizëm.

    Ai ka kërkuar që të gjitha institucionet të angazhohen në mënyrë që anëtarësimi të ndodh sa më parë, raporton EO.

    “Falë angazhimit të zëvendësministrit Kreshnik Ahmeti jam shumë e bindur se proceset do të kishin zgjatur më shumë. Është marrë në mënyrë intenzive me anëtarësim në Këshill të Evropës duke dëshmuar një seriozitet dhe profesionalizëm të jashtëzakonshëm”.

    “Tani që ka kaluar faza e parë, gjithçka do të varët nga bashkërendimi i këtij grupi, prandaj uroj që në institucionet që ju punoni të luftoni në emër të Kosovës që proceset që varën nga institucionet tuaja të ecin sa më shpejtë sepse nga bashkërendimi juaj do të varet edhe ritmi me të cilin ne do të anëtarësohemi në Këshillin e Evropës sa më shpejt”, tha Gërvalla.

  • Sylejman Kllokoqi dhuron tri kamerat me të cilat regjistroi momente historike

    Sylejman Kllokoqi dhuron tri kamerat me të cilat regjistroi momente historike

    Fakultetit të Arteve në Prishtinë i janë dhuruar tri kamera nga Sylejman Kllokoqi, kameramani i cili ishte dëshmitar në 7 luftëra gjithandej botës, ku ndër vite ka regjistruar momente të rëndësishme në historinë e kombit shqiptar dhe jo vetëm.

    Të ndrysme për nga forma, madhësia e mënyra e të funksionarit, të tria ngërthejnë në vete ngjarje të rëndësishme që formësuan kombin tonë. Këto tri kamera, përmes punës profesionale të kameramanit Sylejman Kllokoqit, regjistruan momentet më kritike në Kosovë e jashtë saj.

    Në një bisedë për ATV-në, Kllokoqi tregoi historinë e tij kur kishte nisur për herë të parë të merrej me fotografi.

    “Unë në Prishtinë, kur kanë qenë vetëm tre katër fotografë, kam fillu me punu me fotografi, se edhe fotografia ka lindë para kameras. Dashuria e ime gjithmonë ka qenë të shkoj më lart dhe ashtu kur mbarova gjimnazin, ashtu edhe qysh në fillore edhe gjimnaz kam punu si fotograf, edhe kam shku në shkollë. Mbas mbarimit të gjimnazit, shkova me e studio kamerën në Beograd. Me thanë të vërtetën ka qenë shumë vështirë sepse vetëm 6 studentë janë pranuar në një vit. Konkurrenca ka qenë shumë e madhe, por shumë më ka ndihmu që kam punu si fotograf dhe pata sukses. Me kamerën e parë që kam punuar këtu, ka qenë kamera amatore e filmit, bile në atë kohë në Zagreb i kemi dërgu në një vend, i zhvilluam me postë, ata na i kanë kthy e mandej u dasht me pas projektorin me projektu. Aty ka qenë si fotograf unë e kam përdor një kamerë amatore, kurse gjatë studimeve, atëherë kam fillu me kamera profesionale”, rrëfeu Kllokoqi.

    Mbas studimeve ai kishte filluar të punojë me kamerë profesionale të filmit në Televizionin e Prishtinës.

    “Mbas mbarimit të studimeve të mija, unë kam fillu me kamerë filmike në Televizionin e Prishtinës. Por, ajo është një teknologji shumë e shtrenjtë sepse është dashur me e ble filmin që ka kushtu diku 100 euro po them metra. U dashtë me gjirua filmin, me shku me e zhvillu atë, pastaj me e montu, prej montimit me e dërgu në emitim. Shumë proces i gjatë. Më vonë e kanë bërë televizionet në botë dhe ka shku teknologjia që kanë dalë këto teknologjia më e re me punu me elektronikë” tregon ai.

    Me kamerën e parë, Kllokoqi ishte dëshmitar në shkatërrimin e Jugosllavisë, luftërave në Slloveni dhe Bosnje e Hercegovinë. /atvlive.tv

    Bisedën e plotë të Sylejman Kllokoqit në ATV, e gjeni në videon më poshtë:

    Emisionin e plotë e gjeni në videon më poshtë:

  • Deputetet e opozitës kërkojnë llogari nga Bislimi: Skandalet e Qeverisë janë të panumërta, vendi të shkojë në zgjedhje

    Deputetet e opozitës kërkojnë llogari nga Bislimi: Skandalet e Qeverisë janë të panumërta, vendi të shkojë në zgjedhje

    Anëtaret e Komisionit për Integrim Evropian kanë mbajtur konferencë për medie, pas dështimit të raportimit të zëvendëskryeministrit Besnik Bislimi, raporton Ekonomia Online.  Ky i fundit ishte ftuar të raportojë në lidhje me dialogun por që nuk ishte prezentë.

    Deputetja e LDK-së, Rrezarta Krasniqi, tha se edhe përkundër konfirmimit se do të marrë pjesë në Komisioni Bislimi nuk ka ardhur, madje kanë munguar edhe deputetët e pozitës.

    “Sot e kam thirrur takimin, zëvendëskryeministri dje na ka njoftuar që nuk vjen, qëllimi u bë i ditur sot se nuk erdhën as deputetet e pozitës”.

    “Ne e kemi thirrur për të raportuar për sanksionet, dhe takimin në Bratislavë një takim që nuk duhet të ndodhet atje, por në Bruksel”.

    Deputetja e PDK-së, Blerta Deliu-Kodra, ka kritikuar zëvendëskryeministrin Besnik Bislimi për mosraportim.

    Sipas saj, skandalet e Qeverisë janë të panumërta dhe se vendi duhet të shkojë në zgjedhje.

    “Njeriu dy i kësaj Qeverie prej marrëzisë dhe skandaleve sot nuk ishte për të raportuar, sepse e gjithë ajo që ka bërë kjo Qeveri janë skandalet e panumërta. Sot Kosova është më keq se kurrë nga brenda më e izoluar se kurrë nga jashtë”.

    “Në seancën e fundit kemi parë që numri dy ushtron dhunë ndaj deputetëve, ata Sa më herët duhet t’i lirojnë pozitat dhe vendi të shkoj në zgjedhje e të kthehet legjitimiteti te qytetarët”, tha ajo.

    Kritika për mos raportim të Bislimit, pati edhe deputetja e AAK-së, Time Kadriaj, raporton EO.

    “Kjo është Qeveria më jotransparente dhe është e obliguar Qeveria përmes një rezolutë që të diskutojë për dialogun. Po e shihni se kjo Qeveri po ik nga deputetët”, tha Kadriaj.

  • Dështon raportimi i Bislimit para komisionit parlamentar për integrim evropian

    Dështon raportimi i Bislimit para komisionit parlamentar për integrim evropian

    Zëvendëskryeministri për Integrim Evropian, Zhvillim dhe Dialog, Besnik Bislimi, ka pasur të raportonte të premten para Komisionit për Integrime Evropiane.

    Mirëpo as Bislimi dhe as deputetët e LV-së, nuk ishin të pranishëm në sallë, për çka edhe kjo mbledhje dështoi.

    Ndryshe, në sallën e këtij komisioni deputetja e Partisë Demokratike të Kosovës, Blerta Deliu-Kodra, ka vendosur disa posterë në Komisionin për Integrim Evropian ku shihet zëvendëskryeministri Besnik Bislimi duke e gjuajtur me shishe deputetin e PDK-së, Mërgim Lushtakun.