Pas fitores së ekipit të tij në ndeshjen përgatitore kundër Manchester United me rezultat 2-0, trajneri i Real Madridit siguroi se skuadra e tij është e kompletuar sa i përket blerjes së lojtarëve në këtë afat kalimtar.
“Skuadra është shumë e mirë kështu. Jemi të kompletuar”, tha trajneri italian.
Ndërsa i pyetur për Kylian Mbappen, lojtar i cili raportohet se ka marrëveshje me Realin, Ancelotti nuk dëshuroi të përgjigjet duke i thënë gazetarit që të kalojë në pyetjen tjetër.
Klubi spanjoll tashmë është forcuar që nga fillimi i kësaj merkatoje me ardhjet e Jude Bellingham , për 105 milionë euro, Brahim Diaz dhe Arda Güler.
Emisioni veror i ATV-së, “n’mal A n’det”, që nisi transmetimin javën e kaluar, vazhdon të sjellë për shikuesit argëtim, intervista dhe eksplorim kulturor.
Një prej rubrikave që u kushtohet mërgimtarëve është rubrika “A më mirë k’tu a atje”, ku çdo ditë për mërgimtarët ka pyetje të ndryshme.
Kësaj radhe gazetarja e ATV-së i pyeti qytetarët se “çka e veçon qytetin e Prizrenit nga vendet e tjera”, me ç’rast përgjigjet ishin nga më të ndryshmet.
Por, krahas pyetjes dhe përgjigjeve që i dhanë qytetarët në Prizren, shumë të tjerë edhe lëshuan deklarata interesante para kamerës së ATV-së.
Një mërgimtar, i cili tash e tri vjet jeton në Zvicër, tha se nuk e mendon rikthimin në Kosovë.
“Haj Zoti na rujt, vetëm për dit vere po, se ndryshe nuk po na pëlqen”, tha ai.
Në Komisionin për Administratë Publike, Pushtet Lokal, Media dhe Zhvillim Rajonal po raporton Komisioni i Pavarur për Media dhe Agjencia për Regjistrim të Bizneseve.
Ushtruesja e detyrës së drejtoreshës së ARBK-së, Nebibe Haliti tregoi për vendimin e anuluar të 21 qershorit, të drejtoreshës së kaluar.
“Vendimin me 14 qershor e ka vendosur drejtoresha e kaluar, por më 21 qershor pa një kërkesë të Klan Kosovës, drejtoresha e ka shfuqizuar vendimin me arsyetim se në sportelat e ARBK-së e ka parashtruar kërkesën për ndryshim. Ky vendim është anuluar nga ana ime, me arsyetimin që nuk ka pasur kërkesë për shfuqizim të vendimit. Tani jemi në pritje për nxjerrjen e dy vendimeve”, tha ajo.
Ajo shtoi se ndryshimet e fundit që janë tentuar të bëhen, janë ndaluar nga ana e saj.
Po ashtu, theksoi se ka pasur mungesë të dokumentacioneve gjatë vitit 2008 dhe tha se ka adresuar këto probleme.
“Konsideroj që është e qëllimshme. Unë ndër të tjera, kam iniciuar procedurë edhe ndaj zyrtarëve për mungesë të përgjegjësisë”, shtoi ajo.
Deputeti i Lidhjes Demokratike të Kosovës, Agim Veliu tha se mendon që ky rast ka probleme politike.
Për këtë ka reaguar ushtruesja e detyrës së drejtoreshës së ARBK-së, për çka mohoi që ka ndikime politike.
Anëtarja e KPM-së, Luljeta Aliu theksoi se janë duke diskutuar që në të ardhmen të ketë kujdes gjatë licencimit të mediumeve, që të mos trajtohen si biznese të rëndomta.
Emisioni veror i ATV-së, “n’mal An’det”, që nisi transmetimin javën e kaluar, vazhdon të sjellë për shikuesit argëtim, intervista dhe eksplorim kulturor.
Një prej rubrikave eksploruese në këtë emision është rubrika “Ku me shku n’mal”, në të cilën çdo ditë për shikuesit sjellin nga një reportazh nga fshatrat e ndryshëm të Kosovës.
Në emisionin e mbrëmshëm, ekipi i ATV-së bëri një vizitë në fshatin Makresh të komunës së Artanës.
Ndonëse shumë fshatra të Kosovës po braktisen nga vetë banorët e tyre, në fshatin Makresh që ndodhet në mes të Prishtinës dhe Gjilanit, banorët kanë një arsye për të qëndruar.
Numri i madh i vilave dhe i pushimoreve që janë ndërtuar këtu viteve të fundit, kanë bërë që ata ta kalojnë shumë mirë në vendin e tyre, dhe po ashtu të tërheqin vizitorë edhe nga vende të ndryshme të Kosovës.
Krijimi i këtij fshati turistik u fillua nga familja Buca, e cila u shpërngul nga Gjilani në Makresh, pasi pa potencialin që mbante ky vend për të krijuar një koncept të turizmit rural.
Genc Buca, në një bisedë për ATV-në, tregon se ku kanë ardhur për të investuar, fshati Makresh ka qenë i braktisut prej banorëve.
“Ne i kemi ditë gjithmonë bukuritë e këtij fshati, për shkak se si familje kemi pasë një vilë këtu ku kemi ardh dhe i kemi kalu vikendet. Edhe me biznes kemi qenë në qytet, me restorant. Mirëpo, gjithmonë na ka pëlqye ky vend, e kemi pa potencialin që e ka për zhvillimin e turizmit rural dhe argo turizmit, edhe vendosëm si familje me ardh edhe me investu këtu, edhe pse ky fshat ka qenë fshat i braktisur prej njerëzve për shkak se nuk ka pasur ndonjë mundësi të punësimit edhe njerëzit vazhdimisht kanë gjetur alternativa për me ikë prej këtu. Mirëpo, ne vendosëm për me ardh për shkak të bukurive natyrore, trashëgimisë kulturore që është e pasur në përgjithësi zona e Novobërdës, jo vetëm fshati Makresh”, tregon Buca.
Reportazhin e plotë të ATV-së në fshatin Makresh e gjeni në videon më poshtë.
Emisioni n’mal An’det, i cili vjen në një format më ndryshe, drejtohet nga yjet e ATV-së, Roberti, Emira dhe Jeta dhe jepet çdo ditë nga e hëna deri të premten prej orës 21:10.
Në videon e më poshtme e gjeni emisionin e plotë “n’mal A n’det” që u transmetua mbrëmë:
Martesat në mes shqiptarëve që jetojnë në Kosovë, dhe shqiptarëve të tjerë që jetojnë në vende të ndryshme të botës, kanë qenë dhe vazhdojnë të jenë të pranishme.
Bashkëjetesat në mes të rinjve të cilët martohen nga dy vende të largëta, kryesisht ndodhin në shtetet e jashtme të cilat kanë kushte më të mira të jetesës, ndërkohë që rrallëherë vajzat apo djemtë mund të kthehen nga kurbeti për të jetuar në Kosovë, qoftë edhe për hir të dashurisë.
Në emisionin “n’malAn’det”, në mesin e shumë mysafirëve të tjerë ishte e ftuar edhe Elisa Murmullaku nga Gjermania, e cila pohoi se pavarësisht se ka lindur dhe është rritur në Gjermani, për hir të dashurisë do të kthehej për të jetuar në Kosovë.
“…Po. Nuk jam kanë në situatë të tillë, por po pse jo. Mundesh me u kënaq në Kosovë…”, tha ajo.
Kujtojmë se vala e ikjes së të rinjve nga Kosova nuk është ndërprerë. Prej vitit 2013 deri më 2022, 252 mijë njerëz kanë ikur nga Kosova, legalisht e ilegalisht.
Për t’i dëgjuar intervistat ekskluzive të mërgimtarëve anë e kënd botës, ju ftojmë që nëpërmjet linkut të mëposhtëm, ta shikoni emisionin veror të ATV-së “n’malAn’det”:
Ministria e Mbrojtjes bën me dije se gjatë orëve të fundit janë shuar pjesa më e madhe e vatrave të zjarreve në vend.
Aktualisht ka mbetur vetëm një vatër aktive zjarri, në masivin pyjor Plyk- Kraps-Gjorkos, e cila u riaktivizua pas izolimit një ditë më parë dhe po punohet në terren për fikjen e tij.
“Situata e zjarreve në territorin e vendit paraqitet më e mirë, gjatë orëve të fundit. Pas një pune të gjatë të trupave të emergjencave civile në bashkëpunim me efektivë të FA, nën koordinimin e Agjencisë së Mbrojtjes Civile është bërë e mundur shuarja e pjesës më të madhe të vatrave. Ka vetëm një vatër aktive zjarri, në masivin pyjor Plyk- Kraps-Gjorkos, e cila u riaktivizua pas izolimit një ditë më parë. Po punohet në terren për fikjen e tij. Ka përmirësim të situatës në fushën e mbetjeve në Vlorë, por gjendja po mbahet nën monitorim”, njofton Ministria e Mbrotjes./ TCh/
Numri i të vdekurve nga tajfuni i fuqishëm Doksuri në Filipine u rrit në pesë të enjten, njoftuan mediat shtetërore.
Katër vdekje të tjera u raportuan nga rajoni verior i Cordillera-s, sipas Agjencisë së Lajmeve Filipine. Gjithashtu, dy persona u plagosën në jugperëndim të kryeqytetit Manila.
Numri i njerëzve të prekur nga reshjet e dendura, erërat e forta dhe përmbytjet gjithashtu u rrit në 328,356 pasi tajfuni përfshiu 836 fshatra në ishull.
Autoritetet lokal zhvendosën mijëra njerëz në qendrat e evakuimit.
Rreth 400 shtëpi u dëmtuan nga tajfuni.
Ndërkohë, Tajvani raportoi gjithashtu të paktën një vdekje për shkak të përmbytjeve të shkaktuara nga tajfuni Doksuri.
Sipas Qendrës Qendrore të Operacionit të Emergjencave, tre persona u bllokuan në ujërat e përmbytjeve në Tajvanin lindor të mërkurën. Zjarrfikësit shpëtuan dy prej tyre, ndërsa e treta, një grua, humbi jetën.
Byroja Qendrore e Motit lëshoi një paralajmërim për reshje të dendura shiu dhe erëra të forta në Tajvanin jugor nga e enjtja deri të premten, shkruan AA, përcjell KosovaPress
Dhjetra fluturime ndërkombëtare dhe vendase u anuluan të enjten, me shkolla dhe zyra të mbyllura në disa zona.
Policia e Kosovës ka njoftuar se dy persona janë lënduar rëndë të mërkurën derisa kanë qenë duke punuar. Bëhet fjalë për dy raste të ndara, në Prizren dhe në fshatin Krushë të Vogël të kësaj komune.
Personi që ka marrë lëndime trupore derisa ka qenë duke punuar në fshatin Krushë të Vogël ka pranuar tretman mjekësor në Spitalin e Prizrenit.
Ndërsa viktima tjetër është lënduar pasi është rrëzuar derisa ka qenë duke punuar në kompani ndërtimi.
Personi është dërguar për tretman mjekësor në QKUK ndërsa të dy rastet janë në procedurë hetimore./KP
Përkundër reagimeve të institucioneve të Kosovës dhe të ndërkombëtarëve se kërcënimet ndaj atyre që duan t’i shërbejnë vendit janë të papranueshme, rrjete sociale serbe kanë vazhduar të publikojnë fotografi dhe emra të pjesëtarëve të rinj serbë që sapo kanë filluar detyrën në Policinë e Kosovës (PK).
Ishte sërish kanali serb t.me/BunkerSrb në platformën ruse telegram që publikoi identitetin e pesë policëve të tjerë serbë të PK-së.
Madje, këtë herë ata kanë thënë se kjo është një kundërpërgjigje ndaj këtyre reagimeve.
“Pasi të gjithë ambasadorët perëndimorë, përfshirë edhe kreun e EULEX-it, kanë reaguar ndaj publikimit të emrave të 5 serbëve që kanë filluar të punojnë në të ashtuquajturën Polici të Kosovës, duke e cilësuar si ‘kërcënim’ që është absurd total dhe asnjëri prej tyre nuk reagon, kur sulmohen, arrestohen, rrëmbehen serbë në Kosovë e Metohi, po shpallim edhe 5 emrat”, thuhet në shkrim.
KosovaPress sërish ka mbuluar fytyrat dhe emrat e tyre në mënyrë që të mos ndikojë në rritjen e kërcënimit ndaj tyre.
Personat, identiteti i të cilëve u publikua nga rrjetet sociale serbe këtë radhë kanë inicialet si në vijim: P. R., M. T., J. P., T. G., dhe U. V.
Ndërkaq, pas raportimit të KosovaPress-it se rrjete sociale serbe kanë publikuar identitetin e policëve të rinj serbë dy ditë më parë, kanë reaguar krerët e shtetit, ambasadorë e personalitete të tjera.
Ata kanë dënuar një gjë të tillë duke thënë se kërcënimet janë të papranueshme.
Kujtojmë se serbët janë dorëhequr nga Policia e Kosovës në fillim të nëntorit të vitit të kaluar, me kërkesë të Listës Serbe.
Mërgimtarët që po vijnë në Kosovë për t’i kaluar pushimet, po presin një orë e gjysmë në pikat kufitare tokësore.
Sipas të dhënave të Qendrës Kombëtare për Menaxhim Kufitar, në pikën e kalimit kufitar Dheu i Bardhë, pritjet për të hyrë në Kosovë janë deri në një orë e gjysmë, derisa kolona është 450 metra. Ndërsa, në dalje, pritjet janë 15 minuta, ndërsa kolona është 150 metra.
Ndërkaq, në pikën e kalimit kufitar Merdarë, pritjet në hyrje janë një orë, derisa kolona është 250 metra. Ndërsa, pritjet në dalje në këtë pikë kufitare janë 3 deri në 5 minuta, derisa kolona nuk ka, shkruan KosovaPress.
Në ditët e fundit, mërgimtarët kanë pritur me orë të tëra në pikat e kalimit kufitar për të hyrë në Kosovë./KP
