Një ngjarje e pazakontë i ka ndodhur së fundmi reperit Mc Kresha.
Teksa doli në skenë për të performuar në Drenas, atij i ndodhi një e papritur.
Reperi u godit me një shkrepsë nga një i pranishëm, një veprim ky që irritoi jashtë mase atë.
Në një video e cila u bë virale në rrjetet sociale, reperi dëgjohet duke thënë: ‘Nëse menoni që ju kemi ardh me ju knu me pare, pa pare jemi tu knu’ thotë ai.
Pas këtyre fjalëve ai e liroi skenën.
Juristi Kreshnik Spahiu është shprehur se turizmi në Shqipëri, siç ka thënë ai, është agresiv.
Në një intervistë për Euronews Albania, ai tha se në Shqipëri trajtohen në mënyrë selektive, pra çmimet rriten në bazë të vendeve që vijnë turistët.
Sipas tij kjo gjë nuk ndodh në asnjë vend të botës.
“Kemi një turizëm agresiv që mendon sot për sot. Pronarët që hapim hotele e shikojnë turistin jo si Zot të shtëpisë por si qenie për ta grabitur. Unë kam takuar miq nga Gjermania, Belgjika apo Anglia që kanë shkuar në Jug të Shqipërisë, nga Dhërmi deri në Ksamil. Këto çmime kapin vlera që janë të barabarta apo Spanja që është vendi më i kërkuar në të gjithë botën. Shërbime dhe cilësia nuk arrijnë në nivelin e çmimeve. Janë të pajustifikueshme. Turistët trajtohen në mënyrë selektive.
Në asnjë vend të botës turisti nuk trajtohet në mënyrë selektive dhe raciste”- tha ai.
Ai ka thënë po ashtu se shteti duhet të ndërhyjë për të ndalur abuzimet me çmimet në turizëm.
Sipas tij, rënie e euros ka bërë që turistët të shpenzonin 25 për qind më shumë valutë të huaj, ndërsa forcimi i lekut duhet të shoqërohej jo me rritje por me ulje të çmimeve.
“Nuk mund të kemi tregtarë grabitës. Në cilin vend turistik të botës shezlloni kushton 300 euro apo 1 mijë euro bashkë me një shishe shampanjë? Nuk i gjen as në Monte Carlo dhe as në vendet më luksoze. Nga ana tjetër, shqiptarët po abuzojnë edhe me hapësirat publike. Plazh publik nuk do të thotë që shqiptarët ta përdorin si ranë e xanun, vënë një çadër në qershor dhe e heqin në shtator, s’mund të ngulen çadra 6 muaj për ta përdorur 6 ditë. Kush ja jep të drejtën ta përdorësh si pronë private? I paguan gjë shtetit ti?” tha juristi.
Biznesmenja e njohur amerikane, Barbara Corcoran e di çelësin e suksesit për ta çuar karrierën në një nivel tjetër.
Në të 20-at e saj, multimilionerja punonte si recepsioniste për kompaninë e pasurive të paluajtshme të Giffuni Brothers në Nju Jork. Ajo më vonë themeloi kompaninë e saj të pasurive të patundshme rezidenciale, The Corcoran Group, me vetëm 1000 dollarë – dhe më vonë e shiti për 66 milionë dollarë.
Corcoran thotë se të përpiqesh më shumë, të punosh më shumë se sa të kërkohet dhe është e parashikuar të ndihmon të bëhesh më e suksesshme dhe ajo këshillon edhe të tjerët të bëjnë të njëjtën gjë.
“Gjithmonë, gjithmonë bëni më shumë nga sa ju kërkohet” tha ajo në një video të TikTok.
“Çfarëdo që të jetë puna juaj, bëni edhe 50% më shumë se sa që ju kërkohet për të bërë. Punonjësi i vetëm që ia vlen është punonjësi që heq më shumë gjëra nga tavolina e shefit”, ka thënë ajo.
Disa mund t’i shohin këshillat e Corcoran-it të diskutueshme, pasi kushtet e fundit të vendit të punës dhe rritja e shkallës së njerëzve që ndihen të konsumuar nga puna është rritur.
Njerëzit zakonisht po preferojnë të lihen të qetë duke kryer vetëm detyrat që i kanë në përshkrimin punës, ose duke bërë vetëm aq sa të mos pushohen nga puna.
E thënë thjesht: Punonjësit në të gjithë SHBA-në po refuzojnë të jenë të mbingarkuar, të paguar jomjaftueshëm, me rritje të ulët dhe me mundësi të kufizuara avancimi duke bërë asgjë më shumë se çfarë kërkohet prej tyre. Megjithatë, drejtuesit e biznesit shpesh argumentojnë se të shkosh përtej mund të ndihmojë në rritjen e karrierës suaj – madje edhe ylli i Corcoran-it në ‘Shark Tank’, Mark Cuban është dakord me këtë.
“E vetmja gjë në jetë që mund të kontrolloni është përpjekja juaj”, tha 64-vjeçari. Cuban, së fundmi në një video-postim në LinkedIn të publikuar nga sipërmarrësi dhe investitori i VC, Randall Kaplan shprehet: “Dhe të jesh i gatshëm për ta bërë këtë është një avantazh i madh konkurrues”.
Sipas Cubanit, të bësh përpjekje do të thotë të shkosh mbi dhe përtej përgjegjësive normale të punës për të zgjidhur problemet. Ju merrni iniciativën për të gjetur zgjidhje dhe shterni çdo mundësi të mundshme në proces.
Është një cilësi që “shumica e njerëzve” nuk e posedojnë, shtoi ai, duke thënë se nëse nuk jeni të interesuar të bëni më shumë, “mos aplikoni për një punë me mua”.
“Ka disa njerëz ose punonjës që nëse u thua të bëjnë A, B dhe C, ata do të bëjnë A, B dhe C dhe nuk e dinë që D, E dhe F ekzistojnë”, tha Cuban. “Ka të tjerë që nuk janë shumë të mirë në detaje: Nëse u thua atyre të bëjnë A, B dhe C, gjithçka që duan të bëjnë është të flasin për D, E dhe F.”
Dhe nëse po pyesni veten pse duhet t’i kushtoni vëmendje kësaj këshille, Corcoran ka një përgjigje të thjeshtë.
“Unë jam një shef, kështu që më dëgjoni,” tha ajo./AkademiPune/
Drejtori i Shëndetit dhe Mirëqenies së Kafshëve në AUV, Sadik Heta, ka deklaruar se kanë arritur që ta parandalojnë përhapjen e mëtejme të sëmundjes murtaja afrikane e derrit, pasi rasti i parë në Kosovë u konfirmua më 17 korrik në një fermë derrash në komunën e Kllokotit.
Ndonëse kjo sëmundje transmetohet nga kontakti kafshë me kafshë, Heta thotë se ka raste kur mund të transmetohet edhe nga produktet e kafshëve.
Ai thotë se fillimisht është izoluar ferma, e më pastaj pas marrjes së rezultateve, është bërë asgjësimi i derrave dhe produkteve të tyre.
“Me të marrë njoftimin, ne si autoritet qendror kemi marrë masat tona, kemi shkuar në fermën e dyshuar, kemi bërë izolimin e asaj ferme, kemi marrë mostrat e derrave të ngordhur dhe e kemi sjellë në laboratorin e ushqimit dhe veterinarisë për analiza të mëtejme. Pra me të sjellë në laborator, të dielën ka dalë me konfirmime që në këtë fermë ekziston virusi mortaja afrikane e derrit. Ne si agjencion e kemi bërë asgjësimin e të gjitha kafshëve në fermë, produkteve të tyre dhe dezinfektimin e komplet fermës dhe oborrit përreth”, thotë Heta, teksa sugjeron që të kufizohet edhe lëvizja e njerëzve tek vendet e dyshuara.
“Ajo çka mund të jetë rreziku në këto raste është transmetimi i sëmundjeve nëpërmjet lëvizjes së njerëzve apo edhe produkteve të ndryshme. Nënkupton që lëvizja e njerëzve, pra sëmundja mund të bartet edhe nëpërmjet njerëzve, këpucëve, rrobave e gjërave tjera. Pra është sëmundje që transmetohet direkt nga kontakti kafshë me kafshë, mirëpo në shumicën e rasteve, transmetohet nga produktet e kafshëve, nga gjësendet e ndryshme…”, u shpreh ai.
Teksa ka folur për këtë sëmundje, Heta shprehet i bindur se nuk ka rrezik të bartjes tek njeriu. Thotë se mund të ketë vetëm dëme ekonomike.
“Dua ta potencoj në fund, kjo sëmundje nuk ka karakter zonatik pra nuk bartet nga kafsha tek njeriu, ka karakter ekonomik. Pra humbjet mund të jenë shumë të mëdha nga ngordhja ose përhapja e kësaj sëmundjeje. Ju sugjeroj të gjithëve që mos të frikësohen nga kjo sëmundje, për arsye se nuk ka rrezik të bartet nga kafsha tek njeriu, mirëpo humbjet ekonomike mund të jenë shumë të mëdha”, u shpreh ai.
Ministri i Mjedisit, Planifikimit Hapësinor dhe Infrastrukturës, Liburn Aliu dhe zëvendësministri Avni Zogiani, do të mbajnë sot konferencë për medie.
Konferenca do të mbahet nga ora 11:00 në ndërtesën e Qeverisë së Kosovës.
“Ministri i Mjedisit, Planifikimit Hapësinor dhe Infrastrukturës, Liburn Aliu dhe zëvendësministri Avni Zogiani, mbajnë konferencë për media”, thuhet në njoftimin e ZKM-së.
Në orët e vona të së hënës në fshatin Dobrushë të komunës së Istogut ka ndodhur një aksident i rëndë trafiku në të cilën ka humbur jetën një person ndërsa 9 të tjera janë lënduar.
Nё aksident kanë qenë të përfshira njё traktor dhe dy automjete, ndërsa policia thotë se dyshohet se deri te aksidenti ka ardhur si pasojё e mos përshtatjes sё shpejtёsisё dhe tejkalimit tё pasigurtё.
Dhjetё personat e pёrfshirё nё aksident janё dёrguar me autoambulancё dhe me automjete private nё Spitalin Rajonal nё Pejё, pёr tretman mjekёsor, aty nga mjekёt kujdestarё ёshtё konstatuar vdekja e njёrit nga personat e lënduar.
Me urdhër të prokurorit të shtetit trupi i pajetë i viktimës dërgohet në Institutin e Mjekësisë Ligjore në Prishtinë për obduksion.
Drejtori i Shëndetit dhe Mirëqenies së Kafshëve në AUV, Sadik Heta, ka deklaruar për Ekonomia Online se kanë arritur që ta parandalojnë përhapjen e mëtejme të sëmundjes murtaja afrikane e derrit, pasi rasti i parë në Kosovë u konfirmua më 17 korrik në një fermë derrash në komunën e Kllokotit.
Ndonëse kjo sëmundje transmetohet nga kontakti kafshë me kafshë, Heta thotë se ka raste kur mund të transmetohet edhe nga produktet e kafshëve.
Ai thotë se fillimisht është izoluar ferma, e më pastaj pas marrjes së rezultateve, është bërë asgjësimi i derrave dhe produkteve të tyre.
“Me të marrë njoftimin, ne si autoritet qendror kemi marrë masat tona, kemi shkuar në fermën e dyshuar, kemi bërë izolimin e asaj ferme, kemi marrë mostrat e derrave të ngordhur dhe e kemi sjellë në laboratorin e ushqimit dhe veterinarisë për analiza të mëtejme. Pra me të sjellë në laborator, të dielën ka dalë me konfirmime që në këtë fermë ekziston virusi mortaja afrikane e derrit. Ne si agjencion e kemi bërë asgjësimin e të gjitha kafshëve në fermë, produkteve të tyre dhe dezinfektimin e komplet fermës dhe oborrit përreth”, thotë Heta, teksa sugjeron që të kufizohet edhe lëvizja e njerëzve tek vendet e dyshuara.
“Ajo çka mund të jetë rreziku në këto raste është transmetimi i sëmundjeve nëpërmjet lëvizjes së njerëzve apo edhe produkteve të ndryshme. Nënkupton që lëvizja e njerëzve, pra sëmundja mund të bartet edhe nëpërmjet njerëzve, këpucëve, rrobave e gjërave tjera. Pra është sëmundje që transmetohet direkt nga kontakti kafshë me kafshë, mirëpo në shumicën e rasteve, transmetohet nga produktet e kafshëve, nga gjësendet e ndryshme…”, u shpreh ai.
Teksa ka folur për këtë sëmundje, Heta shprehet i bindur se nuk ka rrezik të bartjes tek njeriu. Thotë se mund të ketë vetëm dëme ekonomike.
“Dua ta potencoj në fund, kjo sëmundje nuk ka karakter zonatik pra nuk bartet nga kafsha tek njeriu, ka karakter ekonomik. Pra humbjet mund të jenë shumë të mëdha nga ngordhja ose përhapja e kësaj sëmundjeje. Ju sugjeroj të gjithëve që mos të frikësohen nga kjo sëmundje, për arsye se nuk ka rrezik të bartet nga kafsha tek njeriu, mirëpo humbjet ekonomike mund të jenë shumë të mëdha”, u shpreh ai.
Dronët sërish kanë sulmuar Moskën, në atë që dyshohet të jetë kryer nga Ukraina, pasi në fundjavë ndodhi i njëjti skenar ndërsa e pranoi edhe vetë presidenti ukrainas Volodymr Zelensky.
Cak i sulmit ishte sërish e njëjta ndërtesa sikurse edhe radhës së kaluar, ndërsa kryebashkiaku i Moskës, Sergei Sobyanin tha se kishte vetëm dëme të fasadës prej xhami në katin e 21 të cilat janë dëmtuar.
Sobyanin tha në një postim në Telegram se nuk kishte asnjë të lënduar.
Ministria ruse e mbrojtjes tha se dy drone u shkatërruan nga sistemet e mbrojtjes ajrore në distriktet Odintsovo dhe Narofominsk pranë Moskës, ndërsa një i tretë u bllokua dhe u rrëzua në kryeqytet.
Ministria fajësoi Kievin për sulmet ndërsa Aeroporti Vnukovo i Moskës u mbyll përkohësisht.
Ndonëse Ukraina nuk ka marr përgjegjësinë për sulmet, dy ditë më parë, presidenti ukrainas Volodymr Zelensky tha se lufta ishte drejtuar në Rusi dhe se ky ishte “një proces i pashmangshëm, i natyrshëm dhe absolutisht i drejtë”.
Sot në vendin tonë pritet të mbajë mot i kthjellët dhe vranësira.
Temperaturën minimale për ditën e sotme e ka shënuar Gjakova me 16 gradë Celsius, ndërsa atë maksimale Prizreni me 30 gradë Celsius.
Edhe dita e nesërme pritet të jetë me kushte të njëjta atmosferike.
Temperaturën minimale për ditën e nesërme do ta mbajë qyteti i Gjakovës me 15 gradë Celsius, ndërsa atë maksimale Prizreni me 32 gradë Celsius.
Ndërkohë, në Shqipëri do të ketë mot me diell dhe kthjellime. Temperaturën minimale do e ketë Korça me 13 gradë Celsius, ndërsa ajo maksimale do të jetë në Berat me 36 gradë Celsius. /atvlive.tv/
Parashikimin e plotë të motit, për rajon dhe Evropë, mund ta gjeni në videon e mëposhtme:
Problemet me ligjin të Donald Trump nuk e kanë dëmtuar statusin e tij si kryesues i qartë për nominimin presidencial republikan në vitin 2024. Në fakt, akuzat penale vetëm sa e kanë forcuar pozitën e tij.
Ish-presidenti i SHBA-së është paditur dy herë në katër muajt e fundit – një herë në Nju Jork për krime të dyshuara financiare dhe një herë në një gjykatë federale me akuzat se ai ka keqpërdorur dokumente të ndjeshme qeveritare dhe ka penguar hetimin.
Ai mund të jetë në prag të një aktakuze të tretë, për përpjekje për të përmbysur rezultatet e zgjedhjeve të vitit 2020, dhe një të katërt në Xhorxhia për presion ndaj zyrtarëve shtetërorë për të ndryshuar humbjen e tij në vitin 2020 atje.
BCC raporton se përkundër gjithë kësaj, fushata e Trump jo vetëm që ka vazhduar e pandërprerë, por ka lulëzuar.
Një mesatare e sondazheve të opinionit nga 31 korriku tregon se ai ka një epërsi prej 37 pikësh ndaj rivalit të tij më të afërt, Guvernatorit të Floridës, Ron DeSantis.
Në mes të shkurtit, epërsia e Trump ndaj DeSantis në mesataren e sondazheve ishte vetëm dy pikë (41% në 39%).
Dhe që kur u ngrit aktakuza e parë në javën e parë të prillit – duke e bërë Trump ish-presidentin e parë të SHBA-së që përballet me akuza penale – në fakt është rritur.
Sipas mesatares së sondazheve, Trump ka qenë zgjedhja e parë e shumicës së votuesve republikanë që nga arrestimi i parë dhe paraqitja në gjykatë.