ATV

Blog

  • Federata Ndërkombëtare e Xhudos e rangon të parën në botë Distria Krasniqin

    Federata Ndërkombëtare e Xhudos e rangon të parën në botë Distria Krasniqin

    Me të arritur suksesin në “Mastersin” në Budapest xhudoja kosovare ka prekur një nivel të ri, xhudistja Distria Krasniqi është ranguar si e para në botë, këtë më herët e kishte arritur vetëm Majlinda Kelmendi.

    Federata Ndërkombëtare e Xhudos e ka ranguar prej të gjitha kategorive Distria Krasniqin të parën.

    Xhudistja ka ndërruar kategori në vjeshtën e vitit 2021, ajo kishte fituar të artën olimpike në kategorinë 48 kilogramë me pas kaloi në kategorinë 52 kilogramë dhe tani është më e ranguara me 8,280 pikë si e para në botë.

  • 85 infermierë të rinj nga nesër punësohen në klinikat e QKUK-së

    85 infermierë të rinj nga nesër punësohen në klinikat e QKUK-së

    85 infermierë të rinj nga dita e nesërme do të fillojnë punën në klinika të ndryshme të Qendrës Klinike dhe Universitare të Kosovës (QKUK).

    Në njoftimin e QKUK-së thuhet se punësimi i tyre do të zbusë pjesërisht mungesën e infermierëve në klinikat e QKUK-së.

    “Nënshkrimi i kontratave u bë gjatë ditës së sotme. Me këtë rast, drejtori i përgjithshëm i ShSKUK-së, Elvir Azizi, infermierëve iu dëshiroi punë të mbarë, duke i porositur ata, që në qendër të punës së tyre të kenë kujdesin ndaj pacientëve”.

    “Nga 85 infermierët e pranuar së fundmi, 70 janë më kualifikim bachelor dhe 15 me shkollim të mesëm”, thuhet në njoftim.

  • Avokatja e Krasniqit kërkon lirimin e tij për dy javë: Është 72 vjeç, asnjë dëshmitar s’foli keq për të

    Avokatja e Krasniqit kërkon lirimin e tij për dy javë: Është 72 vjeç, asnjë dëshmitar s’foli keq për të

    Venkateswari Alagendra, avokatja e ish-kryeparlamentarit Jakup Krasniqi ka kërkuar që klienti i saj të lirohet përkohësisht për të kaluar pak kohë me familjen e tij në Kosovë.

    Duke marrë parasysh pushimet e verës në Gjykatën Speciale në Hagë, avokatja e Krasniqit ka kërkuar që ai të lirohet për dy javë. Mbrojtja në kërkesën e saj thekson se Krasniqi ndodhet në paraburgim qe 2 vjet e 8 muaj, duke kërkuar që ai të lirohet nën mbikëqyrje.

    Avokatja e Krasniqit pretendon se paraburgimi i Krasniqit s’është i domosdoshëm, pasi s’ka rrezik për t’u arratisur dhe për të penguar në procedurat gjyqësore.

    “Deklaratat publike të z. Krasniqi janë ushtrim i fjalës së lirë dhe jo të mjaftueshme për të treguar një prirje ndaj ndërhyrjes në dëshmitarë”, thuhet në parashtresën e avokates Alagendra. Ajo shton se s’ka arsye të mjaftueshme për ta arsyetuar moslirimin e Krasniqit dhe se s’ka asnjë provë konkrete se ndonjë dëshmitar është frikësuar nga Krasniqi, raporton Gazeta Express.

    “Mungesa e ndonjë prove faktike që z. Krasniqi ka qenë i përfshirë në ndonjë kërcënim të dëshmitarit në këtë procedurë vë në pikëpyetje nevojën për paraburgim të vazhdueshëm”, thuhet në parashtresë.

    Së dyti, Mbrojtja thekson se “vetëdija e z. Krasniqi për ecurinë e rastit gjatë katër muajve të fundit në fakt zvogëlon gjasat që ai të përfshihet në ndonjë aktivitet të ndaluar”.

    “Prokuroria ka thirrur deri tani 11 dëshmitarët e saj të parë. Askush nuk ka folur keq për z. Krasniqi. [REDAKTUAR]. Provat që Paneli ka dëgjuar nuk e mbështesin atë karakterizimin e z. Krasniqi si person që ka gjasa të ndërhyjë në dëshmitar ose të kryejë krim të mëtejshëm. Për më tepër, është e vështirë të kuptohet se çfarë imagjinon Prokuroria se do të ishte motivimi i z. Krasniqi për t’i frikësuar dëshmitarët e mbrojtur të viktimave në këtë rast – shumica dërrmuese e të cilëve, siç do të ketë vërejtur Trupi Gjykues, nuk e përmendin fare z. Krasniqi ose të thonë thjesht se e dinin se ai ishte ai zëdhënës i UÇK-së”, thuhet në parashtresë.

    Së treti, avokatja thekson se “Paneli tani ka një përvojë të vëzhguar efektin e paraburgimit dhe gjykimit të zgjatur për z. Krasniqi”.

    “Në moshën 72 vjeçare, ai është dukshëm më i vjetër se të akuzuarit tjerë në këtë rast”, shkruan avokatja Alagendra.

    Aty janë ofruar edhe disa kushte, si lirimi për dy javë i Krasniqit, vendi ku do të banonte, kontaktet e kufizuara dhe kush do të banonte me të.

    Në alternativë, Mbrojtja kërkon që, nëse lirimi i përkohshëm refuzohet, Krasniqit t’i lejohen “vizita shtesë private në Njësinë e Paraburgimit gjatë pushimeve verore”, për të pasur kohë shtesë për të kaluar me familjen.

  • Këtu mund ta ndiqni LIVE duelin mes Elon Musk dhe Mark Zuckerberg

    Këtu mund ta ndiqni LIVE duelin mes Elon Musk dhe Mark Zuckerberg

    Muajin e kaluar, dy gjigantët e teknologjisë nxitën sferën online duke përqafuar një sfidë për t’u përballur me njëri-tjetrin në një luftë në kafaz.

    Në një postim në Twitter, Musk deklaroi: “Beteja Zuck kundër Musk do të transmetohet drejtpërdrejt në X”.

    Më tej, ai bëri të ditur se të gjitha të ardhurat nga lufta do të drejtohen drejt përpjekjeve bamirëse në dobi të veteranëve të luftës. Megjithatë, ende nuk është bërë e ditur data për ndeshjen.

    Në një postim të mëparshëm X të dielën, Musk ndau, “Po ngre pesha gjatë gjithë ditës, duke u përgatitur për luftën”, duke përmendur me humor se ai e integron stërvitjen e tij në rutinën e tij të punës duke sjellë pesha në zyrë për shkak të kufizimeve kohore.

    Kur u pyet nga një përdorues në X për qëllimin e përleshjes, Musk u përgjigj: “Është një manifestim i rafinuar i konfliktit. Burrat kanë një afinitet për luftën”.

  • Mbishkrime me mesazhe urrejtëse ndaj komunitetit LGBTI+ në kampusin e UP-së, Blert Morina kërkon reagimin e institucioneve

    Mbishkrime me mesazhe urrejtëse ndaj komunitetit LGBTI+ në kampusin e UP-së, Blert Morina kërkon reagimin e institucioneve

    Mbishkrime me mesazh urrejtës ndaj grupeve LGBTI+ janë parë në kampusin e Universitetit të Prishtinës, përkatësisht afër Bibliotekës Kombëtare. Nuk dihet se kush i ka shkruar ato, raporton Ekonomia Online.

    Aty është shkruar “Kill the gays” që në gjuhën shqipe i bie “Mbytni homoseksualët”.

    Blert Morina, drejtor ekzekutiv i organizatës “Qendra për Liri dhe Barazi” i tha Ekonomia Online përmes një përgjigje me shkrim se dënojnë çdo tentim për cenim të dinjitetit të çfarëdo komuniteti.

    Sipas tij, gjuha diskriminuese është e papranueshme, duke kërkuar nga institucionet që të reagojnë menjëherë në këtë rast.

    “Dënojmë çdo tentim për cenim të dinjitetit të çfarëdo komuniteti. Gjuha diskiminisuese është e papranueshme dhe shpie në thirrje për linçim. Prandaj në raste të tilla reagimi duhet të jetë i menjëhershëm nga institucionet përkatëse”.

    Përderisa Marigona Shabiu nga Nisma e të Rinjve për të Drejtat e Njeriut në Kosovë (YIHR), tha se këto grafitë duhet që të largohen menjëherë dhe Policia të fillojë hetimet për rastin.

    Madje ajo ka kërkuar që edhe rektori të dënojë rastin dhe që të gjithë studentëve të iu ofrohet siguri dhe gjithëpërfshije.

    “Grafite të tilla janë jashtëzakonisht shqetësuese, të cilat bëjnë thirrje për vrasje të personave gay. Grafitet duhet të largohen menjëherë si dhe Policia duhet të inicioj rastin për hetime me urgjencë”.

    “Gjithashtu, kjo gjuhë duhet të dënohet nga rektorati dhe nga të gjitha institucionet relevante. UP është vend i cili ju takon edhe studenteve queer, dhe si i tillë duhet të ofrojë siguri dhe gjithëpërfshirje për ta”.

    Kjo shprehje e urrejtjes vjen pas një debati që e nxiti një shfaqje e bërë të premten e kaluar në Prizren në kuadër të DokuFestit.

  • Mbi 20 të burgosur ukrainas lirohen nga Rusia

    Mbi 20 të burgosur ukrainas lirohen nga Rusia

    Kreu i zyrës presidenciale ukrainase, Andriy Yermak, njoftoi përmes Telegramit se 22 të burgosur të luftës janë kthyer në Ukrainë nga burgjet ruse më 7 gusht.

    Në mesin e të liruarve janë dy oficerë, ushtarë të thjeshtë dhe nënoficerë.

    Ata kishin marrë pjesë në beteja në fronte të ndryshme dhe disa prej tyre ishin plagosur, tha Yermak.

    Ai nuk dha më shumë detaje.

    Ministria ruse e Mbrojtjes ende nuk ka komentuar për këmbimin e të burgosurve.

    Këmbimi i fundit i të burgosurve mes Rusisë dhe Ukrainës ka ndodhur në korrik të këtij viti.

    Rusia ka nisur pushtimin e paprovokuar të Ukrainës shkurtin e vitit 2022. Lufta ka lënë të vrarë mijëra persona, ka detyruar të zhvendosen miliona të tjerë dhe ka shkaktuar dëme të mëdha materiale./REL/

  • Shiu prishi planet e pushuesve në fundjavë, parashikimi i motit për ditët e ardhshme

    Shiu prishi planet e pushuesve në fundjavë, parashikimi i motit për ditët e ardhshme

    Meteorologu Akil Osmani ka bërë parashikimin e motit për ditët e ardhshme.

    Reshjet e shiut që përjetuam gjatë fundjavës duket se do t’ia lënë vendin motit të ngrohtë të gushtit.

    Sipas meteorologut duke filluar nga dita e martë do të kemi një ngritje graduale të temperaturave, duke bërë që në zonat e ulëta maksimumet të shkojnë deri në 38 gradë celcius.

    Ai tha se pushuesit në bregdet nuk duhet të shqetësohen, pasi temperaturat do të shkojnë deri në 34 gradë celcius dhe moti do të jetë i qëndrueshëm.

    “Pushuesit duhet të jenë të qetë pasi ata që kanë zgjedhur bregdetin, pavarësisht se dita e sotme ka sjellë temperature disi të freskëta me maksimume rreth vlerave 27 dhe 28 gradë celcius. Themi të freskëta duke i krahasuar me temperaturat që përjetuam disa ditë më parë, pasi këto janë temperatura normale për muajin e gushtit. Duke filluar nga dita e martë të kemi ngritje graduale të temperaturave të ajrit duke bërë që maksimumet në rang territori të ngrihen deri në 37 gradë celcius madje në disa zona të izoluara dhe me 38 gradë celcius, këto në qytetet e zonës së ulët.

    Përgjatë vijës bregdetare temperaturat do të shënojnë dhe 34 gradë celcius. Ata që duan të shijojnë temperatura më të freskëta, duhet të frekuentojnë zonat malore ku temperaturat do të shkojnë në 31 gradë celciu”, tha Osmani në Euronews Albania.

  • Aksion policor në një banesë në Mitrovicë të Veriut

    Aksion policor në një banesë në Mitrovicë të Veriut

    Policia e Kosovës po kryen një operacion në një banesë në lagjen “Tre Rrokaqiejt” në Mitrovicë të Veriut, në bazë të informacioneve se aty ka laborator droge.

    Zëvendësdrejtori rajonal për veriun, Veton Elshani, tha se gjatë aksionit janë konfiskuar edhe armë.

    “Kemi nisur aksionin në bazë të informacionit se aty mund të ketë laborator droge. Kemi gjetur pajisje për laborator [droge], për kriptovaluta, shok-bomba, armë, municione”, tha Elshani për Radion Evropa e Lirë.

    Ekipit të REL-it nuk i është lejuar që t’i afrohet ndërtesës ku po kryet aksioni. Gazetarëve të REL-it u është thënë se bëhet fjalë për një banesë private.

    Kjo nuk është hera e parë që Policia e Kosovës kryen aksione kundër drogës, apo kundër kriptovalutave në veriun e Kosovës, të banuar me shumicë serbe.

    Në shkurt të këtij viti policia zbuloi tre laboratorë droge në Mitrovicë të Veriut.

    Po ashtu, në maj të vitit të kaluar, policia kishte shkatërruar dy laboratorë droge në Izvor, afër kufirit me Serbinë, ku ishin gjetur edhe sasi të mëdha të bimëve narkotike, të llojit marihuanë. Në prill të atij viti, ishte shkatërruar një laborator droge në Zveçan dhe ishin arrestuar katër serbë.

    Autoritetet e rendit gjithashtu kanë kryer disa aksione në Kosovë – përfshirë në veri – kundër mihjes së kriptovalutave.

  • Fillon të përhapet varianti Eris i COVID-19 në Britani

    Fillon të përhapet varianti Eris i COVID-19 në Britani

    Nën varianti i ri i variantit Omicron të COVID-19, Eris (EG.5.1), është përhapur në të gjithë Britaninë e Madhe, sipas Agjencisë së Sigurisë Shëndetësore të Britanisë së Madhe (UKHSA), transmeton Anadolu.

    Sipas UKHSA, varianti i ri Eris përbën një në çdo 7 raste të reja në mbarë vendin.

    Eris u regjistrua si varianti i dytë më i zakonshëm në Mbretërinë e Bashkuar, pas Arcturus, i cili përbën rreth gjysmën e rasteve, me 39,4 për qind.

    Autoritetet raportuan se po monitorojnë nga afër situatën teksa vazhdon rritja e rasteve me COVID-19 në mbarë botën.

    Sipas Studimit Zoe COVID-19 Sympton, i cili vlerëson shifrat për infeksionet dhe shkallën e vaksinimit nga COVID-19 në Mbretërinë e Bashkuar, numri i vlerësuar i rasteve, i cili ishte 606.656 më 4 korrik, u rrit me 200.000 duke shkuar në rreth 785.980 në 27 korrik.

    Kontakti në hapësira të mbyllura dhe imuniteti i reduktuar mund të shkaktojnë rritje

    Ekspertët pretenduan se rritja e rasteve të COVID-19 në vend mund të lidhet me grumbullimin e miliona njerëzve në kinema, pasi filmat Barbie dhe Oppenheimer u shfaqën në kinematë më 21 korrik.

    Mendohet se grumbullimi i njerëzve në distancë të afërt në zona të mbyllura dhe dobët të ajrosura mund të ketë rritur shkallët e transmetimit.

    Thuhet se rënia e imunitetit ndaj sëmundjes dhe kalimi i një periudhe të caktuar kohore pas vaksinave kundër COVID-19 mund të shkaktojë edhe rritje të rasteve.

  • Propaganda serbo-ruse falsifikon edhe viktimat boshnjake si ato shqiptare

    Propaganda serbo-ruse falsifikon edhe viktimat boshnjake si ato shqiptare

    Ashtu sikurse ngjau me gruan simbol të eksodit të Kosovës, nënën Sherife Luta, të cilën serbët u munduan ta paraqisnin para botës si refugjate serbe, njëjtë ndodhi me boshnjaken Nermina Mujkiq.

    Fotografia e Mujkiq u keqpërdorë nga presidenti i “Republikës Srpska” në Bosnje e Hercegovinë, Milorad Dodik, i cili tha se Nermina, atëbotë foshnje, ishte gjoja viktimë e krimeve të kroatëve.

    Por, një gjë të tillë e demantoi “instraga.ba” duke publikuar një fotografi të boshnjakes Nermia Mujkiq, e cila kishte shkruar “Kjo jam unë”.

    Instraga ka publikuar një artikull ku shpjegohet se si ekspozoi foshnja e luftës nga Zhepa fabrikën e gënjeshtrave të Vuçiqit dhe Dodikut.

    Aty jepet një narrativë që demanton tërësisht pretendimet e Dodikut.

    “Prijedori është vendi i Tomashicas. Vendi ku u kryen krimet e ndërmarrjes së përbashkët kriminale të zyrtarëve më të lartë të Republikës Srpska. Vend kampi. Vendi ku u krye gjenocidi, i cili nuk u gjykua vetëm për arsye politike. Nuk kishte “stuhi” në Prijedor. Prijedori ishte Omarska dhe Keratermi. Nuk kishte refugjatë nga Prijedori. Nga Prijedori dolën të dëbuarit. Me faktin se disa të dëbuar u pushkatuan nga pas dhe u shtynë në humnerën e Korićanski stijene. Ky ishte Prijedor në gjysmën e parë të viteve nëntëdhjetë. Kurse sot është vetëm një vend gënjeshtrash.

    “Fakti që nuk e mban mend momentin kur është bërë fotografia nuk do të thotë se Nermina Mujkiq nuk e di se kush është dhe nga është. Nuk do të thotë se ajo nuk e di që nëna e saj Sabina është dëbuar nga Zhepa. Kjo nuk do të thotë se ajo nuk mund ta njohë nënën e saj.

    “Nermina Mujkiq, foshnja e dëbuar nga Zhepa, e mposhti “Olujen” nga Prijedori vetëm me një fjali. Dhe Aleksandar Vuçiqin e Milorad Dodikun. Dhe një fabrikë e plotë gënjeshtrash në të dy anët e Drinës.

    “Kjo jam unë, në krahët e mamasë sime.

    “Dhe ajo nuk duhet të kishte thënë asgjë më shumë. Ajo tha gjithçka për veten dhe regjimet në Beograd dhe Banja Lluka.

    “Ajo quhet Nermina Mujkiq. Nëna e saj është Sabina Mukiq. Është nga Zhepa. Ajo u dëbua në korrik 1995. Ajo nuk është serbe. Ajo është boshnjake. Nuk është nga Kroacia, është nga Podrinja boshnjake. Ajo nuk është viktimë e krimeve kroate. Ajo është viktimë e krimeve serbe. Ashtu si mijëra boshnjakë të tjerë nga Prijedori, ku u shënua përvjetori i ‘Stuhisë’ kroate”, shkruan Instraga mes tjerash.

    Lidhur me këtë ka reaguar drejtori i Institutit Octopus, Agim Musliu, i cili ka thënë se shtrembërimi i së vërtetës duke i paraqitur viktimat e shkaktuara nga ta si viktima serbe është metodë serbe dhe ruse.

    “Kjo është metodë ruse dhe serbe. Viktimat e shkaktuara prej tyre, duke u konvertuar si viktima serbe. E njëjta gjë ka ndodhur edhe me këtë foto nga Kosova”, ka shkruar Musliu në Twitter.

    Kujtojmë se, dy vjet më parë, Ambasada ruse në Afrikën e Jugut, keqpërdori fotografinë e nënës Sherife Luta, duke i ndërruar kombësinë në përpjekje për të shtrembëruar të vërtetën.

    Fotografia e saj u manipulua dhe u përdorë në tweetin propagandues të Ambasadës ruse, në përvjetorin e bombardimeve të NATO-s, për çka pati shkruar KosovaPress.