ATV

Blog

  • Miss Kosova 2023 në një dimension krejtësisht ndryshe, sfidohet në kuizin e “n’malAn’det”

    Miss Kosova 2023 në një dimension krejtësisht ndryshe, sfidohet në kuizin e “n’malAn’det”

    Erza Cikaqi nga Prizreni e fitoi titullin “Miss Kosova 2023” dhe do ta përfaqësoj Kosovën në eventet ndërkombëtare të bukurisë.

    Ajo u shfaq së fundmi, në një intervistë ekskluzive në emisionin veror të ATV-së “n’malAn’det”.

    “…Me mbajt një kurorë është një përgjegjësi shumë e madhe dhe po mundohem me e shfrytëzu në mënyrën më të mirë këtë vit, që me prezantu sa më mirë vendin…”, theksoi Cikaqi.

    Kujtojmë se në kuadër të emisionit “n’malAn’det” çdo natë, krahas lojërave të ndryshme është duke u zhvilluar edhe një kuiz me pyetje për personalitete të ndryshme dhe qytete nga shumë vende të Kosovës, për të përcjellur te publiku me bollëk informacione historike.

    Ju ftojmë që nëpërmjet linkut të mëposhtëm, ta shikoni emisionin veror të ATV-së “n’malAn’det”:

     

  • Arrestimi i asamblistit të VV-së – Policia: Droga transportohej me autobusë nga Prishtina në Tiranë

    Arrestimi i asamblistit të VV-së – Policia: Droga transportohej me autobusë nga Prishtina në Tiranë

    Drejtori i Drejtorisë Vendore të Policisë Tiranë, Tonin Vocaj ka dalë në një konferencë për shtyp, ku ka dhënë detaje për operacionin e koduar “PUNISHER 2”, në kuadër të të cilit u godit një grup kriminal që trafikonte nga Kosova në Shqipëri dhe shpërndante lëndë narkotike ekstazi MDMA.

    Në pranga ranë pesë persona, dy prej të cilëve shqiptarë të Kosovës ndërsa u sekuestruan 11 300 tableta ekstazi MDMA me peshë 5.093 kg dhe vlerë tregu rreth 400 mijë euro. Shtetasit e arrestuar janë lokalizuar në kryqëzimin e rrugës “Myslym Shyri” dhe “Sami Frashëri”, së bashku me dërgesën e drogës.

    Nga hetimet ka rezuluar se këta shtetas, duke shfrytëzuar fluksin e sezonit turistik i kalonin dërgesat nëpërmjet linjave të autobusave Prishtinë-Tiranë. Pasi dërgesat arrinin në Tiranë, ata transportoheshin me makina të marra me qira në Tiranë dhe në qytete të tjera, kryesisht bregdetare.

    Vendet e shkëmbimit caktoheshin në vende publike me shumë lëvizje dhe fluks njerëzish. Për arritjen e marrëveshjeve me shpërndarësit e drogave sintetike në Shqipëri, trafikantët kërkonin pagesa paradhënie, ose edhe lënien e automjeteve si garanci. U sekuestruan gjithashtu një automjet si dhe 5 aparate celulare.

    Të arrestuarit:

    Mithat Ramadani 30 vjeç, banues në Prishtinë
    Besnik Mujeci, 40 vjeç, banues në Prishtinë

    Kalem Picari, 24 vjeç, banues në Tiranë
    Ambra Myftari 28 vjeçe, banues në Tiranë
    dhe Daniel Avdija 26 vjeç, banues në Tiranë

  • ​Qeveria tregon numrin e këshilltarëve të angazhuar në kabinetin e Kurtit

    ​Qeveria tregon numrin e këshilltarëve të angazhuar në kabinetin e Kurtit

    Qeveria e Kosovës ka reaguar ndaj raportimeve në media për numrin e këshilltareve të kryeministrit Albin Kurti.

    Zëdhënësi i Qeverisë, Përparim Kryeziu ka thënë se kryeministri Kurti nuk i ka të angazhuar 38 këshilltarë ashtu siç është raportuar.

    Kryeziu ka shkruar në Facebook se numri total i këshilltarëve, përfshirë ata të jashtëm, është 25. Prej tyre 8, duke qenë të jashtëm, nuk paguhen nga buxheti i shtetit.

    Ai tha se numri 38 i raportuar mbrëmë (e hënë) përfaqëson numrin total të stafit të emëruar të Kryeministrit: 25 këshilltarë, 10 nëpunës, ku bëjnë pjesë zyrtaret ekzekutive dhe administrative, fotografi, zyrtarët e protokollit, asistentët

    “Ky raportim i mbrëmshëm nuk është i saktë dhe atë në mënyrë të dyfishtë. Së pari, kryeministri Kurti nuk i ka të angazhuar 38 këshilltarë. Numri total i këshilltarëve, përfshirë ata të jashtëm, është 25. Prej tyre 8, duke qenë të jashtëm, nuk paguhen nga buxheti i Shtetit. Së dyti, kryeministri Kurti nuk ka numër më të lartë të këshilltarëve se ç’kishte ish-kryeministri Haradinaj. Numri total i këshilltarëve të emëruar, përfshirë ata të jashtëm, të ish-kryeministrit Haradinaj sipas të dhënave të muajit janar 2020 ishte 33”, ka shkruar Kryeziu.

    Ai më tej ka thënë se kabineti i Kryeministrit përbëhet nga këshilltarët politikë, nëpunësit e kabinetit dhe këshilltarët e jashtëm.

    “Ata së bashku përbëjnë stafin e Kryeministrit. Numri 38 i raportuar mbrëmë përfaqëson numrin total të stafit të emëruar të Kryeministrit: 25 këshilltarë, 10 nëpunës, ku bëjnë pjesë zyrtaret ekzekutive dhe administrative, fotografi, zyrtarët e protokollit, asistentët—pra që nuk janë këshilltarë—, dhe të 3 të tjerë të emëruar të kryeministrit, ku përfshihen Kryesuesi i Komisionit Qeveritare për Personat e Zhdukur/Kryetari i delegacionit të Kosovës për bisedime për çështjen e Personave të Zhdukur, koordinatori i Sekretariatit Koordinues Ndërqeveritar Kosovë -Shqipëri, dhe koordinatorja për funksionalizimin e Fondit Sovran, të cilët kanë mandate të veçanta”, ka shkruar në Facebook Kryeziu.

  • ​Arrestohet në Tiranë asamblisti i LVV-së në Prishtinë, u kap me mbi 11 mijë doza ekstazi

    ​Arrestohet në Tiranë asamblisti i LVV-së në Prishtinë, u kap me mbi 11 mijë doza ekstazi

    Këshilltari komunal i Prishtinës nga radhët e Lëvizjes Vetëvendosje, Besnik Mujeci, është pjesë e një grupi prej pesë personash të arrestuar nga Policia e Shtetit në Tiranë në kuadër të operacionit antridrogë “Punisher 2”.

    Mujeci së bashku me personat e tjerë të arrestuar janë lokalizuar në kryqëzimin e rrugëve “Myslym Shyri” dhe “Sami Frashëri” në Tiranë së bashku me dërgesën me lëndë të dyshuar narkotike, prej 11 300 tabletash ekstazi MDMA, me peshë 5.093 kg dhe vlerë tregu rreth 400 mijë euro.

    Përpos Mujecit, janë arrestuar edhe Mithat Ramadani 30 vjeç, Kalem Picari, 24 vjeç, Ambra Myftari 28 vjeçe, Daniel Avdija 26 vjeç.

    Drejtori i Policisë së Tiranës, Tonin Vocaj, bëri me dije se këta persona shfrytëzonin fluksin e sezonit turistik dhe e transportonin drogën sintetike nëpërmjet autobusëve të linjës Prishtinë–Tiranë.

    Pasi dërgesat arrinin në Tiranë, transportoheshin me autovetura të marra me qira në Tiranë dhe në qytete të tjera, kryesisht bregdetare, dhe vendet e shkëmbimit caktoheshin në vende publike me shumë lëvizje dhe fluks njerëzish.

    Për arritjen e marrëveshjeve me shpërndarësit e drogave sintetike në Shqipëri, trafikantët kërkonin pagesa paradhënie ose edhe lënien e automjeteve si garanci.

    Tabletat e ekstazisë MDMA, së bashku me një sasi lënde narkotike kanabis, një automjet, si dhe 5 aparate celulare, u sekuestruan në cilësinë e provës materiale.

  • Nagavci: Viti i ri shkollor fillon më 1 shtator, risi pushim vjeshtor – detajet për shpërndarjen e teksteve në fund të javës

    Nagavci: Viti i ri shkollor fillon më 1 shtator, risi pushim vjeshtor – detajet për shpërndarjen e teksteve në fund të javës

    Ministrja e Arsimit, Shkencës dhe Teknologjisë, Arbërie Nagavci ka mbajtur konferencë për medie në të cilin ka folur për punën që ka bërë kjo ministri përgjatë muajit korrik, raporton Ekonomia Online.

    Ajo ka konfirmuar se viti i ri shkollor do të fillojë më 1 shtator, teksa përmendi se risi do të jetë pushimi vjeshtor. Sa i përket reagimit të Asociacionit të Komunave për vonesat në shpërndarjen e teksteve shkollore, ministria tha se në fund të kësaj jave do të bëhen të ditura të gjitha detajet për këtë proces.

    “Kemi finalizuar kalendarin vitit ri shkollor 2023/24. Sipas udhëzimit administrative, viti ri shkollor fillon më 1 shtator. Risi është se do të kemi edhe pushimi vjeshtor, në mënyrë që të kemi balancim mes ngarkesës së fëmijëve gjatë gjithë vitit të ri shkollor”.

    “Sa i përket teksteve shkollore unë e kam parë reagimin e Asociacionet të komunave është një proces që përballemi me shumë sfida. Ne fund të kësaj jave do të njoftoj më hollësisht për gjithë procesin edhe ndryshimit që po planifikojmë për tekstet mësimore. Që nga marrja e mandatit jemi angazhuar që të kemi cilësi në tekste mësimore”.

    “Janë një varg veprimesh në mënyrë që të sigurohemi se tekste që mësojnë fëmijët tanë të jenë sa më shumë cilësore. Në këtë linjë shpresoj që të arrijmë që më kohë të furnizojmë me tekste mësimore. Me sa jam njoftuar nga ekipi që negocion për kontratat për blerjen e teksteve,  ka tekste shkollore që janë përcaktuar me shuma të mëdha, me 13,14, 15 euro”, tha ajo.

    Nagavci po ashtu tha se tashmë kanë ndarë mjetet për blerjen e teksteve shkollore për nxënësit në Luginë, duke përmendur ndërtimin e disa çerdheve.

    “Këtë konferencë po e nisi me njoftimin për arsimin dual, të cilin e filluam në vitin shkollor 2021-2022 me katër profile këtë vit po e zgjerojmë edhe më tetë profile të reja. Përveç profileve që kanë qenë vitin e kaluar po shtohen edhe profilet, rrobaqepësi, automekanik, metal përpunues, përpunues i drurit, instalues i ngrohjes dhe klimatizim, instalues elektrik, tregti me shumicë dhe pakicë dhe estetistë. E konsideroj të rëndësishme nisjen e sintezës vokale në gjuhën shqipe e cila është duke u bërë për herë të parë për fëmijët dhe nxënësit  e verbër me qenë se u mundëson konvertimin e shkrimit në gjuhen e folur. Për te dytin vit me radhe qeveria ka ofruar tekste shkollore për fëmijët e komunave Medvegj, Preshevë e Bujanoc, ku janë ndarë 254 mije euro për blerjen e teksteve për nxënësit e këtyre komunave”, raporton EO.

    “Në lidhje për përkrahjen e shkencës në Kosovës Qeveria ka miratuar programin për këtë çështje. Sa i përket përmirësimit të infrastrukturës, javën e kaluar kemi nënshkruar kontratën për ndërtimin e një çerdhe në Fushë-Kosovë,  po ashtu edhe në Batllavë të Podujevës dhe në Shtime, inkurajoj komunat që të aplikojnë për çerdhe sepse ka buxhet të mjaftuar. Për përmasimin e infrastrukturës ligjore kemi miratuar tre udhëzime administrative. Në lidhje me përgatitjen e vitin të ri shkollor, tashmë e kemi të finalizuar kalendarin  e viti të ri shkollor 2023-2024. Sipas udhëzimit administrativ viti i ri shkollor do të filloj me 1 shtator, gjatë këtij viti do të kemi edhe pushim vjeshtorë”, tha ajo.

  • ​Helenius: Nuk më kujtohet asgjë pas grushtit të Joshuas

    ​Helenius: Nuk më kujtohet asgjë pas grushtit të Joshuas

    Robert Helenius mendon se mund të kishte mundur Anthony Joshuan nëse do të kishte më shumë njohuri rreth rivalit të tij, por ka pranuar se nuk i kujtohet fare se si ndodhi nokauti i tij përballë britanikut.

    Dyshja u përplasën të shtunën mbrëma, pasi Helenius hyri si zëvendësues i Dillian Ëhyte dhe AJ shënoi fitoren e tij të parë me nokaut që nga viti 2020 kur mposhti Kubrat Pulev.

    Pas një nisjeje relativisht të lehtë të gjashtë raundeve të betejës, Joshua lëshoi dorën e djathtë fuqishëm në mjekrën e Helenius, gjë që e la atë pa ndjenja në tokë.

    “Ishte një zhurmë e madhe,” tha Helenius, përcjellë KosovaPress.

    “Nuk e mbaj mend ndikimin, trupi im po mbaronte në atë moment. Sigurisht që dhemb, zemra më së shumti. Do të kisha dashur shumë ta fitoja këtë ndeshje. Do të shohim se çfarë do të vijë nga kjo.”, shtoi ai.

    Sa i përket Joshuas, ai ka të ngjarë të shkojë në një përplasje të madhe me Wilder në Arabinë Saudite në fillim të vitit të ardhshëm.

  • Grupi Soros paralajmëron OJQ-të për burime “jashtëzakonisht të kufizuara” për Evropë

    Grupi Soros paralajmëron OJQ-të për burime “jashtëzakonisht të kufizuara” për Evropë

    Fondacioni për Shoqëri të Hapur i ka informuar organizatat në Hungari, që varen nga mbështetja e tij se, vendimi i fundit i bordit të fondacionit u jep fund pothuajse të gjitha aktiviteteve në Bashkimin Evropian.

    Përmes një emaili që u është nisur grupeve lokale, Fondacioni ka thënë se burimet e tij për Evropën do të jenë “jashtëzakonisht të kufizuara”.

    Ky Fondacion, i njohur më parë si Instituti për Shoqëri të Hapur (OSF), i ka shpenzuar qindra miliona dollarë, prej kur është themeluar nga sipërmarrësi i lindur në Hungari, George Soros, për t’i forcuar shoqëritë civile në gjithë botën, prej rënies së komunizmit më 1989.

    Shumë organizata joqeveritare në Hungari e kanë konfirmuar për Radion Evropa e Lirë se e kanë pranuar këtë shkresë, e cila e arsyeton vendimin e bordit “si ndryshim strategjik” për të arritur ndikim maksimal në pjesë tjera të botës.

    Me një ndryshim të tillë, shumë programe evropiane do të mund të mbyllen më 2024.

    Një zëdhënës i Fondacionit e ka konfirmuar riorganizimin strategjik, duke thënë se grupi do të vazhdojë “financimin e grupeve të shoqërisë civile nëpër Evropë”, përfshirë ato që punojnë për çështje të jashtme të BE-së, apo që e mbështesin komunitetin rom.

    “Ne do të vazhdojmë të jemi financues të të drejtave të njeriut, demokracisë dhe llogaridhënies qeveritare në rajon, sidomos në Ukrainë, Moldavi, Kirgizi dhe Ballkanin Perëndimor, përmes punës së fondacioneve tona kombëtare”, është thënë në deklaratë.

    Në përgjigje është thënë se organizimi i granteve në mënyrë specifike do të vendoset në muajt e ardhshëm.

    Kryeministri hungarez, Viktor Orban dhe shumë pjesëtarë të partisë së tij Fidesz, kanë qenë kritik ndaj rolit të Sorosit në rajon.

    Fondacioni për Shoqëri të Hapur i ka mbyllur zyrat në Budapest më 2018 dhe është zhvendosur në Berlin, duke e përmendur “ambientin tejet shtypës politik dhe ligjor në Hungari”.

    George Soros, 93-vjeçar, e ka emëruar djalin e tij Alexander Soros në krye të Fondacionit, më herët gjatë vitit, dhe ka paralajmëruar ndryshime të mëdha në strukturë të fondacionit./rel

  • Shisnin ekstazi nëpër plazhe të Shqipërisë, arrestohen pesë persona – dy nga Kosova

    Shisnin ekstazi nëpër plazhe të Shqipërisë, arrestohen pesë persona – dy nga Kosova

    Sot janë arrestuar pesë persona në Shqipëri, pasi që për të njëjtit dyshohet se kanë transportuar lëndë narkotike nga Kosova në Tiranë.

    TV Klan bën me dije se të prangosurit transportonin lëndë narkotike nga Kosova në Tiranë dhe më pas e shpërndanin në plazhe.

    Ata janë mbajtur nën vëzhgim prej disa muajsh dhe dyshohet se kanë shitur drogë më herët edhe në zonën e Ish-Bllokut. Dy prej të kapurve janë shtetas nga Kosova.

    Mësohet se policia u ka sekuestruar 10 mijë doza ekstazi. Të arrestuarit janë: Mithat Ramadani, Besnik Mujeci, Kalem Picari, Ambra Myftari dhe Daniel Avdia.

  • “100 mijë euro për një muaj”: Kurti kritikohet për numrin e lartë të këshilltarëve

    “100 mijë euro për një muaj”: Kurti kritikohet për numrin e lartë të këshilltarëve

    Numri i lartë i këshilltarëve të kryeministrit të Kosovës, Albin Kurti, ka nxitur reagime të shumta në Facebook. Deri më tani Kurti numëron 38 këshilltarë politikë. E ky numër i tmerruar analistët e zhvillimeve politke, pasi Kurti dikur sa ishte në opozitë thoshte se ndoshta nuk i duhen më shumë se pesë këshilltarë.

    Opinionisiti, Petrit Zogaj, ka kritikuar kryeministrin, Albin Kurti për numrin e lartë të këshilltarëve.

    Zogaj përmes një shkrimi në Facebook, ka thënë se Kurti e ka shumë problem që të ketë mirëkuptim brenda 38 këshilltarëve për t’i prishur raportet me tri shtetet fqinje.

    “Është koxha problem me arritë konsensus brenda 38 këshilltarëve që Kurti i paska, qe me i prishe raportet me 3 shtetet kufitare me Kosovën. Sa letra duhesh shkruar, sa analiza duhet bere e sa takimet duhet me u planifiku me kryeministrin këta 38 këshilltarë politik, qe me e binde atë që Shqipërisë, Maqedonisë së Veriut dhe Malit te Zi, duhet me ua tregu vendin.” – ka shkruar Zogaj.

    Ndërsa, analisti i politikës, Ilir Mirena ka rikujtuar deklaratën e Kurtit të vitit 2019 ku thoshte se ndoshta i mjaftojnë pesë këshilltarë.

    Më tej, ai ka thënë se Kurti i ka mashtruar votuesit e tij.

    “Nuk kanë çfarë më duhen as 35 këshilltarë, jo naj pretencioziteti intelektual timin por nashta 5 këshilltarë më mjaftojnë. 35 janë si mos të jenë asnjë, ose tregojnë një farë paaftësie fundamentale të vetë kryeministrit…”. Keshtu paska deklaru Albin Kurti ne shtator te vitit 2019, asokohe per Qeverine Haradinaj. Sot, 38 keshilltare n’kajmak i paska fikalli vet. Euu bre po flliqt ju ka mashtru…” – ka shkruar Mirena në profilin e tij në Facebook.

    Gjithashtu, edhe analisti tjetër, Afrim Haliti ka ironizuar me numrin e lartë të këshilltarëve të Kurtit duke thënë se: “Pa i bo 69 nuk njehet.”

    Edhe politikanë të tjetër të opozitës kanë kritikuar Kurti për numrin e këshilltarëve.

    Deputet i LDK-së, Driton Selmanaj, e ka quajtur Kurtin “mashtrues perfid”.

    “Mashtruesi perfid! Sa ishte në opozitë thoshte më mjaftojnë vetëm 5 këshilltarë, kurse tani në pushtet kabineti i tij numëron hiq më pak se 100 zyrtarë që e këshillojnë e ndihmojnë Albin Kurtin dhe tre zëvendësit e tij.” – ka shkruar ai.

    Ai ka thënë se për një muaj këshilltaret e Kurtit i kushtojnë shteti 100 mijë euro.

    “Sipas ligjit, pagat e anëtarëve të kabinetit të Kurtit sillen nga 987 deri në 1155 euro, pa llogaritur këtu edhe përfitimet e tjera që gëzojnë, si mëditjet, shpenzimet e biletave,reprezentacionit, etj. Vetëm për një muaj buxhetit të shtetit i kushtojnë hiq më pak se 100.000 (njëqind mijë) euro. Kurse për një vit mbi 1.2 milion euro.Në opozitë promovonin kursim dhe kujdes ndaj parasë publike kurse në pushtet zhvasin dhe abuzojnë çdo të mirë publike. Turpi nuk paska fund!” – ka shkruar Selmanaj në Facebook.

  • Vetëm në qershor 150 çifte i dhanë fund martesës së tyre

    Vetëm në qershor 150 çifte i dhanë fund martesës së tyre

    150 çifte i kanë dhënë fund martesës së tyre, vetëm gjatë muajit qershor të këtij viti. Këto të dhëna u bënë të ditura nga Agjencia e Statistikave të Kosovës (ASK)

    Por gjatë këtij muaji nuk pati vetëm ndarje, pasi që brenda dhe jashtë Kosovës, janë regjistruar gjithsej 953 kurorëzime.

    “Në muajin Qershor 2023 janë regjistruar gjithsej 953 kurorëzime (brenda dhe jashtë Kosovës), kurse shkurorëzime të ndodhura në Kosovë janë regjistruar 150 raste”, thuhet në raportin e ASK-së.

    Ndryshe në muajin qershor numri i shkurorëzimeve ka qenë më i vogël se sa një muaj më parë, pasi që gjatë muajit maj 2023 janë regjistruar gjithsej 160 raste të shkurorëzimve. Ndërkaq janë regjistruar 1 299 kurorëzime brenda dhe jashtë Kosovës.