ATV

Blog

  • ​Osmani në takim me Turner: Mbështetja e ShBA-ve është esenciale

    ​Osmani në takim me Turner: Mbështetja e ShBA-ve është esenciale

    Presidentja e vendit, Vjosa Osmani ka takuar kongresistin Mike Turner, kryetar i Komitetit të Përhershëm të Dhomës së Përfaqësuesve të SHBA-ve për Shërbimet e Inteligjencës. Aty, Osmani ka thënë se mbështetja e ShBA-ve në rrugën e Kosovës drejt NATO-s është esenciale.

    Sipas njoftimit të Presidencës, raportet me SHBA-të, Osmani i ka cilësuar strategjike edhe ekzistenciale, ndërsa ka falënderuar kongresistin Turner për mbështetjen ndër vite.

    Osmani ka theksuar se shteti i Kosovës është edhe histori suksesi e SHBA-ve.

    “Në takim me kongresistin Tuner, Presidentja Osmani ka bërë të ditur se synimi i Kosovës është anëtarësimi në organizatat ndërkombëtare si: NATO, BE, Këshilli i Evropës dhe të tjera.Në raport me bashkëpunimin me SHBA-të, Presidentja Osmani potencoi atë në sferën e mbrojtjes dhe sigurisë. Kësisoj, Presidentja Osmani përmendi aspiratën e Kosovës për anëtarësim fillimisht në Partneritet për Paqe (PfP), e pastaj në NATO, ku mbështetja e SHBA-ve është esenciale”, ka njoftuar Presidenca përmes një komunikate.

    Osmani gjithashtu ka përmendur faktin se Agjencia e Kosovës për Inteligjencë ka bashkëpunim të ngushtë me shërbimet inteligjente të SHBA-ve në adresimin e sfidave të përbashkëta të sigurisë që mund ta cenojnë paqen dhe sigurinë në Kosovë e rajon.

    “Ndërkaq në raport me situatën në veri të vendit, Presidentja Osmani ka theksuar se Kosova ka bërë hapa përmbajtjesor në shtensionimin e situatës dhe se vazhdon të jetë palë konstruktive në këtë proces. Por, ka theksuar obstruksionet e Serbisë, si dhe veprimet destabilizuese në veriun e Kosovës nëpërmjet bandave kriminale të dirigjuara nga Beogradi. Ajo ripotencoi rëndësinë e zbatimit të plotë të të gjitha detyrimeve që dalin nga Marrëveshja e Brukselit dhe aneksi i Ohrit” , është theksuar në komunikatë.

  • Nitaj: Ata që se kuptojnë sa serioz është paralajmërimi i presidentit francez, kanë telashe me mendjen e tyre

    Nitaj: Ata që se kuptojnë sa serioz është paralajmërimi i presidentit francez, kanë telashe me mendjen e tyre

    Sekretari i Përgjithshëm i AAK-së, Muharrem Nitaj, ka thënë se paralajmërimet e presidentit Macron, janë serioze dhe si të tilla duhet të merren.

    Nitaj ka thënë se ata që nuk e kuptojnë seriozitetin e këtyre paralajmërimeve, kanë probleme serioze me mendjen e tyre.

    “Ata që nuk e kuptojnë sa serioz mund të jetë paralajmërimi i presidentit Macron për rrezikun e rishikimit të vizave, nëse tregohemi të papërgjegjshëm në zbarimin e obligimeve që kemi marrë, e kanë një problem serioz në mendjen e tyre!.

    Kërcënimet nuk bëjnë punë, veç mind të kenë efekt të kundërt!”, ka thënë Nitaj.

  • Policia e Gjakovës kërkon ndihmën tuaj në arrestimin e këtij personi

    Policia e Gjakovës kërkon ndihmën tuaj në arrestimin e këtij personi

    Policia në Gjakovë po kërkon ndihmën e qytetarëve në gjetjen e personit të dyshuar, fotografinë e të cilit e ka publikuar me qëllim identifikimin dhe lokalizimin e tij.

    Ai po kërkohet për veprën “Lëndim i rëndë trupor”.

    Organet e rendit bëjnë apel te kushdo që ka informacion për identitetin dhe vendndodhjen eventuale të të dyshuarit të paraqitur në fotografinë e bashkangjitur, të lajmërojnë Policinë e Kosovës, stacionin më të afërt policor, apo përmes aplikacionit digjital ‘’Lajmëro Policinë ‘’ dhe në numrat kujdestarë: 192 (pa pagesë) dhe 0390310482”.

  • 17 vjeçari, i lindur e rritur në Gjermani, por me njohuri të veçantë për historinë e vendit

    17 vjeçari, i lindur e rritur në Gjermani, por me njohuri të veçantë për historinë e vendit

    U lind e u rrit në Gjermani, por se për historinë e vendlindjes së prindërve ka njohuri të jashtëzakonshme.

    Ishin pikërisht prindërit dhe gjyshërit ata të cilët për 17 vite me radhë, pothuajse çdo ditë i rrëfyen për Kosovën.

    Në një bisedë për rubrikën “Copëza jete” në emisionin e mëngjesit ALARM në ATV, ai tregoi se qysh si fëmijë, çdo herë është interesuar të dijë sa më shumë për vendlindjen e tij.

    “Kur kemi ardh verës në këtë vend, më pëlqeu vendi shumë, se shpija të vjetra, shpijat tona. Më interesonte historia se çka ka ndodh këtu, nga ka ardh kjo, qysh u ndërtu kjo, pse e kemi këtë vend edhe tu e pyet babain, tu i pyet familjarët, tu e vet gjyshen, të gjithë nga pak duke më treguar, tani edhe u interesova rreth historisë dhe kulturës shqiptare, kulturës tonë dhe mundesha nga pak me i lidh disa gjëra, dhe tani çdo që mësoja më shumë, mua më interesonte çdo herë të mësoj edhe më shumë”, thotë ai.

    Rrëfimin e tij të plotë për fshatin e familjes së tij, por edhe për Kosovën në përgjithësi, e gjeni në videon më poshtë:

  • SBASHK ka një paralajmërim për Nagavcin: Ka tendencë për të na përçarë, mos u mundoni kot

    SBASHK ka një paralajmërim për Nagavcin: Ka tendencë për të na përçarë, mos u mundoni kot

    SBASHK-u ka uruar fillimin e vitit të ri shkollor për të gjithë nxënësit dhe mësimdhënësit.

    Në reagimin e tyre sërish kanë theksuar se MASHT-i ka bërë vendim të gabuar për tekstet shkollore, ku sipas tij, ka sjell shqetësim te punëtorët e arsimit.

    “Anëtare e anëtarë të SBASHK-ut Ministrja Nagavci, në vend që të kërkojë falje nga prindërit, nxënësit e mësimdhënësit për problemin që ka krijuar lidhur me tekstet shkollore, ajo kishte bërë pyetje se kë përfaqëson Jasharaj”, thuhet në reagim.

    SBAShK ka edhe një paralajmërim për ministren e Arsimit, Arbërie Nagavci.

    “Ministre mos u mundoni kot se sindikatën tonë u munduat ta shuani, por SBASHK ishte dhe mbetet sindikatë e punëtorëve të arsimit që nga çerdhet e deri në universitete dhe do të vazhdojë të jetë zë i tyre sepse ata janë bashkë e në SBASHK”, thuhet tutje.

    Deklarata e plotë:

    Të nderuar anëtarë të SBASHK-ut duke ju uruar juve dhe gjithë nxënësve për vitin e ri shkollor ju falënderoj që kësaj radhe nuk kishit kërkesa për veprime sindikale dhe kjo na jepte shpresë se ky vit shkollor do të ketë fillim dhe rrjedhë të mbarë, por MASHTI u kujdes që kjo të mos ndodh duke sjell vendim të gabuar për tekstet shkollore, vendim ky që ka krijuar shqetësime e stres të punëtorët arsimorë në mësimin shqip, por dhe te kolegët tanë në mësimin në gjuhën boshnjake e turke.

    Të nderuarit mësimdhënëses të Kosovës ju keni qenë të përkushtuar në misionin e shenjtë të edukimit e arsimit të brezave nëpër vite e dekada dhe keni kaluar me sukses pengesat që na krijuan të tjerët. Ju lus që të angazhoheni maksimalisht e të kontribuoni aq sa mundeni që pajisja me tekste shkollore të bëhet në mënyrën më të mirë të mundur e sidomos për nxënësit që vijnë nga familje me gjendje më të rënduar ekonomike.

    Anëtare e anëtarë të SBASHK-ut Ministrja Nagavci, në vend që të kërkojë falje nga prindërit, nxënësit e mësimdhënësit për problemin që ka krijuar lidhur me tekstet shkollore, ajo kishte bërë pyetje se kë përfaqëson Jasharaj. Ajo, si duket, ka besuar se do të jep rezultate plani i saj dhe i ministrit Murati se duke krijuar pengesa, që nuk ndodhin në as një vend demokratik të botës, punëtorët e arsimit nuk do të regjistrohen si sindikalistë në e-Kosova dhe kështu do të shuhet SBASHK-u. Por, Nagavcit nuk ia paskan treguar lajmin se SBASHK-u nuk u shua, por vazhdon rrugëtimin me unitet të plotë e me shumë angazhime në shërbim të arsimit dhe do ta ngrit zërin në emër të anëtarësisë.

    Pra, Jasharaj përfaqëson mijëra e mijëra anëtare e anëtarë të SBASHK-ut që nga çerdhet e deri në universitete. Zonja Nagavci me tendencën për të krijuar përçarje deklarohet se ky vendimi i ri për tekstet shkollore qenka edhe në shërbim të mësimdhënësve. Ajo, mbase ka menduar se kështu i kursen nga lodhja e ndarjes se teksteve shkollore për nxënësit e tyre, por ata nuk e duan këtë kujdes sepse me kënaqësi e të lumtur e kanë kryer këtë veprim duke i parë të gëzuar nxënësit për tekstet e reja shkollore. Sa është kujdesur e kujdeset Nagavci për punëtorët e arsimit u pa kur i gëzohej angazhimit të Qeverisë për ndëshkim me ndalim pagash pse punëtorët e arsimit kishin qëndruar arsyeshëm në grevë. Dhe kur u bënte presion edhe me inspektorë që të mbajnë mësim për të kompensuar orët e humbura në grevë. Ministre mos u mundoni kot se sindikatën tonë u munduat ta shuani, por SBASHK ishte dhe mbetet sindikatë e punëtorëve të arsimit që nga çerdhet e deri në universitete dhe do të vazhdojë të jetë zë i tyre sepse ata janë bashkë e në SBASHK.

  • Vuçiq pritet të merret në pyetje për rastin e masakrës së të rinjve serbë në kafenenë ‘Panda’ në Pejë

    Vuçiq pritet të merret në pyetje për rastin e masakrës së të rinjve serbë në kafenenë ‘Panda’ në Pejë

    Prokuroria Publike për Krimin e Organizuar ka pranuar një kërkesë për të dëgjuar presidentin serb Aleksandar Vuçiq si dëshmitar në rastin e vrasjes së të rinjve serbë në kafenenë “Panda” të Pejës në vitin 1998.

    Prokuroria do të vendosë për kërkesën e dorëzuar në emër të prindërve të të rinjve të vrarë më 10 gusht nga avokati Ivan Niniq, por fillimisht për vendimin do të njoftohet avokati i të dëmtuarve thuhet në përgjigjen e Prokurorisë Publike për Krim të Organizuar në Serbi.

    Avokati Niniq i tha Danasit se është në pritje të përgjigjes nga Prokuroria dhe se shpreson në emër të familjeve të të rinjve të vrarë nga Peja se do të jetë pozitive, sepse “çdo zgjidhje tjetër do të ishte shqetësuese”.

    Sipas fjalëve të tij, familjet kanë paraqitur kërkesa për dëgjimin e Vuçiqit si dëshmitar disa herë më parë, por deri më tani nuk kanë marrë asnjë përgjigje nga Prokuroria.

    Në kërkesën drejtuar Prokurorisë për Krim të Organizuar, avokati Niniq ka deklaruar se prindërit e gjimnazistëve dhe nxënësve të vrarë kërkojnë që Vuçiqi të dëgjohet në lidhje me deklaratat për masakrën në “Panda”, të cilat i ka bërë disa herë në media nga viti 2013 deri në vitin 2018, duke pretenduar se krimi nuk është kryer nga shqiptarët dhe se “pothuajse e di” se çfarë ka ndodhur atë natë fatale në atë kafene.

    Këto deklarata janë paraqitur në kërkesën për seancë.

    Avokati Niniq beson se sipas të njëjtit kriter, i cili është zbatuar me rastin e marrjes së vendimit për pranimin e veprimeve dëshmuese të dëgjimit të të gjithë dëshmitarëve të tjerë të propozuar, të cilët janë paraqitur në hapësirën publike lidhur me ngjarjen, do të duhej të dëgjohej edhe Aleksandar Vuçiq, sidomos për shkak të peshës së deklaratës së tij të dhjetorit 2013, kur ishte në krye të Byrosë për Koordinimin e Shërbimeve të Sigurisë.

    Prindërit e të rinjve të vrarë më kot tentuan dhjetë herë që Vuçiq t’i merrte në intervistë. Në fillim të vitit 2023, disa herë publikisht në TV, presidenti ka deklaruar se do t’i pranojë, por deri më tani ky pranim nuk ka ndodhur.

  • Lipjani bëhet komuna e parë në Kosovë që lanson platformën “Harta Dixhitale Komunale”

    Lipjani bëhet komuna e parë në Kosovë që lanson platformën “Harta Dixhitale Komunale”

    Komuna e Lipjanit është komuna e parë në Kosovë që ka lansuar platformën “Harta Dixhitale Komunale”, e cila synon ofrimin e një qasje më të lehtë në pronat komunale dhe rritjen e transparencës dhe efikasitetit, raporton EO.

    Aty u tha se ky aktivitet është pesë vjeçar dhe synon përmirësimin e sistemit të të drejtave pronësore, duke përmirësuar proceset e Zyrës Kadastrale Komunale dhe ofrimin e shërbimeve që qytetarët kanë nevojë për të formalizuar dhe regjistruar të drejtat e tyre.

    Kryetari i Lipjanit, Imri Ahmeti, tha se programi ka për qëllim identifikimin e pronave kadastrale dhe identifikimit të vendeve turistike të Lipjanit.

    “Ne jemi partnerë të këtij projekti deri në vitin 2025 dhe një ndër çështjet kryesore është Qeverisja e Pronës. Një prej sferave që nuk e kemi pas shumë të zhvilluar por me këtë projekt, qytetarët tanë do të kenë njohuri dhe do të shohin më shumë se që kanë parë deri tash dhe kjo është falë angazhimit të përgjegjësve e të udhëhequr nga USAID-i”, tha Ahmeti.

    “Unë besoj se kjo do të shërbejë shumë jo vetëm për çështjet e identifikimit të pronave por edhe identifikimit në prona për të zhvilluar biznes, për ata që duan të vizitojnë vendet më atraktive të qytetit tonë dhe unë jam i lumtur që Lipjani është komuna e parë që e lanson sot Hartën Digjitale për komunën tonë”, u shpreh Ahmeti.

    Drejtoresha e Aktivitetit në USAID, Jennifer Ober, deklaroi se programi ka për qëllim qasjen e qytetarëve në zonat kadastrale.

    “Ky aktivitet ka për qëllim që të përmirësojë sistemin e pronës në Kosovë. Ky aktivitet bashkëpunon me spektrin privat, qeverisjen lokale e shoqërinë civile, në mënyrë të mbështetjes së reformave, të cilat mundësojnë qasjen e qytetarëve në zonat kadastrale dhe pengesat sa i përket zonave kadastrale”, tha ajo.

  • ​Rama: Salla Koncertale dhe Muzeu i Artit të kryeqytetit po bëhen realitet

    ​Rama: Salla Koncertale dhe Muzeu i Artit të kryeqytetit po bëhen realitet

    Kryetari i Kryeqytetit, Përparim Rama, gjatë vizitës në Japoni ka takuar arkitektin e njohur botëror, Kengo Kuma, me të cilin kanë diskutuar detajet e fundit të projektit të Sallës Koncertale dhe Muzeut të Artit në Kryeqytet, të cilat do të krijohen brenda ish shtëpisë së mallrave “Gërmia” në Prishtinë.

    “Arkitektura unike e ndërtesës ikonë të Kryeqytetit, do të ruhet tërësisht si pjesë e trashëgimisë sonë. Por në të njëjtën kohë ne do të krijojmë një Sallë Koncertale e Muze të Artit super modern. Ky është një projekt tjetër i madh drejt transformimit të Prishtinës. Jam shumë i lumtur që vetëm se po hedhim hapat e parë për krijimin e dy hapësirave të rëndësishme të kulturës që i kanë munguar Kryeqytetit tash e sa kohë. Ne po realizojmë një kërkesë të kahmotshme të artistëve tanë, që të kenë një ambient të përshtatshëm ku do të mund të shprehin artin e tyre, në kushte shumë më të favorshme, ashtu siç do të bëjnë artistët me renome botërore. E kam premtuar dhe po e bëjë realitet” ka deklaruar Rama.

    Ndërsa, arkitekti Kengo Kuma, u shpreh falënderues për mundësinë e bashkëpunimit me Kryeqytetin që të krijojë një super projekt me arkitekturë të veçantë, i cili do të plotësojë nevojat e komunitetit artistik vendor e ndërkombëtar.

    Gjatë së enjtes, Rama u takua edhe me Taito Yamamoto, kryetarin e qytetit Chuo i cili gjendet në prefekturën e Tokios. Me z. Yamamoto, u bisedua për mundësitë e bashkëpunimit dhe këmbimin e përvojave artistike dhe kulturore. Gjithashtu Rama u takua edhe me të parin e Qytetit Shibuya, Ken Hasebe, me të cilin biseduan për rritjen e bashkëpunimit në fushën e teknologjisë informative.

  • Përzgjedhësi Gliha publikon listën e futbollistëve për ndeshjet e shtatorit

    Përzgjedhësi Gliha publikon listën e futbollistëve për ndeshjet e shtatorit

    Përzgjedhësi i Kombëtares së Kosovës, Primozh Gliha e ka bërë publike listën e futbollistëve për dy ndeshjet e muajit shtator në kuadër të kualifikimeve për Euro 2024, kundër Zvicrës dhe kundër Rumanisë.

    Në listë janë përfshirë 27 futbollistë, teksa ka edhe emra të rinj. Grumbullimi i Dardanëve nis më 4 shtator, derisa më 9 shtator në stadiumin “Fadil Vokrri” zhvillohet ndeshja Kosovë-Zvicër.

  • Sot, 26 vite nga aksidenti tragjik që i mori jetën Princeshë Dianës

    Sot, 26 vite nga aksidenti tragjik që i mori jetën Princeshë Dianës

    Kanë kaluar njëzet e gjashtë vjet nga aksidenti tragjik i princeshës Diana në Paris. Ishte 31 gusht 1997, kur ajo dha shpirt në urën D’Alma në Paris, e ndjekur nga dhjetëra paparacët, në moshën 36 vjeç.

    Lajmi shkaktoi tronditje dhe zi në mbarë botën, ndërsa për monarkinë britanike ishte një moment vërtetë i vështirë.

    Më 31 gusht 1997, 26 vjet më parë, në një aksident tragjik, brenda tunelit Ponte del’ Alma në Paris, Princesha Diana u vra së bashku me partnerin e saj Dodi al Fayette dhe shoferin e Mercedesit fatal në të cilin ndodheshin.

    Madje, fjalimi i kryeministrit të atëhershëm të Mbretërisë së Bashkuar Tony Blair, i cili duke komentuar ditën e vdekjes së saj në ngjarjen tragjike, e quajti Dianën “Princesha e popullit” u miratua në mbarë botën.

    Funerali i saj u ndoq nga BBC 32.10 milionë njerëz vetëm në Britaninë e Madhe me imazhin prekës të dy djemve të saj që ecnin si ushtarë pas arkivolit të nënës së tyre.