Blog

Eurodeputeti austriak, Lukas Mandl, është takuar me Ambasadoren e Republikës së Kosovës me seli në Jerusalem, Ines Demiri.

Mandl po zhvillon një vizitë solidariteti në Izrael.

Kontejnerë të stërmbushur me mbeturina, mund të shihen pothuajse në çdo pjesë të kryeqytetit. Madje edhe përreth tyre mbeturinat janë prezente. Hedhja e tyre vazhdona të jetë shqetësuese për qytetarët e Prishtinës, raporton Ekonomia Online.

Ata ankohen se edhe një pjesë e qytetarëve janë të papërgjegjshëm duke mos i hedhur ato në kontejnerë, por jashtë tyre e vend e pavend edhe nëpër qytet. Sipas tyre Komuna duhet të ndërmerre masa për të shqiptojë gjoba për të gjithë ata që hedhin mbeturina, por që kërkojnë përgjegjësi edhe te Kompania “Pastrimi”.

Teuta Danuzaj tha se edhe përkundër rritjes së numrit të banorëve, numri i kontejnerëve nëpër lagje ka mbetur i njëjtë.

Madje thotë se edhe orari i mbledhjes së mbeturinave nga kompania “Pastrimi” nuk i mjaftueshëm. Ajo thotë se duhet të vendosen gjoba, por pohon se faji është edhe i qytetarëve.

“Faji është i dyanshëm fillimisht Komuna duhet me marrë parasysh me pas orare më të shpeshta t’u e marr numrin ma të madh të banorëve që e kemi në Prishtinë dmth lagjet po rriten numri i banorëve po rritet ndërsa pikat e mbeturinave janë shumë të pakta po edhe siç po e sheh jemi disa banesa dhe janë vetëm 3 kontejnerë do të thotë është numri shumë i vogël i kontejnerëve si dhe orari i mbledhjes së këtyre mbeturinave prej kompanisë së Pastrimit nuk është i mjaftueshëm në anën tjetër mendoj qe edhe qytetarët janë të papërgjeshëm”.

“Thjesht mendoj që kemi nevojë për disa rregullore qe parashohin gjoba për qytetarët e papërgjeshëm mendoj qe është kjo shume e nevojshme mirëpo nevojitet një qasje e dyanshme për me arritur pastërtinë brenda kryeqytetit. Mendoj që gjobat kishin me qenë shume efikase”.

Fatmir Murati, tha se që qytetarët të bëhen më të përgjegjshëm duhet të ketë dënime të larta.

“Shteti i ka fajet duhet me pas ligj duhet me pas diçka që e dënon ata. Unë jom nxor për veti unë e mbaj e pastroj po gjuajnë prej nalt e lajmëron Policinë, kurrkush s’merret. Nëse s’ka ligje kurrkush nuk e mban pastërtinë duhet me të dënuar ty ose mu e për me mbajtur pastër diçka ndryshe nuk ka shans”.

Edhe Elmi Rrahmani tha se komuna duhet me ndërmarrë masa, edhe pse thotë se fajin më të madh e kanë qytetqrët, raporton EO.

“Fajin ma të madhe e kemi ne qytetarët, Komuna po mundohet në të veten po na qytetarët pse me gju. Shiko sa qytetarët çdo polic me i’u afruar nuk mundet njeri po na duhet me kon të vetëdijshëm kur po vijnë ata prej jashti prej Gjermanisë prej Zvicrës atje nuk guxojnë me gjuajt po këtu e gjuajnë edhe ata bërllokun”.

Xhelush Dauti, tha se pastrimi duhet që të bëhet me kohë nga Komuna, ngase qytetarët po pagujanë për shërbimet.

“Komuna i ka fajet. Komuna duhet me i pastruar me rregulluar një ditë po e një jave jo. Qytetarët nuk mund t’i fajësojë, qytetari po ia paguan paret Komunës. Komuna është e detyruar me mbajtur pastërtinë edhe rregullin në qytet”.

Përderisa Ali Kuqi, tha se qytetarët nuk duhet që të jenë dembelë, por duhet t’i hedhin mbeturinat në vendin e caktuar.

“Qytetarët duhet me kanë pak ma të kulturuar. Komuna s’ka faj hiq, Komuna i kryen ato obligimet e veta. Qytetarët i kanë fajet vet se janë dembelë e i gjunjë te dera e i lajnë nëpër rrugë mbeturinat. Qytetarët duhet me i dënuar me pare atëherë ai nuk i gjuna”.

Gjon Hajdari, tha se nuk duhet të bëhemi më të kulturuar, duke shtuar se më së shumti kanë faj qytetarët.

“Neve na mungon kultura përgjithësi ai është faji më i madhi pse nuk e futë ata në gjep e me shkuar me hedhur mbeturina po e gjuan prej kerrit, masë shumti kanë faj qytetarët. Komuna duhet përmes televizionit, përmes shtypit internetit me reaguar me i vetëdisuar njerëzit s’ka rrugëdalje tjetër me dënime kurgjo nuk bënë”.

FIFA njoftoi për pezullimin për një periudhë 20-vjeçare të ish-trajnerit të futbollit të Republikës Demokratike të Kongos, Jonathan Bukabakwa, pas një dënimi për dhunë seksuale ndaj një të mituri.

“Vendimi është në përputhje me politikën e tolerancës zero të aplikuar nga FIFA ndaj të gjitha formave të dhunës në futboll”, lexohet në deklaratën e organizatës, e cila krahas pezullimit të aplikuar, e gjobiti ish-trajnerin me 100 mijë euro.

Organi më i lartë i futbollit tha gjithashtu se kishte krijuar një forum specifik alarmi në internet për të “komunikuar në mënyrë konfidenciale problemet e mundshme në mënyrë që të arrihet parandalimi i rasteve të tilla”.

Policia e Kosovës njofton se të shtunën është arrestuar i dyshuari për shkak se në gjendje të dehur i kishte kanosur dhe sulmuar fizikisht personat zyrtarë si dhe kishte dëmtuar disa pajisje.

Po ashtu sipas policisë gjatë arrestimit i njëjti ka sulmuar edhe një zyrtar policor.

“Është arrestuar i dyshuari mashkull kosovar, për shkak se në gjendje të dehur i kishte kanosur dhe sulmuar fizikisht personat zyrtarë si dhe kishte dëmtuar disa pajisje. Po ashtu gjatë arrestimit i njëjti ka sulmuar edhe një zyrtar policor. Të lënduarit kanë pranuar trajtim mjekësor, ndërsa i dyshuari me vendim të prokurorit është dërguar në mbajtje”, thuhet në raportin 24 orësh të policisë.

Në zgjedhjet që u mbajtën dje për Parlamentin Federal të Zvicrës, ku kandiduan 30 shqiptarë për një ulëse në parlamentin helvetik në Bernë, një shqiptar është zgjedhur deputet dhe fjala është për Islam Alijajn, kandidat i Partisë Socialdemokrate (SP), njofton gazeta zvicerane në shqip Le Canton27.ch.

Ai ka fituar 95.054 vota nga qytetarët e Zvicrës me të drejtë vote. Komuniteti shqiptar në Zvicër është gëzuar dhe ka përshëndetur fitoren e kandidatit me origjinë shqiptare, të cilën fitore e kanë konsideruar si fitore historike.

Alijaj, duke qenë person me nevoja të veçanta, është i njohur për angazhimin e tij të palodhshëm për të drejtat e kategorisë së njerëzve të cilës i takon.

Ai ka qenë deri tash asamblist në Asamblenë e Qytetit të Cyrihut.

Me fitoren e Islamit, komuniteti shqiptar i Zvicrës për herë të parë bëhet me një deputet të nivelit federal.

Në Zvicër jetojnë dhe veprojnë 300,000 shqiptare, prej të cilëve mbi 100,000 albanofonë (shqiptarë nga gjitha viset e Ballkanit) janë të natyralizuar (posedojnë pasaporta), më shumë se gjysma e tyre kanë të drejtë vote, ka shkruar Canton27.ch.

Këshilli i Punëve të Jashtme, i kryesuar nga shefi i diplomacisë evropiane Josep Borrell, do të zhvillojë sot një takim në Luksemburg duke filluar nga ora 8:30, ku në rendin e ditës do të jetë edhe situata ndërmjet Kosovës dhe Serbisë pas sulmeve terroriste të 24 shtatorit në Banjska të Zveçanit.

BE-ja thotë se është e bashkuar duke u kërkuar të dyja palëve të kontribuojnë urgjentisht në de-përshkallëzimin dhe kthimin në zbatimin e detyrimeve të tyre të pazgjidhura që dalin në kuadër të dialogut të lehtësuar nga BE-ja.

Në një deklaratë për media thuhet se Këshilli do të diskutojë edhe mbi situatën në Izrael dhe në rajon, pas veprimeve brutale të Hamasit dhe sulmet terroriste pa dallim kundër Izraelit dhe ngjarjet që po shpalosen në Gaza.

Po ashtu, në rend dite do të jetë edhe agresioni rus kundër Ukrainës, duke u fokusuar në angazhimet e BE-së për sigurinë, dhe zhvillimet në lidhje me Armeninë dhe Azerbajxhanin.

Këshilli i Punëve të Jashtme do të diskutojë edhe për situatën në Kinë dhe Sahel.

Ministrat e BE-së do të marrin pjesë më pas në takimin e 19-të ministror BE-Azinë Qendrore me Kazakistanin, Republikën e Kirgistanit, Taxhikistanit, Turkmenistanit dhe Uzbekistanit.