Blog

Ish-kryenegociatorja për dialogun Kosovë-Serbi, Edita Tahiri thotë se diplomacia kosovare është në gjumë.

Tahiri përmes një shkrimi në “Facebook” bëri këtë deklaratë pasi Kosova është ende nën masat e BE-së.

“Çfarë po ndodh? Kosovës nuk iu hoqen ndëshkimet ndërkombetare, ndërsa Serbia ende e pandëshkuar! Diplomacia jonë në gjumë”, shkruan Tahiri.

Presidentja e Republikës së Kosovës, Vjosa Osmani-Sadriu, ka nisur vizitën zyrtare në Iowa të Shteteve të Bashkuara të Amerikës. 

Përveç takimit zyrtar me guvernatoren e Iowas, Kim Reynolds, Presidentja Osmani do të ketë takim edhe me komandantin e Gardës Kombëtare të Iowa-s, gjeneralmajor Stephen E.Osborn.

Ndër të tjera, Presidentja Osmani do të zhvillojë vizitë në Camp Dodge, kampin që ka një histori të pasur dhe që përdorët si një strukturë stërvitore për divizionet e ushtrisë amerikane.

Në kuadër të vizitës në SHBA, Presidentja do të takohet me kryetaret e Des Moines, Norwalk, Fort Dodge, Council Bluffs, Johnston dhe Cedar Fallsit.

Gjatë vizitës, Presidentja Osmani pritet të ketë një diskutim në Drake University dhe adresim në DMACC. Poashtu, Presidentja Osmani do të jetë folëse kryesore në ngjarjen e udhëhequr nga ambasadori Branstad, President i Fondacionit të World Food Prize, ku pritet ta dorëzoj edhe zyrtarisht çmimin e sivjetëm të World Food Prize.

Në fund të kësaj vizite Presidentja do të ketë takim me mërgatën në ShBA.

Një person është arrestuar i dyshuari në Novobërdë nën dyshimin se ka kryer veprën dhunim seksual ndaj viktimës femër kosovare.

I dyshuari me vendim të prokurorit pas intervistimit është dërguar në mbajtje.

Të hënën në Fushë-Kosovë është arrestuar një person që dyshohet se i ka rrahur dy gra.

“Është arrestuar i dyshuari kosovar për shkak se kishte sulmuar fizikisht dy viktimat femra kosovare”, thuhet në raportin e Policisë së Kosovës.

Tutje, Policia njoftoi se viktimat kanë pranuar trajtim mjekësor, ndërsa i dyshuari me vendim të prokurorit pas intervistimit është dërguar në mbajtje.

Kryeministri i Kosovës, Albin Kurti ka udhëtuar drejt Greqisë.

Sipas një komunikate dërguar mediave nga Zyra e Kryeministrit, thuhet se gjatë kësaj vizite, Kurti do të marrë pjesë në panelin diskutues të organizuar nga The Economist, me temë “Thellimi i Solidaritetit: Si mundet Evropa të dalë më e fuqishme nga trazirat aktuale gjeopolitike?”.

Po ashtu gjatë qëndrimit në kryeqendrën helene, kryeministri Kurti do të ketë dhe takime bilaterale.

Sekretari i Përgjithshëm i Institutit për Strategjinë Euro-Atlantike, njëherësh edhe politikan në Serbi, Boban Bogdanoviq, në një reagim në rrjetin social “X”, ka thënë se mbrëmë si serb atij i ka ardhur turp nga Ana Bërnabiq gjatë paraqitjes së saj në Këshillin e Sigurimit të OKB-së.

Ai fjalimin e kryeministres serbe e ka quajtur të djathtë dhe autokratik.

Derisa është ndier krenar me krejt atë çka paraqiti e çka tha presidentja e Kosovës Vjosa Osmani para anëtarëve të KS të OKB-së.

“Si serb dhe qytetar i Republikës së Serbisë më vjen turp nga fjalimi i djathtë dhe autokratik i Ana Bërnabiq në Këshillin e Sigurimit të OKB-së. Si qytetar i Evropës, jam krenar për fjalimin demokratik të presidentes Vjosa Osmani”, ka shkruar Bogdanoviq në X.

Presidentja e Kosovës, Vjosa Osmani në seancën e djeshme të Këshillit të Sigurimit të OKB-së, ka folur për agresionin serb në Kosovë më 24 shtator.

Ajo thotë se ky nuk ishte vetëm sulm ndaj Kosovës por përpjekje për destabilizim te Ballkanit Perëndimor.

Osmani tutje thekson faktin qe Milan Radojiçiq endet i lirë në Serbi përkundër që ka pranuar pjesëmarrjen në sulm.

Osmani ka dalë më një mori kërkesash për OKB-në që duhet të ndërmarrin ndaj Serbisë, në mesin e tyre edhe vendosjen e masave.

“Kërkojmë nga Këshilli i Sigurimit të OKB-së dhe kërkesa jonë është e qartë. Kosova ka nevojë për garanci substanciale në kuadër të kornizës euroatlantike që të ecim përpara duhet të përqendrohemi që Serbia të frenohet nga sulmet terroriste në Kosovë, dhe hetim e sulmit të fundit terrorist”.

“Për më tepër rritja e sigurisë në kufijtë e Kosovës me Serbinë, miratimi i masave të rrepta ndaj Serbisë siç kërkohet. Një rezolutë do të shënonte zotimin për të ruajtur paqen dhe sigurinë në tërë rajonin dhe në tërë kontinentin e Evropës, kjo do të thoshte se demokracia nuk është e heshtur përballë regjimeve autokratike”, ka thënë Osmani.

Policia Rajonale në Ferizaj apelon te shoferët e automjeteve që të bëjnë kujdes gjatë drejtimit në mot me mjegull.

Sipas Policisë, ka filluar shfaqja e mjegullës në vendet ku pozita gjeografike është më e ulët.

“Më konkretisht Policia Rajonale e Ferizajt, përmes kësaj komunikate i rekomandon shoferët e automjeteve që Mos harroni se ngasja në mjegull mund të jetë e rrezikshme. Mbani në vëzhgim rrugën për ndryshime të papritura të dukshmërisë, mjegulla më e dendur mund të jetë më afër lumenjve. Përdorni dritat e mjegullës. Nëse automjeti juaj i ka këto drita, kjo ju ndihmon të ndriçohet rruga para jush dhe këto drita e bëjnë automjetin tuaj më të dukshëm për shoferët tjerë. Disa automjete kanë edhe dritat e pasme të mjegullës, të cilat ndihmojnë shoferët që lëvizin mbrapa t’ju shohin juve edhe nga një distancë më e madhe. Mjegulla mund të krijojë një iluzion optik dhe t’i bëjë shoferët të mendojnë se po shkojnë më ngadalë seç janë. Mbani vëmendjen, mos shpejtoni. Ndizni dritat gjatë ngasjes, por mos ndizni dritat me rreze të gjatë. Ngasja e automjetit me drita të gjata mund të reflektojë jashtë mjegullës dhe mund të kthehet në automjetin tuaj, e cila gjithashtu e bën të pamundur që shoferët tjerë t’ju shohin. Mbani ndezur dritat e shkurtra dhe të mjegullës. Mbani nën kontroll shpejtësinë e lëvizjes. Mbani krahun e djathtë të rrugës gjatë lëvizjes”, thuhej në komunikatën e policisë.

Një vajzë e mitur pas një mosmarrëveshje verbale, e ka sulmuar fizikisht viktimën femër të mitur, të cilës i ka shkaktuar lëndime trupore.

Rasti ka ndodhur dje në fshatin Uglar të Graçanicës, ku viktima ka pranuar tretman mjekësor, ndërsa e dyshuara është intervistuar dhe me vendim të prokurorit, është arrestuar dhe dërguar në mbajtje.

Policia thotë se rasti vazhdon në procedurë hetimore.