ATV

Blog

  • Murati: Për herë të parë kemi mbi 410 mijë vende pune aktive, numri i të rinjve të punësuar nën 25 vjeç është dyfishuar

    Murati: Për herë të parë kemi mbi 410 mijë vende pune aktive, numri i të rinjve të punësuar nën 25 vjeç është dyfishuar

    Ministri i Financave, Punës dhe Transfereve, Hekuran Murati, ka thënë se për herë të parë janë mbi 410 mijë vende pune aktive dhe se numri i të rinjve të punësuar nën moshën 25 vjec është dyfishuar.

    Këtë e ka thënë se një postim në llogarinë e tij në Facebook, ku ka njoftuar lidhur me një prej vendimeve që ështëë marrë në mbledhjen e djeshme të Qeverisë. Ka thënë se në secilën mbledhje po marrin vendime në mbështetje të prodhuesve e ekonomisë.

    Murati ka bërë me dije se dje janë ndarë 2.5 milionë euro mbështetje për subvencionimin e kredive investuese, për prodhuesit vendorë.

    “Dje ndamë edhe 2.5 milionë euro mbështetje për subvencionimin e kredive investuese, për prodhuesit vendorë, në kuadër të Masës 2.1. Në mbledhjen paraprake të Qeverisë, miratuam edhe lirimin nga dogana për disa lëndë të para si dhe për pjesët rezervë të makinerive prodhuese.

    Secilën mbledhje, vendime në mbështetje të prodhuesve, në mbështetje të ekonomisë. Rezultatet patjetër se nuk do të mungojnë – për herë të parë kemi mbi 410 mijë vende pune aktive, dhe numri i të rinjve të punësuar nën moshën 25 vjeç është dyfishuar”, ka shkruar Murati.

  • Arrestohet një person në Malishevë, vrau një qen me pushkë gjuetie

    Arrestohet një person në Malishevë, vrau një qen me pushkë gjuetie

    Gjatë së djeshme, Policia e Kosovës ka arrestuar një të dyshuar, pasi i njëjti me një pushkë gjuetie kishte vrarë një qen.

    Sipas raportit 24 orësh të Policisë së Kosovës, rasti ka ndodhur në Malishevë.

    Ndërsa, në vendin e ngjarjes janë gjetur 3 gëzhoja si dhe nga i dyshuari është sekuestruar një pushkë gjuetie. Pas inicimit të rastit me vendim të prokurorit i dyshuari është liruar në procedurë të rregullt.

    “Malishevë 27.10.2023 – 09:00. Është arrestuar i dyshuari  mashkull kosovar për shkak se me një pushkë gjuetie kishte vrarë një qen. Në vendin e ngjarjes janë gjetur 3 gëzhoja si dhe nga i dyshuari është sekuestruar një pushkë gjuetie. Pas inicimit të rastit me vendim të prokurorit i dyshuari është liruar në procedurë të rregullt”.

  • Tahiri: Asociacioni do të duhej të kushtëzohej me njohjen de-jure nga Serbia

    Tahiri: Asociacioni do të duhej të kushtëzohej me njohjen de-jure nga Serbia

    Ish-kryenegociatorja e Kosovës në bisedimet me Serbinë, Edita Tahiri, ka thënë se Kosova është sulmuar, ndëshkuar dhe ka pranuar Asociacionin pa kushtëzuar njohjen de jure nga Serbi.

    “Paradigma nenshtruese e Kosoves: 1. te sulmuar; 2. te ndeshkuar; 3. pranimi i asociacionit pa kushtezuar njohjen de jure nga Serbia”, ka shkruat Tahir në Facebook.

  • Reagon Abdixhiku, kërkon nga Kurti ta shpalos draftin e Asociacionit para qytetarëve dhe Kuvendit

    Reagon Abdixhiku, kërkon nga Kurti ta shpalos draftin e Asociacionit para qytetarëve dhe Kuvendit

    Kreu i LDK-së, Lumir Abdixhiku, ka reaguar dy ditë pasi Albin Kurti e ka pranuar se do ta nënshkruaj draftin e Asociacionit të propozuar nga pesëshja evropiane.

    “I ftoj institucionet e vendit të shpalosin draftin e pranuar publikisht para qytetarëve tanë. E ftoj kryeministrin ta prezantojë atë draft në Kuvend”, ka shkruar Abdixhiku.

    “Koha të bëjmë Kosovën. Pa mashtrues e popullistë! Janë të kushtueshëm, na humbin kohë e na lënë në vendnumërim. Koha të ecim me aleatë. Drejt NATO-s e Bashkimit Evropian”.

    Shkrimi i plotë:

    Të dashur qytetarë të Republikës,

    Sot, bëhen një javë që nga dorëzimi i Draftit të Statutit të Asociacionit nga pesëshja e emisarëve tek kryeministri i Kosovës. Që nga ajo ditë Kosova dhe populli i Kosovës janë në terr të plotë informativ.

    Tre ditë më parë, në prani të udhëheqësve kryesorë evropianë, ky dokument, u pranua për herë të parë nga kryeministri i Kosovës. Për herë të parë sepse kurrë më parë nuk kishim patur një dokument statuti. Kurrë më parë nuk ishte arritur kaq larg.

    Tani, yjet politike janë përplot ironi.

    Ato, arkitektit të mashtrimit, dhunës e përplasjeve një dekadëshe ndërshqiptare i përcaktojnë fatin e bërjes së Statutit të Asociacionit për serbët dhe kështu zhbërjes së kauzës jetësore të tij. Çfarë fati i trishtë politik.

    Fati i tillë megjithatë nuk ka fare rëndësi. Rëndësi ka të kuptojmë atë që duhej ta kuptonim një dekadë më parë. Se obligimet ndërkombëtare nuk kanë alternativë. Se dalldisjet populliste janë veçse përkeqësim. Se Asociacioni nuk mund të shmangej si detyrim. Vetëm se humbëm kohë, humbëm mundësi, përfunduam aty ku ishim në fillim. Këtë herë pa njohje, pa marrëveshje finale, e përplot dialog në vazhdimësi.

    Dhe mbi të gjitha, pa ndonjë shpjegim për një popull të tërë se çfarë ka pranuar Kosova në relacion me Serbinë.

    I ftoj institucionet e vendit të shpalosin draftin e pranuar publikisht para qytetarëve tanë. E ftoj kryeministrin ta prezantojë atë draft në Kuvend.

    Koha të bëjmë Kosovën. Pa mashtrues e popullistë! Janë të kushtueshëm, na humbin kohë e na lënë në vendnumërim.

    Koha të ecim me aleatë. Drejt NATO-s e Bashkimit Evropian.

  • Mbetet në fuqi dënimi me 54 muaj burgim për “Burdushin”

    Mbetet në fuqi dënimi me 54 muaj burgim për “Burdushin”

    I dënuari me 4 vite e 6 muaj burgim, Hysri Peqani i njohur si “Burdushi” i ka shterë të gjitha mundësitë ligjore për të kundërshtuar dënimin ndaj tij.

    Kështu, më 10 tetor, edhe Gjykata Supreme e ka refuzuar kërkesën për mbrojtje të ligjshmërisë së ushtruar nga mbrojtja e “Burdushit” ndaj vendimeve të shkallës së parë dhe të dytë.

    “Refuzohet si e pabazuar kërkesa për mbrojtjen e ligjshmërisë e mbrojtësit të të dënuarit H.P., e paraqitur kundër aktgjykimit të Gjykatës Themelore në Prishtinë, PS.nr.36/2020, të datës 10.01.2023 dhe aktgjykimit të Gjykatës së Apelit të Kosovës, APS.nr.23/2023, të datës 05.06.2023”, thuhet në vendimin e Supremes të siguruar nga “Betimi për Drejtësi”.

    Supremja ka konstatuar se në rastin konkret nuk ka tejkalim të aktakuzës pasi që bëhet fjalë për të njëjtat ngjarje dhe për të njëjtat veprime.

    Gjithashtu Supremja ka konstatuar se nuk ka pasur shkelje me rastin e shpalljes së aktgjykimit pasi që aktgjykimi i shpallur është përpiluar në harmoni me të gjitha pjesët e tij përfshirën pjesën e konfiskimit, përkatësisht lirimit të paluajtshmërive.

    Hysri Peqani ishte dënuar më 4 vite e 6 muaj burgim më 10 janar 2023 për veprat penale ushtrim të kundërligjshëm të veprimtarisë mjekësore ose farmaceutike, mashtrim, shpëlarje parash dhe armëmbajtje pa leje. Më 30 qershor, Gjykata e Apelit ia kishte vërtetuar dënimin “Burdushit”.

    Ndërkohë, Supremja ia kishte refuzuar “Burdushit” si të papranueshme edhe kërkesën për mbrojtjen e ligjshmërisë për shtyrjen e ekzekutimit të dënimit me burgim.

    “Betimi për Drejtësi” kishte raportuar se si “Burdushi” edhe përkundër vendimin të formës së prere, vazhdon të qëndrojë në shtëpi dhe të mos paraqitet për vuajte të dënimit me burgim.

  • Nesër ndryshon ora, akrepat do të shkojnë 60 minuta mbrapa

    Nesër ndryshon ora, akrepat do të shkojnë 60 minuta mbrapa

    Të dielën e 29 tetorit ndryshon ora. Akrepat do të shkojnë 60 minuta mbrapa, ose thënë ndryshe, do të flemë një orë më shumë.

    Si zakonisht ndryshimi bëhet rreth orës 03:00 të mëngjesit. Në aparatet e celularëve smart, ndërrimi bëhet automatikisht.

    Lëvizja e akrepave të orës si fenomen ndodh dy herë në vit: në javën e fundit të tetorit dhe në të dielën e fundit të marsit, kohë kur ora shkon para.

    Ndryshimi i orës më parë në Europë ka qënë jo i njëtrajtshëm, por ajo filloi të përgjithësohej nga viti 1974, vende vendosën të çojnë përpara orën në mënyrë që të shfrytëzonin më shumë dritën e diellit dhe të konsumonin më pak energji elektrike.

  • Flini gjysmë ore pasdite, rekomandojnë shkencëtarët

    Flini gjysmë ore pasdite, rekomandojnë shkencëtarët

    Dremitjet e orëve të pasdites kanë ndikime pozitive në organizëm.

    Shkencëtarët britanikë kanë zbuluar se shkalla e dremitjes së dobishme varet nga koha kur vendosim të shtrihemi në shtrat.

    Rezultatet e studimit më të ri zbulojnë se njerëzit kanë më shumë dobi nga dremitja kur shtrihen të pushojnë në ora 15.00 pasdite, transmeton “Indipendent”.

    Arsye për këtë është ritmi biologjik, i cili ngadalësohet gjatë kësaj kohe. Shumë njerëz, po ashtu, janë të përgjumur pas drekës dhe vjen deri te rënia e përqendrimit.

    Por, nuk duhet tepruar. Dremitja për një orë është e tepërt dhe duhet pasur kujdes që të mos flini më shumë se tridhjetë minuta, pasi nuk do të ndiheni të kthjelltë, rekomandojnë shkencëtarët.

  • I dyshuari për sulmin masiv në ShBA gjendet i vdekur

    I dyshuari për sulmin masiv në ShBA gjendet i vdekur

    Rezervisti i ushtrisë që hapi zjarr në një sallë boulingu dhe në një kafene në Luiston, Mein, duke vrarë 18 persona, u gjet i vdekur nga një plagë e vetëshkaktuar me armë zjarri, duke i dhënë fund kërkimit dyditor të autoriteteve.

    Robert Card, instruktor i armëve të zjarrit, u gjet i vdekur afër Ujvarës Lisbon, tha guvernatorja Janet Mills, gjatë një konference për media.

    “Sikurse shumë persona të tjerë, sot po marr frymë lirshëm duke e ditur se robert Card më nuk paraqet kërcënim për askënd”, tha Mills.

    Shefi i Departamentit për siguri të publikut në Policinë në Mein, Mike Sauschuck, tha se Card u gjet në orën 19:45, sipas kohës lokale, në lumin Androscogin, rreth 13 kilometra në juglindje ku ndodhën të shtënat e dyta mbrëmjen e së mërkurës.

    Guvernatorja Mills tha se ka telefonuar presidentin, Joe Biden, dhe e ka informuar se Card është gjetur i vdekur.

    Këto ishin të shtënat më vdekjeprurëse në historinë e Mein, ku jetojnë 1.3 milion banorë. Në Luiston, 37.000 banorët dhe komunitetet përreth u udhëzuan që të qëndronin brenda shtëpive të tyre, përderisa forcat e rendit kërkonin të dyshuarin.

    Card, 40 vjeç, ishte rezervist në ushtrinë amerikane. Vitin e kaluar ai i ishte nënshtruar një vlerësimi të shëndetit mendor, pasi kishte filluar të sillej çuditshëm gjatë trajnimeve, thanë zyrtarët amerikanë për AP-në. Pas sulmit u tha se Card kishte qenë i shtrirë për dy javë në një spital të shëndetit mendor pasi “kishte dëgjuar zëra dhe dhe kishte kërcënuar se do të shtinte me armë zjarri” në një bazë ushtarake.

    Të shtënat në Luiston ishin rasti i 36-të i vrasjeve masive në SHBA gjatë këtij viti./rel

  • Postuan fotografi me armë, intervistohen nga policia dy vëllezërit

    Postuan fotografi me armë, intervistohen nga policia dy vëllezërit

    Dy vëllezër janë intervistuar nga Policia e Kosovës, nën dyshimin se të njëjtit në rrjetet sociale kanë postuar fotografi ku shihej një armë automatike dhe një pistoletë.

    Rasti ka ndodhur dje në fshatin Doganaj të Kaçanikut, ku me vendim të prokurorit, janë kontrolluar shtëpitë e tyre, por nuk kanë gjetur asgjë të dyshuar.

    Sipas Policisë, rasti është në procedurë hetimore.

  • Vdes një person në Gjakovë, dyshohet se u rrokullis me traktor

    Vdes një person në Gjakovë, dyshohet se u rrokullis me traktor

    Një person ka humbur jetën në fshatin Orizë të Gjakovës pasi dyshohet se nga pakujdesia teksa ka qenë duke e punuar tokën është rrokullisur me traktor.

    Kështu thuhet në raportin e përditshëm të policisë së Kosovës.

    Vdekjen e viktimës e ka konstatuar ekipi mjekësor, ndërsa trupi i pajetë është dërguar në Institutin e Mjekësisë Ligjore (IML) për Obduksion.

    “Është raportuar se viktima mashkull kosovar derisa ka qenë duke punuar tokën, dyshohet se nga pakujdesia është rrokullisur me traktor dhe si pasojë ka humbur jetën. Vdekjen e viktimës e ka konstatuar ekipi mjekësor. Me vendim të prokurorit trupi i pajetë është dërguar në IML për obduksion”, thuhet në raport.