ATV

Blog

  • ​Konjufca kërkon mbështetje nga Bakoyannis për anëtarësimin e Kosovës në KiE

    ​Konjufca kërkon mbështetje nga Bakoyannis për anëtarësimin e Kosovës në KiE

    Kryeparlamentari Glauk Konjufca priti sot në takim raportuesen për Komisionin e Çështjeve Politike të Asamblesë Parlamentare të Këshillit të Evropës për aplikimin e Kosovës për anëtarësim në Këshillin e Evropës, Dora Bakoyannis, me të cilën ka biseduar për gjendjen politike në vend, proceset integruese, përfshirë anëtarësimin në Këshillin e Evropës.

    Konjufca vlerësoi rëndësinë e anëtarësimit sa më të shpejtë të Kosovës në Këshill të Evropës dhe kërkoi mbështetje nga raportuesja Bakoyannis.

    Ndërsa Bakoyannis tha se raporti fakt-mbledhës, të cilin do të hartojë pas qëndrimit në Kosovë, do të shërbejë si bazë për vijimin nëpër procesin e anëtarësimit të Kosovës në Këshillin e Evropës.

  • Haki Abazi me gjëegjëzë në Kuvend: Ta gjejnë veç ata që kanë kartela të LV-së

    Haki Abazi me gjëegjëzë në Kuvend: Ta gjejnë veç ata që kanë kartela të LV-së

    Ish-deputeti i VV-së, Haki Abazi, në fjalimin e tij në Kuvend ka thënë një gjëegjëzë për deputetët e VV-së: Si quhet një gjë që është vetmenaxhim sipas pikës 7 e ndërlidhur me pikën 10?, raporton EO.

    “Nuk ka torturë ma të madhe se me dëgju ligjërim për marrëveshjet e së kaluarës prej njeriut që ka qenë pjesë e atyre marrëveshjeve. Nuk ka torturë më të madhe për qytetarët me fol për kauzat e LVV-së, demarkacionin, Asociacionin nga një njeri që ka qenë pjesë e këtyre marrëveshje. A e din ku keni ra? Keni ra në pamundësinë në fakt me argumentuar, por unë kam një gjëegjëzë”.

    “Si quhet një gjë që është vetmenaxhim sipas pikës 7 e ndërlidhur me pikën 10? Ama, këtë përgjigje e pranoj veç prej atyre që e kanë kartelën e LVV-së. Le të çohet kryeministri e le të shpjegon qysh koka ma mirë që nuk përfunduam veç me pikën 10, por përfunduam edhe me vetmenaxhimin e autonomisë substanciale. Çka qenka ajo?”.

  • Tahiri: Vuçiqi po i ndan informatat me Kinën e Rusinë, Kurti as me neve as me Shqipërinë

    Tahiri: Vuçiqi po i ndan informatat me Kinën e Rusinë, Kurti as me neve as me Shqipërinë

    Shefi i Grupit Parlamentar të AAK-së, Besnik Tahiri, ka kritikuar kryeministrin Albin Kurti që nuk po e ndan draftin për Asociacionin të propozuar nga emisarët perëndimorë.

    Ai tha se një kryeministër kurrë s’do të pranonte që informatat relevante të mbahen në konfidencë, larg qytetarëve, pa besimin e tyre, raporton Ekonomia Online. Tahiri tha se Kosova s’i duhet të mësojë nga informacionet e Serbisë, e cila ka agjendë të dëmtimit të interesave shtetformuese të Kosovës.

    Sipas tij, presidenti serb Aleksandar Vuçiq po ndan informata me Kinën e Rusinë e Kurti as me deputetët e as me Shqipërinë.

    “Me dashje apo pa të., Albin Kurti po i bën favor Aleksandar Vuçiqit, duke mos shpalosur informacione dhe duke i mbajtur në raportin konfidencial informatat”.

    “Këtë qasje nuk do të duhej ta kishte një kryeministër teknik, e lëre më ky që e ka gjysmën, duke mos pasur fuqi, e synim strategjik, më kanë dhënë shkas miqve tonë, që të shprehin mosbesim ndaj tij si përfaqësues i Kosovës, pastaj edhe si i Qeverisë”.

    “Konfidencialiteti mund të jetë taktizim i Vuçiqit, por për Kurtin mungesa e transparencës është arrogancë dhe vazhdimësi e mashtrimit nga dita e parë. Derisa Vuçiq i ndan dhe i trajton informatat me Kinën e Rusinë, Kurti s’i ndan as me ne as me Shqipërinë amë”.

  • Abdixhiku thotë se Kurti e Osmani kanë kontradikta për draftin: Ka mospërputhjes me Kushtetutën

    Abdixhiku thotë se Kurti e Osmani kanë kontradikta për draftin: Ka mospërputhjes me Kushtetutën

    Kryetari i LDK-së, Lumir Abdixhiku, tha se kryeministri Albin Kurti në Kuvend ku është thirrur të raportojë për draftin e Asociacionit të komunave me shumicë serbe, vendosi t’i flasë përkrahësve të tij. Duke u ankuar për mostransparencë, Abdixhiku tha se nga ato deklarata që thanë presidentja Vjosa Osmani e kryeministri për draftin e Asociacionit që e kanë parë dokumentin ka kontradikta, raporton EO.

    Abdixhiku tha se ndonëse Kryeministri i vendit ka pranuar një dokument që për herë të parë definon statutin e Asociacionit, vazhdojmë të jemi në terr të plotë informativ. Ai tregoi se si Lidhje Demokratike e Kosovës, nëpërmjet kryetarit të Kuvendit, kanë kërkuar qasje zyrtare në këtë dokument.

    “Ndoshta e kuptoj, por s’e mirëkuptoj. Bëhet fjalë për jetë të humbura për një kauzë që është shuar nga ai. Përtej kësaj ironie, e kam të vështirë ta kuptoj kundërthënien në vazhdimësi: ‘Jam i gatshëm ta nënshkruaj qysh sonte, por s’e kam pranuar’”.

    “Dhe meqë nuk mund të flasim për përmbajtjen, meqë nuk e kemi atë, do të duhet të flasim për procesin dhe të hamendësojmë. Ky hamendësim bëhet edhe më i thellë kur kuptojmë se dy zyrtarë shtetërorë, Kryeministri dhe Presidentja, që kanë pranuar dokumentin në gjithë përbërjen e tij, kanë dhënë dy qëndrime kontradiktore në përmbajtje të tij. Gjersa Kryeministri pretendon se Statuti i Asociacionit të tij është në përputhje me Gjykatën Kushtetuese – ose së paku kështu i kanë thënë atij – Presidentja, si pranuese e po të njëjtit dokument, shpalos hezitimin e ngutisë për një cilësim të tillë. Dhe jo vetëm aq, njofton dërgimin e komenteve në Kushtetuese në rastin e parë, si shenjë e qartë e mospërputhjes me Kushtetutë”.

    “Një dokument kaq jetik, i dakorduar tashmë në raport me Serbinë, vazhdon të mos shpaloset paraprakisht para popullit të Kosovës. Jo vetëm për deputetët e partisë sonë politike, por për të gjithë deputetët në këtë Kuvend. Një qasje e tillë nuk na është siguruar ende. Së këndejmi, dhe kjo seancë humbet kuptimin përmbajtjesor. Sepse do të duhej të flisnim për një materie të pranuar zyrtarisht, të shndërruar tani në obligim ndërkombëtar”.

    “Sot, mund të mos kemi dalje nga kjo situatë. Sot, për shkak të pozicionit të pafavorshëm diplomatik, për shkak të menaxhimit katastrofal të procesit dialogues kemi ndërtuar një presion ndërkombëtar që na detyron në zgjidhje të tilla. Nesër, për më tepër, mund të kemi situatë dhe më të rëndë e propozime dhe më të rënda. Të gjitha këto janë të vërteta; por njëtrajtësisht është e vërtetë se për shkak tuajin kemi marrë rezultatet më të rënda të mundshme. Asociacion ende të padefinuar në natyrë për popullin e Kosovës, pa njohje, dialog të gjatë, e në kërkim të marrëveshjes përfundimtare; me koncesione tjera në pritje; dhe pa qartësi për koncensionet e tanishme”.

  • ​Gjakova lufton për gjysmëfinalen e Evropianit të xhudos

    ​Gjakova lufton për gjysmëfinalen e Evropianit të xhudos

    Sikurse Distria Krasniqi, edhe Nora Gjakova ka siguruar çerekfinalen e Kampionatit Evropian të xhudos për senior.

    Në kuadër të kategorisë deri në 57 kilogramë, Gjakova e mposhti në raundin e dytë xhudisten polake, Arleta Podolak, raporton KosovaPress.

    Raundin e parë Nora e kaloi pa luftë, kurse në të dytin fitoi ndaj polakes Podolak, kurse tani në çerekfinale do të përballet me xhudisten nga Gjermania, Pauline Starke.

  • Ujkani: Mosvotimi i marrëveshjeve ndërkombëtare nga opozita po bëhet për inate politike

    Ujkani: Mosvotimi i marrëveshjeve ndërkombëtare nga opozita po bëhet për inate politike

    Deputetja e Lëvizjes Vetëvendosje, Fjolla Ujkani, në emisionin A LIVE në ATV, tha se opozita nuk po i voton marrëveshjet ndërkombëtare për inate politike.

    Ajo thotë se këto nuk janë marrëveshje që i shërbejnë Lëvizjes Vetëvendosje apo kryeministrit Kurti, por sipas saj, janë marrëveshje vitale për zhvillimin ekonomik të vendit.

    “Problemi kryesor është tek inatet politike, domethënë dhe poenat se kujt i shkojnë pozitivisht pra se sa ngritet Qeveria Kurti në këtë proces, por ja që duhet ta kemi parasysh që këto marrëveshje ndërkombëtare nuk janë marrëveshje ndërkombëtare që i shërbejnë Lëvizjes Vetëvendosje apo personalisht Kryeministrit Kurtit, po janë marrëveshje ndërkombëtare që janë tepër të rëndësishme dhe vitale për zhvillimin e ekonomisë së Republikës së Kosovës, të cilat duhet të ratifikohen dhe të përfundohet procesi i tyre sa më parë, sepse janë marrëveshje të cilat janë diskutuar me muaj të tërë dhe ka një periudhë të gjatë kohore të cilat ne kemi negociuar, ministritë e linjës kanë negociuar lidhur me këto marrëveshje ndërkombëtare që të arrihet një dakordim që ato fonde t’i barten Republikës së Kosovës dhe të shpërndahen në sektorët të cilat do të kontribuonin në rritjen e kapaciteteve të zhvillimit të ekonomisë së Kosovës”, tha Ujkani.

    Ajo thotë se për votimin e këtyre marrëveshjeve nuk po gjejnë dakordim nga PDK dhe AAK, mirëpo së fundmi, vazhdon ajo, këto dy parti politike kanë shprehur interesim për bashkëpunim me Qeverinë.

    “Nuk po arrijmë që ta gjejmë një dakordim, sepse nga opozita, specifikisht nga Partia Demokratike e Kosovës dhe nga AAK-ja deri më tani kemi vendime të brendshme partiake, të cilat ka dakordim të plotë që ata të mos marrin pjesë në asnjë votim, por ja që tash më së fundi kemi parë që ka një lëshim nga të dyja palët që janë të interesuar për bashkëpunim që këto marrëveshje ndërkombëtare të ratifikohen, pra të kalohen nga Kuvendi i Republikës së Kosovës, por ja që paraprakisht për votimin e këtyre marrëveshjeve ndërkombëtare ka edhe kushte nga opozita që nismat e tyre legjislative dhe rezolutat e tyre, të cilat po dalin që të jenë në anën e disa sektorëve të cilët po kërkojnë që të ketë rritje të pagave dhe përmirësim të kushteve në punën e tyre, apo domethënë është një lloj pazari në mes pozitës dhe opozitës, fatkeqësisht të cilat po ka sabotime nga të dyja palët”, tha Ujkani.

    Ajo përmend se opozita po i cilëson si nisma joserioze nga ana e Qeverisë, që këto marrëveshje të gjejnë zbatueshmëri.

    “Kuptohet sepse nga rrafshi ynë po shihen këto që janë nisma joserioze dhe janë çështje të cilat po ngritën nga opozita për poena politikë, të cilët e dinë ata jashtëzakonisht mirë që kjo kërkon kohë që këto të gjejnë zbatueshmëri, sepse nuk mund të bëhet të miratohet një rezolutë në Kuvendin e Republikës së Kosovës dhe ato të gjejnë zbatueshmëri, sepse e dimë se si këto procedohen së pari dhe kërkojnë që të hyjë në linja buxhetore dhe tashmë e kemi buxhetin për vitin 2024 që do të miratohet dhe kjo është një mundësi e mirë që të ulemi me anë të amendamenteve të procedohen dhe të rishikohet buxheti prapë dhe në mes të dy leximeve të gjejmë një kompromis dhe këto projektligje dhe këto nisma të mos mbesin në gjysmë, po t’u shërbejmë të gjithë qytetarëve të cilët janë target i yni nga Qeveria”, shpjegoi Ujkani. /atvlive.tv

  • Kusari-Lila: Sfidat që e përcollën dialogun ishin të vështira, treguan një realitet tjetër

    Kusari-Lila: Sfidat që e përcollën dialogun ishin të vështira, treguan një realitet tjetër

    Shefja e Grupit Parlamentar të VV-së, Mimoza Kusari-Lila, para deputetëve në Kuvend tha se sfidat e dy viteve të fundit që e përcollën procesin e dialogut ishin të vështira. Ajo u shprehu se këto sfida treguar edhe një realitet tjetër, raporton Ekonomia Online. Kusari-Lila tha se në Bruksel me 26 tetor, siç u shpreh ajo, u fol vetëm në emër të interesit të Kosovës dhe qytetarëve të saj.

    “Sfidat e dy viteve të fundit që e përcollën procesin e dialogut ishin të vështira dhe treguan një realitet tjetër, prej asaj çka donin të besonin ata që ishin përgjegjës më herët për dialogun”.

    “Në Bruksel me 26 tetor, sikur çdoherë në këto dy vitet e fundit, prapë u mbrojt dhe u fol vetëm në emër të interesit të Kosovës dhe qytetarëve të saj. Më 26 tetor, ashtu sikurse edhe me 27 shkurt në Bruksel dhe me 18 mars në Ohër, Serbia nuk nënshkroi marrëveshje me Kosovën”.

    “Kjo tregon se synimi i qartë i Serbisë për moszgjidhjen e kësaj situate e në veçanti kur tani atje u shpallën edhe zgjedhjet parlamentare, për të cilat një gjë është e sigurt, se nuk do të mbahen në Kosovë”.

  • ​Krasniqi-Kurtit: O trim si me nënshkrim si pa nënshkrim ti ke bërë pranim

    ​Krasniqi-Kurtit: O trim si me nënshkrim si pa nënshkrim ti ke bërë pranim

    Kryetari i Partisë Demokratike të Kosovës, Memli Krasniqi tha se kryeministri Albin Kurti e ka bërë pranimin e Asociacionit. Teksa përsëriti, siç i quajti ai, frazat e Kurtit për nënshkrimin e draft-statutit, ai tha se qytetarët nuk mund t’i mashtrojë. Tutje, Krasniqi deklaroi se në takimin e fundit në Bruksel, kryeministri e ka përmbysur komplet karrierën e tij politike.

    Në deklarimin e tij ku shefi i ekzekutivit po raporton për takimin e fundit në Bruksel, kreu i PDK-së theksoi se ai nuk është ftuar për t’u shpallur tradhtar, mashtrues e as shpihun. Megjithatë, siç tha Krasniqi, Kurti e ka ndërtuar tërë karrierën e tij me etiketime.

    “Sot vështirë është për mua personalisht, besoj për shumicën këtu me dit a me qesh a me qajt me fjalën tënde. Me qesh që erdh dita 10 vjet më vonë me ardhur në të njëjtën foltore me mbrojt “Zajednicën”, a është kjo për të qeshur që t’i vjen edhe na tregon çfarë propozimi të mirë ke pranuar për “Zajednicën”. A është për të qajtur që për 10 vjet, një dekadë të humbur të Kosovës, të mundësive të këtij vendi, dhunës, përçarjes të shoqërisë që ke instaluar në çdo pore të jetës. Të jetëve të humbura që ti i ke mashtruar duke kundërshtuar këtë “Zajednicë” që sot ke ardhur për ta mbrojtur, arsyetuar dhe për ta lavdëruar e me mbështet”, deklaroi Krasniqi.

    Tutje, i pari i PDK-së theksoi se edhe para ambasadorëve ka raportuar për takimin e fundit në Bruksel, e jo para të zgjedhurve të popullit.

    “Për 19 minuta Albin Kurti e ka përmbysur komplet karrierën e tij politike me 26 tetor në Bruksel. Hynë e dil, kafe s’ke pas kohë me pi, për 19 minuta. E ti po tregon çfarë ju ke thënë, e çfarë nuk ju ke thënë. Zotëri ne e dimë me 21 tetor e ke pas pesëshen këtu, është për t’u vlerësuar ky angazhim i madh i partnerëve kryesor ndërkombëtar të Kosovës. Të kemi thënë secili prej neve këtu në opozitë, koordinohu me amerikanë, koordinua me perëndim, mos na dërgo në konfrontim me ta se vet nuk kemi mundur askush, nuk do të mundësh as ti mujt”, theksoi ai në seancë plenare.

    Krasniqi tha se është e rëndësishme të dihet se qysh do e ketë emrin “Asociacioni” në këtë draft.

    “Të kemi thirr me ardhur me fol për draft, pa paragjykim. Dhe t’i 20 minuta tregove gati shumicën e kohës për takimin në Bruksel që ka zgjatur 19 minuta. E ata a kanë fol naj sen, a veç ti ke fol a? Ti 15 minuta tregove çfarë ke thënë, e ata, a veç thoshin ‘bravo’. A mendon që të kanë rreh shuplaka si këta këtu a. Po na e dimë që nuk të rreh ty shuplaka kurrkush, përveç këtyre. A mendon që Macroni, Scholzi, Meloni, Borreli, Lajçaku e ata tjerët i kanë rrahur shuplaka a? Se ju ndoshta e mendoni. Jo nuk kanë rrahur shuplaka, ky ata s’ka fol më shumë se tre minuta, po s’kanë pas more kohë ky të ju tregojë që ka zhvillim ekonomik. Zhvillimin ekonomik janë duke e ndjerë qytetarët e Kosovës”, shtoi ai.

    Kryetari i PDK-së kërkoi detaje se çfarë ka pranuar në Bruksel dhe për çfarë është i gatshëm që të jap.

    “Së pari kur ti thua ‘hajde po e nënshkruajmë’, e ke bërë një gabim të jashtëzakonshëm, që një amater nuk është dashur ta bëjë. Me i thanë botës jam i gatshëm të nënshkruajë me Vuçiqin draftin e Asociacionit për Kosovën, që rregullon Kosovën brenda, është jo banale, është abnormale. Është me pranua Serbia me vendos për rregullimin e brendshëm të Kosovës. Me nënshkrua draftin e asociacionit që duhet të miratojë qeveria që t’i drejton, e me gjykua Gjykata Kushtetuese e Republikës së Kosovës. Tash unë nuk besoj që je shkuar t’i në çerdhe atje me fëmijë me luajt, ‘nëse e pranojmë e nënshkruajmë, s’e nënshkruajmë e nënshkruajmë, e zbatojmë’. Dëgjo, bëhu më serioz se sinqerisht ke përgjegjësi shumë më të madhe. Lej ato fraza ‘pa nënshkrim nuk ka pranim, ka zbatim’. O Albin, o trim, si me nënshkrim si pa nënshkrim ti ke bërë pranim, kjo po shihet. Tash ti kë ke dal me mashtrua. Këta i mashtron lehtë, neve nuk mund të na mashtrosh, as qytetarët e Kosovës nuk mundesh me i mashtrua”, u shpreh ai.

    Në fillim të fjalës së tij, Krasniqi i tha Kurtit “a u qetësove”.

    “A u qetësove kryeministër, se u bënë merak këta të tut kur të panë ashtu, a je mirë?”, i tha ai.

    Teksa pati kritika për vonesën e Kurtit në seancë plenare, Krasniqi tha se Kurti i ka kundër të gjithë bashkëpunëtorët e tij të ngushtë të dikurshëm.

    “Qysh është e mundur krejt bashkëpunëtorët e t’u më të ngushtë me të dal kundër sot. Ish-numri dy i partisë tënde me të cilin e ke ndërtuar komplet rrugëtimin tënd edhe karrierën tënde politike, ish dalë qaty para derës me të kundërshtua, nuk të lejojke me hy. Ish-numri dy i qeverisë tënde, të cilin e ke pasur zëvendëskryeministër t’i ka bërë disa pyetje, se di a i pe? Ato pyetje nuk ju ke dhënë as ti përgjigje, besa nuk ju ka dhënë askush”, deklaroi ai. /KP

  • ​Distria në çerekfinale të Evropianit të xhudos

    ​Distria në çerekfinale të Evropianit të xhudos

    E arta jonë olimpike, Distria Krasniqi ka siguruar çerekfinalen e Kampionatit Evropian të xhudos.

    Në kuadër të kategorisë deri në 52 kilogramë, Distria e ka mposhtur në raundin e dytë xhudisten kroate, Ana Viktorija Puljiz, raporton KosovaPress.

    Raundin e parë Krasniqi e kaloi pa luftë, në të dytin mposhti kroaten Puljiz, kurse tani në çerekfinale do të përballet me xhudisten nga Azerbajxhani, Gultaj Mammadaliyeva.

  • ​Loxha mposhtet në raundin e dytë të Evropianit të xhudos

    ​Loxha mposhtet në raundin e dytë të Evropianit të xhudos

    Xhudistja jonë, Flaka Loxha ka pësuar humbje në raundin e dytë të Kampionatit Evropian të xhudos për senior, që po mbahet në Montpellier të Francës.

    Në kuadër të kategorisë deri në 57 kilogramë, Loxha u mposht në raundin e dytë nga xhudistja serbe, Marica Perisic, raporton KosovaPress.

    Në raundin e parë, Loxha e mposhti xhudisten bullgare, Ivelina Ilieva.