ATV

Blog

  • Arrestohen dy persona për vjedhje në një Xhami të Suharekës

    Arrestohen dy persona për vjedhje në një Xhami të Suharekës

    Policia e Kosovës, i ka arrestuar dy persona në komunën e Suharekës nën dyshimin se e kanë kryer veprën “vjedhje e rëndë”.

    Arrestimi i tyre sipas Policisë, është bërë me dyshimin se te njëjtit kane qenë te përfshirë në një rast vjedhje e rënde qe ka ndodhur në xhaminë e fshatit Gjinoc të Suharekës, ku të dyshuarit e kanë vjedhur një makinë për prerjen e barit.

    “Njësiti i hetimeve të Stacionit Policor Suharekës me datën 18.122023 përmes rrugëve operative ka arritur që të lokalizoj dhe arrestoj të dyshuarit M. A (viti i lindjes 2007, mashkull kosovar shqiptar) dhe L SH (viti i lindjes 2007, mashkull kosovar shqiptar)”, thuhet në njoftim.

    Ne konsultim me prokurorin kujdestar është iniciuar rast. Të dyshuarit janë intervistuar ne prezence te avokatit dhe punëtoreve te Q.P.S-ë dhe pas intervistës ne konsultim me prokurorin kujdesur për krime te rënda janë liruar.

    Rasti po vazhdon të hetohet.

  • Dështon mbledhja e Komisionit për Ekonomi në mungesë të kuorumit

    Dështon mbledhja e Komisionit për Ekonomi në mungesë të kuorumit

    Ka dështuar që të mbahet mbledhja e Komisionit për Ekonomi, Industri, Ndërmarrësi dhe Tregti pasi mungesës se koriumit, kjo pasi deputetëve e opozitës nuk murrën pjesë në votim të rendit të ditës, raporton EO.

    Në rend dite ishte paraparë miratimi i Projekt-rezolutës për Raportin vjetor të ZRrE-së për vitin 2022 si dhe shqyrtimin e Planeve Vjetore të Performancës për vitin 2024, të agjencive dhe rregullatorëve që i raportojnë Komisionit.

    Kryetari i këtij Komisioni Ferat Shala, tha se në mungesë kuorumi mbledhja nuk mund të vazhdoj

    “Nuk kalon rendi ditës, nuk ka kuorum. Shihemi pas vitit ri në sesionin e ri pranveror”, tha Shala.

  • Grenelli-Gjermanisë: Jeni në anën e gabuar të historisë, në mbështetje të Kurtit

    Grenelli-Gjermanisë: Jeni në anën e gabuar të historisë, në mbështetje të Kurtit

    Ish-i dërguari i Shteteve të Bashkuara të Amerikës për Ballkanin Perëndimor, Richard Grenell, ka akuzuar Gjermaninë se “ka dalë në anën e kundër të historisë” duke i ofruar mbështetje kryeministrit të Kosovës, Albin Kurti.

    “Albin Kurti ka refuzuar çdo ide që Perëndimi e ka shtyrë. Fatkeqësisht, Qeveria e Gjermanisë ka dështuar t’i përqafojë zgjidhjet që Thaçi dhe Vuçiqi ishin pajtuar t’i shtynin përpara. Gjermanët janë në anën e gabuar të historisë: duke përqafuar fashistin Kurtin. Çdo shtet në botë ka dënuar Kurtin për nxitje të dhunës – përveç Gjermanisë. Republikanët dhe demokratët rrallë pajtohen… por ata pajtohen se Kurti është problemi”, ka shkruar Grenelli në Twitter të martën në mëngjes.

  • Viola von Cramon i numëron shkeljet në zgjedhjet e Serbisë, kërkon hetim ndërkombëtar

    Viola von Cramon i numëron shkeljet në zgjedhjet e Serbisë, kërkon hetim ndërkombëtar

    Eurodeputetja Viola von Cramon ishte pjesë e delegacionit të Parlamentit Europian që vëzhguan zgjedhjet në Serbi.

    Ajo ka listuar disa nga parregullësitë që u kryen në këtë proces, duke thënë se është pritur një respektim më i lartë i standardeve demokratike nga një vend kandidat i BE-së.

    “Unë kam qenë anëtare e Delegacionit të Vëzhgimit të Zgjedhjeve të Parlamentit Europian në Serbi ku së bashku me kolegët e mi kanë vëzhguar zgjedhjet e parakohshme parlamentare nacionale. Zgjedhjet serbe u mbajtën në kushte të pabarabarta dhe u zhvilluan me parregullsi të shpeshta në ditën e zgjedhjeve dhe para saj, si keqpërdorimi i burimeve administrative, blerja e votave dhe cenimi i fshehtësisë së votës”.

    Ajo tha se ishin dëshmitarë që u sollën votues nga etniteti i Republikës Srpska nga Bosnja e Hercegovina.

    “Ne pamë raste të sjelljes së organizuar të votuesve nga Republika Srpska dhe frikësimit të votuesve. Ne prisnim absolutisht standarde më të larta demokratike nga një vend kandidat në BE, i cili negocion anëtarësimin në BE”.

    Von Cramon shkroi se “nevojitet një mbikëqyrje ndërkombëtare dhe një hetim i plotë”.

    “Parlamenti Europian është i gatshëm të ndërmjetësojë mes partisë në pushtet dhe opozitës në Beograd për të siguruar dialogun paqësor dhe demokratik dhe për të ulur tensionet”.

  • Zyrtarët e pesë institucioneve në Prishtinë protestojnë para komunës, kërkojnë kushte më të mira

    Zyrtarët e pesë institucioneve në Prishtinë protestojnë para komunës, kërkojnë kushte më të mira

    Zyrtarë të Teatrit “Dodona”, Arkivit të Komunës së Prishtinës, Bibliotekës “Hivzi Sylejmani”, Qendrës Kulturore për Rini dhe Zjarrfikësit, kanë protestuar para objektit të Komunës së Prishtinës, raporton EO.

    Ata kanë kërkuar kushte më të mira në punë dhe ndalimin e ndikimit nga personat përgjegjës.

  • ​Suharekë: Vidhet makina e për kositjen e barit në xhami

    ​Suharekë: Vidhet makina e për kositjen e barit në xhami

    Një rast i vjedhjes së rëndë është raportuar të ketë ndodhur në fshatin Gjinoc të Suharekës.

    Në raportin 24-orësh së Policisë së Kosovës thuhet se dy meshkuj kosovarë kanë vjedhur një makinë për prerjen e barit në objektin fetar të xhamisë.

    “Me 18.12.2023 është raportuar se dy të dyshuarit meshkuj kosovarë, në objektin fetar të xhamisë, kanë vjedhur një makinë për prerjen e barit e cila është sekuestruar. Dy të dyshuarit janë intervistuar dhe me vendim të prokurorit janë liruar në procedurë të rregullt”, thuhet në njoftimin e policisë.

  • BE e shqetësuar – Serbia nuk e zbaton marrëveshjen e Ohrit

    BE e shqetësuar – Serbia nuk e zbaton marrëveshjen e Ohrit

    Shqetësim në BE pas qëndrimit të Beogradit se nuk do të zbatojë pika të Marrëveshjes së Ohrit që u arrit në kuadër të dialogut me Kosovën. Prishtina i kërkon BE-së të “heqë dorë nga politika e zbutjes së Serbisë”.

    Letra e autoriteteve serbe drejtuar Bashkimit Evropian,se Serbia nuk do ta njohë de facto Kosovën, ashtu siç i kërkohet, se nuk e respekton integritetin e saj territorial, sikundër nuk do të pajtohet për anëtarësimin e Kosovës në OKB dhe organizatat përcjellëse të saj ka ngritur shqetësim në BE. Kjo sepse me të bëhet i qartë moszbatimi i Marrëveshjes së Ohrit, e dakorduar në fillim të këtij viti në kuadër të dialogut Kosovë-Serbi.

    Reagimi i BE

    Për Bashkimin Evropian, marrëveshja e Ohrit, ndonëse nuk është nënshkruar nga palët, ajo cilësohet ligjërisht e obligueshme. “Marrëveshja në tërësi mbetet ligjërisht obliguese, dhe se palët ishin pajtuar për këtë në Ohër. Zbatimi i saj do të jetë pjesë integrale e rrugëtimit përkatës evropian”, ka thënë zëdhënësi i BE-së Peter Stano.

    Zyrtarë të Bashkimit Evropian, thanë se “marrëveshja është e detyrueshme në tërësinë e saj për të dyja palët dhe se zbatimi i saj do të jetë pjesë integrale e rrugës së tyre përkatëse evropiane”. Kjo kërkohet nga deklarata e përbashkët nga takimi i fundjavës së shkuar i nivelit të lartë të BE-së me udhëheqësit e Ballkanit Perëndimor, ku u tha se “BE-ja kërkon marrëdhënie të mira fqinjësore ndërmjet Kosovës dhe Serbisë. “U bëjmë ftesë të dyja palëve që në tërësi të zbatojnë Marrëveshjen për rrugën drejt normalizimit të raporteve dhe aneksin e saj, si dhe të gjitha marrëveshjet nga e kaluara, pa asnjë vonesë të re dhe pa parakushte”, thuhet në deklaratën në pjesën që i kushtohet raporteve mes Kosovës dhe Serbisë.

    Brnabiq: Pajtimi me deklaratën nuk përfshin pajtimin për anëtarësimin e Kosovës në OKB

    Kryeministrja e Serbisë Ana Bërnabiq, deklaratën e Samitit të BE-së, e cilësoi “një deklaratë politike që nuk është ligjërisht e detyrueshme”. “Marrëveshja konsiderohet e pranueshme vetëm në kontekstin në të cilin nuk përfshihet njohja de facto apo de jure e Kosovës. Pajtimi me deklaratën nuk përfshin pajtimin për anëtarësimin e Kosovës në Organizatën e Kombeve të Bashkuara, në sistemin e organizatave dhe agjencive të OKB-së, e as të ashtuquajturën tërësi tokësore të Kosovës”, thuhet në një njoftim nga zyra e kryeministres së Serbisë.

    Sipas zëdhënësit të BE, Stano, Marrëveshja dhe aneksi për zbatim “janë bërë ligjërisht obliguese përmes komunikatës me shkrim të përfaqësuesit të lartë të BE-së Josep Borrell, më 18 mars 2023”.

    Por, sipas kryeministres se Serbisë, Ana Bërnabiq, kjo deklaratë “konsiderohet si ligjërisht joobliguese”, dhe se “nuk e ka peshën e marrëveshjes ndërkombëtare, sipas së drejtës ndërkombëtare”. “Kosova është pjesë integrale e Republikës së Serbisë, nën administrim ndërkombëtar, në përputhje me rezolutën 1244 të Këshillit të Sigurimit të OKB-së”, ka thënë Bërnabiq.

    Reagimi nga Prishtina

    Autoritetet e Prishtinës reaguan pas refuzimit të Serbisë që ta zbatojë marrëveshjen e Ohrit, duke i kërkuar komunitetit ndërkombëtar që siç thonë “të heq dorë nga politika e zbutjes së Serbisë”. “Serbia shprehimisht shpreh refuzimin e saj për të zbatuar dispozitat e marrëveshjeve të Brukselit dhe Ohrit. I bëj thirrje komunitetit ndërkombëtar të pranojë se politika e zbutjes ndaj Serbisë ka dështuar. Tani nevojitet një ndryshim thelbësor”, shkroi në platformën X, ministrja e Jashtme e Kosovës, Donika Gërvalla.

    “Serbia me këtë letër edhe një herë u tregua destruktive”

    Por, si e shohin analistët politik refuzimin e Serbisë për zbatimin e marrëveshjes së Ohrit dhe këtë zhvillim të ri në dialogun Kosovë-Serbi të ndërmjetësuar nga Bashkimi Evropian. Gazmir Raci, analist politik i tha DW-së se “Serbia me këtë letër edhe një herë u tregua destruktive duke u tërhequr nga ajo që e ka pranuar në procesin e dialogut”, dhe me këtë, ‘ia përplasi në fytyrë’, BE-së gjithë dokumentet dhe angazhimin gati 15-vjeçar në procesin e dialogut.

    “Në samitin e fundit u tha që të gjitha obligimet e dala nga dialogu do të jenë pjesë edhe e kapitullit 35 për Serbinë në rrugëtimin e saj për në BE. Ai kapitull që nga fillimi ka qenë kryekëput për obligimet që i ka Serbia në raport me normalizimin e raporteve me Kosovën. Kapitulli 35 tashmë po përditësohet edhe me kërkesën e dalë nga plani Franko-Gjerman për njohjen de-facto të Kosovës nga Serbia. Edhe deklarata e Kancelarit Gjerman, Presidentit Macron dhe Kryeministres Italiane Meloni, pas takimit të fundit me Kurtin dhe Vuçiqin, ishte që Serbia tashmë de-facto duhet ta njoh ëKosovën”, tha analisti Raci.

    Edhe një analist tjetër, Blerim Burjani, i tha DW-së se në vazhdimësi BE-ja është përballur me këtë qëndrim rezistues të Serbisë, por, shpresat dhe vullneti i BE-së për normalizim e tejkalon këtë kokëfortësi politike serbe. “Prandaj BE-ja e përsëritë se marrëveshja është obligative për zbatim, pra një obligim i pashmangshëm”.

    Sipas analistit Burjani, Serbia në njërën anë shkon në dialog, ndërsa në anën tjetër refuzon zbatimin e marrëveshjes me Kosovën nëse nuk është në interes të saj. Prandaj, BE-ja sipas tij, “duhet të ndryshoj modalitetin e komunikimit me Serbinë, duhet të jetë politikisht me energjike dhe me insistuese”. “Serbia do politika neutrale ndaj zhvillimeve ndërkombëtare dhe do ta mbaj edhe Rusinë afër edhe ndihmat perëndimore apo relacionet me perëndimin. Politika neutrale është doktrinë e Vuçiqit. Mendojë se dialogu është komplikuar dhe trysnia me lehtë bëhet ndaj Kosovës sesa Serbisë. Qëndrimi i fundit i Serbisë paraqet problem të madh për normalizim të marrëdhënieve, prandaj BE-ja duhet mendoj saktë se çfarë do nga Serbia dhe t’ia bëjë më dije se do të ketë masa ekonomike në rast se nuk reflekton”, thotë Burjani.

    Më 26 tetor të këtij viti, udhëheqësit e Gjermanisë, Kancelari Scholz, Presidenti i Francës Macron, kryeministrja e Italisë Meloni dhe të institucioneve të Bashkimit Evropian, pas takimeve të ndara që zhvilluan në Bruksel me kryeministrin e Kosovës, Albin Kurti dhe presidentin e Serbisë, Aleksandar Vuçiç, Kosovës i kërkuan themelimin e Asociacionit të komunave me shumicë serbe, ndërsa Serbisë, njohjen de fakto të Kosovës. Kjo përfshihet edhe në Marrëveshjen e Ohrit, e cila sipas burimeve diplomatike nga BE-ja, thuhet se Këshilli Evropian do t’i kërkojë Komisionit Evropian, që të ndryshojë kriteret për anëtarësimin e Serbisë në BE, dhe se zbatimi i marrëveshjes së Ohrit të bëhet pjesë integrale e kapitullit të 35 për anëtarësimin e Serbisë në Bashkimi Evropian./DW/

  • Serwer: Fitorja e Vuçiqit në Serbi nuk është shenjë e mirë për Kosovën

    Serwer: Fitorja e Vuçiqit në Serbi nuk është shenjë e mirë për Kosovën

    Presidenti i Serbisë, Aleksandar Vuçiq, ka krijuar një sistem të padrejtë zgjedhor që e favorizon atë, thotë Daniel Serwer, profesor në Universitetin amerikan Johns Hopkins.

    Të dhënat paraprake të zgjedhjeve të 17 dhjetorit tregojnë se Partia Përparimtare Serbe, e udhëhequr deri vonë nga Vuçiq, ka fituar shumicën.

    Lista opozitare “Serbia kundër dhunës” ka kërkuar, ndërkohë, anulimin e zgjedhjeve në Beograd, duke pretenduar se ka pasur parregullsi.

    Duke komentuar fitoren e Vuçiqit në raport me Kosovën, Serwer thotë se rezultati nuk është një shenjë e mirë për marrëdhëniet mes dy vendeve.

    “Nuk shoh asnjë shenjë se Vuçiq është gati për një ndryshim serioz sa u përket marrëdhënieve me Kosovën. Përkundrazi, ai është nisur në drejtim të kundërt. Ai sërish bën thirrje për vendosjen e sovranitetit të Serbisë. Ai e kundërshton rëndësinë e marrëveshjeve të marsit dhe shkurtit [Marrëveshjes së Ohrit dhe Aneksit për zbatimin e saj], të cilat SHBA-ja dhe BE-ja thonë se janë ligjërisht të detyrueshme”, ka thënë Serwer./REL

  • “20 goditje me thikë”, burgim i përjetshëm për kosovarin që vrau gruan në Gjermani

    “20 goditje me thikë”, burgim i përjetshëm për kosovarin që vrau gruan në Gjermani

    Një 37-vjeçar u dënua me burgim të përjetshëm nga Gjykata Landit në Aachen të hënën për vrasjen e gruas së tij. Gruaja 28-vjeçare humbi jetën në parkingun e një dyqani materialesh ndërtimore pasi u godit 20 herë me thikë, përpara disa dëshmitarëve.

    Gruaja kishte lënë burrin e saj me prejardhje nga Kosova, dhe ishte zhvendosur në një strehimore për gratë me tre fëmijët e saj. I pandehuri ka pranuar krimin në një prononcim të shkurtër në fillim të gjykimit, por gjithashtu ka thënë se nuk i kujtohen më detajet.

    Dy ish-bashkëshortët ishin marrë vesh të takoheshin më 20 maj në parkingun përballë selisë së policisë në Aachen për të dorëzuar vajzën e tyre, shkruajnë mediat gjermane.

    Por burri nuk e ka sjellë fëmijën me vete dhe ka sulmuar 28-vjeçaren me thikë kasapi. Gjashtë nga goditjet me thikë ishin fatale, është thënë nga trupi gjykues.

    Sipas gjykatës, i pandehuri më pas ka kaluar ngadalë me makinë pranë gruas që po vdiste dhe e ka filmuar atë me celularin e tij. Celulari dhe arma e vrasjes nuk u gjetën kurrë. Disa orë më vonë ai u dorëzua.

    28-vjeçarja, e cila po merrte kualifikim profesional te një mjek, donte të bënte një jetë të lirë, shpjegon kryetari i trupit gjykues, përcjell albinfo.ch. Por i pandehuri, i cili nuk kishte precedentë penalë, ishte xheloz dhe ushtronte “sjellje të padurueshme kontrolluese” ndaj gruas me pasaportë gjermane dhe kosovare.

    Ai ishte i dëshpëruar, “shoqëruar me zemërimin e pakufishëm që ajo kishte guxuar t’i shmangej zotërimit të tij. Kështu, ai kishte marrë vendimin për të vrarë 28-vjeçaren nëse nuk arrinte ta ndryshonte mendjen e saj”, ka thënë gjykatësi.

  • Shtohet frika për rritjen e çmimeve të naftës

    Shtohet frika për rritjen e çmimeve të naftës

    Sulmet ndaj anijeve tregtare në Detin e Kuq rrezikojnë të rrisin çmimin e naftës dhe mallrave të tjera, kanë paralajmëruar analistët.

    Disa kompani kanë ndaluar dërgesat përmes Detit të Kuq pasi anijet u sulmuan nga rebelet Houthi në Jemen.

    Ndërprerja ka bërë që SHBA-ja të nisë një operacion detar ndërkombëtar për të mbrojtur anijet në rrugën e Detit të Kuq.

    Vendet që i bashkohen grupit të sigurisë përfshijnë Britaninë e Madhe, Kanadanë, Francën, Bahreinin, Norvegjinë dhe Spanjën.

    Sekretari amerikan i mbrojtjes, Lloyd Austin tha se përshkallëzimi i fundit i sulmeve të pamatura Houthi me origjinë nga Jemeni kërcënon rrjedhën e lirë të tregtisë, rrezikon marinarët e pafajshëm dhe shkel të drejtën ndërkombëtare.

    Deti i Kuq është një nga rrugët më të rëndësishme në botë për dërgesat e naftës dhe gazit natyror të lëngshëm, si dhe për mallrat e konsumit.

    BP, gjiganti i naftës, tha të hënën se do të ndalojë përkohësisht të gjitha dërgesat e naftës së papërpunuar përmes rrugës kryesore tregtare.

    S&P Global Market Intelligence tha se gati 15% e mallrave të importuara në Evropë, Lindjen e Mesme dhe Afrikën e Veriut u dërguan nga Azia përmes detit. Kjo përfshin 21.5% të naftës së rafinuar dhe më shumë se 13% të naftës së papërpunuar.

    Një rritje e çmimeve të naftës mund të çojë në inflacion më të lartë, i cili matë ritmin e rritjes së çmimeve. Inflacioni ka rënë në MB dhe aktualisht është 4.6%.

    Shifrat e reja të dhëna të mërkurën do të tregojnë nëse ka vazhduar të bjerë, por, në nivelin aktual, është akoma më shumë se dyfishi i objektivit të Bankës së Anglisë prej 2%. Banka deri në muajt e fundit ka rritur normat e interesit për të ulur inflacionin.

    Rebelët Houthi kanë deklaruar mbështetjen e tyre për Hamasin dhe kanë thënë se ata synojnë anijet që udhëtojnë në Izrael, duke përdorur drone dhe raketa kundër anijeve në pronësi të huaj.