ATV

Blog

  • Deputetja Musliu ia refuzon dhuratën për fundvit kryeministrit Kurti

    Deputetja Musliu ia refuzon dhuratën për fundvit kryeministrit Kurti

    Deputetja e Partisë Demokratike të Kosovës, Ganimete Musliu, ka refuzuar një dhuratë për fundvit nga kryeministri Albin Kurti.

    Në një video të publikuar në Facebook, Musliu ka thënë se Kurti e ka shndërruar rolin e kryeministrit në babadimër.

    Ajo ka akuzuar Kurtin se i ka lënë pa proteza invalidët e Ushtrisë Çlirimtare të Kosovës.

    “Albin Kurti i cili rolin e Kryeministrit e ka shndërruar në Babadimër, për një vit rresht u tall me Kuvendin e Kosovës dhe tentojë të poshtërojë e denigrojë deputetet paska zgjedhë që me para të qytetarëve të na dhurojë dhurata për vitin e ri. Unë nuk mund të pranoj dhurata nga Albin Kurti i cili i la pa proteza invalidët e Ushtrisë Çlirimtare të Kosovës prandaj sot ja ktheva personalisht dhuratën”, ka shkruar ajo në Facebook.

  • Pesë filmat më të shikuar të vitit 2023

    Pesë filmat më të shikuar të vitit 2023

    Viti 2023 solli shumë prurje dhe risi në botën e kinemasë, e pesë më të shikuarit sipas përzgjedhjes nga televizioni BBC radhitën në vend të parë filmin “Saint Omer’.

    Ky film dramatik me regjisoren Alice Diop dhe personazh kryesor Rama (Kayije Kagame), rrwfen ngjarjen e një romanciere shtatzënë, që shkon në qytetin e Shën Omerit për të dëshmuar gjyqin e Laurence Coly (Malanda), një grua senegaleze e akuzuar për vrasjen e fëmijës së saj 15 muajsh.

    Regjisori francez e bazoi dialogun e saj në transkriptet e gjykatës, por rezultatet shkojnë përtej fakteve duke krijuar një film magjepsës me dy gra të forta në ekran.

    Në pozitën e dytë renditet filmi “Holy Spider” apo në shqip Merimanga e Shenjtë, nën skenarin e regjisorit iranian Ali Abbas. Ky film bazohet në historinë e vërtetë të një burri të martuar, i cili vrau 16 punonjëse seksi në një qytet të Iranit në vitet 2000-2001. Në rolin kryesor luan aktorja Zar Amir Ebrahimi, e cila heton krimet. Kthesa provokuese ndodh se disa qytetarë dhe politikanë e shohin vrasësin si një hero lokal në një kryqëzatë morale.

    Filmi i Nida Manzoor është një nga komeditë më argëtuese të vitit 2023, që sipas BBC-së radhitet në pozitën e tretë.

    Regjisorja britanike ka zgjedhur të krijojë një heroinë adoleshente të quajtur Ria, me prejardhje pakistaneze, e cila ka vendosur të ndjekë artet marciale. Filmi bëhet interesant kur motra e madhe e Rias, Lena vendos të martohet me një burrë të pasur, për të cilin ajo dyshon se nuk është ashtu siç duket.

    Frymëzuar nga libri i Andreas Malm, ‘’How to Blow Up a Pipeline’’, është film thriller i vitit 2022 i cili prezanton një grup eko-aktivistësh që po planifikojnë të bombardojnë një tubacion nafte në Teksasin Perëndimor. Ata të gjithë janë prekur nga ndotja, lakmia e korporatave dhe kriza klimatike, dhe besojnë se kjo është e vetmja mënyrë për të luftuar. Regjisori amerikan Daniel Goldhaber vë në fokus një grup prej tetë të rinjsh, të cilët ndërmarrin veprime ekstreme në adresimin e krizës klimatike.

    Këtë listë e mbyll filmi ‘’Past Lives”, si njëri nga filmat më të shikuar të vitit 2023. Filmi i “Celine Song” është një romancë që hedh poshtë klishetë e këtij zhanri. Nora dhe Hae Sung, të cilët janë dy shokë klase të lidhur shumë me njëri-tjetrin, dhe kjo shoqëri zgjatë deri në momentin që familja e Norës emigron në Kanada. Vite më vonë, kur Nora është e martuar dhe jeton në New York, Hae Sung rihyn në jetën e saj. Filmi ndërthur historinë e dashurisë së Norës shumë kohë më parë për Sung si edhe martesën e saj me bashkëshortin Arthurin.

  • Vit i zi për Kosovën, 103 persona humbën jetën në trafik

    Vit i zi për Kosovën, 103 persona humbën jetën në trafik

    Drejtori i Policisë së Kosovës, Gazmend Hoxha, në një konferencë të përbashkët me ministrin e Punëve të Brendshme, Xhelal Sveçla, ka prezantuar disa të dhëna mbi aksidentet që kanë ndodhur gjatë vitit 2023.

    Hoxha ka thënë se gjatë periudhës 1 janar-18 dhjetor, kanë vdekur 103 persona, raporton Ekonomia Online.

    Ai tha se 46 nga personat e vdekur në aksidente kanë qenë shoferë, 29 persona kanë qenë këmbësorë dhe 28 kanë qenë pasagjerë.

    Hoxha ka bërë të ditur edhe shkaktarët më të shpeshtë të aksidenteve. Ai ka treguar edhe për aktivitetet dhe inspektimet që janë bërë. Hoxha ka shfaqur të dhënat për aksidentet fatale nga viti 2002.

    Gjatë këtij viti, Hoxha ka thënë se më së shumti të vdekur në aksidente ka pasur në muajin korrik, 18 persona.

    LEXONI EDHE:

    Aksidenti në Prizren – Sveçla: Ky grup organizoi gara të tilla edhe më herët, janë marrë masa ndaj policëve

  • Aksidenti në Prizren – Sveçla: Ky grup organizoi gara të tilla edhe më herët, janë marrë masa ndaj policëve

    Aksidenti në Prizren – Sveçla: Ky grup organizoi gara të tilla edhe më herët, janë marrë masa ndaj policëve

    Personat që mbrëmjen e së shtunës organizuan gara me vetura duke shkaktuar aksidentin që ua mori jetën tre të rinjve, në magjistralen “Ibrahim Rugova”, e kishin bërë të njëjtën gjë edhe më herët.

    Ministri i Punëve të Brendshme, Xhelal Sveçla, tha në një konferencë për media se pas këtij aksidenti, kanë biseduar me drejtorin e përgjithshëm të Policisë, Gazmend Hoxhën për “masat që duhet të ndërmerren, sidomos nga Policia e Kosovës në raport me organizimin e garave automobilistike të jashtëligjshme” dhe “për veprimet e ndërmarra nga Policia për rritjen e sigurisë në trafik”.

    Ai la të kuptohet se drejtori i Policisë ka marrë masa “Lidhur me neglizhencën e zyrtarëve policorë në trajtimin me prioritet të organizimit të garave të paligjshme”.

    “Policia e Kosovës, të njëjtit grup ia kishte parandaluar dy herë organizimin e garave të tilla. Siç tashmë është bërë publike në media, të njëjtit kanë pasur gjoba të njëpasnjëshme nga Policia e Kosovës për tejkalim shpejtësie dhe rrezikim në komunikacion, ndërsa njërit prej tyre i është konfiskuar patent-shoferi për tejkalim shpejtësie dhe filmim e publikim i këtyre garave”.

    Këtë vit, ministri tha se 104 qytetarë kanë humbur jetën në aksidente, ndërsa Policia e Kosovës ka shqiptuar 76 gjoba ndaj personave që kanë organizuar gara të jashtëligjshme automobilistike.

    Në mesin e masave të ndërmarra, Sveçla tha se “zyrtarët e trafikut janë pajisur me kamera trupore” dhe se janë futur në funksion “vetura me pajisje inteligjente për evidentimin elektronik të shkeljeve në komunikacion”.

  • Çatitë e shtëpive në fshatin Sar Agha Seyed në Iran përdorën si rrugë

    Çatitë e shtëpive në fshatin Sar Agha Seyed në Iran përdorën si rrugë

    Në fshatin e lashtë malor të Sar Agha Seyed çatitë e shtëpive kanë një qëllim të dyfishtë, ato nuk janë vetëm mbulesa e tyre mbrojtëse por edhe rruga kryesore ku banorët çarkullojnë në brendësi të fshatit, fshati gjendet në zemër të maleve Zagros, 135 km larg Shahrekord dhe 230 km larg Isfahan në zonat qendrore të Iranit.

    Sipas ekspertëtve besojnë se fshati i rrallë daton prej kohës së paleolitit dhe ashtu si shumë vendbanime të kësaj zone është gdhendur në faqen e malit nga kolonët e parë të ardhur në zonë, çka daton mijëra vjet më parë.

    Megjithatë i vetmi dokument ekzistues për vjetërsinë e Sir Agha Seyed është historia e familjes Imamzah, që tregon për rezidencën e saj aty prej të paktën 600 vjet më parë, njerëzit në këtë zonë fitonin jetesën e tyre me anë të bujqësisë dhe vitet e fundit në të është rritur dhe turizmi. Fshati gjendet në zemër të maleve Zagros, 135 km larg Shahrekord dhe 230 km larg Isfahan në zonat qendrore të Iranit.

    Shtëpitë e tij janë vendosur thuajse njëra mbi tjetrën, teksa janë ndërtuar në mënyrë të vazhdueshme me baltë, gur dhe dru, por ato janë gjithsesi të forta e me mure të gjera për të parandaluar që i ftohti dimrit të hyjë brenda.

    Fshati Sar Agha Seyed njihet edhe për shumë atraksione të tjera, siç është edhe ajo miniera e kripes aty ndodhet një burim I vogël me ujë dhe kripër që banorët bëjnë pellgje të vogla për të nxjerrë kripen dhe pastaj të bëhet importimi I atij produktin në vende të ndryshme në botë.

    Sa i përket mbijetesës në këtë fshat, gratë e fshatit gatuajnë ushqimin në dhoma me dru dhe pjekin bukën në furrat e tyre, produktet e tyre përfshijnë drithërat, patate dhe gjithashtu bulmetin nga kafshët e kultivuara, gjithashtë gratë e Sar Agha Seyed punojnë përkrah burrave të tyre, thurrin tenda nga leshi i dhive, të cilin e punojnë gjithashtu në mënyrë artizanale.

    Rezidentët luajnë muzikë në instrumentin vendas Sorna (i njohu në krahinën e Lorestan), dhe kryejnë kërcime tradicionale në ceremonit, banorët e Sir Agha Seyed ndjekin rregullisht ceremonitë dhe besimet fetare, me rite të gjera të mbajtura në ditë festash dhe në muajin e Ramazanit.

     

     

  • 20 Dhjetori – Dita Ndërkombëtare e Solidaritetit Njerëzor

    20 Dhjetori – Dita Ndërkombëtare e Solidaritetit Njerëzor

    Sot e më çdo 20 dhjetor shënohet Dita Ndërkombëtare e Solidaritetit Njerëzor për të rritur ndërgjegjësimin e publikut për rëndësinë e solidaritetit, veçanërisht në arenën globale.

    Rezoluta për shënimin e ‘Ditës Ndërkombëtare të Solidaritetit Njerëzor’, është miratuar në vitin 2005 nga Asambleja e Përgjithshme e OKB-së, e cila po ashtu krijoi Fondin Botëror të Solidaritetit, me qëllim që të luftohet varfëria dhe të promovohet zhvillimi social.

    Sipas Kombeve të Bashkuara solidariteti është një nga konceptet themelore të njerzimit, derisa janë në themel të marrëdhënieve mes njerëzve në shekullin e 21-të.

    Ideja e solidaritetit në të cilën mbështetet trupi global për “bashkëpunimin në zgjidhjen e problemeve ndërkombëtare me karakter ekonomik, social, kulturor ose humanitar”, e ka shtyrë atë të besojë se solidariteti dhe bashkëpunimi ndërkombëtar janë thelbësore në luftimin e sëmundjeve globale si varfëria.

    Asambleja e Përgjithshme e Kombeve të Bashkuara vlerëson solidaritetin si një nga vlerat themelore dhe universale”, e cila përcakton marrëdhëniet midis popujve dhe vendeve anembanë globit, prandaj vendosi që datën 20 dhjetor ta shpall si ‘Ditë Ndërkombëtare të Solidaritetit Njerëzor.
    Dita e Solidaritetit Njerëzor’ inkurajon nisma dhe plane të reja për zhdukjen e varfërisë dhe çështjeve të tjera globale.
    Kjo ditë, rithekson rëndësinë e bashkëpunimit ndërkombëtar në arritjen e Objektivave të Zhvillimit të Qëndrueshëm, siç është çrrënjosja e varfërisë.

    Në rritjen e pandemisë së korona virusit, solidariteti ndërkombëtar është bërë edhe më vendimtar.

    Për këtë ditë kërkohet që të shpërndahen foto me mesazhe që nxisin solidaritetin dhe qëndrimin e njerëzve së bashku./atvlive.tv/

     

     

  • Dhunohet një e mitur në Podujevë, i dyshuari në arrati

    Dhunohet një e mitur në Podujevë, i dyshuari në arrati

    Një e mitur në Podujevë ka raportuar në polici se është dhunuar nga një person që gjendet në arrati.

    Policia njoftoi se rasti dyshohet të ketë ndodhur më 18 dhjetor, ndërkohë që bëri të ditur se janë duke kryer hetimet.

    “Podujevë 18.12.2023 – 12:45. Me 20.12.2023 viktima e mitur femër kosovare ka raportuar se pa dëshirën e saj është dhunuar nga i dyshuari mashkull kosovar i cili ende gjendet në arrati, rasti në procedurë hetimore”, thuhet në raport.

  • Ndalohet një shtetas serb në Leposaviq, tentoi ta kalojë ilegalisht kufirin Kosovë – Serbi

    Ndalohet një shtetas serb në Leposaviq, tentoi ta kalojë ilegalisht kufirin Kosovë – Serbi

    Një shtetas serb është ndaluar në Joshanicë të Leposaviqit sepse kishte tentuar të kalojë ilegalisht kufirin Kosovë – Serbi.

    Policia njoftoi se po ashtu, një sasi e mallit i është sekuestruar dhe dërguar në terminalin doganor në mungesë të dokumenteve

    “Fsh. Joshanicë, Leposaviq 19.12.2023 – 17:55. Policia gjatë patrullimit ka ndaluar të dyshuari mashkull serb shtetas i Serbisë i cili me automjetin tij ka tentuar të kalojë ilegalisht kufirin Republika e Kosovës – Serbi. Një sasi e mallit i është sekuestruar dhe dërguar në terminalin doganor në mungesë të dokumenteve. Me urdhër të prokurorit rasti në procedurë të rregullt”, thuhet në raport.

  • Vdes një person në Shtime, policia nis hetimet

    Vdes një person në Shtime, policia nis hetimet

    Në Shtime është raportuar se ka vdekur një person, për të cilin rast Policia e Kosovës ka hapur hetimet.

    Siç njofton policia me vendim të prokurorit trupi i pajetë i viktimës është dërguar në Institutin e Mjekësisë Ligjore (IML) për obduksion.

    “Fsh. Mollopolc- Shtime 19.12.2023 – NN. Viktima mashkull kosovar është dërguar në QKMF-Shtime e më pas në emergjencën e Ferizajt, nga ku është konfirmuar vdekja e viktimës. Me vendim të prokurorit trupi i pajetë i viktimës është dërguar në IML për obduksion”, thuhet në raportin 24 orësh të policisë.

  • Kurti: Vrasjet e fëmijëve në Kosovë janë krimet më të tmerrshme të Serbisë

    Kurti: Vrasjet e fëmijëve në Kosovë janë krimet më të tmerrshme të Serbisë

    Kryeministri i Republikës së Kosovës, Albin Kurti, mbrëmë vizitoi ekspozitën “Bebëzat e mallit”, të fotografit Korab Krasniqi dhe kuratores Vesa Sahatçiu dedikuar fëmijëve të vrarë, të zhdukur dhe të prekur nga lufta në Kosovë.

    Krahas së qenit një hapësirë e posaçme e përkujtimit, kjo ekspozitë e hapur në Ministrinë e Drejtësisë, është edhe ftesë për reflektim rreth mënyrës se si e mendojmë dhe përfaqësojmë humbjen, individuale a kolektive.

    Fjala e plotë e kryeministrit Kurti:

    “Në qorrsokakun e përgjakshëm

    Ku e vranë foshnjën e sapolindur

    Dhe babanë e saj

    U desh të kalojnë 20 vjet

    Për t’ia gjetur mbetjet mortore e për t’ia dhënë nënës së vet

    Ajo sapo i mori eshtrat në dorë,

    I afroi tek gjiri i saj.

    Më paska pritur a?
    Se nuk qenka rritur fare tha

    E buzëqeshi

    Mu para se të hapej toka

    E ta përpinte.”

    Këto janë vargje të poetit tonë të ndjerë Xhevdet Bajraj, për thellësinë e humbjes, mallit e mungesës.

    Këtë po e gjejmë edhe sonte, këtu, në një dimension të veçantë, me kujtimet për fëmijët dhe kujtimet e fëmijëve në luftë.

    E nderuara Ministre e Drejtësisë, znj. Albulena Haxhiu,

    E nderuar kuratore e ekspozitës, znj. Vesa Sahatçiu,

    I nderuar z. Korab Krasniqi,

    Të nderuar të pranishëm, zonja dhe zotërinj,

    na ka mbledhur kjo ekspozitë me titull poetik “Bebëzat e mallit”, kushtuar fëmijëve të vrarë, të zhdukur dhe të prekur nga lufta në Kosovë. Na flet për “fëmijëri të rrëmbyera”. Sikurse titulli i libër kujtimit mbi të cilin bazohet ajo.  

    Krahas së qenurit një hapësirë e posaçme e përkujtimit, kjo ekspozitë është edhe ftesë për reflektim e përfshirje në diskutim rreth mënyrës se si e mendojmë dhe përfaqësojmë humbjen, individuale a kolektive.

    Mirënjohje e falënderim për bashkërendimin e përpjekjeve të institucioneve dhe partnerëve tanë që kanë mundësuar realizimin e këtij projekti.

    Ngjarje të këtilla, përveç se mbledhin kujtime dhe e ndajnë dhimbjen, i shërbejnë edhe kujtesës sonë kolektive, për të shkuarën, për të mos e harruar kurrë atë.

    Për të nderuar dhe lartësuar kujtimin e fëmijëve të vrarë dhe të zhdukur gjatë luftës, Qeveria e Republikës së Kosovës është e angazhuar në projektin për memorialin dedikuar atyre.

    Liria jonë i ka rrënjët te të rënët për liri. Vrasjet e fëmijëve në Kosovë janë krimet më të tmerrshme të Serbisë. Andaj e kemi obligim, për lirinë dhe paqen që e gëzojmë, për drejtësinë që e synojmë që kurrë mos t’i harrojmë.

    I përjetshëm qoftë kujtimi për të gjithë fëmijët e vrarë gjatë luftës në Kosovë!

    Falemnderit.