Blog

Më 25 dhjetor, një grup studentësh u mblodh para selisë së Ministrisë së Administratës Shtetërore dhe Vetëqeverisjes Lokale në Beograd të Serbisë për të kërkuar qasje në listën e votuesve në zgjedhjet e 17 dhjetorit në Serbi.

Ata njoftuan se duan qasje në listën e votuesve për ta kontrolluar atë, pasi që organizata vendëse dhe evropiane që vëzhguan zgjedhjet në Serbi më 17 dhjetor shprehën dyshime për rregullsinë e tyre.

Studentët njoftuan se do të presin deri në mesditë përgjigje nga autoritetet përgjegjëse dhe më pas do të njoftojnë se në cilat dy lokacione në Beograd do ta bllokojnë qarkullimin në rrugë, në shenjë proteste. Ata shtuan se bllokadat do të zgjasin gjashtë orë.

Bllokadave do t’i bashkohen edhe një grup studentësh nga Universiteti i Novi Sadit.

Gati 40 demonstrues u arrestuan gjatë një proteste të koalicionit opozitar “Serbia kundër dhunës” më 24 dhjetor në Beograd, pasi një grup personash të maskuar tentuan të hyjnë në Kuvendin e Beogradit.

Gjatë protestës, disa persona thyen xhamat dhe dyert e ndërtesës, ndërsa policia brenda saj hodhi gaz lotsjellës ndaj tyre.

Koalicioni “Serbia kundër dhunës” (SPN) tha se incidentet në protestën e opozitës në Beograd të dielën janë shkaktuar nga “huliganët e dërguar nga qeveria”.

“Autoritetet përdorën dhunën për t’i paraqitur protestat paqësore si të dhunshme”, tha SPN-ja.

Ata njoftuan se “dërgimi i huliganëve” për të shkaktuar incidente në protestë është përdorur nga qeveria për ta dëmtuar iniciativën e protestuesve që kërkojnë përsëritjen e zgjedhjeve të 17 dhjetorit.

Opozita ka protestuar që nga zgjedhjet e 17 dhjetorit, duke pretenduar se ato janë vjedhur nga Partia Progresive Serbe (SNS) në pushtet, ndër të tjera, duke regjistruar në mënyrë fiktive votuesit e tyre nga jashtë vendit.

Një grup studentësh dhe të rinjsh që marrin pjesë në protesta për, siç pretendojnë ata, vjedhje në zgjedhjet e 17 dhjetorit, kanë paralajmëruar për ditën e sotme bllokadë trafiku prej gjashtë orësh në dy lokacione në Beograd.

Ata ftuan qytetarët që në ora 11 të mblidhen në rrugën Birçaninova para Ministrisë së Administratës Shtetërore dhe Vetëqeverisjes Lokale, nga të cilët kërkojnë lehtësimin e verifikimit të listës zgjedhore.

Sipas tyre, protesta do të zgjasë një orë, për aq kohë sa t’i japin ministrisë për t’iu përgjigjur kërkesave të tyre, pas së cilës do të bllokojnë dy rrugë, vendndodhjet e të cilave nuk kanë dashur t’i zbulojnë “për arsye sigurie”.

Bllokada e trafikut, siç kanë paralajmëruar, do të fillojë në orën 12 dhe do të zgjasë deri në orën 18, ndërsa secila e radhës mund të jetë më e gjatë, nëse nuk plotësohen kërkesat e tyre.

Studentët nga Novi Sadi vijnë për të protestuar në Beograd

Studentët nga Novi Sadi do t’i bashkohen qytetarëve të Beogradit në protestën dhe bllokadat e sotme. Një nga studentet që do të niset sot drejt kryeqytetit është Mila Pajiq, e cila mori pjesë në emisionin “Ëake up” në Tv Nova duke mbajtur në duar stiroporin.

“Stiropori është atje, që të mund të ulemi për gjashtë orë.” Le të ulemi dhe të shprehemi se jemi të pakënaqur dhe se jemi të tërbuar”, tha Pajiq.

Studentët nga Novi Sadi filluan të mblidhen që në orët e hershme të mëngjesit dhe Pajiq tregon se pret që t’u bashkohen edhe shumë kolegë të tjerë. Zyrtarisht, tubimi fillon në monumentin e Njegoshit në orën nëntë, nga ku të mbledhurit do të shkojnë në stacionin e trenit. Studentët po përgatisin edhe pankarta dhe po sjellin polisterol në Beograd për protestuesit e tjerë që do të marrin pjesë në bllokadë, për t’ua lehtësuar uljen.

Qytetarët serbë të katër komunave veriore të vendit, nuk janë të informuar rreth marrëveshjes për energjinë midis KEDS-it dhe Elektroseverit, e cila do të mundësojë inkasimin e rrymës së shpenzuar nga ana e tyre.

Ndonëse nuk i dinë detajet e kësaj marrëveshjeje, ata, gjatë një bashkëbisedimi për KosovaPress, bëjnë të ditur se duhet të fillojnë të paguajnë për rrymën që e shpenzojnë.

Momir Mijoviq, qytetar nga veriu i Mitrovicës, thotë se nuk di asgjë për pikat e marrëveshjes rreth energjisë, midis KEDS-it dhe Elektrosever-it, por që është i gatshëm ta paguaj rrymën e shpenzuar.

Edhe Sllavica Jankoviq, një qytetare tjetër nga veriu i këtij qyteti, ka pranuar se nuk është e informuar për marrëveshjen.

Ajo tha se nëse duhet ta paguaj rrymën, do ta bëjë.

Në anën tjetër, analisti Branisllav Kërstiq, theksoi se qytetarët serbë të veriut janë të habitur për faktin se kryetari serb, Aleksandar Vuçiq bëhet sikur nuk është në dijeni për marrëveshjen, ndërsa siç tha ai, vetë kabineti i tij, ka sugjeruar që Kompania Elektrosever të nënshkruajë këtë marrëveshje me KEDS-in.

“E kanë kuptuar se rryma nuk vjen nga Zoti“, tha ai mes tjerash.

Sipas tij, Beogradi historikisht gjithmonë ka tradhtuar serbët, fillimisht në Kroaci, e tash edhe në Kosovë.

Ndryshe, nga viti 1999 deri më 2017, borxhin e energjisë për veriun e kanë paguar qytetarët e komunave tjera të vendit. Faturat e tyre kanë qenë më të larta për 3.5 përqind. Megjithatë, pas ankesave të shumta, Gjykata e Apelit në Kosovë ka vendosur në fund të vitit 2017 për pezullimin e kësaj praktike, duke konstatuar se është e paligjshme. Ky vendim më vonë është konfirmuar nga Gjykata Kushtetuese e Kosovës dhe pagesa ka kaluar te Operator i Sistemit, Transmisionit dhe Tregut të Energjisë Elektrike në Kosovë (KOSTT), sipas të cilit është bërë e ditur se humbjet nga mos pagesa e rrymës në veri kanë arritur shumën prej 40 milionë eurosh vetëm në vitin 2021. /kp

Arrestohen gjashtë persona në Gadish të Gjilanit, njëri prej tyre i mitur. Sipas policisë të dyshuarit fillimisht kishin sulmuar fizikisht një person, roje pylli, ku njëri nga të dyshuarit më pas kishte shtënë me armë gjuetie ndaj viktimës,

Policia njofton se viktima është plagosur në këmbë. Këtë rast policia e cilësuar vrasje në tentativë.

“Gadish, Gjilan 24.12.2023-12:40 Janë arrestuar gjashtë të dyshuar meshkuj kosovar (njëri nga ta i mitur) pasi të njëjtit fillimisht kishin sulmuar fizikisht viktimën mashkull kosovar (roje pylli) e më pas njëri nga të dyshuarit kishte shtënë me armë gjuetie në drejtim të viktimës. Si pasojë viktima është plagosur në këmbë. Në vendin e ngjarjes, gjatë kontrollit të veturës së personave të dyshuar është gjetur dhe konfiskuar një armë gjuetie. Viktima është dërguar në tretman mjekësorë dhe i njëjti sipas raportit mjekësorë është jashtë rrezikut për jetë. Me vendim të prokurorit pesë të dyshuar janë dërguar në mbajtje, ndërsa i dyshuari i mitur është liruar në procedurë të rregullt”, thuhet në raportin 24 orësh të policisë.

Avokati serb, Cedomir Stojkoviq ka reaguar pas dhunës që policia serbe ka ushtruar ndaj protestuesve që po kundërshtonin zgjedhjet e 17 dhjetorit në Serbi. Sipas tij, është e drejtë e popullit që të çlirohet. Derisa ka ftuar bashkësinë ndërkombëtare që të izolojë urgjentisht regjimin e presidentit të Serbisë, Aleksandër Vuçiq.

Stojkoviq përmes një reagimi në X e ka quajtur udhëheqjen në Serbi si ruse, duke thënë se “qeveria ruse në Serbi, presidenti rus në Serbi, shërbimi inteligjent rus në Serbi duhet të ndjejnë zemërimin e popullit, i cili do të rritet!”

Bravo za demonstrante u Beogradu večeras!

Ruska vlada u Srbiji, ruski predsednik u Srbiji, ruska obaveštajna služba u Srbiji moraju da osete gnev naroda, koji će rasti!

Pravo je naroda da se oslobađa! Pravo je naroda da se oslobađa i silom ako se glas njegov krade!

Tako je…

— Advokat Čedomir Stojković 🇷🇸🇺🇦 (@FIGHT_4_RIGHT_S) December 24, 2023

“Mirë për demonstruesit në Beograd sonte! Është e drejta e popullit të çlirohet!… Është e drejta e popullit të çlirohet me dhunë nëse i vidhet zëri! Kështu ka qenë gjithmonë dhe kështu do të jetë përgjithmonë! Dhe nuk duhet të ketë përjashtim! Bashkësia ndërkombëtare të izolojë urgjentisht regjimin e Republikës së Serbisë që të mos ndërhyjë në proceset demokratike në Beograd dhe të mos dërgojë përfaqësuesit dhe ekzekutorët e tij të pamatur për të ndihmuar regjimin në Beograd”, ka shkruar Stojkoviq, transmeton KosovaPress.

Ndryshe, gjatë protestës së mbrëmshme dera e Kuvendit të Serbisë është thyer dhe policia ka hedhur gaz lotsjellës ndaj protestuesve, të cilët vijuan për të shtatën herë demonstratën e tyre, që u thirr nga opozita.

Përfaqësuesit e listës opozitare “Serbia kundër dhunës” tentuan të hynin në Kuvend, në mënyrë që t’iu adresoheshin qytetarëve nga ballkoni i ndërtesës.

Ata shtyn derën, por nuk arritën të hynin, pasi u parandaluan nga policia. Një pjesë e protestuesve thyen xhamat e dyerve dhe dritave të ndërtesës, ndërsa policia e përgjigj me gaz lotsjellës.

Pas incidenteve, përmes një adresimi për publikun nga Presidenca e Serbisë, Aleksandar Vuçiq, iu drejtua qytetarëve serbë që të mos shqetësohen.

“Asnjë revolucion nuk është duke u zhvilluar, dhe ne po mundohemi që të mos lëndojmë asnjë nga demonstruesit përmes një reagimi të lehtë”, tha ai ndonëse videot e publikuara tregojnë se ndaj protestuesve u ushtrua dhunë.

Kujtojmë se, misioni vëzhgues i OSBE-së tha se zgjedhjet e 17 dhejtorit në Serbi u përshkruan me parregullsi serioze, keqpërdorim të fondeve shtetërore dhe përhapje të frikës. Eurodeputetët kanë kërkuar hetim të pavarur për parregullsitë në zgjedhje. SHBA po ashtu u kanë bërë thirrje autoriteteve serbe t’i hetojnë pretendimet për parregullsi.

Drejtori i Zyrës për Kosovën në Qeverinë e Serbisë, Petar Petkoviq, ka reaguar në lidhje me raportimet e mediave në Kosovë për protestën e dhunshmë dje në Serbi.

Ai, përmes platformës së tij në “X”, ka shkruar se tërbimi i opozitës së Gjilasit dhe shkatërrimi i Beogradit ka kënaqur vetëm kryeministrin e Kosovës, Albin Kurti dhe mediat në Kosovë.

Tutje, ai ka shkruar se “mediat në Kosovë vazhdimisht kanë raportuar për protesta të dhunshme në mbështetje të sulmit ndaj policisë serbe dhe institucioneve.”

“Është e qartë pse Kurti e ka përkrahur hapur opozitën Gjilasov, ndërsa sulmon çdo ditë serbët në Kosovë!”, ka përfunduar Petkoviq.

Дивљање Ђиласове опозиције и рушење БГ највише је обрадовало Kуртија и медије у Пр који непрекидно извештавају о насилним протестима подржавајући напад на 🇷🇸 институције и полицију. Јасно је зашто је Kурти отворено подржао Ђиласовску опозицију, док сваки дан напада Србе на KиМ! pic.twitter.com/IqP8Mfz4Vx

— Петар Петковић (@PetkovicPetar) December 25, 2023

Rusia lëshoi 31 dronë dhe dy raketa në Ukrainë gjatë natës, kryesisht duke synuar jugun e vendit, me mbrojtjen ajrore që shkatërroi 28 dronë dhe të dy raketa, njoftoi ushtria ukrainase të hënën.

“Si rezultat i luftimeve ajrore, Forcat Ajrore të Ukrainës dhe forcat e mbrojtjes shkatërruan 28 dronë sulmues Shahed në rajonet Odesa, Kherson, Mykolaiv, Donetsk, Kirovohrad dhe Khmelnytskyi”, thanë Forcat Ajrore të Ukrainës në aplikacionin e mesazheve Telegram.

Dronët u lëshuan nga Krimea e pushtuar nga Rusia, tha ajo.
Ushtria tha se mbeturinat nga dronët e rrëzuar dëmtuan objektet teknike në portin e Odesës, si dhe “një ndërtesë administrative dhe një magazinë që nuk funksiononte”.
Në rajonin Kherson, një zjarr shpërtheu në një magazinë, tha ushtria.

Asnjë person nuk u lëndua”, shtoi ushtria, duke përsëritur gjithashtu informacionin e lëshuar më parë se dy avionë ushtarakë rusë u rrëzuan pranë qytetit të pushtuar nga Rusia të Mariupolit në Detin Azov në Ukrainën jugore dhe pranë qytetit të pushtuar Donetsk në Ukrainën lindore.

Të dielën, zyrtarët ushtarakë rusë dhe ukrainas raportuan se kishin rrëzuar aeroplanë të armikut në zona të ndryshme të frontit 1000 km të gjatë të luftës së tyre 22-mujore, raporton Reuters, por nuk mund të verifikonin në mënyrë të pavarur avionin e forcave ajrore ukrainase. raporti. Nuk kishte asnjë koment të menjëhershëm nga Rusia.

Viti 2023 ka qenë viti më i vështirë në dhjetë vitet e fundit sa i përket sigurisë së gazetarëve.

Xhemajl Rexha, kryetar i Asociacionit të Gazetarëve të Kosovës në emisionin “Mirëmëngjesi Kosovë” në RTK, tha se 2023 ka qenë një vit kur gazetarët kanë qenë cak i sulmeve si online ashtu edhe fizik.

Rexha tha se kërkesa e vazhdueshme e Asociacionit të Gazetarëve të Kosovës ndaj institucioneve përkatëse është që rastet e sulmeve ndaj gazetarëve të merren me prioritet.

Ai ka përmendur shumë raste të sulmeve ndaj gazetarëve, po theksoi se ka nevojë për ngritje të kapacitetit të gazetarëve, në kuptimin e asaj se kush duhet të shkojë në veri.

“Në kuptim të organizimit të asaj se kush duhet të shkojë në veri, në fakt kam parë 19 vjeçar duke raportuar nga atje, të pa përvojë, të pa shoqëruar nga dikush që mund ta dijë terrenin, pa asnjë element mbrojtës “, tha Rexha.

Rexha tutje tha se lajm i mirë është që me ndihmën e reporterëve pa kufi dhe Free Press Unlimited nga Holanda janë shpërndarë mjete mbrojtëse për mbi 20 media të Kosovës, sidomos televizioneve, përveç RTK që e ka mundësin që ti siguroj vetë.

Nga muaji janar 2023 e deri më tani gjithsej 93 mijë e 385 shofer të rinj u pajisen me patent shofer.

Ndërsa qytetarë që kanë aplikuar për herën e parë për këtë kategori është mbi 40 mijë.

Statistikat janë siguruar nga Ministria e Punëve të Brendshme për Front Online.

“Qytetarë të pajisur me patentë shofer në vitin 2023 gjithsej janë 93385. Qytetarë të pajisur për herë të parë me patentë shofer këtë vit gjithsej janë 40308”, thuhet në përgjigjen e MPB-së.