Blog

Ish-ministri i Mbrojtjes, Armend Mehaj përmes një grafike ka bërë të ditur se që nga vitit 2021 e deri më 2023, investimet në blerjen e sistemeve të armatimit kanë kaluar mbi 292 milionë euro.

Ai është shprehur se të arrihet ky investim në Ushtrinë e Kosovës, sipas tij, ka qenë objektivi kryesor gjatë drejtimit të Ministrisë së Mbrojtjes.

“Me arritë këtë investim në ushtrinë e Kosovës, ka qenë objektivi ynë kryesore gjatë drejtimit të Ministrisë së Mbrojtjes (mars 2021-gusht 2023). Jam i lumtur që gjatë periudhës 2021-2023 për fushën e mbrojtjes janë arritur shifra të larta të investohen në blerjen e armatimit për nevojat e ushtrisë së Kosovës”.

“Kjo është arritur fal punës sonë, bashke me Kabinetin tim, Shtabin e FSK-së, personelin e Ministrisë së Mbrojtjes dhe fal përkrahjes të kryeministrit Albin Kurti. Në këtë zinxhir të bashkëpunimit nuk harrojmë as aleatet tonë të NATO-së në krye me Shtetet e Bashkuara të Amerikës dhe marrëveshjet shtet me shtet që i bëra gjatë mandatit”, ka shkruar Mehaj në Facebook.

Mehaj u shpreh se Kosova duhet të anëtarësohet në NATO sepse, sipas tij kjo është siguri për vet NATO-n.

“Kosova, duhet të anëtarësohet në NATO sepse kjo është siguri për vet NATO-në, Ballkanin dhe Republikën e Kosovës. Uroj që objektivat e fushës së mbrojtjes të i arrinë edhe me tytje nga 2024. Konsideroj se e kam kryer një pjesë të amanetit në drejtimin e Ministrisë së Mbrojtjes dhe falënderoj dëshmorët e kombit, familjet e tyre, veteranët dhe invalidet e luftës”.

“Uroj vitin e ri 2024 gjithë shqiptarëve ku do që janë dhe vendeve tona partnere, me shpresën për paqe, siguri e stabilitet në gjithë botën. Një fjalë e urtë popullore thotë: “punë shumë, e fjalë pak” e konsideroj se populli është vlerësuesi me i drejte i punës sime dhe punës sonë në shërbim të popullit”.

“Në vizitë që ju kam bërë mbi 500 familjeve të dëshmorve gjithandej Kosovës dhe shqiprisë, kam theksuar se misioni im i vetëm është forcimi i ushtrisë së Kosovës, objektiv të cilën e kemi arritur si asnjëherë me parë. Atëherë kur e kërkon populli dhe shteti, unë si asnjëherë me parë jam i gatshëm të i shërbej atdheut tim”, ka shkruar tutje Mehaj.

Franca dhe Gjermania kanë shtuar sigurinë në prag të festimeve të Vitit të Ri pas paralajmërimeve se konflikti i vazhdueshëm midis Izraelit dhe Hamasit ka rritur rrezikun e sulmeve terroriste, shkruan CNN.

Policia në qytetin gjerman të Këlnit po shton forcat e saj pas një raportimi se grupet islamike mund të planifikojnë një sulm në katedralen e famshme të qytetit në natën e Vitit të Ri.

Oficeri Martin Lotz tha në një konferencë për shtyp mbi oficerët që mbanin automatikë dhe mbanin jelekë mbrojtës do të vendoseshin në qytet.

Katedralja e qytetit njoftoi se do të hapet vetëm për shërbimet e kishës deri në njoftimin e mëtejshëm “për shkak të situatës aktuale të sigurisë”, sipas një deklarate të postuar në mediat sociale.

Ndërkohë, në Berlin, policia po përpiqet të rrisë ndërgjegjësimin për rreziqet e fishekzjarreve përmes kanaleve të mediave sociale.

“Mos na sulmoni. Mos na qëlloni me fishekzjarre dhe raketa. Shmangni dënimet ose disa vite burgim”, paralajmëroi policia e Berlinit në një video të publikuar në X, e njohur më parë si Twitter, në prag të natës së Vitit të Ri.

Shqetësimet janë shtuar pasi festimet e Vitit të Ri të vitit të kaluar në Berlin u shndërruan në trazira të dhunshme. Disa u plagosën, duke përfshirë oficerë policie dhe zjarrfikës të cilët thanë se fishekzjarrët ishin drejtuar qëllimisht kundër tyre. Mjetet piroteknike ndezën edhe zjarre në rrugë.

“Kërcënim shumë i lartë terrorist”

Ndërkohë, Franca do të vendosë 90,000 oficerë pasi vendi përballet me “kërcënim shumë të lartë terrorist”, tha të premten Ministri i Brendshëm francez Gérald Darmanin.

“Kam kërkuar një mobilizim shumë të fortë të policisë dhe xhandarëve tanë në një kontekst të një kërcënimi shumë të lartë terrorist, natyrisht për shkak të asaj që po ndodh në Izrael dhe Palestinë,” u tha Darmanin gazetarëve.

Sipas të dhënave nga Ministria e Brendshme franceze, numri i policëve të mobilizuar është afërsisht i njëjtë me atë për natën e Vitit të Ri vitin e kaluar.

Përveç kërcënimeve terroriste, Franca tradicionalisht sheh një rritje të shkeljeve të vogla, veçanërisht djegies së makinave, ndërsa njerëzit festojnë ardhjen e Vitit të Ri.

Siguria e përforcuar vjen pasi masa të ngjashme u vendosën në disa vende evropiane përpara natës së Krishtlindjes.

Vendet, duke përfshirë Francën, Gjermaninë dhe Austrinë, rritën kontrollet e sigurisë dhe mbrojtjen për kishat përpara meshës dhe festimeve të natës së Krishtlindjes.

Më herët në dhjetor, katër anëtarë të dyshuar të Hamasit të dyshuar për planifikimin e sulmeve terroriste në tokën evropiane u arrestuan nga autoritetet gjermane dhe holandeze.

Shtetasi portugez R.S. (28), i dyshuari për vrasjen e biznesmenit Adrian Nikulaj, është ekstraduar në Shqipëri nga Maroku të dielën.

28-vjeçari u kap në Marok, dhe me kërkesë të Interpol Tiranës, u ekstradua.

R.S. dyshohet se më 19 prill të këtij viti vrau me armë zjarri në lokalin e tij në Shëngjin.

“Specialistët e Interpol Tiranës bënë të mundur ekstradimin në vendin tonë, të shtetasit R. S., 28 vjeç, lindur në Portugali. Ky shtetas ishte shpallur në kërkim ndërkombëtar nga Interpol Tirana, pasi Gjykata e Shkallës së Parë e Juridiksionit të Përgjithshëm Lezhë i ka caktuar masën e sigurisë “Arrest në burg”, për veprat penale “Vrasja për gjakmarrje” dhe “Prodhimi dhe mbajtja pa leje e armëve, armëve shpërthyese dhe municionit”. Shtetasi R. S. dyshohet se më datë 19.04.2023, në ambientet e lokalit, ka vrarë me armë zjarri shtetasin A. N.. Falë bashkëpunimit mes Interpol Marokut dhe Interpol Tiranës, u bë i mundur ekstradimi i këtij shtetasi, në vendin tonë. Më herët, si rezultat i reagimit në kohë, punës profesionale hetimore dhe gjurmuese, sigurimit të inteligjencës policore, shkëmbimit në kohë të informacionit me homologët, si dhe falë bashkëpunimit të suksesshëm me agjencitë ligjzbatuese brenda dhe jashtë vendit, u bë e mundur kapja dhe arrestimi dhe i shtetasve të tjerë të përfshirë në këtë ngjarje kriminale”, thuhet nga Policia e Shqipërisë.

Turma të mëdha u mblodhën në Syene të Australisë për një nga shfaqjet më spektakolare të fishekzjarrëve të Vitit të Ri në botë. Mijëra njerëz ndoqën nga afër eventin e organizuar nga autoritetet australiane për vitin 2024 ndërsa miliona të tjerë e ndoqën spektaklin nga televizioni.

Mijëra njerëz dolën në qendër të qytetit për të ndjekur spektaklin e organizuar nga autoritetet e Zelandës se re.

Spektakli i fishekzjarrëve ishte i mirëorganizuar nga qeveria e këtij vendi dhe i fokusuar në pjesët më të rëndësishme të Aukland. Qytetaret sfiduan motin me shi për të ndjekur nga afër festimet dhe për t’i uruar njeri-tjetrit një vit të ri të gëzuar.

Presidenti i Serbisë, Aleksandar Vuçiq, ka thënë se pret që “presioni më i madh” për çështjen e Kosovës t’i bëhet Serbisë në janar dhe shkurt.

Në një intervistë për “TV Prva”, Vuçiq ka thënë se ajo është periudha kur fushata e zgjedhjeve parlamentare në BE është në kulm.

“Pasi ashtu mendojnë se do të fitojnë ndonjë votë shqiptare apo ku ta di se çfarë, pasi ata janë të gjithë njerëz që nuk mbështesin vetëm Kosovën e pavarur, por janë lobistë të dalluar shqiptarë. Vetëm këtë duhet ta dinë njerëzit në Serbi. Ata që janë në anën e një liste, ‘Serbia kundër dhunës’ e kritikojnë qeverinë në Beograd, 95 për qind e tyre janë lobistë të shquar shqiptarë”, tha Vuçiq, duke përmendur edhe raportuesen për Kosovën në Parlamentin Evropian, Viola von Cramon.

Vuçiq tha se përgjigja e tij për zyrtarët evropianë mbetet e njëjtë “dhe s’mund të interepretohet në mënyrë tjetër”.

Ai ka thënë se interesi i Serbisë është “Ballkani i Hapur”.

Policia e Kosovës ka bërë apel për të pasur kujdes dhe vigjilencë në parandalimin e përdorimit të parregullt të mjeteve piroteknike, sidomos nga fëmijët, me qëllim të shmangies së rrezikut që mund të shkaktojnë mjetet plasëse.

Policia ka thënë se është e angazhuar me plan konkret që këtë fundvit festat të kalojnë të qeta dhe pa incidente.

Policia ka thënë se do të ketë shtim të prezencës policore në rrugë dhe ambiente të hapura.

“Ndërmarrja e masave preventive policore për të siguruar që festat e fundvitit të kalojnë pa ndonjë incident, do të përfshijë edhe ndërmarrjen e masave ligjore ndaj veprimeve të mundshme kundërligjore dhe luftimi i dukurive negative që shkaktojnë jo stabilitet në vend në çfarëdo mase sa rrezikon rendin, qetësinë dhe sigurinë publike, ku ngritja e prezencës policore do të bëhet në gjithë Republikën e Kosovës, përfshirë edhe zonat sensitive posaçërisht në ato lokacione me popullatë të përzier”, thuhet në njoftim.

Asociacioni i Gazetarëve të Kosovës, tha se 2023-ta është viti me më së shumti raste të kërcënimeve dhe sulmeve ndaj gazetarëve e mediave, që janë raportuar te AGK-ja.

“Gazetarët dhe kameramanët, si asnjëherë më parë rrezikuan sigurinë e tyre fizike duke raportuar në kushte të jashtëzakonshme, në muajin maj dhe qershor nga veriu i Republikës së Kosovës. Andaj, ju jemi mirënjohës që misionin për informimin e qytetarëve, e bëtë në kushte tejet të rënduara, pa mjetet e nevojshme të punës, dhe e pa u frikësuar”, shkruan në njoftim.

“Falënderim e mirënjohje edhe për të gjithë kolegët tjerë që kanë raportuar nga terrenet e tjera të ndryshme, e janë kërcënuar nga qytetarë, zyrtarë, pjesëtarë të sigurimit dhe persona publik”.

Tutje AGK-ja ftoi që të mos hezitojnë as në të ardhmen t’i raportojnë rastet e ngjashme.