ATV

Blog

  • Roth: BE dhe ShBA të ndalojnë së banalizuari atë që po ndodh në Serbi

    Roth: BE dhe ShBA të ndalojnë së banalizuari atë që po ndodh në Serbi

    Kryetari i Komisionit për Punë të Jashtme të Bundestagut gjerman, Michael Roth, i bëri thirrje BE-së dhe ShBA-së që të insistojnë në hetimin dhe përsëritjen e zgjedhjeve të mbajtura në Serbi më 17 dhjetor.

    “Shtetet e Bashkuara të Amerikës dhe Bashkimi Evropian e bëjnë veten krejtësisht jo bindëse nëse vazhdojnë të banalizojnë ngjarjet në Serbi. Zgjedhjet duhet të kontrollohen dhe të përsëriten. Regjimi serb duhet të ndalojë politikën e sharrave mes Rusisë dhe Perëndimit. Vuçiqi kërcënon paqen në Ballkanin Perëndimor”, ka shkruar Roth në rrjetin social X (ish-Twitter).

    Së bashku me komentin e tij, Roth ndau një tekst autorial të Dragan Gjilas për “Politico”, në të cilin kreu i Partisë Liri dhe Drejtësi vlerëson se edhe në botën e sotme komplekse, mbështetja perëndimore për Vuçiqin, i cili akuzon Perëndimin për nxitjen e trazirave në vendin e tij, është befasuese.

    Kjo nuk është hera e parë që Roth i ka bërë thirrje BE-së dhe ShBA-së që të ndryshojnë politikën e tyre ndaj Serbisë, prandaj kryeministrja Ana Bërnabiq e akuzoi dikur në rrjetet sociale për “përhapjen e gjuhës së urrejtjes kundër Serbisë”.

  • Tërmeti në Japoni, shkon në 78 numri i të vdekurve

    Tërmeti në Japoni, shkon në 78 numri i të vdekurve

    Numri i viktimave në Japoni nga tërmeti i fuqishëm ka shkuar në 78 të enjten, sipas mediave lokale.

    Vendndodhja e të paktën 51 personave mbetet e panjohur dhe janë shpallur “të pagjetur”, kanë raportuar mediat.

    Japonia Qendrore është goditur nga një seri tërmetesh që nga pasditja e së hënës me intensitet deri në 7.6 ballë, duke shkaktuar shkatërrime të shumta, ndërsa shumë zona ende janë të shkëputura.

    Japonia është goditur nga rreth 600 lëkundje që nga e hëna. Epiqendra e tërmetit ishte në rajonin Noto përballë Detit të Japonisë.

    Provinca Ishikawa është më e goditura ku u raportuan shumica e viktimave dhe shkatërrimet më të mëdha të ndërtesave, kryesisht në qytetin Wajima ku thuhet se shumë persona ende janë nën rrënoja. Mijëra familje janë pa energji elektrike.

    Japonia ka dislokuar mijëra ushtarë në operacionet e kërkim-shpëtimit ndërsa moti i keq ishte pengesë e operacioneve pas tërmetit./ATVLIVE.TV/

  • Nuk ndalet Serbia, ushtria serbe propozon rikthimin e shërbimit të detyrueshëm ushtarak

    Nuk ndalet Serbia, ushtria serbe propozon rikthimin e shërbimit të detyrueshëm ushtarak

    Shtabi i Përgjithshëm i Forcave të Armatosura të Serbisë nisi një iniciativë dhe i propozoi presidentit serb, Aleksandar Vuçiq rikthimin e detyrimit për të shërbyer në ushtri deri në katër muaj, njoftoi Ministria serbe e Mbrojtjes më 4 janar.

    Ky propozim erdhi në kohën kur situata e sigurisë në Ballkan konsiderohet të jetë e brishtë, pas agresionit të 24 shtatorit në Banjskë të Zveçanit ku nga grupi terrorist serb mbeti i vrarë polici Afrim Bunjaku.

    Ndërkaq, siç thuhet në deklaratën e Minitsrisw serbe tw Mbrojtjes, ky propozim është bërë “me qëllim të rritjes së aftësive mbrojtëse të Forcave të Armatosura të Serbisë, përmes përtëritjes dhe përmirësimit të stërvitjes së forcave aktive dhe rezervë”.

    “Propozimi i Shtabit të Përgjithshëm të Forcave të Armatosura të Serbisë vjen pas një shqyrtimi të detajuar të situatës së përgjithshme të sigurisë dhe sfidave bashkëkohore me të cilat përballet Serbia si një vend ushtarakisht neutral, i cili imponoi nevojën e përshtatjes së modelit të plotësimit të ushtrisë që do të mundësonte forcimin e potencialit të përgjithshëm, rekrutim dhe trajnim të një numri më të madh të qytetarëve për mbrojtjen e vendit tonë”, thuhet në njoftim.

    Paraprakisht, ministri i Mbrojtjes, Millosh Vuçeviq ka paralajmëruar fillimin e procedurës parlamentare për vendimin e anuluar për pezullimin e shërbimit të detyrueshëm ushtarak dhe rishikimin e ligjit që rregullon këtë detyrim.

    Më 4 janar, Vuçeviq i tha televizionit Happy se nisma po fillon në bazë të një vlerësimi të situatës së sigurisë në vend dhe se shumë vende evropiane po riaktivizojnë detyrimin për të shërbyer në ushtri.

    Ai deklaroi se nuk ka pasur shërbim të detyrueshëm ushtarak për 13 vjet dhe se ushtria “tash ka nevojë të plotësojë kuadrin rezervë”, shkruan rel.

    Në Serbi shërbimi i detyrueshëm ushtarak u hoq më 1 janar 2011, që atëherë vetëm ata që duan, shkojnë vullnetarisht në ushtri.

    Tema e rikthimit të shërbimit të detyrueshëm ushtarak nuk është e re në deklaratat e zyrtarëve.

    Në vitin 2022 për këtë ka folur presidenti i Serbisë, Aleksandar Vuçiq, ndërsa një vit më parë edhe ministri i atëhershëm i Mbrojtjes, Nebojsha Stefanoviq.

    Në deklaratat e tyre, zyrtarët serbë theksojnë se Serbia nuk ka dhe nuk do të ketë asnjë qëllim për t’u anëtarësuar në NATO.

    Në rast se qeveria aktuale vendos të kthejë shërbimin ushtarak në kuadrin e rregullt, Serbia do të jetë ndër vendet e pakta në Evropë, si Suedia, Lituania apo Gjeorgjia, të cilat e hoqën këtë detyrim dhe më pas e rivendosen atë.

    Vendet evropiane që nuk e kanë hequr shërbimin e detyrueshëm ushtarak janë Zvicra, Norvegjia, Danimarka, Finlanda, Austria, Turqia, Estonia, Rusia, Bjellorusia, Ukraina, Greqia dhe Qipro.

  • Salah pritet të nënshkruajë kontratën e re me Liverpool

    Salah pritet të nënshkruajë kontratën e re me Liverpool

    Sulmuesi Mohamed Salah pritet t’i jap fund spekulimeve për të ardhmen e tij, pasi egjiptiani pritet të nënshkruajë kontratën e re me Liverpoolin.

    “Sky Sports” ka raportuar të enjten se palët tashmë kanë arritur marrëveshje, ndërsa gjithçka do të bëhet zyrtare muajin tjetër, kur Salah të kthehet nga Kupa e Afrikës.

    Me kontratën e re, ai do të jetë pjesë e Liverpoolit deri në viti 2026 dhe do të ketë opsionin e rinovimit edhe për 12 muaj të tjerë.

    Kujtojmë që Salah është pjesë e Liverpoolit që nga viti 2017 kur u transferua nga Roma.

    Në 27 paraqitje këtë edicion në të gjitha garat, 31 vjeçari ka shënuar 18 gola dhe ka bërë 9 asistime.

  • Patriarku i Kishës Ortodokse Serbe shkon në Rahovec, publikohen fotografitë

    Patriarku i Kishës Ortodokse Serbe shkon në Rahovec, publikohen fotografitë

    Patriarku i Kishës Ortodokse Serbe Porfirije ka vizituar sot banorët serbë në Rahovec dhe ka vizituar punimet për restaurimin e kishës së Fjetjes së Shën Mërisë.

    Patriarku u prit në Rahovec nga ipeshkvi i Rashkës së Prizrenit Teodosije.

    Në mesin e disa qindra serbëve kishte edhe të rinj me fëmijë, të cilëve patriarku u dhuroi falënderime dhe dhurata.

  • Në tri ditët e para të janarit, mbi 10 mijë udhëtarë më shumë në Aeroportin e Prishtinës

    Në tri ditët e para të janarit, mbi 10 mijë udhëtarë më shumë në Aeroportin e Prishtinës

    Vetëm në tri ditët e para të janarit, përmes Aeroportit Ndërkombëtar të Prishtinës kanë udhëtuar 11 mijë e 742 udhëtarë më shumë, se sa në periudhën e njëjtë të vitit paraprak.

    Kështu ka bërë të ditur për “Indeksonline”, zëdhënësja e Aeroportit Ndërkombëtar të Prishtinës Valentina Gara.

    “Vetëm në tri ditët e para të janarit 2024 është rritur për mbi 10 mijë, numri i udhëtarëve, krahasuar me periudhën e njëjtë të vitit paraprak.Nga 1 Janari deri me 3 janar 2023, kanë qenë 20 mijë e 163 udhëtarë. Ndërkaq nga 1-3 janar 2024, janë 31 mijë e 905 udhtarë. Që i bie 11 mijë e 742 udhëtarë më shumë“, ka thënë Gara.

    Ndryshe që nga liberalizimi i vizave me 1 janar 2024, vërehet fluks i madh i qytetarëve, të cilët po udhëtojnë përmes Aeroportit Ndërkombëtar të Prishtinës.

  • Vritet imami i një xhamie në New Jersey

    Vritet imami i një xhamie në New Jersey

    Imami i një xhamie në Newark, New Jersey, është vrarë nga një sulmues ende i paidentifikuar që më pas është arratisur.

    Autoritetet kanë thënë se besojnë se vrasja e imamit Hassan Sharif nuk ishte e motivuar nga terrorizmi.

    Sharif u gjet me disa plagë plumbash jashtë xhamisë së tij, raportoi BBC.

    Ai u dërgua në spital por nuk mbijetoi.

    Prokurori i Përgjithshëm i New Jerseyt, Matthew Platkin, ka thënë se hetuesit zakonisht nuk do të bënin publike informacione të tilla kaq herët, por se rritja e urrejtjes kundër komunitetit mysliman i ka bërë që të zbulojnë të gjeturat e para.

    Një shpërblim prej 25,000 dollarësh është ofruar për këdo që jep informacione mbi vrasësin.

  • Real Madrid, i frustruar me komentet e fundit të Mbappes

    Real Madrid, i frustruar me komentet e fundit të Mbappes

    Real Madrid thuhet se ka qenë i dëshpëruar për të mbajtur të gjitha lëvizjet e tyre për Kylian Mbappe në prapaskenë deri në verë këtë herë, por pasi shmangu mediat gjatë gjithë sezonit, sulmuesi francez theu heshtjen e tij të mërkurën mbrëma.

    Mbappe i tha shtypit francez se ‘të gjitha palët janë të mbrojtura’ pavarësisht se çfarë do të ndodhë me të ardhmen e tij, ndërsa pranoi gjithashtu se vendimi i tij nuk ishte marrë ende.

    Në anën tjetër, Real Madridi thuhet se i ka dhënë Mbappes një afat deri në mes të janarit deri në të cilin ai duhet t’i përgjigjet atyre.

    Më vonë, mbrëmjen e mërkurë, në mediumin El Chiringuito, Josep Pedrerol tha se fjalët e Mbappe nuk ishin pritur mirë në Santiago Bernabeu.

    “Real Madridi nuk është i kënaqur me fjalët e Mbappes. Ata nuk duan të futen në një dramë të gjatë sezonale dhe duket se Mbappe po”, ka thënë Pedrerol.

    Sipas raportimeve nga mediat spanjolle, Real Madridi i ka dhënë kohë Mbappes 15 ditë për të marrë një përgjigje përfundimtare, dhe në rast se vije një tjetër refuzim, skuadra spanjolle do të heqë përfundimisht dorë nga ai.

    Kujtojmë që prej kohësh, Real Madridi është i interesuar për shërbimet e Mbappes, derisa Los Blancos vazhdimisht janë refuzuar nga sulmuesi francez./ATVLIVE.TV/

  • Zyrtare: Qendresa Krasniqi transferohet te Basel

    Zyrtare: Qendresa Krasniqi transferohet te Basel

    Ekipi i femrave të klubit të famshëm zviceran, Basel, ka njoftuar transferimin e futbollistes nga Kosova, Qëndresa Krasniqi.

    Futbollistja e njohur nga Kosova është rikthyer edhe një herë në Evropë, pasi është transferuar nga EP-COM Hajvalia te Baseli.

    Është vet klubi zviceran që ka njoftuar transferimin e futbollistes 29-vjeçare.

    “Ekipi i femrave FC Basel 1893 sot nis përgatitjet për gjysmën e dytë të sezonit me një fytyrë të re në skuadër: Qëndresa Krasniqi kalon në gjirin e Rhine nga klubi më i mirë kosovar EP-COM Hajvalia”, thuhet në njoftimin e klubit.

    Qëndresa Krasniqi këtë sezon ka luajtur tashmë në kualifikimin e Ligës së Kampionëve me ish-klubin e saj EP-COM Hajvalia dhe ka luajtur edhe për Shqipërinë në Ligën e Kombeve.

    Ajo përveç klubeve shqiptare dhe kosovare tashmë ka qenë nën kontratë edhe me ekipet zvicerane. Nga viti 2017 deri në vitin 2020 ajo luajti për Yverdon Sport FC e më pas u transferua në FC Aarau për gjashtë muaj.

    Në Zvicër, Qëndresa tërhoqi vëmendjen veçanërisht me përfundimin e mirë të aksioneve.

    Ajo shënoi gjithsej 32 gola në 91 ndeshje për Yverdon dhe zhvilloi 5 ndeshje për Aarau./ATVLIVE.TV/

  • Mourinho refuzon drejtimin e kombëtares së Brazilit

    Mourinho refuzon drejtimin e kombëtares së Brazilit

    Federata Braziliane e Futbollit është në kërkim të një selektori pasi dështoi ta bindte Carlo Ancelottin për ta marrë në dorë Kombëtaren braziliane.

    Sipas mediave jug-amerikane, brazilianët tash ia kanë mësy trajnerit të Romës, José Mourinho.

    Por, portugezi nuk duket shumë i interesuar për ta marrë në dorë kombëtaren braziliane.

    Ai është i fokusuar totalisht tek ekipi që e drejton aktualisht.

    “Nuk jam kontaktuar asnjëherë nga Brazili. I kam thënë menaxherit tim: mos fol me askënd derisa të jem trajner i Romës”, deklaroi fillimisht “Special One”.

    “Unë iu besoj 100% pronarëve të Romës. Gjithmonë i kam informuar ata, përfshirë këtu edhe kur Portugalia më thirri… edhe kur klubet nga Arabia Saudite më thirrën verën e kaluar”, shtoi Mourinho.

    Ai është i vendosur të arrijë suksese të reja me Romën dhe të vazhdojë të punojë në Serie A./atvlive.tv/