ATV

Blog

  • Vodhën çantat e krahut nga katër gra serbe, arrestohen dy persona në veri të Mitrovicës

    Vodhën çantat e krahut nga katër gra serbe, arrestohen dy persona në veri të Mitrovicës

    Policia ka bërë të ditur se brenda 10 ditësh janë vjedhur çantat e krahut të katër femrave serbe në raste të ndara.

    Sipas tyre të njëjtat kanë qenë duke ecur rrugës derisa janë plaçkitur, ndërsa dy të dyshuarit për rastin janë arrestuar.

    Zëvendësdrejtori i Policisë së Kosovës për Veri, Veton Elshani tha se të arrestuarit për rastet e vjedhjes kanë qenë bashkëpunues dhe kanë pranuar fajësinë, ku edhe janë gjetur 3 çantat bashkë me dokumente.

    “Rasti i parë ka ndodh me datën 11.01.2024 rreth orës 18:30 në rrugën ,,Knjaz Millosh” ku viktime ka qene një femër e nacionalitetit serb, të cilës i eshte vjedhur çanta në të cilën ka qenë 50 euro, 4000 dinarë si dhe dokumentet personale të Shtetit të Kosovës dhe Serbisë”.

    “Rasti i dytë ka ndodhur me datën 13.01.2024 rreth ore 20:20 në rrugën ,,Knjaz Millosh” ku viktimë ka qenë një femër e re serbe të cilës i është vjedhur çanta e krahut derisa ka qenë duke ecur rrugës e vetme. Më ketë rast të njëjtës i janë vjedhur dokumentet zyrtare”.

    “Rasti i tretë ka ndodhur me datën 20.01.2024 rreth orës 22:25 në rrugën “Kral Petar” në Mitrovicen Veriore ku viktimë ka qenë një femër serbe të cilës i është vjedhur çanta e krahut ku në të ka pas një telefon, një pjesë të vogël të parave, si dhe dokumentet e Kosovës dhe Serbisë”..

    “Rasti i fundit ka ndodhur me datën 22.01.2024 rreth orës 18:00 në rrugën ,,Knjaz Millosh” ku përsëri viktime ka qenë një femër serbe e moshës se re, të cilës i është vjedhur çanta nga krahu dhe në çantë ka pas dokumentet personale të Kosovës dhe Serbisë”.

    Ndryshe, policia ka bërë të ditur se të arrestuarit janë N.S. 21.02.1998 dhe S.H. 17.03.1992.

    Në konsultim me Prokurorin e shtetit të dyshuarve u caktohet masa e ndalimit deri në 48 orë.

  • Një femër dërgohet pa shenja jete në QMF në Prishtinë

    Një femër dërgohet pa shenja jete në QMF në Prishtinë

    Një femër është dërguar pa shenja jete në Qendrën e Mjekësisë Familjare në Prishtinë.

    Rasti ka ndodhur të hënën rreth orës 07:50.

    “Prishtinë 22.01.2024-07:50. Është raportuar se në Qendrën e Mjekësisë Familjare pa shenja jetë është sjell viktima femër kosovare. Me vendim të prokurorit trupi i pa jetë i viktimës është dërguar në IML për obduksion”, thuhet në raportin e policisë.

  • ​Kurti pas takimit me Ramën dhe Taravarin: Duhet të jemi krah për njëri-tjetrin

    ​Kurti pas takimit me Ramën dhe Taravarin: Duhet të jemi krah për njëri-tjetrin

    Kryeministri i Kosovës, Albin Kurti ka thënë se shqiptarët duhet të jenë krah për njëri-tjetrin, për zhvillim, demokratizim, reformë, progres dhe mirëqenie. Derisa ka shtuar se shqiptarët e kanë vetëdije historike e kombëtare orientimin e qartë euro-atlantik dhe ndërtimin e aleancave mbi vlera e bindje.

    Këto komente kreu i ekzekutivit i ka bërë pas takimit që pati bashkë me homologun e tij nga Shqipëria, Edi Rama dhe kryetarin e Aleancës për Shqiptarët, Arben Taravarin.

    Siç ka thënë Kurti përmes një shkrimi në Facebook, ky takim ka ndodhur të hënën në Shkup, kur po mbahej Samiti i BE-së.

    “Në Shkup, në margjina të konferencës së liderëve të rajonit për Planin e Rritjes së BE-së, bashkë me kryeministrin Rama takuam dhe bashkëbiseduam me Arben Taravarin, kryetarin e Aleancës për Shqiptarët.

    Shqiptarët më shumë sesa fat, e kanë vetëdije historike e kombëtare orientimin e qartë euro-atlantik dhe ndërtimin e aleancave mbi vlera e bindje. Sfidat shpesh i kemi të ngjashme e të përbashkëta. Shërbimin ndaj qytetarëve duhet përherë ta kemi qëllim të palëkundur të angazhimit politik. E në rrugë e sipër na duhet të jemi krah për njëri-tjetrin, për zhvillim, demokratizim, reformë, progres dhe mirëqenie”, ka shkruar ai në Facebook.

  • Kanoset me armë zjarri një person në Ferizaj

    Kanoset me armë zjarri një person në Ferizaj

    Është kanosur me armë zjarri një person në Ferizaj.

    Sipas policisë, tre persona kanë raportuar se pas një mosmarrëveshje me të dyshuarin mashkull kosovar, i njëjti në një distancë rreth 150 metrave ka shtënë disa herë me armë zjarri.

    I dyshuari gjendet në arrati.

    “Ferizaj 22.01.2024-13:53. Tre ankues meshkuj kosovar kanë raportuar se pas një mosmarrëveshje me të dyshuarin mashkull kosovar, i njëjti në një distancë rreth 150 metrave ka shtënë disa herë me armë zjarri. Në konsultim me prokurorin, është bastisur shtëpia e të dyshuarit me ç’rast është gjetur dhe konfiskuar një armë zjarri Revole me gas e cila dyshohet të jetë përdorur në rast, ndërsa i dyshuari gjendet në arrati. Rasti është duke u hetuar.

  • Vazhdon gjykimi ndaj ish-krerëve të UÇK-së në Hagë

    Vazhdon gjykimi ndaj ish-krerëve të UÇK-së në Hagë

    Në Dhomat e Specializuara të Kosovës (DHSK) në Hagë, sot do të vazhdojë gjykimi ndaj ish-krerëve të UÇK-së, Hashim Thaçi, Kadri Veseli, Rexhep Selimi dhe Jakup Krasniqi.

    Në Hagë, pritet të vazhdojë dëshminë dëshmitarja e Zyrës së Prokurorit të Specializuar (ZPS), e cila është e 41-ta dhe mban kodin W04489 në këtë gjykim.

    Gjykimi ndaj ish-krerëve të UÇK-së ka nisur më 3 prill të vitit të kaluar, kurse të akuzuarit janë deklaruar të pafajshëm.

    Aktakuza e parë kundër katër të akuzuarve u konfirmua më 26 tetor 2020 dhe u bë publike më 5 nëntor 2020. Sipas aktakuzës, krimet e paraqitura në të u kryen më së paku prej marsit 1998 deri në shtator 1999 në disa vendndodhje në Kosovë, si edhe në Kukës dhe Cahan, në Shqipërinë Veriore.

  • Gërvalla priti korin diplomatik të akredituar në Kosovë

    Gërvalla priti korin diplomatik të akredituar në Kosovë

    Zëvendëskryeministrja dhe Ministrja e Punëve të Jashtme dhe Diasporës e Republikës së Kosovës, Donika Gërvalla, organizoi pritjen tradicionale për korin diplomatik të akredituar në Kosovë.

    Në fjalën e saj mirëseardhëse, ministrja Gërvalla pasi uroj për një vit të mbarë, falënderoi ambasadorët e akredituar në Kosovë për bashkëpunimin gjatë vitit që lamë pas dhe qëndrimin e tyre në mbështetje të proceseve të vështira që kaluam gjatë vitit 2023.

    Sipas një komunikate të MPJD-së, Gërvalla e falënderoi veç e veç secilin ambasador dhe vendet e tyre, duke uruar për një bashkëpunim sa më të mirë në sfidat dhe vlerat e përbashkëta.

  • Borrell: BE-ja duhet të bëjë më shumë për të mbështetur Ukrainën

    Borrell: BE-ja duhet të bëjë më shumë për të mbështetur Ukrainën

    Shefi i politikës së jashtme Josep Borrell, tha se ministrat e Jashtëm të Bashkimit Evropian, gjatë takimit në Bruksel më 22 janar, u pajtuan se tani nuk është koha për të reduktuar ndihmën për Ukrainën.

    “Përkundrazi, ne duhet të bëjmë më shumë dhe më shpejt sa i përket burimeve financiare, pajisjeve ushtarake, trajnimeve ushtarake dhe gjithë mbrojtjen që i duhet Ukrainës. Ne do të vazhdojmë të punojmë që të projektojmë këtë ndihmë”, tha Borrell gjatë konferencës për media pas takimit.

    Ai po ashtu njoftoi se planifikon të vizitojë Ukrainën në javën e dytë të shkurtit, por nuk dha një datë specifike për vizitën e tij, apo se me kë planifikon të takohet.

    Në agjendën e takimit të parë të këtij vitit të ministrave të Jashtëm të BE-së u përfshin luftërat në Ukrainë dhe Lindjen e Mesme.

    Mbrojtja e Ukrainës kundër pushtimit të nisur nga Rusia vazhdon të jetë prioritet për BE-në, tha Borrell para takimit në Bruksel, duke shtuar se konfliktet në Lindjen e Mesme nuk do të shpërqendrojnë bllokun.

    Ukraina “është pika e parë në agjendë”, tha Borrell para takimit.

    “Fakti që ne jemi të përfshirë për të kërkuar një zgjidhje për Lindjen e Mesme nuk nënkupton që ne nuk do të vazhdojmë të mbështesim Ukrainën”, tha ai.

    Ndërkaq, ministri i Jashtëm ukrainas, Dmytro Kuleba, tha se shteti i tij po mbështetet në hapa të shpejtë gjatë çerekut të parë të këtij viti sa i përket hapjes së negociatave për anëtarësim në BE. Ai po ashtu i bëri thirrje bllokut që të rrisë furnizimet me armë dhe të miratojë programin për mbështetje afatgjate për Kievin.

  • Arsim Prepolli: Marre, marre Hendbolli dhe Volejbolli me qenë në kategorinë A , e futbolli dhe basketbolli në kategorinë B

    Arsim Prepolli: Marre, marre Hendbolli dhe Volejbolli me qenë në kategorinë A , e futbolli dhe basketbolli në kategorinë B

    Sonte në emisionin ‘EKIPI A’ në ATV, është duke u diskutuar për kategorizimin e Federatave sportive nga Ministria e Sportit.

    Në këtë debat është përfshirë edhe analisti i futbollit Arsim Prepolli, i cili është shprehur i dëshpëruar me mënyrën e renditjes së Federatave.

    ‘Marre, marre Hendbolli dhe Volejbolli me qenë në kategorinë A , e futbolli dhe basketbolli në kategorinë B. Futbolli është sporti më i popullarizuar dhe më i suksesshëm, unë nuk e di kush e bën këtë kategorizim, por kjo është e turpshme’ tha Prepolli.

    Emisionin live mundeni me ndjek më poshtë.

  • Driton Latifi: Kriteret e Ministrisë për kategorizimin e federatave është i mangët

    Driton Latifi: Kriteret e Ministrisë për kategorizimin e federatave është i mangët

    Gazetari Driton Latifi, i ftuar në emisionin ‘EKIPI A’ në ATV, ka kritikuar Ministrinë e Sportit për listën e kategorizimit të federatave sportive.

    Sipas Latifit, kriteri i kategorizimit të federatave është i mangët.

    ‘Kriteret e Ministrisë për kategorizimin e federatave është i mangët, vlerësimi nuk është real, unë kam informacione që shumë federata vetëm kanë filluar të ankohen’ tha Latifi.

    Për më shumë ndiqeni emisionin live më poshtë.

  • Rinia e LDK-së ndezën qirinjë për 18-vjeçarin e vrarë në Podujevë: Është shuar shpresa për jetë të mirë

    Rinia e LDK-së ndezën qirinjë për 18-vjeçarin e vrarë në Podujevë: Është shuar shpresa për jetë të mirë

    Forumi i Rinisë së LDK-së kanë ndezur qirinjë për 18-vjeçarin, Lulzim Fejzullahu, i cili u vra ditë më parë në Podujevë.

    Sipas rinisë së LDK-së, nga kjo ngjarje makabre “është rrezikuar siguria e të rinjve, është shuar shpresa për jetë të mirë”.

    “Të rinjve duhet t’u sigurohet më shumë mbrojtje në rrugë, në shkollë dhe në të gjitha vendet ku ata veprojnë”, ka thënë kryetari i Forumit të Rinisë, Paris Guri.

    Njoftimi i plotë:

    Forumi i Rinisë së LDK-së ndezën qirinjë për 18-vjeçarin, Lulzim Fejzullahu të cilit padrejtësisht; në mënyrë mizore iu mor jeta.

    “Sot, të gjithë jemi Lulzimi!

    Ndezëm qirinjë për ta kujtuar Lulzimin, që padrejtësisht e në mënyrë makabre iu morrë jeta në lule të rinisë!

    Lulzimin nuk guxojmë asesi ta shohim si një lajm shtesë në kronikën e zezë. Sot të gjithë jemi Lulzimi, sepse nuk është vrarë vetëm Lulzimi, është rrezikuar siguria e të rinjve, është shuar shpresa për jetë të mirë.

    Bashkë me forumin e degës në Podujevë kërkuam, llogaridhënie e përgjegjësi nga institucionet publike, asgjë më pak! Kanë obligim kushtetues për të mbrojtur të drejtat e njeriut! Rasti tronditës i Lulzimit duhet të jetë alarmues për të gjithë; duhet t’i thërrasë ndërgjegjes institucionale dhe ndërgjegjes sonë kolektive në mënyrë që masat parandaluese dhe mbrojtëse për sigurinë e të rinjve të ndërmerren në mënyrë emergjente.

    Të rinjve duhet t’u sigurohet më shumë mbrojtje në rrugë, në shkollë dhe në të gjitha vendet ku ata veprojnë”, ka thënë kryetari i Forumit të Rinisë, Paris Guri.