Është hedhur shorti i fazës së grupeve të Ligës së Kombeve, e ndër kombëtaret që ka mësuar fatin e saj është edhe ajo e Zvicrës.
Në shortin që u hodh në Francë, Zvicra është pozicionuar në Grupin 4 të Ligës A, raporton KosovaPress.
E së bashku me Zvicrën, në këtë grup gjenden edhe Spanja, Danimarka e Serbia.
Granit Xhaka e Xherdan Shaqiri do të përballen sërish me Zvicrën.
Grupi A4
Spanja
Danimarka
Zvicra
Serbia
Ceremonia e hedhjes së shortit të Ligës së Kampionëve është duke u zhvilluar aktualisht në Francë, dhe Kombëtarja e Kosovës tanimë ka mësuar grupin dhe kundërshtarët e saj.
Shorti e ka pozicionuar Kosovën në Grupin 2 të këtij edicioni të Ligës së Kombeve, raporton kp.
Përveç grupit, “Dardanët” kanë mësuar edhe kundërshtarët e tyre.
Së bashku me Kosovën, në Grupin 2 të Ligës C janë pozicionuar edhe Rumania, Qipro dhe fituesi i ndeshjes mes Lituanisë dhe Gjibraltarit.
Momentalisht, kartoni i verdhë dhe ai i kuq janë ndëshkimet e vetme në futboll gjatë lojës, por kjo pritet të ndryshojë sipas “The Telegraph”.
Kartoni i kaltër do të përfshihet në futboll, dhe funksioni pas ndëshkimit me të është interesant.
Cilido lojtar që ndëshkohet me karton të kaltër, lojtari do të largohet nga fusha për 10 minuta.
Lojtarët do të ndëshkohen me karton të kaltër për ndërhyrje cinike apo mospajtim.
Zëvendëskryeministri i parë për Integrim Evropian, Zhvillim dhe Dialog i Republikës së Kosovës, Besnik Bislimi, priti në takim një delegacion të përbërë nga deputetë të Bundestagut gjerman. Deputetët gjermanë u shoqëruan në këtë takim dhe nga ambasadori i Gjermanisë në Kosovë, Jorn Rohde.
Gjatë bashkëbisedimit, zëvendëskryeministri Bislimi i falënderoi deputetët gjermanë për vizitën në Kosovë, duke shprehur mirënjohjen për kontributin dhe mbështetjen e vazhdueshme të Gjermanisë në shtetndërtimin e Kosovës, progresin dhe zhvillimin e vendit.
Ai i prezantoi më tej deputetët me situatën në vend dhe objektivat e synimet e qeverisë, duke veçuar ato në integrimin evropian si proces me prioritet të lartë për vendin tonë, si dhe të arriturat në rrafshin ekonomik në indikatorë relevantë dhe atë të sundimit të ligjit. Zëvendëskryeministri Bislimi theksoi se secilën politikë të cilën po e zbatojmë, e ka vetëm një qëllim, e atë në përmirësimin e jetës së të gjithë qytetarëve të vendit.
Më tej u cekën dhe tema si arritja e liberalizimit të vizave, bashkëpunimi rajonal, procesi i dialogut dhe akti i agresionit të Banjskës. Mbi këtë të fundit, deputetët Josip Juratovic dhe Thomas Hacker, përgëzuan Policinë e Kosovës për reagimin e matur dhe shfaqën shqetësimin për arsenalin e madh të armatimit të gjetur.
Në përfundim, zëvendëskryeministri Bislimi i falënderoi përsëri deputetët për vizitën si dhe për bisedën e zhvilluar dhe pikëpamjet e ndara.
Kryeministri shqiptar i Maqedonisë së Veriut, Talat Xhaferi, deklaroi se perceptimi i shtetasve maqedonas ndaj shqiptarëve atje ka ndryshuar ndjeshëm.
Por ai nënvizoi se vendi fqinj nuk është ende gati për një president shqiptar siç kërkohet nga opozita shqiptare.
Xhaferi shprehu keqardhje për sjelljen e partive opozitare shqiptare në seancën parlamentare ku u votua për kryeministrin e parë shqiptar në historinë e Maqedonisë së Veriut./rtsh/
Presidenti i Paris Saint Germain, Nasser Al Khelaïfi, i rizgjedhur këtë të enjte në krye të ECA-s në Kongresin e UEFA-s në Paris, është pyetur për të ardhmen e Kylian Mbappé, për të cilin ai nuk ka ofruar asnjë detaj të ri dhe është kufizuar duke deklaruar se “do të shpallin një vendim” sapo të jetë përfundimtar.
“Kur të kemi vendosur të dy, do t’ju bëjmë me dije,” u shpreh Al Khelaïfi për të ardhmen e Kylian Mbappé.
Sheiku nga Katari, siç mësohet “AS”, ka rënë dakord me lojtarin, disa javë më parë, që të jetë i pari që do të mësojë vendimin e kapitenit të skuadrës franceze, e ardhmja e të cilit mbetet e pa qartë, derisa interesimi i Real Madridit është gjithmonë aty, përcjellë KosovaPress.
Deri këtë të enjte, ditën kur u mbajt Kongresi i UEFA-s dhe Al Khelaïfi ishte i pranishëm, PSG ende nuk e di se ku do të luajë Kylian Mbappé sezonin e ardhshëm.
Nënkryetarja e Kryeqytetit dhe U.D së drejtores së Drejtorisë së Arsimit, Jehona Lushaku sot gjatë ditës u takua me kryetarin e Sindikatës të Punëtorëve të Sektorit Privat, Jusuf Azemi, me të cilin diskutuan për grevën e punëtorëve tenik të mirëmbajtjes të objekteve shkollore në kryeqytet.
Nënkryetarja Lushaku dëgjoi me kujdes kërkesat dhe nevojat e punëtorëve teknik të prezantuara nga Kryetari i Sindikatës, Jusuf Azemi, për të cilat tha se do të trajtohen menjëherë.
Palët gjatë takimit arritën marrëveshje.
Si rezultat i kësaj marrëveshjeje, është vendosur që greva e punëtorëve të mirëmbajtjes të ndërpritet, duke lejuar që shkollat të funksionojnë normalisht dhe të sigurojnë një mjedis të sigurt dhe të pastër për nxënësit e kryeqytetit. Nënkryetarja e Kryeqytetit dhe Kryetari i Sindikatës shprehin falënderimin e tyre për të gjithë punëtorët për durimin dhe angazhimin e tyre gjatë kësaj periudhe të sfidave.
“Me urgjencë kam trajtuar çështjen e grevës së punëtorëve teknik në objektet shkollore të Kryeqytetit. Me këtë rast pas takimit me kryetarin e Sindikatës së Punëtorëve të Sektorit Privat, z. Jusuf Azemi, u pajtuam për ndërpreje të grevës nga nesër meqë kërkesa e tyre është plotësuar. U dakorduam që të plotësohen kushtet e kërkuara, ku përfshihet rritja e pagave”, deklaroi nënkryetarja Lushaku.
Kjo rritje e pagave është një përgjigje konkrete ndaj kërkesave të tyre dhe një shprehje e vlerësimit të punës së tyre të palodhur dhe të rëndësishme për mirëmbajtjen e ambienteve shkollore.
Kjo marrëveshje tregon përmirësimin e dialogut social dhe në forcimin e bashkëpunimit ndërmjet qeverisjes lokale dhe punëtorëve.
Po ashtu me Azemin, nënkryetarja u dakordua që gjatë javës të takojë punëtorët teknik të shkollave në kryeqytet.
Pesë marinsa amerikanë u vranë kur helikopteri i tyre CH-53E Super Stallion u rrëzua në një zonë malore të Kalifornisë jugore gjatë një fluturimi stërvitor.
“Me zemër të rëndë dhe pikëllim të thellë ndaj humbjen e pesë marinsave të shquar nga krahu 3d i avionëve detarë dhe “Tigrat fluturues” gjatë kryerjes së një fluturimi stërvitor mbrëmë,” tha sot gjeneralmajor Michael J. Borgschulte, komandant gjeneral i Krahut të Tretë të Avionëve Detarë.
Identiteti i viktimave nuk u publikua për shkak të një politike të Pentagonit që urdhëron publikun të njoftohet 24 orë pas të afërmit.
Helikopteri u “raportua i vonuar” të mërkurën pasi u nis nga baza e Forcave Ajrore Creech pranë Las Vegas, Nevada në rrugë për në Stacionin Ajror të Trupave Detare Miramar në San Diego. Ajo u lokalizua atë pasdite nga autoritetet civile në një rajon malor në lindje të instalimit ushtarak Miramar të njohur si Lugina e Pishave.
Presidenti i SHBA-së Joe Biden tha se është “zemërthyer” nga vdekjet dhe tha se ai është “thellësisht mirënjohës ndaj Departamentit të Sherifit të Qarkut San Diego, Patrullës Ajrore Ndihmëse-Civile të Forcave Ajrore të SHBA-së dhe agjencive të tjera federale, shtetërore dhe lokale për profesionalizmin e tyre. dhe përkushtim në mbështetjen e përpjekjeve të kërkimit dhe rimëkëmbjes.”
“Anëtarët tanë të shërbimit përfaqësojnë më të mirën e kombit tonë – dhe këta pesë marinsa nuk ishin përjashtim,” tha ai në një deklaratë.
Sikorsky CH-53E është një shtyllë e Trupave Detare të SHBA, e përdorur kryesisht si një avion transporti me ngritje të rëndë. Përdoret nga ushtritë amerikane dhe japoneze dhe ka qenë në shërbim për më shumë se katër dekada. /AA
Kryetari i Degës së PDK-së në Prishtinë Uran Ismaili njoftoi që pas shfuqizuan vendimin për këmbimin e pronave në Badoc, ka bërë shkëputjen e koalicionit qeverisës në Prishtinë.
Para pak minutash përfundoi edhe mbledhja e jashtëzakonshme e Kuvendit Komunal të Prishtinës, ku PDK mundësoi kuorumin dhe votoi pro shfuqizimit të vendimit për këmbimin e dëmshëm të pronave në Badoc.
Pas këtij votimi, Ismaili theksoi që i ka dërguar shkresë zyrtare Përparim Ramës për shkëputjen e koalicionit në mes të PDK dhe LDK në Prishtinë. Ai tregoji që të gjithë drejtorët e drejtorive komunale dhe aksionerët e PDK-së në ndërmarrje publike kanë dhënë dorëheqjet e tyre.
“Për dy vjet shërbim, ekipi i PDK-së solli një dinamikë të re në Kryeqytet dhe ka bërë punë të jashtëzakonshme në secilin dikaster. Nën udhëheqjen e shkëlqyer të Nënkryetares Sahatçiu, drejtoritë e udhëhequra nga PDK janë vlerësuar si drejtoritë me performancën më të mirë, brenda dhe jashtë. Gjallërinë, sinqeritetin, pozitivitetin dhe dinamikën që e kishim në fushatën tonë “Prishtina na Bashkon” e kemi përçuar edhe në qeverisjen e Kryeqytetit dhe qytetarët janë dëshmitarët më të mirë për këtë gjë.” tha Uran Ismaili.
Instituti Kombëtar i Shëndetësisë Publike të Kosovës ka njoftuar se gripi në Kosovë është nën pragu epidemik.
Krahasuar me javët e para të janarit, në muajin shkurt gripi ka filluar të ketë rënie dhe se nuk ka përhapje epidemike, shkruan Sinjali.
Por, IKShPK thotë se janë duke u regjistruar ende raste të infeksioneve të tjera sezonale sikur Sëmundje të ngjashme me Grip (ILI), raste të Infeksioneve respiratore akute (ARI) dhe raste me Infeksion të rëndë respirator akut (SARI).
Postimi i plotë i IKShPK-së:
Gripi në Kosovë nën pragun epidemik
📉Institituti Kombëtar i Shëndetësisë Publike i Kosovës (IKSHPK) bën të ditur se intensiteti i Influencës sezonale (Gripit sezonal), sipas numrit të rasteve të raportuara për javën e 05-të të vitit 2024, që paraqet periudhën 29 janar-04 shkurt 2023, ka shënuar rënie prej 16.02% krahasuar me javën paraprake dhe është nën pragun epidemik.
ℹ️ Megjithatë, janë duke u regjistruar ende raste të infeksioneve të tjera sezonale sikur Sëmundje të ngjashme me Grip (ILI), raste të Infeksioneve respiratore akute (ARI) dhe raste me Infeksion të rëndë respirator akut (SARI).
📣Prandaj, IKSHPK bën thirrje që, qytetarët, në veçanti grupet e rrezikut, siç janë të moshuarit, personat me sëmundje shoqëruese kronike, profesionistët shëndetësor, shtatzënat, etj., të vaksinohen dhe të zbatojnë masat e tjera të kujdesit.