ATV

Blog

  • ​Abetarja e parë në gjuhën shqipe u botua para 127 viteve

    ​Abetarja e parë në gjuhën shqipe u botua para 127 viteve

    Që në fillimet e lëvizjes për çlirim nga Turqia, çështja e alfabetit doli në plan të parë: pa të nuk mund të flitej për Rilindje të popullit shqiptar, prandaj me nismën e Sami Frashërit, Jani Vretos e Pashko Vasës, më 27 shkurt 1897 u botua në Stamboll “Alfabetarja e gjuhës shqipe”

    Nëse i kthehemi të shkuarës, shohim se me 27 shkurt 1897, me nismën e Sami Frashërit, Jani Vretos dhe Pashko Vasës, u botua në Stamboll “Alfabetarja e gjuhës shqipe”.

    Që të kuptojmë rëndësinë e këtij botimi, duhet të kthehemi pas në kohë e në histori dhe të kujtojmë se shqipja, me sa dokumentohet deri tani, filloi të shkruhet që nga shekulli XV me alfabetin latin, të plotësuar me pesë shkronja të posaçme. U shkrua dhe me shkronja greke, e pas pushtimit turk, edhe me alfabetin turko-arab. Rruga tjetër që u ndoq, është ajo e krijimit të alfabeteve origjinale me përhapje të kufizuar. Që në fillimet e lëvizjes për çlirim nga Turqia, çështja e alfabetit doli në plan të parë: pa të nuk mund të flitej për Rilindje të popullit shqiptar, prandaj me nismën e Sami Frashërit, Jani Vretos e Pashko Vasës, më 27 shkurt 1897 u botua në Stamboll “Alfabetarja e gjuhës shqipe”.

    Sipas Radio Vatikanit, ky botim ishte një nga veprimtaritë më të rëndësishme të patriotëve shqiptarë të Stambollit, të cilët më 12 tetor 1879 themeluan “Shoqërinë e të Shtypurit të Shkronjave Shqip”, shoqëri kulturore që kishte për synim të nxiste zhvillimin e kulturës në gjuhën shqipe dhe ta vinte atë në shërbim të çështjes së çlirimit kombëtar nga Turqia.

    Me alfabetin, plotësonte një nga kërkesat bazë për përhapjen e propagandës atdhetare dhe i hapte rrugën botimeve të para serioze të Rilindjes sonë Kombëtare. Në gjirin e saj bashkëpunuan myslimanë të mëdhenj si vëllezërit Frashëri, katolikë të shquar, si Pashko Vasë Shkodrani e ortodoksë të mësuar e atdhetarë si Jani Vreto: ishte pra model i bashkëpunimit ndërmjet feve në shërbim të Atdheut. Gjithsesi çështja e alfabetit të shqipes do të zgjidhej përfundimisht vetëm me Kongresin e Manastirit, që u mblodh më 14 nëntor 1908, ku u hartua një alfabet i ri me shkronja latine. Është alfabeti që përdorin edhe sot e kësaj dite të gjithë ata që shkruajnë shqip.

  • Rrëmbehet një person në Prishtinë

    Rrëmbehet një person në Prishtinë

    Policia e Kosovës ka njoftuar për rrëmbimin e një burri dje në Prishtinë.

    Sipas Policisë për rrëmbimin e tij, ka njoftuar shoku i tij.

    ”Rr. Fadil Vata, Prishtinë 26.02.2024. Policia ka pranuar një informatë nga një qytetar se një shok i tij është rrëmbyer nga një person dhe i njëjti është dërguar në një mal në afërsi të Prishtinës. Njësitë policore kanë filluar ta trajtojnë rastin. Pas disa orësh personi që dyshohet se ka qenë i rrëmbyer është paraqitur në stacion policor. Njësitë e hetimeve rajonale janë duke e trajtuar rastin. nuk raportohet për të arrestuar”, thuhet në njoftimin e Policisë.

  • Sot në Bruksel takimi për dinarin

    Sot në Bruksel takimi për dinarin

    Vendimet e Bankës Qendrore të Kosovës për qarkullimin e valutave do të jenë temë kyçe në Bruksel të martën (sot), në ditën kur janë ftuar për takim përfaqësues të Kosovës dhe të Serbisë. Nga Bashkimi Evropian kanë thënë se takimet me palën kosovare dhe serbe do të mbahen në mëngjes. Është bërë e ditur se “ai do të kenë rrjedhën e takimeve në formatin e zakonshëm të dialogut”.

    Zëdhënësja e BE-së për çështje të Politikes së Jashtme dhe Sigurisë, Nabila Masralli ka deklaruar se të dyja palët e kanë konfirmuar pjesëmarrjen, por nuk ka saktësuar se kush do të shkojë nga Kosova në këtë takim.

    “Ajo që unë mund të them është se po, do të kemi takim nesër. Takimi i nesërm është takim i dialogut i cili do të fokusohet në zgjidhjet e çështjeve të hapura lidhur me vendimin e fundit për qarkullimin e valutave nga Banka Qendrore e Kosovës. Takimi do të nisë në mëngjes dhe do të ketë rrjedhën e takimeve në formatin e zakonshëm të dialogut. Dhe po, të dyja palët kanë konfirmuar pjesëmarrjen e tyre“ ka thënë ajo.

    Nga BQK-ja kanë thënë se kohë më parë ka shprehur gatishmërinë që të angazhohet dhe takohet edhe me Bankën Popullore të Serbisë (NBS).

    Nga Serbia është thënë se do të shkojë kryenegociatori, Petar Petkoviq.

    Brukseli zyrtar ka konsideruar si të nevojshëm takimin për gjetjen e një zgjidhjeje për zbatimin e Rregullores së BQK-së, që ndalon përdorimin e dinarit për pagesa brenda shtetit, ani se Kosova ka përgatitur një plan 10-pikësh për zbatimin e Rregullores.

    Në komunat me shumicë serbe në Kosovë, dinari serb ka qarkulluar qysh prej pasluftës.

    Shteti serb ua paguan serbëve të Kosovës – përmes një sistemi paralel – pagat, pensionet, ndihmat sociale, dhe përfitimet tjera.

    Ligji për Financat e Pushtetit Lokal në Kosovë lejon dërgimin e ndihmave financiare nga Serbia.

    Ky vend i ka ndarë 139 milionë euro për Kosovën për vitin 2024 – rreth 11 milionë më shumë sesa më 2023.

    Lista Serbe – partia më e madhe e serbëve në Kosovë – e ka kritikuar ashpër vendimin e BQK-së, duke e konsideruar vendimin e autoriteteve si tentim për dëbim të serbëve nga Kosova.

  • Rizvanolli dhe Aliu raportojnë në komisionet e Kuvendit

    Rizvanolli dhe Aliu raportojnë në komisionet e Kuvendit

    Ministrja e Ekonomisë, Artane Rizvanolli do të raportojë sot në Komisionin për Ekonomi, Industri, Ndërmarrësi dhe Tregti. Kurse, ministri i Mjedisit, Planifikimit Hapësinor dhe Infrastrukturës, Liburn Aliu do të raportojë në Komisionin për Mbikëqyrjen e Financave Publike.

    Rizvanolli do të raportojë lidhur me realizimin e projekteve të ministrisë për vitin 2023 dhe planet e ministrisë për vitin 2024. Ndërsa, Aliu lidhur me raportin e auditimit të performances” Prokurimet e negociuara pa publikim të njoftimit për kontratë në Ministrinë e Mjedisit, Planifikimit Hapësinor dhe Infrastrukturës në vitin 2021”. Sipas njoftimit, Komisioni për Mbikëqyrjen e Financave Publike, do të shqyrtojë edhe raportin e auditimit të PVF-ve, të Postës së Kosovës sh.a për vitin 2022, ku të ftuar do të jenë bordi dhe kryeshefja ekzekutive.

    Ndërsa, në Komisioni për Ekonomi, Industri, Ndërmarrësi dhe Tregti, përveç ballafaqimit me Rizvanollin, do të shqyrtojë edhe planin e Performancës të AKP-së për vitin 2024 dhe planin e Performancës të AKRK-së për vitin 2024 – i reviduar.

  • Zelensky sot në Tiranë

    Zelensky sot në Tiranë

    Sonte në mbrëmje, në aeroportin e Rinasit pritet të zbresë një nga figurat më të njohura botërore të momentit. Volodymyr Zelensky, Presidenti i Ukrainës, që prej dy vitesh po udhëheq luftën kundër Rusisë, duke mobilizuar kombin dhe ushtrinë si dhe duke bindur pjesën më të madhe të botës, të jetë përkrah vendit të tij.

    Ai është paraparë të pritet nga kryeministri Edi Rama. Megjithatë, ngjarjet në Ukrainë dhe elementët e sigurisë do të përcaktojnë edhe agjendën e Volodymyr Zelenskyt në Tiranë, ku ajo që dihet me siguri është pjesëmarrja në samitin e 28 shkurtit. Edhe pse në agjendën paraprake ishte parashikuar një takim me presidentin Bajram Begaj dhe kryeparlamentaren Lindita Nikolla ato janë anuluar.

    Zelenksy do të marrë pjesë në një forum që të mërkurën do të bëjë bashkë lider të BE-së dhe të Evropës Juglindore. Nga Bashkimi Evropian do të vijë Ursula Von der Leyen, ndërsa janë ende në pritje të konfirmimeve Greqia dhe Kosova, nëse do të përfaqësohen nga kryeministrat, apo nga presidentët. Serbia ka njoftuar se do të jetë e pranishme përmes presidentit Aleksander Vuçiq. Liderët e BE-së dhe Ballkanit Perëndimor do të qëndrojnë edhe të enjten, në një Samit për integrimin.

    Pak ditë më parë në një mesazh në platformën “X” kreu i shtetit të Ukrainës vlerësoi mbështetjen e Shqipërisë ndaj Ukrainës dhe shprehu padurimin për një të ardhme më të sigurt për gjithë Evropën. Shqipëria ka vendosur disa sanksione ndaj Rusisë, ndërsa ka dënuar luftën e saj në Ukrainë.

  • Këto janë të mirat që vijnë nga xhenxhefili

    Këto janë të mirat që vijnë nga xhenxhefili

    Xhenxhifili ka përfitime të shumta shëndetësore dhe është shumë i mirë të konsumohet vazhdimisht.

    Përmirëson qarkullimin e gjakut

    Magnezi, kromi dhe zinku mund të ndihmojnë në përmirësimin e qarkullimit të gjakut dhe xhenxhefili i përmban që të tri këto elemente. Kur jeni të sëmurë me ethe dhe temperaturë, xhenxhefili është ilaçi më i mirë.

    Ndihmon inflamacionet

    Inflamacioni dhe dhimbja e vazhdueshme shkojnë dorë për dore dhe xhenxhefili njihet si anti-inflamator natyral.

    Si ta përdorni xhenxhefilin?

    Mund të jetë i freskët, pluhur apo i ëmbëlsuar, nuk ka fare rëndësi. Xhenxhefili mund të përdoret dhe gatuhet në mënyra të ndryshme.

    Nëse jeni ftohur dhe dëshironi të shëroheni sa më shpejtë atëherë zieni xhenxhefilin në ujë të vluar, hidhini pak limon dhe një lugë mjaltë.

  • Driton Latifi: Reagimet e tij tregojnë sa shumë e ka pasion futbollin Tahir Batatina

    Driton Latifi: Reagimet e tij tregojnë sa shumë e ka pasion futbollin Tahir Batatina

    Driton Latifi i ftuar në emisionin e sportit ‘EKIPI A’ në ATV, i ka komentuar reagimet të cilat i bën trajneri i Llapit, Tahir Batatina.

    Sipas gazetarit Driton Latifi, Tahir Batatina e ka pasion futbollin.

    ‘Unë mendoj që Tahiri është pasionant i futbollit, nuk mjafton me qenë veç profesionist, unë i shoh reagimet e tij ndoshta për dikë janë të tepruar, por unë e shoh si pasion’ tha Latifi.

    Emisionin live ‘EKIPI A’ mund të ndiqeni më poshtë.

  • Burri i Shkurte Fejzës: Sot u lirova nga spitali, falë Zotit shpëtova pa pasoja të rënda

    Burri i Shkurte Fejzës: Sot u lirova nga spitali, falë Zotit shpëtova pa pasoja të rënda

    Hajrush Behluli, burri i këngëtares Shkurte Fejza u godit nga një veturë të premten në Prizren.

    Ndërkaq, sot ai për herë të parë ka folur pas aksidentit të ndodhur.

    Ai tha se “falë zotit ka shpërtuar pa pasoja të rënda”.

    Behluli theksoi se sot u lirua nga spitali, derisa tha se gruaja dhe fëmijët kishin përjetuar skena të dhimbshme.

    “E mendoj sa vlerë të madhe ka të jesh mes njerëzve tu e të mos lodhesh për asgjë veq shëndetit. Ju faleminderit për kujdesin, thirrjet, vizitat dhe gjithçka që keni bërë në përkrahjen time dhe të familjes. Uroj që mos ta përjetojë askush të keqen. Zoti ju ruajtë e ju bekoftë kudo që jeni”, tha ai.

  • Ekskluzive: Alban Lumi tregon kush ishte pengesa e vetme e Ilir Dajës te Ballkani

    Ekskluzive: Alban Lumi tregon kush ishte pengesa e vetme e Ilir Dajës te Ballkani

    Analisit i përhershëm i emisionit ‘EKIPI A’ Alban Lumi ka treguar se kush ishte pengesa e vetme e Ilir Dajës te skuadra e Ballkanit.

    Lumi ka treguar që ish ndihmësi i Dajës, Artim Polozhani,ishte ai me të cilin Daja kishte krisur raportet.

    ‘Është koha ta themi publikisht, Ilir Daja kishte një pengesë ajo pengesë ishte Artim Pollozhani dhe gjatë përgaditjeve trajneri Daja vendosi për pjesën e dytë të kampionatit ta largojë nga ekipi i trajnerëve Pollozhanin dhe Arim Pollozhani ka vazhduar të mbetet pjesë e Ballkanit deri sot’ tha Lumi.

    Kur jemi te Ballkani, Kujtojmë që sot drejtuesit e këtij klubi ia vazhduan kontratën deri në verën e vitit 2026, trajnerit Ilir Daja.

    Emisionin e plotë ‘EKIPI A’ mund ta shikoni më poshtë.

  • Ish komandanti i UÇK-së e quan kryeministrin Kurti veteran mashtrues

    Ish komandanti i UÇK-së e quan kryeministrin Kurti veteran mashtrues

    Raporti: Nora Luta

    Pak pyetje kishte mbrojtja e Agim Çekut ndaj Daut Haradinajt, me kërkesë të së cilës edhe u ftua të dëshmojë në rastin “Veteranët”.

    Duke u përgjigjur në pyetjet e avokatit Ramë Gashi, Haradinaj tha se anëtarët e Komisionit Qeveritar, të akuzuar në këtë rast nuk janë përgjegjës për asnjë veteran të rrejshëm, duke ua vënë barrën zinxhirit komandues në nivel të zonave.

    Ish-eprori UÇK-së në zonën e Dukagjinit, tha se sa ishte deputet e kishte kundërshtuar ligjin, që sipas tij krijoi konfuzion.

    Mbrojtja pati disa herë kundërshtime në pyetjet e prokurorit special, Valdet Gashi, por nuk u aprovuan nga Gjykata, e cila lejoi Haradinajn të përgjigjet.
    Ndonëse, Haradinaj tha se kontribuoi në dizajnimin e aplikacionit, kur u ballafaqua me një të tillë që e kishte nënshkrimin e tij, tha se nuk i kujtohet.

    Tutje, Haradinaj, duke u përgjigjur në pyetjen rreth përcaktimit ligjor për të arrestuarit politik, iu referua kryeministrit Albin Kurti si mashtrues.

    “Përpos kryeministrit Kurti që është veteran mashtrues, për të tjerët nuk më kujtohet”, tha Haradinaj.

    Të akuzuarit shpesh dhanë komente gjatë dëshmisë, për çka kryetari i trupit gjykues Gazmend Bahtiri u tërhoqi vërejtjen, por jo edhe kur Shukri Buja i tha prokurorit që nuk ka njohuri për strukturën ushtarake.

    Gjykimi ndaj Agim Çekut, Nuredin Lushtakut dhe të tjerëve do të vazhdojë edhe të mërkurën.

    Apeli e ktheu rastin në rigjykim, pasi shkalla e parë i kishte liruar të gjithë të akuzuarit.