Blog

Dogana e Kosovës në bashkëpunim me Policinë kanë parandaluar një rast të kontrabandës në pikë kalimin kufitar të Jarinjes.

Në momentin e hyrjes së një autobusi të linjës Serbi-Kosovë, i cili kishte si destinacion Kosovën, u zbuluan mallra të fshehura në një nga hapësirat e tij.

Mallrat e zbuluara, të cilat ishin të pa deklaruara, përfshinin: produkte ushqimore, mbathje sportive, si dhe produkte tjera tekstili.

Vlera totale e mallit që ka tentuar të futet në mënyrë të paligjshme në territorin e Kosovës është 4,793.48€.

Komunikata e plotë:

Gjatë një kontrolli rutinë, oficerët Doganor në bashkëpunim me Policinë e Kosovës, parandaluan tentim kontrabandimi e mallrave përmes autobusit në pikëkalimin kufitar të Jarinjës.

Në momentin e hyrjes së një autobusi të linjës Serbi-Kosovë, i cili kishte si destinacion Kosovën, u zbuluan mallra të fshehura në një nga hapësirat e tij.

Mallrat e zbuluara, të cilat ishin të pa deklaruara, përfshinin: produkte ushqimore, mbathje sportive, si dhe produkte tjera tekstili.

Vlera totale e mallit që ka tentuar të futet në mënyrë të paligjshme në territorin e Kosovës është 4,793.48€. Autobusi është dërguar në terminalin doganore të Mitrovicës nën mbikëqyrjen e stafit doganor dhe policor për një kontroll të hollësishëm.

Mallrat e pa deklaruara janë konfiskuar nga Dogana e Kosovës, ndërsa rasti po trajtohet nga njësitë relevante të Doganës së Kosovës.

Në Dhomat e Specializuara të Kosovës (DhSK) në Hagë janë paraparë disa ndryshime në kalendarin e seancave në çështjen gjyqësore ndaj Hahsim Thaçit, Kadri Veselit, Rexhep Selimit dhe Jakup Krasniqit.

Me anë të vendimit të trupit gjykues, në këtë çështje gjyqësore pritet që të mbahen edhe nëntë seanca të tjera shtesë gjatë vitit 2024, raporton” “Betimi për Drejtësi”.

Sipas asaj që u tha në seancën e sotme në këtë çështje gjyqësore si dhe sipas njoftimit të DhSK-së, ditët e parapara për seanca shtesë janë 10, 24 dhe 30 maj, 15, 16, 17 dhe 18 korrik dhe 31 tetor dhe 28 nëntor.

Ndryshe, Zyra e Prokurorit të Specializuar, më 30 shtator 2022 ka dorëzuar aktakuzën e konfirmuar të ndryshuar ndaj Hashim Thaçit, Kadri Veselit, Jakup Krasniqit dhe Rexhep Selimit, e cila përbëhet nga dhjetë pika me akuza, ku këta të fundit ngarkohen për krime lufte e krime kundër njerëzimit.

Më 29 prill 2022, Zyra e Prokurorit të Specializuar kishte dorëzuar një aktakuzë të ndryshuar ndaj Hashim Thaçit, Kadri Veselit, Rexhep Selimit e Jakup Krasniqit, ku pretendohet se katër të akuzuarit kanë kryer krime lufte edhe në Gjilan, Budakovë e Semetishtë.

Më 9 nëntor të vitit 2020, në paraqitjet e tyre të para, Jakup Krasniqi e Hashim Thaçi janë deklaruar të pafajshëm për akuzat që u vihen në barrë. Njëjtë është deklaruar edhe Veseli në paraqitjen e tij më 10 nëntor, sikurse edhe Rexhep Selimi më 11 nëntor.

Aktakuza ndaj Hashim Thaçit, Kadri Veselit, Rexhep Selimit dhe Jakup Krasniqit është konfirmuar më 26 tetor 2020.

Rastet e fundit të plaçkitjeve, rrahjeve dhe gjuajtjeve me armë në fshatrat e Rahovecit kanë ngritur shqetësim të qytetarët e kësaj komune.

Në lidhje me këtë çështje, Komuna e Rahovecit sot ka shqyrtuar gjendjen aktuale të sigurisë dhe ka vendosur për një koordinim më të fortë në mes të policisë dhe qytetarëve.

Kryetari Smajl Latifi tha se situata është serioze pasi po cenohen prona dhe pasuria e qytetarëve, dhe kërkoi të rritet prania e ekipeve policore në terren.

“Shqetësimet serioze të qytetarëve tonë, për disa zhvillime, të cilat kanë cenuar pronën dhe pasurinë, qoftë përmes veprimeve ordinere të keqbërësve apo veprimeve tjera, të cilat paraqesin rrezik sipas vlerësimeve tona… Kanë avancuar në plaçkitje, grabitje të armatosura, gjuajtje me armë, plagosje, rrahje dhe plaçkitje njëkohësisht. Qëllimi i këtij takimi është që të konfirmojmë gatishmërinë tone të plotë, vullnetin tonë për rritjen e nivelit të gatishmërisë së organeve profesionale, organeve kompetente të cilat i ka në veprim shteti ynë. Ky takim ka për qëllim të konfirmojë rritjen e seriozitetit të të gjitha organeve komunale, të policisë dhe organeve të tjera profesionale, me qëllim që të krijojmë në vazhdimësi klimë të fortë të sigurisë, stabilitetit në trojet dhe shtëpitë tona. Kjo ka për qëllim të konfirmojë bashkëpunimin dhe koordinimin më të mirë që të përballemi bashkërisht të gjithë për kërcënimet e sigurisë, të cilat janë theksuar sidomos nga veprimet…Kërkoj prani më të madhe të forcave policore, forcave elitare të policisë, ato janë, por po kërkoj të mbahet ky nivel dhe të forcohet ky nivel dhe të forcohet ky nivel i pranisë dhe i angazhimit, të cilat i disponon Kosova. Përmes pranisë së tyre dhe angazhimit tyre dërgojnë mesazhin qartë se qytetarët tonë janë të qetë dhe të sigurt”, tha Latifi, raporton KP.

Komandanti i stacionit policor të Rahovecit, Fadil Morina tha se rastet e veprave penale në këtë komunë për këtë vit janë 35% janë më pak.

Ai tha se situata është paksa shqetësuese për shkak të rasteve të fundit në dy fshatrat e Rahovecit, por se policia ka ndërmarrë të gjitha masat dhe janë rrugës për t’i zgjidhur.

“Në vitin 2024 në krahasim me vitin e kaluar janë gjithsej 63 raste apo 63 vepra penale, që do të thotë se këta dy muaj të këtij viti në krahasim me vitin e kaluar kemi 30 raste më pak apo 35 për qind. Është situatë shqetësuese dhe brengë duke u ndërlidhur me dy rastet e fundit, mirëpo mund të garantoj që nuk po hezitojmë dhe jemi të përkushtuar. Sa i përket besueshmërisë, jemi institucion që jemi të përkushtuar pavarësisht gjendjes së rrezikshmërisë të secilit zyrtar që është aktiv”, tha Morina.

UNDP-ja ka realizuar një anketim me 1,306  qytetarë prej të cilëve mesatarisht 42.44 për qind janë të kënaqur me punën e institucioneve qendrore të Kosovës, duke shënuar rënie për 3.32 pikë përqindje krahasuar me prillin e vitit 2023, kur ky numër ishte 45.76%.

Në gjetjen e anketimit thuhet se kënaqshmëria me performancën e kabinetit ekzekutiv e kapi vlerën prej 41.8% duke shënuar ulje për 4 pikë përqindje krahasuar me prillin 2023 kur ishte 45.8%.

“Kënaqshmëria me punën e kryeministrit e kapi vlerën prej 48.9%, duke treguar ulje për 2.6 pikë përqindje krahasuar me prillin 2023 (51.5%). Kënaqshmëria me Kuvendin ishte në vlerën prej 38.7% krahasuar me 46.4% në prill 2023. Një rënie pak më e lartë e kënaqshmërisë është vërejtur me Kryetarin e Kuvendit, duke e shënuar vlerën prej 52.2%, krahasuar me 58.3% në prill 2023”, thuhet në njoftim.

Kurse edhe për presidenten Vjosa Osmani thuhet se ka një rënie të kënaqshmërisë: “duke e kapur vlerën prej 56.2% krahasuar me 60.3% në prill 2023.

Ndërkohë, është shënuar një rritje për 0.3 pikë përqindje me punën e gjykatave (29.3%) krahasuar me nëntorin e vitit 2023 (29%), dhe për 1 pikë përqindje me punën e Prokurorisë (30%) krahasuar me prillin e vitit 2023 (29%).

Në përputhje me rritjen e përgjithshme të të gjithë treguesve të indeksit ekonomik, në anketën e nëntorit 2023, kënaqshmëria me drejtimin ekonomik shënoi rritje prej 2.41 pikë përqindje, duke e kapur vlerën prej 20.2% krahasuar me 17.79% në prill 2023.

Familjarët e 26-vjeçarit që mbeti i vdekur si pasojë e aksidentit në rrugën “Agim Ramadani” në Prishtinë sot ia kanë falur gjakun familjes së të dyshuarës që ka shkaktuar aksidentin.

“Ky gjak familjes Kllokoqi-Berisha iu fal sot, mos me e çu më gat, e para se me falë xhenazen e djalit. Veç me ia bë hallall, pa ja jep dorën. Në prezencën e burrave këtë punë me ia lënë në dorë të Zotit, por jo na me u marrë me atë punë”, ka thënë shehu prezent.

Familjarët janë parë të emocionuar në momentin e faljes së gjakut.

Aksidenti i rëndë ku mbeti i vdekur 26-vjeçari ndodhi para dy ditësh në rrugën “Agim Ramadani” në Prishtinë.

26-vjeçari u godit për vdekje, pasi vetura kishte përplasur semaforin.

Për vite të tëra e kemi njohur si këngëtar dhe kompozitor i shumë hiteve muzikore, por, tashmë Andin Randobrava po punon në një profesion krejtësisht ndryshe nga ai i mëparshmi. Ai, tani është bioenergjist i certifikuar dhe në LIBERO ishte i ftuar për të shpjeguar më tepër rreth bioenergjisë dhe mënyrës se si funksionon ajo.

“…Bioenergjia është shkencë që merret me trajtimin e anës energjetike të njeriut, unë jam mjeshtër i meditimit dhe kur kalojnë 10 vite gjërat përjetohen ndryshe, unë e kam matur nivelin e bioenergjisë time dhe kam kuptuar që bota nuk është ashtu siç e shohim – sepse kjo që shohim ne është vetëm 0.04 e asaj që ekziston…”, u shpreh ai.

Gjithashtu, përmes bioenergjisë Andini tha se arrin të shërojë njerëz që nuk ndihen mirë me shëndetin e tyre, madje rrëfeu edhe një rast që e ka ndaluar edhe vetëvrasjen!

“…Erdhi një vajzë tek unë që ka tentuar vetëvrasjen sepse ishte ndierë fajtore për një fatkeqësi që i kishte ndodhur në familje, unë fillova ta bëj kristalo-terapinë dhe i thashë që nëse shfaqet diçka dije që Zoti ta ka falur, ajo filloi të qajë sepse iu shfaq fjala ‘Allah’…”, shtoi ai.

Vlen të ceket se shërimi përmes bioenergjisë është një teknikë alternative e shërimit që përdor fushat e energjisë  natyrore të trupit për të promovuar shërimin dhe mirëqenien.

Për të ndjekur diskutimin e plotë, mund të klikoni në linkun e mëposhtëm:

Presidenti ukrainas Volodymyr Zelensky ka mbajtur fjalën e tij në konferencën e përbashkët me kryeministrin Edi Rama.

Presidenti ka falënderuar Shqipërinë për mbështetjen dhe ka theksuar që vendet të mbështesin njëra-tjetrën në rrugën drejt integrimit evropian.

“Së pari e mbi të gjitha dëshiroj tju falenderoj juve Edi, popullin tuaj, të gjithë shqiptarët për mbështetjen e sinqertë që ju na keni dhënë ne, popullit tonë dhe mbështetjen që i jepni drejtësisë në Europë. Ju falenderojmë për të gjitha paketat që keni mbështetur. Dëshiroj t’ju falenderoj për bashkëpunimin politik. Na duhet më shumë besim të çfarë mund të bëjmë ne. Duhet që ju të keni besim te ne. Ne mbështesim edhe integrimin e vendeve të Ballkanit Perëndimro në BE, por duhet që edhe jut ë na mbështesni ne. faleminderit për vullnetin tuaj të qartë. Ukraina si edhe i gjitha rajoni i Europës Juglindore, duhet të bashkëpunojmë, të ecim përpara, të na mbështesni edhe në formulën tonë të paqes, planin me një pika. Lufta është filluar nga një person i vetëm, por punën për paqe do ta bëjmë të gjithë së bashku”, tha Zelensky.

Lexoni edhe:

Rama fajëson Putinin për luftën: Donte ta fshinte Ukrainën nga harta brenda ditës

Zëvendëskryeministri i Parë për Integrim Evropian, Zhvillim dhe Dialog i Republikës së Kosovës, Besnik Bislimi, i shoqëruar nga zëvendësministri i Punëve të Jashtme dhe Diasporës, Kreshnik Ahmeti, mirëpriti në takim Emisarin e Gjermanisë për Ballkanin Perëndimor, Manuel Sarrazin.

Sipas një njoftimi thuhet se palët diskutuan mbi situatën në vend dhe rajon dhe zhvillimet e fundit politike.

Derisa një prej temave të adresuara ishte edhe masat ndëshkuese ndaj Kosovës, ku zëvendëskryeministri Bislimi theksoi se ato vijojnë të jenë të padrejta dhe se duhet të hiqen sa më parë.

Zëvendëskryeministri Bislimi e falënderoi emisarin Sarrazin për përkushtimin, angazhimin e tij të vazhdueshëm e intensiv dhe për këtë vizitë të radhës në vendin tonë.