ATV

Blog

  • ​Foda publikon listën e Kosovës për ndeshjet miqësore

    ​Foda publikon listën e Kosovës për ndeshjet miqësore

    Përzgjedhësi i ri i Kombëtares së Kosovës, Franco Foda e ka publikuar listën e futbollistëve të cilët do t’i ketë në grumbullim për dy miqësoret e rëndësishme të këtij muaji kundër Armenisë, më 22 mars dhe kundër Hungarisë, më 26 mars.

    Në listën e Fodës janë përfshirë 24 futbollistë, derisa Lindon Emërllahu (FC Ballkani), pas angazhimit me Kombëtaren U-21 në ndeshjen kundër Gjermanisë, nga data 23 mars i bashkohet Kombëtares A për ndeshjen e dytë kundër Hungarisë.

    Këto dy miqësore janë sfidat e para të Kombëtares së Kosovës nën drejtimin e trajnerit gjerman, bashkë me stafin e tij.

    Dardanët do të grumbullohen të hënën (më 18 mars) në hotel ‘Emerald’, teksa stërvitjen e parë do ta zhvillojnë në të njëjtën ditë në orën 16:00, në Kampin Nacional në Hajvali.

    Paraprakisht, të hënën, në orën 12:00, në hotel Emerald do të mbahet konferencë për media e përzgjedhësit Foda. Ndërkohë, të mërkurën ekspedita e Kombëtares së Kosovës do të niset për në Yerevan, atje ku të premten do ta zhvillojë përballjen me Armeninë. Pas kësaj ndeshje Dardanët do të zhvendosen në Budapest, për testin e dytë të këtij muaji kundër Hungarisë.

    Këto dy miqësore do të jenë mundësi e mirë për trajnerin Foda që ta njohë nga afër ekipin dhe ta përgatisë atë për një rrugëtim të suksesshëm.

    Kjo është lista:

    Lista rezervë:

    Mustafë Abdullahu, Kreshnik Hajrizi, Lirim Kastrati, Qendrim Zyba, Altin Zeqiri, Emir Sahiti, Shkelqim Vladi, Muhamet Hyseni.

  • Aliu iu bën thirrje prodhuesve, importuesve dhe tregtarëve që të aplikojnë për SRD

    Aliu iu bën thirrje prodhuesve, importuesve dhe tregtarëve që të aplikojnë për SRD

    Ministri i Mjedisit dhe Infrastrukturës, Liburn Aliu, ka shkruar sot se kanë mbetur edhe pak ditë në mbylljen e afatit për aplikim në themelimin e Administratorit të Sistemit të Rimbursimit të Depozitave.

    Ministri, ka thënë se është një njoftim me rëndësi dhe të gjithë të interesuarit mund të aplikojnë deri me datën 21 mars, raporton Ekonomia Online.

    “Ftojmë të gjithë prodhuesit, importuesit dhe tregtarët që të aplikojnë për Administrator të Sistemit të Rimbursimit të Depozitave (SRD-së), pasi që data e fundit për aplikim është 21 mars 2024”, ka thënë ministri.

    Postimi i plotë:

  • Prizrenasi gjen një kuletë me para dhe dokumente e dorëzon në Polici

    Prizrenasi gjen një kuletë me para dhe dokumente e dorëzon në Polici

    Rastet kur qytetarët tregojnë anën humane nuk janë edhe të pakta në vend. Një rast ka ndodhur sot në qytetin e Prizrenit bën të ditur Policia.

    Një qytetarë me inicialet A.P, ka gjetur një kuletë me shumë prej 525 euro dhe dokumente tjera duke i dorëzuar në stacionin policor.

    Policia, përmes një njoftimi në faqen zyrtare në Facebook, ka konfirmuar se personit të cilit i kishte humbur kuleta ka qenë shtetas i Shqipërisë me inicialet A.D .Kuleta është dorëzuar në stacionin policor në Prizren.

  • ​Më 22 mars mbahet forumi ekonomik Kosovë-Slloveni

    ​Më 22 mars mbahet forumi ekonomik Kosovë-Slloveni

    Pas një pune të madhe nga të gjitha palët, po ofrohet data e njërës nga ngjarjet më të rëndësishme: Forumi ekonomik ndërmjet Kosovës dhe Sllovenisë

    Më 22 mars, në Kranjska Gora, mbi 80 biznese do të jenë pjesë e këtij forumi, ku do të kenë mundësi edhe për takime B2B, si pikënisje për suksese të reja

    Në njoftim thuhet se në forum do të marrë pjesë ministrja e Industrisë, Ndërmarrësisë dhe Tregtisë, Rozeta Hajdari si dhe U.d i drejtorit të KIESA-s, z. Zef Dedaj.

    Nga qeveria sllovene do të marrë pjesë ministri i Ekonomisë, Turizmit dhe Sportit, z. Matjaž Han, si dhe drejtori i Agjencisë SPIRIT, z. Rok Capl.

    Oda Sllovene e Bizneseve, si bashkëorganizatore e këtij forumi, ka kënaqësinë që të ju ftoj të aplikoni për të marrë pjesë në këtë forum.

    Detajet për regjistrimin dhe pjesëmarrjen mund t’i gjeni në linkun:

    https://kiesa.rks-gov.net/page.aspx?id=1,134,781

     

  • E konfirmon BE-ja, në takimin e së martës në nivel kryenegociatorësh diskutohet edhe për dinarin

    E konfirmon BE-ja, në takimin e së martës në nivel kryenegociatorësh diskutohet edhe për dinarin

    Zëdhënësi i Bashkimit Evropian, Peter Stano, ka konfirmuar se më 19 mars do mbahet një takim i ri në kuadër të dialogut. Takimi, sipas Stanos, do jetë në nivel të kryenegociatorëve, ndërsa mes tjerash do trajtohet edhe çështja e dinarit.

    “Të martën, përfaqësuesi special i BE-së, Miroslav Lajçak, ka ftuar kryenegociatorët, homologët e tij kryesorë, të vijnë në Bruksel për të vazhduar diskutimet. Pra, para së gjithash, të vazhdohet diskutimi, i cili tashmë ka filluar para disa javësh për vendimin e Bankës Qendrore të Kosovës për dinarin. Dhe do të ketë edhe pika të tjera për të diskutuar mes kryenegociatorëve nga Serbia dhe Kosova në Bruksel, të cilat janë çështjet më urgjente në kuadër të dialogut”, ka deklaruar zëdhënësi iBE-së, Peter Stano.

    Zëdhënësi Stano rikujtoi se kohë më parë ishte zhvilluar një takim në Bruksel lidhur me vendimin e Bankës Qendrore të Kosovës. Sipas tij, ky takim solli ca rezultate, por duhej të vazhdohej me diskutim, në nivel të kryenegociatorëve.

    “Ky problem u krijua si pasojë e mungesës së koordinimit dhe veprimit të njëanshëm që krijoi probleme në dialog. Por e mira është se ne filluam të merremi me këtë në kuadër të dialogut. Pra, vazhdimi i diskutimeve lidhur me dinarin do të jetë nga çështjet e pakta në rendin e ditës të martën e ardhshme”.

    Zëdhënësi i Bashkimit Evropian ka konfirmuar se, pos çështjes së dinarit, do trajtohet edhe zbatimi i marrëveshjes se Ohrit, apo, siç u shpreh ai, do të preken aspektet individuale të kësaj çështjeje, si nga palët, ashtu edhe nga ndërmjetësi. /rtk

  • Kontratat njëburimore, Abdixhiku-Qeverisë: Nga Kuvendi mund të ikni, por nga e vërteta jo

    Kontratat njëburimore, Abdixhiku-Qeverisë: Nga Kuvendi mund të ikni, por nga e vërteta jo

    Kryetari i LDK-së, Lumir Abdixhiku, ka thënë se subjekti politik që drejton në ditët në vijim do të merret me tenderët njëburimor që ka dhënë Qeveria Kurti.

    Ai ka kritikuar shumicën parlamentare që të enjten lëshoi sallën derisa po flitej për këtë temë.

    “Debatit në Kuvend i ikën; lëshuan sallë, por të vërtetës nuk kanë nga t’i ikin! Këto, dhe kontratat tjera njëburimore, do t’i trajtojmë ditët në vijim. Në Kuvend dhe jashtë tij; le të kuptojmë se si prapa perdes së popullizmit dhe arrogancës së të paprekurit fshihet një tenderomani selektive dhe sistematike si asnjëherë më parë!”, shkruan Abdixhiku.

  • ​Ky është orari i gjysmëfinaleve të Kupës së Kosovës

    ​Ky është orari i gjysmëfinaleve të Kupës së Kosovës

    Sot u hodh shorti i Kupës së Kosovës në futboll, ku edhe u mësuan dy çiftet e gjysmëfinales së kësaj gare.

    Suhareka dhe Ballkani do të përballen në derbin e qytetit suharekas, raporton KosovaPress.

    Ndërkaq, kampioni i kësaj gare, Prishtina do të përballet me skuadrën e Dritës.

    Tani është mësuar edhe orari i ndeshjeve gjysmëfinale, dhe atë e gjeni më poshtë.

    03 prill 2024 (Ndeshjet e para)

    13:00 Suhareka – Ballkani

    13:00 Prishtina – Drita

    17 prill 2024 (Ndeshjet e kthimit)

    13:00 Ballkani – Suhareka

    13:00 Drita – Prishtina

  • Escobar i zbehë pritjet e Qeverisë: Janë edhe dy kushte që duhet plotësuar për Këshillin e Evropës – njëra është Asociacioni

    Escobar i zbehë pritjet e Qeverisë: Janë edhe dy kushte që duhet plotësuar për Këshillin e Evropës – njëra është Asociacioni

    I dërguari i posaçëm i Shteteve të Bashkuara të Amerikës për Ballkanin Perëndimor, Gabriel Escobar, ka thënë se janë dy kushte të tjera për Këshillin e Evropës.

    Sipas Escobar njëri është… [ka të bëjë] me disa veprime për shpronësimet që po bëhen në veri. Dhe, tjetri është Asociacioni.

    Emisari, Gabriel Escobar, ka thënë në një intervistë se nuk ka arritur ta bindë kryeministrin e Kosovës, Albin Kurti, për adresimin e shqetësimeve të Perëndimit që kanë të bëjnë me ndalimin e përdorimit të dinarit serb në Kosovë.

    “Unë i kërkova kryeministrit ta suspendojë vendimin përderisa ne, bashkë me Bashkimin Evropian, Shtetet e Bashkuara dhe Qeverinë e Kosovës, punojmë për një zgjidhje më afatgjate që u përshtatet nevojave tuaja, pra transfereve elektronike në euro përmes sistemit të Kosovës. Por, tani, ne duhen të bëjmë diçka urgjente. Fatkeqësisht, nuk pata sukses për ta bindur atë për këtë”, ka deklaruar Escobar.

    Escobar tutje ka thënë se “ende shpreson që, derisa kryenegociatorët do të takohen në Bruksel të martën, ata do të gjejnë një zgjidhje të menjëhershme për t’i lejuar transferet e menjëhershme të parave të gatshme në euro për këta njerëz”, tha ai./REL/

  • Hapet edicioni i tretë i Panairit të Karrierës dhe Punësimit AAB 2024 me 60 kompani pjesëmarrëse

    Hapet edicioni i tretë i Panairit të Karrierës dhe Punësimit AAB 2024 me 60 kompani pjesëmarrëse

    Pas dy edicioneve tejet të suksesshme është hapur për herën e tretë me radhë Panairi i Karrierës dhe Punësimit AAB 2024, ku do marrin pjesë 60 kompani, institucione e organizata.

    Në ceremoninë hapëse të këtij panairi morën pjesë një numër i madh i studentëve, të cilët për dy ditë me radhë kanë mundësinë të takojnë punëdhënësit e tyre potencial.

    Rektori i Kolegjit AAB Blerim Olluri, ka përshëndetur iniciativën për organizim të ngjarjeve të tilla, duke thënë se institucioni çdoherë synon përgatitjen e kuadrove që i përgjigjen kërkesave të tregut të punës.

    “Kolegji AAB qysh në fillet e para të themelimit frymëzuar nga kërkesat e tregut të punës dhe industrisë ka hapur programet e para për arsim të lartë të afta për t’iu
    përgjigjur kërkesave të tregut. Ky frymëzim dhe ky qëllim është ende i pranishëm në mesin tonë dhe po dëshmohet në një event kaq të bukur që tashmë është bërë traditë e institucionit”, tha Olluri.

    Edhe Edi Muhaxhiri nga spitali “Fati im” dhe Gëzime Rexhepi Qollaku drejtoreshë e kopshtit “Bardha”, në një fjalë rasti si pjesëmarrës për herën e tretë me radhë, thanë se kjo është një mundësi e pakrahasueshme për të gjithë studentët për të nisur karrierën profesionale. Gjithashtu ata përmendën faktin se dhjetëra studentë të Kolegjit AAB sot janë të punësuar si punonjës shëndetësor te spitali “Fati im” dhe si edukatore në kopshtin “Bardha.

    Në fund të ceremonisë të pranishmit vizituan panairin, duke parë nga afër mundësitë që ofrohen nga kompanitë pjesëmarrëse. Panairi është i hapur edhe me datën 16 mars nga ora 10:00 – 15:00.

  • ​Çerekfinalet e Ligës së Evropës, Atalanta e Djimsitit përballet me Liverpoolin

    ​Çerekfinalet e Ligës së Evropës, Atalanta e Djimsitit përballet me Liverpoolin

    Pas shortit në Ligën e Kampionëve, tani është hedhur edhe shorti për çerekfinalen e Ligës së Evropës.

    Shorti ka prodhuar derbi italian, ku Milani do të përballet me skuadrën e Romës, raporton KosovaPress.

    Po ashtu, ndeshje interesante do të jetë edhe ajo mes Liverpoolit dhe Atalantas së Berat Djimsitit.

    Ndërkaq, Bayer Leverkuseni i Xabi Alonsos e Granit Xhakës do të luajë në çerekfinale të kësaj gare kundër skuadrës angleze, West Ham United.

    Shortin e sotëm e përmbylli ndeshja mes Benficas dhe Marseille.

    Shorti i çerekfinales së Ligës së Evropës:

    Milan – Roma

    Liverpool – Atalanta

    Bayer Leverkusen – West Ham

    Benfica – Marseille