Blog

Të paktën 12 minatorë u vranë dhe tetë të tjerë u shpëtuan pas një shpërthimi në një minierë qymyri në Pakistanin jugperëndimor të mërkurën, thanë zyrtarët.

Incidenti, i fundit në një seri aksidentesh të ngjashme, ndodhi në distriktin Harnai të provincës jugperëndimore të Balochistanit, u tha gazetarëve Abdul Ghani Baloch, kryeinspektori provincial i minierave.

Rreth 20 minatorë u bllokuan në minierë kur një shpërthim i gazit metan ndodhi gjatë natës, tha ai, duke shtuar se 12 trupa janë gjetur, ndërsa të mbijetuarit u transportuan në spital.

Pakistani ka një histori të gjatë aksidentesh në minierat e qymyrit, kryesisht për shkak të infrastrukturës së dobët dhe mungesës së standardeve të sigurisë.

Në maj të vitit 2018, rreth 23 minatorë u vranë në dy shpërthime në një minierë qymyri pranë kryeqytetit provincial Quetta.

Numri vjetor i vdekjeve nga aksidentet në minierat e qymyrit është mesatarisht rreth 200, sipas Federatës Qendrore të Punës të Minierave të Pakistanit.

Kryeministri Shehbaz Sharif, në një deklaratë, shprehu “dhimbje dhe pikëllim të thellë për humbjen e jetëve të çmuara”./AA/

Sipas Këshillit të Evropës pabarazia sociale në Gjermani po rritet. Në raportin përkatës, Këshilli i Evropës i bën thirrje qeverisë gjermane të bëjë më shumë për ta luftuar atë.

Një raport i Këshillit të Evropës mbi politikën sociale të Gjermanisë nuk i jep vendit një notë e mirë. Në raport Këshilli i Evropës bën thirrje për më shumë përpjekje për të luftuar varfërinë, problemet me të pastrehët dhe personat me afësi të kufizuara.

Niveli i lartë i varfërisë dhe disavantazhit social është në disproporcion me pasurinë e vendit, thuhet në raport. Komisionerja e Këshillit të Evropës për të Drejtat e Njeriut, Dunja Mijatovic, përshëndeti masat e marra nga qeveria gjermane, si reformimi i sistemit social për ta bërë atë më të aksesueshëm, për të rritur përfitimet e sigurimeve shoqërore dhe për të ofruar më shumë mundësi trajnimi për të papunët. Megjithatë nevojiten përpjekje të mëtejshme për të luftuar “pabarazinë në rritje”.

Lufta kundër racizmit

Varfëria është një problem i madh, veçanërisht për fëmijët, të moshuarit dhe personat me aftësi të kufizuara. Nevojiten hapa vendimtarë për të thyer ciklin e varfërisë së fëmijëve, thuhet në raport. Edhe të drejtat e fëmijëve duhet të forcohen dhe të koordinohen me një autoritet qendror. Ndryshe nevojat e fëmijëve dhe të rinjve do të anashkaloheshin në vendimet politike – si për shembull gjatë pandemisë së koronës. Gjithashtu, duhet të ndërmerren veprime kundër shkallës së lartë të varfërisë në mesin e të moshuarve. Prandaj, vëmendje e veçantë duhet t’i kushtohet racizmit në rritje, i cili ka potencialin të minojë kohezionin social dhe të destabilizojë institucionet demokratike, thotë raporti.

Nga Berlini u tha se qeveria federale “aktualisht po punon për një strategji të re” me një “qasje gjithëpërfshirëse” që duhet të përfshijë qasje “represive” dhe “parandaluese”. “Luftimi i fenomenit të të pastrehëve me të gjitha mjetet” tregoi për rritjen e numrit të personave që nuk kanë kulm mbi kokë. Mijatovic është e shqetësuar. Për fat të keq, ekziston vetëm një njohje e kufizuar e së drejtës për strehim si një e drejtë njerëzore për të gjithë. Për të parandaluar dhe eliminuar të pastrehët, nevojiten masa gjithëpërfshirëse dhe afatgjata. Gjermania duhet të përdorë të gjitha mjetet në dispozicion, duke përfshirë ndërhyrjet në tregun e banesave dhe ndryshimet në tregun e banesave.

Shqetësimet e autoriteteve

Qeveria federale deklaroi se ajo është dakord me “shqetësimet e Komisionerit në lidhje me numrin në rritje të njerëzve të pastrehë në Gjermani”. Në të njëjtën kohë, thuhet se për herë të parë është vendosur që të miratohet një plan kombëtar veprimi për tejkalimin e problemit të të pastrehëve. Plani synon të ndihmojë në kapërcimin e të problemit të të pastrehëve deri në vitin 2030.

Këshilli i Evropës u themelua në vitin 1949 për të mbrojtur demokracinë, të drejtat e njeriut dhe sundimin e ligjit në Evropë. KE është i pavarur nga Bashkimi Evropian dhe përfshin 46 vende evropiane. Raporti i publikuar tani pason një vizitë të Mijatovic në Gjermani në fund të vitit të kaluar. Ajo u takua me ministra dhe përfaqësues federalë në nivel lokal dhe të shoqërisë civile./DW/

Policia e Kosovës ka parandaluar kalimin ilegal të kufirit dhe kontrabandimin e mallrave në veri të Mitrovicës. Policia në vazhdën e aktiviteteve për luftimin e veprave të kundërligjshme, e në veçanti kontrabandës dhe kalimit ilegal të kufirit, dje në veri të Mitrovicës ka iniciuar dy raste të ndara.

Në njoftim thuhet se dje rreth orës 18:50, derisa njësia policore ka qenë duke realizuar patrullim rutinor, kanë ndaluar një veturë me targa të huaja, të cilën ishte duke e drejtuar i dyshuari M.V (1993) shtetas serb.

“Policia e Kosovës kishte informacione paraprake për këtë automjet, si i dyshuar për aktivitete ilegale të kontrabandimit me mallra dhe gjatë kontrollimit të veturës është gjetur mall i kontrabanduar; vegla pune dhe ngjyra të ndryshme, për të cilat nuk është dëshmuar dokumenti mbi prejardhjen”, thuhet në njoftim.

Automjeti me mallin e kontrabanduar është dërguar në Terminalin Doganor në Mitrovicë për procedura të mëtutjeshme, ndërsa ndaj vozitësit janë ndërmarr veprimet policore lidhur me kalim ilegal të kufirit.

Më tej thuhet se të martën rreth orës 19:50, nga njësiti policor përmes kamerave të sigurisë është vërejtur një automjet duke hyrë ilegalisht nga territori i Serbisë në territorin e Republikës së Kosovës.

“Njësitë policore kanë ndërmarrë menjëherë veprimet e nevojshme ku ka bërë ndaljen e veturës BMË ngjyrë e zezë me targa te huaja të cilën e drejtonte vozitësi A.H (2002) shtetas serb. Vetura dhe personi janë dërguar ne stacionin policor për procedura te zakonshme qe zbatohen ne këto raste”, thuhet në njoftim.

Policia e Kosovës mbetet e përkushtuar ne kryerjen e detyrave policore, ne veçanti parandalimit te kontrabandimit te mallrave dhe menaxhimit efektiv te kufirit shtetëror.

Ambasadori amerikan në Kosovë, Jeffrey Hovenier, do të takohet sot me zëvendëskryeministrin e vendit, Besnik Bislimin.

Po ashtu në njoftimin e ambasadës amerikane thuhet se pas takimit, Hovenier do të ketë një adresim për media rreth orës 11:40 përpara ndërtesës së qeverisë.

Ky takim ven pas takimit të Bislimit me emisarin special të BE-së për dialogun Kosovë – Serbi, Miroslav Lajçak, dhe kryenegociatorin serb, Petar Petkoviq në Bruksel.

Kosova dhe Serbia, deri më 22 mars, do t’i dorëzojnë propozimet e tyre për përdorimin e dinarit serb në Kosovë, ndërsa javën e ardhshme do të takohen sërish në Bruksel për diskutimin e opsioneve, tha kryenegociatori i Kosovës në bisedimet me Serbinë, Besnik Bislimi.

Ai dhe kryenegociatori i Serbisë, Petar Petkoviq, u takuan të martën me ndërmjetësimin e përfaqësuesit të posaçëm të BE-së, Mirosllav Lajçak.

“Jemi pajtuar që me këtë çështje të vazhdojmë të hënën e ardhshme”, shkroi Lajçak në platformën X.

Ishte hera e parë që zyrtarë të Qeverisë së Kosovës morën pjesë në bisedime të tilla, prej se Kosova, me një rregullore të Bankës Qendrore që hyri në fuqi më 1 shkurt, ndaloi përdorimin e dinarit serb, duke e bërë euron mjet të vetëm pagese.

Çështja, pos që zemëroi Serbinë, nxiti mospajtime edhe mes Qeverisë së Kosovës dhe bashkësisë ndërkombëtare, pasi komuniteti serb në Kosovë, prej vitesh, merr pagesa në dinarë nga buxheti i Serbisë.

Diplomatë perëndimorë i kërkuan Kosovës që ta pezullojë rregulloren, për t’iu dhënë kohë qytetarëve të prekur që të përshtaten me praktikën e re.

Çka u tha tjetër në Bruksel?

Petkoviq tha se gjëja e parë për të cilën këmbënguli pala serbe, ishte themelimi i Asociacionit të komunave me shumicë serbe në Kosovë, sepse kjo, sipas tij, “do ta zgjidhte edhe çështjen e financimit të të gjitha institucioneve serbe në Kosovë”.

Petkoviq tha se është gjithashtu e rëndësishme që të gjendet një zgjidhje, e cila do të mundësonte vazhdimin e funksionimit të bankës së Serbisë në Kosovë, Kursimorja e Postës.

Ai shtoi se pret që bisedimet të vazhdojnë “në frymë konstruktive”.

Petkoviq tha, po ashtu, se bashkëbiseduesi i tij nga Prishtina ka insistuar gjatë gjithë kohës për një lloj formalizimi të Marrëveshjes për normalizimin e marrëdhënieve Kosovë-Serbi.

Por, delegacioni serb, sipas tij, ka folur për domosdoshmërinë e themelimit të Asociacionit, sepse marrëveshja për të, kujtoi ai, është nënshkruar tashmë edhe nga Beogradi, edhe nga Prishtina, ashtu si edhe nga BE-ja.

Bislimi tha se mund të ketë një takim mes liderëve të Kosovës dhe Serbisë, për t’u deklaruar rreth Marrëveshjes për normalizimin e marrëdhënieve që u arrit vitin e kaluar.

Ai u tha gazetarëve se pala serbe konfirmoi se nuk është e gatshme ta zbatojë plotësisht atë.

Sipas Bislimit, kryenegociatori serb, duke iu përgjigjur pyetjeve të shumta të Lajçakut, tha se marrëveshja me Kosovën “është problematike” për shkak të pjesës që ka të bëjë me statusin e Kosovës.

“Lajçak konstatoi se Serbia e ka problem të lëvizë në këtë drejtim dhe, rrjedhimisht, kjo do të duhej të diskutohej në një takim të ardhshëm me krerët e shteteve”, tha Bislimi.

Në postimin në X, Lajçak konfirmoi shkurtimisht se marrëveshja do të duhej të adresohej nga udhëheqësit.

Një ditë më herët, Bashkimi Evropian paralajmëroi se do të shtojë trysninë mbi të dyja vendet për të zbatuar marrëveshjen e arritur në shkurt të vitit të kaluar në Bruksel.

Në mars të po atij viti, në Ohër, u ra dakord edhe për aneksin e zbatimit, por palët nuk bënë shumë hapa në praktikë.

Marrëveshja, mes tjerash, kërkon marrëdhënie të mira fqinjësore, njohje reciproke të dokumenteve dhe simboleve shtetërore, si dhe respektim reciprok të sovranitetit dhe tërësisë territoriale.

Marrëveshja kërkon po ashtu nga palët që të mos e pengojnë njëra-tjetrën në proceset integruese, por nuk kërkon njohje të ndërsjellë.

Sipas saj, palët duhet t’i zbatojnë edhe marrëveshjet e arritura më herët në kuadër të dialogut për normalizimin e marrëdhënieve – proces ky i nisur qysh në vitin 2011.

Policia e Kosovës njofton se për 24 orë, ka shqiptuar 2061 gjoba në trafik.

Sipas policisë, gjatë 24 orëve të fundit janë evidentuar disa aksidente në trafikun rrugor, ku 23 aksidente kanë qenë me lëndime, ndërsa 37 me dëme materiale.

Policia njofton se janë arrestuar 17 persona, ndërkaq 10 të tjerë janë dërguar në mbajtje, ndërsa 3 persona janë persona në vuajtje të dënimit.

Mëngjesin e së mërkurës Turqia është goditur nga një tërmet.

Raportohet se fuqia e dridhjes së tokës ishte katër shkallë të Rihterit.

Sipas kohës lokale kjo ka ndodhur rreth orës 08:55 minuta, në një thellësi prej tetë kilometrash, shkruan EMSC.

Epiqendra e tërmetit llogaritet 30 kilometra nga Besni, 55 kilometra nga Kahramanmaras.

Deri më tani nuk raportohet për të lënduar apo dëme materiale.

Në shkurt të 2023-tës, Turqia ishte goditur nga një tërmet i madh, ku mbetën të vdekur mbi 50 mijë persona.

Është arrestuar dje një person në Isniq të Deçanit, pasi dyshohet se kishte goditur me veturë një burrë dhe dy gra e më pas ishte larguar në drejtim të panjohur.

Siç njoftoi Policia, rasti ka ndodhur më 17 mars, ndërkohë që viktimat kanë pranuar tretman mjekësor.

Tutje, në raportin policor thuhet se i dyshuari me vendim të prokurorit është dërguar në mbajtje.

Në Dhomat e Specializuara të Kosovës (DHSK) në Hagë, sot do të vazhdojë gjykimi ndaj ish-krerëve të UÇK-së.

Ndryshe edhe sot vazhdon dëshminë, dëshmitari i ZPS-së me kodin w04571, i cili ka filluar dëshminë dje përmes video-lidhjes.

Sipas përmbledhjes së shkurtër të lexuar nga ZPS-ja në sallë të gjyqit, ky dëshmitar është shqiptar i Kosovës, i cili pretendon se ishte arrestuar dhe mbajtur nga anëtarë të UÇK-së në gusht 1998 ose rreth kësaj date.

Ky është dëshmitari i 52-të i ZPS-së deri më tani.

Një shtetase e Austrisë ka njoftuar policinë se persona të panjohur i kanë vjedhur veturën e saj me targa të Austrisë.

Policia ka nisur hetimet për rastin.

“Rr. Ymer Alushani, Prishtinë 14.03.2024-08:00. Ankuesja femër shtetase austriake ka raportuar se, nga persona të panjohur i është vjedhur vetura e saj me targa të Austrisë. Lidhur me rastin është informuar edhe prokurori, ndërsa njësitet policore janë duke hetuar rastin”, thuhet në njoftim.