Blog

21 marsi që nga viti 1999, është shpallur nga UNESCO dita botërore e poezisë. Vendimi i marrë në kongresin e 30-të të kësaj agjencie, ka si objektiv kryesor mbështetjen e diversitetit linguistik përmes shprehjes poetike.

Në të njëjtën kohë, caktimi i një dite ndërkombëtare për poezinë është bërë edhe me qëllimin për t’i kthyer kësaj gjinie të letërsisë funksionin e saj të parë, traditën gojore.

Ndërsa në kohët antike, në Greqinë e lashta poemat e Homerit mësoheshin përmendësh nga aedët dhe recitoheshin kryesisht në ambiente publike tashmë duket se poezisë i ka humbur ky tipar i vet kryesor. Në këtë mënyrë UNESCO kërkon që përmes recitaleve të ndryshme, përmes takimeve poetike dhe mbrëmjeve artistike të krijojë një urë lidhjeje mes poezisë dhe formave të tjera të artit si teatri, kërcimi, muzika, piktura etj. e në të njëjtën kohë të mbështesë poetët e rinj, t’i promovojë ato dhe të krijojë një imazh tërheqës për poetin, që shpeshherë shihet si dikush që nuk është më në modë.

Dita botërore e poezisë është konceptuar si një ftesë për të reflektuar mbi fuqinë e gjuhës dhe zhvillimin e plotë të kapaciteteve kreative të secilit prej nesh. Për këtë arsye UNESCO bën thirrje për zhvillimin e aktiviteteve kulturore në nivel lokal e ndërkombëtar në institucione publike e private duke përfshirë këtu shkolla, bashki, muze, shoqata kulturore, shtëpi botuese etj. Para caktimit të 21 marsit, si dita botërore e poezisë, ishte 15 tetori që kremtohej në të gjithë botën me aktivitete të larmishme letrare, pasi ai përkonte me ditëlindjen e poetit epik romak, Virgjili. Në disa vende kjo traditë e të festuarit në muajin tetor vazhdon të ruhet ende.

Megjithëse shumë prej nesh e pëlqejnë poezinë, ose më mirë parapëlqejnë ta përdorin atë sidomos në komunikimin me personin e zemrës, poezia në ditët tona nuk lexohet më aq shumë sa vite më parë.

Nëse do t’i hidhnim një sy librave të hedhura në treg nga shtëpitë botuese volumi më i madh i veprave i përket romanit, pra prozës, ndërkohë që librat me poezi janë shumë më të rrallë. Kryesisht ato në masën më të madhe i përkasin letrarëve të rinj, që gjithnjë e nisin rrugën e letrave me vjershat e para të shkruara në kohën e adoleshencës. Nuk mungojnë edhe botimet nga emra tashmë të njohur në këtë lëmë, por që janë gjithnjë e më të pakta.

Sot hapet për vetura sheshi “Xhorxh Bush” në Prishtinë, saktësisht hapja do të bëhet vetëm deri tek hyrja kryesore e Parkingut nëntokësor.

Në rrugë është bërë sinjalizimi deri te hyrja kryesore e parkingut.

“Po e kemi liruar rrugën dhe të enjten në mëngjes e hapim atë deri te hyrja kryesore e parkingut”, ka thënë Brestovci për Kohën.

Ndryshe, ky vendim për hapje do të jetë i përkohshëm, në mënyrë që të lehtësohet hyrja në parkingun nëntokësor.

Mundësia e qarkullimit me automjete në këtë pjesë të sheshit pritet jetë derisa të nisin punimet e sheshit.

Ministri i Ministrisë së Bujqësisë, Pylltarisë dhe Zhvillimit Rural, Faton Peci, në emisionin CONTEXT në ATV, tha se vila e kryeterroristit Milan Radoiçiq në veri, destinim final do ta ketë shfrytëzimin nga Policia e Kosovës.

“Me e shkatërru s’ka nevojë. Çështja është se ne e kemi ministrin e Punëve të Brendshme, zotëri Xhelal Sveçla dhe mbi bazën e diskutimit që e kemi bërë, ne e kemi pasur një dakordim në parim që pronën prej Agjencisë së Pyjeve i bartet Ministrisë së Punëve të Brendshme, e që për destinim final do ta ketë shfrytëzimin nga mekanizmat e drejtësisë, në këtë rast nga Policia e Kosovës”, tha Peci. /atvlive.tv

Përgatiti: Nora Luta

Gjykata e Apelit e ka në shqyrtim edhe një tjetër rast ndaj Arbër Sejdiut.

I dënuar me 15 vjet burgim për ndihmë në vrasjen e Marigona Osmanit nga Gjykata Themelore e Ferizajt, Sejdiu në një rast tjetër për vrasje në tentativë, ishte liruar nga e njëjta gjykata në gusht të 2023-s.

Aktgjykimi lirues edhe për prindin e tij Muhametin, është atakuar nga Prokuroria në Apel, kolegji i së cilës të mërkurën mbajti seancë.

Sipas aktakuzës, babë e bir tentuan ta privojnë nga jeta Gazmend Pecin, në korrik të vitit 2013 në rrugën “Dritan Islami” në Ferizaj.

Sipas Prokurorisë, krejt kjo kishte ardhur pasi i akuzuari tjetër Gazmend Peci kishte arritur një marrëveshje për lidhjen të një martese me qëllim rregullimin e shtetësisë suedeze.

Sipas gjykatës, ata u liruan në mungesë të provave, për çka nuk është pajtuar organi i akuzës dhe ka kërkuar që rasti të kthehet në rigjykim.

Vetëm Arbër Sejdiu nga të pandehurit ishte prezent në sallë, e babanë e tij e përfaqësoi avokati Avni Ibrahimi.

Sejdiu pas përfundimit të seancës u dërgua në Burgun e Sigurisë së Lartë, ku po mbahet në paraburgim, për ndihmë në vrasjen e 18 vjeçares Marigona Osmanit.

Ai do të vazhdojë ballafaqimin me drejtësinë për këtë rast bashkë me Dardan Krivaqën, pasi Apeli ia ktheu rastin në rivendosje gjykatës, e cila e dënoi atë 15 vjet, e Krivaqën me burgim të përjetshëm.

Përgatiti: Driton Sadiku

Buxheti i ndarë prej afro 10 milionë eurove për vitin 2024, nuk po i mjafton.

Andaj Komisioni Qendror i Zgjedhjeve kërkoi nga Ministria e Financave që t’ia shtojë edhe një shumë të majme, për t’i kryer disa investime.

Ky institucion ka paraparë blerjen e disa kamerave që do të përdoren për vendvotime, por edhe disa softuerë, për të cilat u duhen rreth 1.5 milion euro.

“Në kuadër të transparencës, KQZ-ja ka paraparë të blejë kamera vëzhguese për secilin vendvotim, që i bie rreth 2 mijë e 500 vendvotime për të blerë nga një kamerë, po ashtu edhe pajisjet tjera softuerike, të cilat janë në shërbim të transparencës dhe për këtë janë rreth 1 milion e gjysmë euro, të cilat i kemi në buxhet për vitin 2024 dhe të cilat do t’i zhvillojmë gjatë këtij viti”, tha shefi i sekretariatit të KQZ-së, Burim Ahmetaj.

Këto kërkesa i patën teksa raportuan në komisionin për buxhet dhe transfere ku edhe treguan për buxhetin që u është ndarë atyre, dhe atë se sa e kanë shpenzuar.

Por raporti i shpenzimeve qe pakëz i vjetër.

“Me ligjin e buxhetit për vitin 2022 të miratuar nga Kuvendi i Kosovës, KQZ-ja është akorduar një fond prej mbi 5 milionë e 913 mijë me qëllim të funksionimit të institucionit dhe për të përmbushur detyrimet ligjore. Pas shpalljes së zgjedhjeve të jashtëzakonshme për kryetar të katër komunave në pjesën veriore të vendit, si dhe pas vendimit të Qeverisë, buxheti i përgjithshëm i KQZ-së për vitin 2022 ishte 6 milionë e 24 mijë e 134 euro”, tha kryetari i KQZ-së, Kreshnik Radoniqi.

Andaj kjo irritoi paksa deputetët që patën vërejtje për punën e KQZ-së.

“Ne jemi duke e trajtuar një raport të vitit 2022 dhe jemi në vitin 2024, në vend se të mendojmë për raportimin e vitit 2023, ne ende para dy viteve merremi me raportet e institucioneve të pavarura”, tha deputeti i PDK-së, Mërgim Lushtaku.

“Raporti i auditimit të cilin e kemi pranuar po paraqet që nuk është gjendje e mirë e mbajtjes së llogarive në këtë institucion. Raporti është i kualifikuar, që është për më tepër zhgënjyes që të mos paraqiten si duhet llogaritë e arkëtueshme”, tha deputeti i LV-së, Visar Korrenica.

Sidoqoftë kërkesës së Komisionit Qendror të Zgjedhjeve i tha “po” Komisioni për buxhet, por përgjigjja definitive i mbetet Ministrisë së Financave.