Blog

Kryeministri i Kosovës, Albin Kurti bashkë me ministrin e Financave, Hekuran Murati mbajnë sot konferencë për media.

Konferenca e cila fillon në orën 15:00 sipas njoftimit zyrtar, mbahet për trevjetorin e qeverisjes.

Mision të pamundur ndërhyrjen në Kosovë me forcë nga Serbia po e sheh, kryetari i komunës së Bujanocit, Nagip Arifi.

Arifi, thotë se deklarata e presidentit serb është më shumë për konsum politik të brendshëm.

“Ai e din mirë se në Kosovë operojnë forcat e NATO-s, dhe ndërhyrja me forcë në Kosovë është mision i pamundur. Kjo deklaratë vie si rezultat i presionit ndërkombëtar për ta zgjidhur problemin me Kosovën dhe duku qenë në situatë të vështirë provon që me deklarata populiste të paraqitet si mbrojtës i serbëve”, është shprehur ai për Front Online.

Por, Arifi mendon se Vuçiqi për hakmarrje ndaj Kosovës mund ta përdor Luginën e Preshevës.

“Por, kjo deklaratë gjithsesi që mund të destabilizojë rajonin, kur dihet se për hakmarrje ndaj Kosovës mund ta përdor rajonin e Luginës së Preshevës”, ka thënë shkurt Arifi.

Sipas tij, ky është një sinjal për bashkësinë ndërkombëtare që të ndalojë së përkëdheluri Serbinë dhe të marrin masa serioze për mos destabilizimin e rajonit.

Ndaj, deklaratës së presidenti serb Aleksandër Vuçiq ka pasur reagime të shumta.

Presidentja e vendit Vjosa Osmani ka thënë se Vuçiqi do të dështojë, ashtu si të gjitha përpjekjet e dështuara të Serbisë deri tani.

Për deklaratat kërcënuese të Aleksandër Vuçiqit ndaj Kosovës ka folur edhe ambasadori amerikan, Jeff Hovenier.

Hovenier tha se populli i Kosovës nuk duhet të ndihet i shqetësuar nga këto deklarata.

Ai ka thënë se aleanca më e suksesshme ushtarake është në Kosovë, duke iu referuar NATO-s.

Ministri i Mjedisit, Planifikimit Hapësinor dhe Infrastrukturës, Liburn Aliu, ka deklaruar se Kosova shpesh herë vuan për ujë të pijes, e nganjëherë rrezikohet nga vërshimet si shkak i ndryshimeve klimatike, raporton EO.

Në shënimin e Ditës Ndërkombëtare të Ujërave dhe Ditën Ndërkombëtare të Meteorologjisë, Aliu tha se Kosova ka mungesë të ujit dhe ndryshimet klimatike do të kenë ndikime të mëdha në Kosovë. Për këtë, ai kërkoi që të bëhet adaptimi me ndryshimet klimatike.

“Besoj që tashmë kemi shenja të qarta se ndryshimet klimatike ndikojnë në Kosovë. Faktin që ne kemi pak ujë, tregon që nuk do ta kemi lehtë që të përballemi me thatësira që do të ndikohemi nga ndryshimet klimatike. Do të kemi vërshime që nuk e dimë se si do t’i menaxhojmë. Pra në momente të caktuara do të kemi tepër ujë, dhe atëherë kur do të na duhet nuk do të kemi ujë. Prandaj adaptimi në ndryshimet klimatike është një ndër prej problemeve dhe sfidat kryesore që përballet vendi ynë. Jemi shumë të kufizuar sepse nuk njihemi nga Kombet e Bashkuara dhe nuk kemi qasje në fondet për ndryshime klimatike, vendet e tjera kanë qasje në këto fonde dhe ne duhet të përballemi me mjete tona. Po përpiqemi që të bëjmë studime të fizibilitetit jemi duke shkuar mbarë”, tha Aliu.

Alex Albertine, ushtrues detyre i zëvendësdrejtorit të USAID-it në Kosovë, tha se puna e Institutin Meteorologjik të Kosovës është shumë e rëndësishëm për parashikimet që ajo jep, pasi sipas tij, mund të merren masa që të shpëtohen jetë njerëzish dhe mjedisi.

“Ndryshimi klimatik është një çështje urgjente e planetit tonë, kësisoj na nevojiten veprime të menjëhershme. Ende nuk jemi të përgatitur, këto ndikojnë tekë komunitete dhe duhet të përgatitemi që komunitet të përballen më këtë. Të dhënat na fuqizojnë që të bëjmë vendime duke ruajtur jetën dhe mjedisin”, tha ai.

Afrim Berisha, kryeshef ekzekutiv i Agjencisë Kosovare për Mbrojtjen e Mjedisit ka thënë se duke marr parasysh se monitorimi dhe të dhënat e sektorit të ujërave, AMMK-ja i ka dhënë prioritet forcimit të monitorimit dhe procesit të mbledhjes së të dhënave nga këto fusha.

“AMMK në kuadër të angazhimeve të saja e bën monitorimin e mjedisit dhe mbledhjen e të dhënave dhe informacionin për vlerësimin e gjendjes së mjedisit për të mbështetur procesin e hartimit të politikave dhe marrjen e masave përkatëse. Pa dyshim se monitorimi dhe të dhënat e sektorit të ujërave, sektorit meteorologjisë dhe klimës, luajnë një rol shumë të rëndësishëm dhe pjesën me të rëndësishme të dhënave mjedisore. Duke ditur këtë fakt, AMMK i ka dhënë prioritet forcimit të monitorimit dhe procesit të mbledhjes së të dhënave nga këto fusha duke ngritur sisteme përkatëse dhe duke forcuar kapacitete profesionale”, ka thënë ai.

Ish-komandanti i Ushtrisë Çlirimtare të Kosovës, Rrustem Mustafa ka kërkuar që ish-krerët e UÇK-së dhe shtetit të lirohen në procedurë të rregullt dhe të kthehen në atdhe, pasi sipas tij, Gjykata Speciale u themelua nën presion të vendeve të errëta të bllokut politike, të cilit i printe Rusia.

“UÇK për shkak të kauzës së drejtë për çlirimin e Kosovës nga makineria vrastare serbe ka fituar përkrahjen me aleancen e NATO-s, dhe në këtë mënyrë prishi balancat politike strategjike për Ballkanin dhe më gjërë. Ajo arriti që këto politika t’i orientoi kah perëndimi duke u larguar nga blloku ruso-sërb dhe ai i lindjes.”, tha ai.

Mustafa foli edhe për fushatën kundër UÇk-së që nga paslufta.

“Produktet e kësaj fushate anti UÇK dhe anti-shqiptare në pergjithësi, janë evidente dhe më substanciale ndër to është vet Gjykata Speciale, por ajo çfarë nuk arritën kurrë, është tendenca e pakompromis për të zhbërë aleancën e shteteve mike e pro-demokratike, me pasuesit e UÇK-së dhe me shtetin e Kosovës. Udhëheqësit e UÇK, padyshim do të hyjnë në analet e historisë si kulmi i përpjekjeve për të çliruar shqiptarët njëherë e mirë, por edhe si goditja më e fortë bllokut ruso-sërb dhe aleatëve të saj, duke fituar e bardha mbi të zezën.”, ka shkruar ai.

Postimi i plotë:

Në vend te Kryeministrit!

Të lirohen me procedurë të rregullt dhe të kthehen në atdhe mbi premisat e së vertetës se vendimi për themelimin e giykatës u bë nën presion të vendeve të bllokut të erret politik dhe ushtarak që i printe Rusia.
UÇK dhe e vërteta!

Gjykata Speciale duhet t’mbyllë gjithë ato të pa vërtetat e prodhuara për luftën e drejtë të UÇK-së, Kombi Shqiptar të marrë përsipër angazhime të reja racionale dhe zhvillimore…

UÇK për shkak të kauzës së drejtë për çlirimin e Kosovës nga makineria vrastare serbe ka fituar përkrahjen me aleancen e NATO-s, dhe në këtë mënyrë prishi balancat politike strategjike për Ballkanin dhe më gjërë. Ajo arriti që këto politika t’i orientoi kah perëndimi duke u larguar nga blloku ruso-sërb dhe ai i lindjes.

Veçantia e luftës për lirinë dhe pavarësinë e Kosoves, nëse analizohet në një paralele me historikun e luftërave për liri, ishte fuzionimi i UÇK-së dhe NATO përkundër kritikëve të kësaj aleance nga vende të fuqishme pro-ruse e antishqiptare.

Këto dy fuqi, UÇK e vogël e në kërkim të lirisë, NATO e madhe e në shërbim të demokracisë, me objektiva të ngjashme, e nje partneritet për të ndalur gjenocidin dhe për të vendosur demokracinë, arritën të paralizojnë forcat e errëta e të dirigjuara nga Kremlini që nuk kurseheshin në investimet e tyre kundrejt lirisë së Kosovës.

Periudha pas çlirimit, poashtu karakterizohet me veçantinë e luftës së ashpër të uzinave anti-shqiptare, nëpërmjet shërbimeve inteligjente të infiltruara në çdo cep të Kosoves.

Sado të paralizuara, ato arritën të ngrejnë kurthe, të prodhojnë propagandë anti UÇK, të shantazhojnë e mashtrojnë, e cka jo tjetër, me qëllim të rrënimit të amalgamës UÇK-NATO dhe në funksion të zhbërjes së lirisë së fituar me gjak.

Produktet e kësaj fushate anti UÇK dhe anti-shqiptare në pergjithësi, janë evidente dhe më substanciale ndër to është vet Gjykata Speciale, por ajo çfarë nuk arritën kurrë, është tendenca e pakompromis për të zhbërë aleancën e shteteve mike e pro-demokratike, me pasuesit e UÇK-së dhe me shtetin e Kosovës.

Udhëheqësit e UÇK, padyshim do të hyjnë në analet e historisë si kulmi i përpjekjeve për të çliruar shqiptarët njëherë e mirë, por edhe si goditja më e fortë bllokut ruso-sërb dhe aleatëve të saj, duke fituar e bardha mbi të zezën…

Instituti i Kosovës për Drejtësi (IKD), me përkrahje të Rockefeller Brothers Fund të premten ka publikuar raportin “PRIORITETET – që vazhdojnë të mos arrihen”. IDK thotë se ky raport është rezultat i monitorimit të drejtpërdrejtë që IKD i ka bërë Qeverisë së Republikës së Kosovës gjatë vitit 2023.

“Kreu i Qeverisë kishte deklaruar se “Karakteri i planifikimit tregon për karakterin e qeverisjes”. Por, jo stabiliteti i programit legjislativ i shprehur në ndryshimet e shpeshta të këtij programi, miratimi i projektligjeve jashtë planifikimit dhe moszbatimi i plotë i këtij planifikimi flasin për dështim të Qeverisë në fushën e planifikimit qeverisës”, thotë IKD.

Ky institut thotë se në Programin e Qeverisë së Kosovës për vitin 2021-2025, Qeveria proklamoi synimin për përgjegjshmërinë institucionale në planifikim dhe në zbatim.

“Kjo nuk u reflektua në programin legjislativ, i cili u karakterizua nga mos-stabiliteti i tij. Brenda vitit 2023, ky plan u ndryshua plot 7 herë. Kështu, Qeveria më tepër pati “planifikim dymujor” sesa planifikim vjetor legjislativ. Madje, mos-stabiliteti i Programit Legjislativ u shfaq menjëherë pas miratimit të tij. Kjo pasi Qeveria e ndryshoi këtë plan vetëm gjashtë ditë pas miratimit të tij”, thuhet në komunikatë.

IKD thotë se dështimi për përmbushjen e Agjendës Legjislative të vitit 2022 u bart në vitin 2023.

“Kjo pasi IKD gjen se 44% e agjendës legjislative për vitin 2023 është bartje e agjendës nga viti 2022. Këtu nuk bëjnë pjesë plot 26 Projektligje, nga miratimi i të cilave Qeveria u zmbraps në vitin 2023, edhe pse planifikoi që të njëjtat t’i miratojë në vitin 2022. Edhe pse programin legjislativ e miratoi me vonesë, Qeverinë e ka karakterizuar jo-stabiliteti për t’iu përmbajtur programit legjislativ. Ajo në shtatë raste ndryshoi këtë program dhe përkundër këtyre ndryshimeve ajo nuk arriti ta përmbushë në plotëni programin legjislativ. Kështu, gjatë vitit 2023, Qeveria më tepër pati Agjendë Legjislative “dymujore” sesa vjetore”.

“Qeveria e Kosovës, deri në fund të vitit 2023 arriti të realizojë 58% të programit legjislativ. Nga 99 projektligjet e planifikuara, Qeveria i miratoi vetëm 57 prej tyre, përderisa 42 të tjera nuk janë miratuar. Qeveria miratoi edhe 21 projektligje të tjera jashtë planifikimeve në Programin Legjislativ”.

Kjo përqindje, thotë IKD, ka ardhur si rezultat i ndryshimeve të shumta të Programit Legjislativ.

“Me 8 nëntor kur kaloi më shumë se 83% e vitit, nga Programi Legjislativ u tërhoqën 25 projektligje të pamiratuara, ndërsa 34 projektligjeve iu ndryshua afati. Kjo lëvizje e qeverisë solli këtë rezultat. Kështu, pa këtë ndryshim, përqindja reale e zbatueshmërisë së planit legjislativ është 46%”.

“Në raport me planifikimet sipas afateve të përcaktuara në programin legjislativ, rezulton se nga 57 projektligjet e miratuara: 48 janë miratuar sipas planifikimit ndërsa 9 projektligje janë miratuar duke mos e respektuar afatin e planifikuar. Kështu, nëse shohim miratimin e Projektligjeve dhe afatit e miratimit të tyre, përballë planifikimit të bërë, atëherë shohim se Qeveria nuk përmbushi plotësisht dhe brenda afateve të parapara në Agjendë Legjislative 84% të Agjendës Legjislative”.

Pos Agjendës Legjislative, Qeveria dështoi të përmbushë planin e saj edhe në raport me miratimin e Koncept Dokumenteve, sipas IKD-së.

Deri në fund të vitit 2023, Qeveria e Kosovës ka miratuar gjithsej 17 koncept dokumente nga 36 sa kishte planifikuar. Shprehur në përqindje i bie se Qeveria ka përmbushur më pak se 50% të planifikimeve të saja në fushën e miratimit të koncept dokumenteve.

“Sa i përket projektligjeve të miratuara sipas Programit Legjislativ për vitin 2023 dhe të proceduara në Kuvendin e Kosovës, ky i fundit ka arritur të miratojë 34 nga 55 apo 62% e projektligjeve që i kanë plotësuar kushtet për t’u proceduar për miratim në lexim të dytë, që i bie 44% e totalit të ligjeve të dërguara në Qeveri dhe vetëm 34% e Ligjeve të planifikuara në Agjendën Legjislative të Qeverisë për vitin 2023. Siç mund të shihet mos efikasiteti i Qeverisë ka vazhduar edhe në Kuvendin e Kosovës. Për më tepër një përqindje e tillë u arrit falë miratimit në lexim të dytë të dhjetë projektligjeve me procedurë të përshpejtuar duke i shmangur afatet e përcaktuara procedurale”.

Në këtë raport, IKD ka pasqyruar edhe shkeljet Kushtetuese të Qeverisë dhe Kuvendit në ligjbërje, ku në shumë raste, gjetjet e IKD u konfirmuan edhe nga Gjykata Kushtetuese.

Rreth 59 kandidatë nga 437 që e kanë kaluar provimin e noterisë, janë certifikuar sot nga ministrja e Drejtësisë, Albulena Haxhiu.

Haxhiu thotë se ky proces ka qenë meritor dhe transparent.

“Kam kënaqësinë t’ju uroj që në të ardhmen do t’i shërbeni sistemit të drejtësisë në Republikën e Kosovës. Nga 437 kandidatë janë zgjedhur 59 veta”, tha ajo, duke treguar se së shpejti do të hapin edhe konkurse të tjera për noterë.

Ndërsa, kryetarja e Komisionit për dhënien e provimit për noteri, Filloreta Lekiqi uroi që të gjithë që të kenë sa më shpejtë mundësinë që ta ushtrojnë këtë detyrë me nderë dhe profesionalizëm.

Shefi i deputetëve të Aleancës për Ardhmërinë e Kosovës, Besnik Tahiti, ka thënë se në trevjetorin e Qeverisë Kurti, Kosova ka pësuar dëme e kthim në pikën më të errët, raporton Ekonomia Online.

Në një konferencë për media, Tahiri ka thënë se kryeministri Albin Kurti është dorëzuar dhe se po kërkon zgjedhje të parakohshme.

“Ne kemi përgatitur një kërkesë për një debat parlamentar në trevjetorin e kësaj keqqeverisje, e cila realisht ka arritur t’i bëjë vetëm dëme Kosovës dhe ta kthejë në pikën më të errët që nuk e ka besuar askush ndonjëherë”, ka thënë Tahiri.

“Mirëpo unë jam i kënaqur që dje kryeministri Albin Kurti e tha edhe vetë dhe e ka kuptuar edhe vetë se ai duhet të dorëhiqet dhe vendi të shkojë në zgjedhje. Kur në fillim të këtij mandati, kryetari Haradinaj thoshte se ky është një mashtrues, njerëzit shikonin me habi të madhe. Ajo çka karakterizohet këto tri vite është me të vërtetë një qeverisje që nuk i qëndron asnjë vendimi mbrapa dhe siç e patë edhe vetë, kryeministri u dorëzua në mandatin e tij të tretë dhe duke kërkuar që vendi të shkojë në zgjedhje”, u shpreh ai.

Prishtina dhe qyteti Kaohsiung i Taiwanit, kanë nisur një kapitull të ri në marrëdhëniet ndërkombëtare duke u binjakëzuar zyrtarisht. Binjakëzimi mes dy qyteteve u shënua me nënshkrimin e marrëveshjeve të bashkëpunimit mes Kryetarit të Kryeqytetit, Përparim Rama dhe Kryetarit të Qytetit Kaohsiung, Chen Chi – mai, për bashkëpunim ekonomik dhe industrial.

Në njoftim thuhet se këto marrëveshje sinjalizojnë fillimin e projekteve të përbashkëta dhe shkëmbimit të njohurive dhe teknologjive. “Po ashtu u diskutua mundësia që kompanitë nga Prishtina të zgjerojnë praninë e tyre në tregun aziatik përmes hapjes së hapësirave fizike në Kaohsiung”, thuhet në njoftim.

“Kjo lëvizje strategjike pritet të lehtësojë qasjen e kompanive të Prishtinës në tregun e gjerë Taieanez dhe të forcojë më tej lidhjet ekonomike dhe kulturore ndërmjet dy qyteteve”, citohet në kryetarkrryetari i kryeqytetit, Përparim Rama. Ndërsa, Qendra e Inovacionit në Kosovë (ICK) ka bërë hapa konkretë duke nënshkruar marrëveshje me Institute for Information Industry (III) dhe Megabay.

Sekretari amerikan i Shtetit Antony Blinken arrin sot në Izrael si pjesë e një shtytjeje intensive diplomatike për të arritur një “armëpushim të qëndrueshëm dhe të menjëhershëm” në Gaza dhe për të penguar një ofensivë izraelite në Rafah.

Planet janë që ai të takohet me kryeministrin Benjamin Netanyahu dhe kabinetin e luftës izraelite.

Udhëtimi i tij përkon me rifillimin e bisedimeve në Doha që synojnë të sigurojnë një marrëveshje për një armëpushim të lidhur me lirimin e pengjeve të mbajtura nga Hamasi.

Ai gjithashtu përkon me një votim në OKB për një rezolutë të Këshillit të Sigurimit të sponsorizuar nga SHBA, që bën thirrje për një “armëpushim të menjëhershëm” në konfliktin e Gazës.

Takimet e Blinken me Netanyahun pritet të jenë të tensionuara, pasi ai premtoi të kryejë një inkursion ushtarak izraelit në Rafah. “Pozicioni ynë është se një operacion i madh ushtarak në Rafah do të ishte një gabim, diçka që ne nuk e mbështesim”, tha Blinken të enjten.

Diplomati më i lartë amerikan pritet që përsëri të bëjë presion mbi Izraelin për nevojën urgjente për më shumë ndihmë humanitare për të arritur njerëzit në Gaza.