Blog

Qeveria e Kosovës nuk po i mbështet projektet e rëndësishme të Komunës së Prishtinës për shkak të përplasjeve politike. Kështu ka thënë nënkryetari i komunës së Prishtinës, Alban Zogaj, Madje, ai nuk përjashton mundësinë që të mbahen zgjedhjet për Kuvend Komunal në Prishtinë në vjeshtë si rrjedhojë e mungesës së votave të mjaftueshme për buxhetin e vitit 2025.

Zogaj ka thënë se shumë prej projekteve të planifikuara ndër vite tashmë në sezonin pranveror kanë nisur të realizohen. Ndërkaq, sipas tij, projekti i ‘Rrugës A” pritet të lëshohet për qarkullim, ndërsa në tenderim është projekti i nënkalimit të rrugës “Agim Ramadani”.

Nënkryetari i Komunës së Prishtinës, Zogaj në një intervistë për KosovaPress thekson se projekti kryesor po cilësohet edhe ai i sheshit “Xhorxh Bush” i cili është planifikuar të përfundojë këtë vit dhe sipas tij deri në vitin 2025 do të jetë gati.

Derisa foli për investimet në kryeqytet, ai tha se projektet janë të qëlluara dhe do ta ndryshojnë pamjen e kryeqytetit.

“Një prej projekteve më të mëdha është “Rruga A”, e cila po vazhdon me zhvillim të hovshëm dhe shpresojmë që faza e parë të lëshohet për qarkullim edhe nga mesi i këtij vit apo fundi i verës. Tani e kemi në tenderim pjesën e nënkalimit “Agim Ramadanit” është një prej projekteve më të mëdha të Komunës së Prishtinë, një nënkalim i veturave nga teatri deri të pjesa e komunës deri pjesa e xhamive të vjetra të Prishtinës, ku veturat do të futen në nënkalim dhe pjesa mbi do të jetë e këmbësorëve dhe shesh. 01:56 Ne jemi në diskutim me ministrin e Infrastrukturës që të bëhet një rreth rrotullim i madh te “Gorenje” dhe të zbrazim një prej fyteve të ngushta të Prishtinës, sepse atje ka qarkullim të madh të veturave. ….Është edhe platforma në mes të lagjes “Arbëria” me qendrën e qytetit dhe Pallatin e Rinisë, ajo është platformë e ecjes së qytetarëve, është një kat i dytë i Prishtinës… Në një gjelbërim, platformë të gjerë të këmbësorëve, sot pjesa e “Arbërisë e ndan një rrugë të madhe. 04:17 Bulevardi “Xhorxh Bush” po përfundohet projekt i detajuar, në momentin që e kemi atë, këto ditë do të shpallim për tenderim, deri në tre muaj dhe fillojmë më punime intensive. Gjatë këtij viti bulevardi “Xhorxh Bush”, do të ketë pamjen e dëshiruar, viti 2024 viti i këtij bulevardi”, tha Zogaj.

Nënkryetari i Prishtinës, Zogaj tha se projektet për kryeqytet po planifikohen, por se realizmi i tyre nuk po përkrahet nga qeveria. Zogaj tha se është përgjegjësi e Qeverisë që të ndaj fonde për projekte të kryeqytetit, por se diçka e tillë nuk ka ndodhur.

Ai tha se qeveria po anashkalon projektet e kryeqytetit për shkak siç thotë ai të përplasjeve politike.

“Përkrahje shumë pak kemi nga qeveria, barrierat që na dalin nga institucionet qeveritare. Qeveria e Kosovës ka ndarë buxhet vetëm pjesën që na takon me ligj, asnjë cent më shumë për kryeqytetin nuk e ka nda, dhe kjo është absurde, të gjitha institucionet qeveritare dhe ato të arsimit dhe ndërkombëtare funksionojnë në kryeqytet dhe përgjegjësia e qeveris është që të ndaj fonde më shumë për kryeqytetin. 06:30 Ne nuk e kuptojmë, por kjo mund të jetë një përplasje politike, sepse partia në qeveri dhe ajo në kryeqytet janë parti të ndryshme dhe këtu janë pengesat kryesore dhe nuk duhej të ishin”, potencoi Zogaj.

Zogaj duke përmendur mos përkrahjen e qeverisë tha se për shkak të mungesë së shumicës parlamentare, buxheti i vitit 2025 mund të mos votohet, por se si komunë parlamentare po planifikojnë për të krijuar një shumicë. Zogaj tha në këtë situatë nuk mund të mos mendohen edhe zgjedhjet e reja.

“Në qoftë se buxheti i vitit 2025 i cili prezantohet nga ne në shtator të vitit 2024 nuk votohet nga kuvendi komunal, atëherë kuvendi komunal shkon në zgjedhje por jo kryetari, kurse asambleja shkon në zgjedhje, nëse asamblistët kanë interesim më shkuar në zgjedhje dhe mos me votuar buxhetin, atëherë le të shkojmë. Ne mendojmë që Kuvendi Komunal e votojnë dhe buxhetin, ndërsa ne jemi në bisedime që me krijuar një shumicë të re dhe nuk besoj që do të ketë problem për votim të buxhetit. Ne jemi në biseda për partitë që janë të përfaqësuara në Kuvend Komunal dhe mendojmë që lehtë mundemi me krijuar një shumicë të re në asamble. Nuk e besoj që do të ketë zgjedhje, por mundet nëse nuk votohet buxheti, asambleja mundet me shkuar në zgjedhje por unë nuk e besoj këtë, do të gjendet një zgjidhje për buxhetin e ardhshëm”, tha Zogaj.

Një grua ka vdekur në Rahovec, si pasojë e rrëzimit nga një lartësi prej 1.5 metra.

Siç njoftoi Policia, rasti ka ndodhur të hënën, ndërsa viktima ishte dërguar pa shenja jete në Emergjencë.

“ Raportohet se viktima femër kosovare është sjell pa shenja jete në emergjencë. Vdekjen e viktimës e ka konstatuar mjeku kujdestar. Sipas familjarëve viktima është rrëzuar nga një lartësi 1.5 metra. Me vendim të prokurorit trupi i pajetë është dërguar në IML për obduksion”, thuhet në raportin 24-orësh të Policisë.

Një aksident i rëndë trafiku ka ndodhur të dielën në Prishtinë e ku një veturë ka përfunduar në një pompe të derivateve.

Vetura e Volkswagen Golf 7, e ka goditur shtyllën e një pompe derivatesh në Veternik dhe në bazë të fotografive të publikuara ajo është dëmtuar mjaft shumë.

Pamje të veturës dhe video nga momenti i aksidentit.

Presidentja Vjosa Osmani në mbledhjen e Këshillit të Sigurimit të Kombeve të Bashkuara, ka marrë me vete edhe heroinat Fahrije Hoti, Vasfije Krasniqi, Elmaze Muçolli dhe Shyhrete Tahiri.

Pas përfundimit të mbledhjes së Këshillit të Sigurimit, e mbijetuara e dhunës seksuale gjatë luftës në Kosovë, Vasfije Krasniqi-Goodman në një postim në Facebook, ka shkruar se sa herë jemi në kushte të barabarta, Serbia humb çdo betejë.

OKB bllokoi pjesëmarrjen e grave të mbijetuara të luftës, Osmani refuzoi të merrte pjesë pa to
“Derisa, Goebbelsi i Millosheviçit, i cili mbanë anën e së keqes (tek e fundit, aty e ka vendin) dhe bënte propagandë kundër Kosovës e shqiptarëve.

Në anën tjetër, në anën e drejtësisë të vërtetës e demokracisë, Presidentja e Republikës së Kosovës, Dr. Vjosa Osmani-Sadriu, shpërfaqi të vërtetën e cila si asnjëherë më parë u tha qartë e më zë të lartë se Serbia, ka kryer krime… “merr guximin e kërko falje për krimet që keni bërë””, ka shkruar Krasniqi-Goodman.

Krasniqi-Goodman ka shtuar se pavarësisht se ishim ekip këshillëdhënës fillimisht nuk na është lejuar hyrja në sallë.

“Pavarësisht se ne ishim ekip këshillëdhënës fillimisht nuk na është lejuar hyrja në sallë, por me insistimin dhe këmbënguljen e Presidentes një gjë e tillë u lejua dhe NE, e shoqëruam Presidenten në takim. Ky ishte një hap shumë i rëndësishëm drejtë rrugës dhe misionit tonë”, ka shkruar tutje ajo.

Kujtojmë se, muaj më parë presidentja Vjosa Osmani, emëroi Vasfije Krasniqin në pozitën e dërguarës së posaçme për dhunën seksuale gjatë luftës.

Ajo ka thënë se Krasniqi i ka dhënë zë dhimbjes së mijëra grave të përdhunuara gjatë luftës së fundit në Kosovë.

Departamenti Amerikan i Shtetit ka publikuar së fundmi raportin për të Drejtat e Njeriut për vitin 2023, ku thuhet se nuk pati ndryshime domethënëse në Kosovë sa i përket situatës së të drejtave të njeriut.

Raporti i Departamentit të Shtetit thotë se qeveria e Kosovës ndërmori hapa të besueshëm, por jo të vazhdueshëm për të identifikuar, hetuar, akuzuar dhe ndëshkuar zyrtarët që mund të kenë abuzuar me të drejtat e njeriut.

Në kapitullin e tretë të këtij raporti ku flitet për lirinë për të marrë pjesë në procesin politik, përmendet edhe çështja e ndikimit të Listës Serbe tek serbët lokalë në veri të vendit.

“Qeveria serbe vazhdoi të operojë struktura të paligjshme paralele qeveritare në zonat me shumicë serbe të Kosovës dhe në zonat e banuara kryesisht nga komuniteti goran i Kosovës. Qeveria serbe shpesh i përdorte këto struktura për të ndikuar në komunitetet serbe dhe gorane të Kosovës dhe përfaqësuesit e tyre politikë”, thuhet në raportin e DASH.

DASH përmend edhe procesin e mbajtjes së zgjedhjeve parlamentare në shkurt të vitit 2021.

“Vendi zhvilloi zgjedhjet parlamentare në shkurt 2021. Vëzhguesit ndërkombëtarë i konsideruan kryesisht zgjedhjet të drejta dhe pa abuzime dhe parregullsi. Vëzhguesit ndërkombëtarë dhe të pavarur, si dhe përfaqësuesit e grupeve të pakicave etnike raportuan shqetësime në lidhje me mungesën e konkurrencës në zonat me shumicë serbe të Kosovës dhe vunë në dukje presion dhe frikësimin brenda komuniteteve pakicë etnike për të mbështetur partitë e rreshtuara me Listën Serbe, një parti e lidhur ngushtë me qeverinë serbe”, thuhet tutje në raport, raporton Telegrafi.

DASH shton se përkatësia partiake shpesh luante një rol në aksesin në shërbimet qeveritare dhe mundësitë sociale dhe punësimi.

“Perspektivat për partitë opozitare në zonat serbe të Kosovës mbetën të kufizuara, megjithatë, për shkak të presionit të raportuar dhe taktikave të frikësimit për të ndikuar tek serbët e Kosovës që të mbështesin Listën Serbe”, thuhet në raport.

Ish-ministri i Jashtëm i Kosovës, Enver Hoxhaj, ka reaguar për mos zgjedhjen e Ermina Lekaj Perlaskaj si deputete e Kuvendit të Kroacisë, e cila për vite me radhë mbante këtë pozitë atje.

Nënkryetari i Kuvendit, Enver Hoxhaj, përmes një postimi në rrjetin social Facebook, shkroi se Ermina Lekaj Perlaskaj ishte zëri, guximi dhe vendosmëria e gjithë shqiptarëve në Kuvendin e Kroacisë.

Kështu u shpreh Hoxhaj, derisa tha se moszgjedhja e saj është shpërfaqje e politikës së përçarjes së shqiptarëve, që sipas tij, ka pikënisjen në Prishtinë dhe Gostivar.

“Ermina Lekaj Perlaskaj ishte zëri, guximi dhe vendosmëria e gjithë shqiptarëve në Kuvendin e Kroacisë, ndërsa moszgjedhja e saj është shpërfaqje e politikës së përçarjes së shqiptarëve, me pikënisjen në Prishtinë dhe Gostivar!”, ka shkruar Hoxhaj, derisa ka ndarë një fotografi me z. Perlaskaj.

Instituti Kombëtar i Shëndetësisë Publike të Kosovës ka shënuar Javën Evropiane të Imunizimit 2024.

Sipas një njoftimi të lëshuar nga IKShPK, Java Evropiane e Imunizimit fokusohet në suksesin e vaksinimit ndër breza, duke promovuar ndërgjegjësimin për rëndësinë e imunizimit në parandalimin e sëmundjeve.

“Java e Imunizimit është moment kyç për të ngritur vëmendjen rreth përfitimeve dhe rëndësisë së vaksinimit për shëndetin dhe mirëqenien e përgjithshme të popullatës, gjatë gjithë jetës së tyre. Në vitin 1974, u lansua Programi i Zgjeruar global i Imunizimit për të siguruar që të gjithë fëmijët, në të gjitha vendet e botës të përfitojnë nga vaksinat shpëtimtare kundër 6 sëmundjeve potencialisht fatale”, thuhet në njoftim.

Sipas IKShPK-së Java e Imunizimit në këtë vit ka rëndësi të veçantë pasi që përkon me 50 vjetorin e Programit të Zgjeruar të Imunizimit (PZI).

“Duke përkujtuar këtë moment historik, bota feston arritjet e jashtëzakonshme të PZI-së gjatë 5 dekadave të fundit duke shpëtuar më shumë se 1 miliard jetë në mbarë botën. Që nga viti 1974, falë vaksinimit, Variolla është eradikuar, shtrirja gjeografike e Poliovirusit të egër është reduktuar deri vetëm në dy vende. Rastet e fruthit, rubellës, tuberkulozit, pertusisit, tetanosit dhe difterisë janë ulur shumë”, thuhet nga IKShPK.

Përpjekjet e vazhdueshme në përkrahje të PZI-së sipas IKShPK-së janë thelbësore për të identifikuar boshllëqet e imunitetit tek të gjitha moshat duke përfshirë ata që mund të janë vonuar për vaksinat e rradhës apo kanë humbur mundësinë.

Policia e Kosovës njofton se dje një 12-vjeçare është raportuar e zhdukur në Pejë.

Sipas raportit të fundit të policisë, vajza ishte nisur në shkollë dhe nuk është kthyer më.

“Rr. Nëna Terezë, Pejë 22.04.2024 – 07:45. Ankuesi mashkull kosovar, ka njoftuar policinë se vajza e tij 12 vjeçare ka dalë nga shtëpia për të shkuar në shkollë dhe nuk është kthyer. Rasti në hetime”, thuhet në raportin 24 orësh të policisë.

KosovaPress ka kontaktuar policinë në Pejë, por nuk kanë dhënë më shumë detaje deri tani.