Blog

Kryeministri, Albin Kurti është shprehur i çuditur me raportin e Departamentit Amerikan të Shtetit për të Drejtat e Njeriut.

Ai ka thënë se DASh-i nuk ka cituar disa organizata që tregojnë progresin e Kosovës.

“Natyrisht që ka edhe kritika për ne, por nëse shikoni raportin e vitit 2019, sot Kosova ka progres të jashtëzakonshëm dhe ajo që mua më çudit është që në raportin e Departamentit Amerikan të Shtetit nuk citohet për shembull Freedom House, nuk citohet Transparency International, dhe po të citoheshin, do të duhej të lëvdohej Kosova”, ka thënë Kurti në një intervistë për DW.

Kurti ndër tjerash ka folur edhe për Asociacionin e komunave me shumicë serbe. Ka thënë se gjithçka duhet të jenë në përputhje me ligjshmërinë, kushtetutshmërinë, interesin publik dhe në mbrojtje të të drejtave të qytetarëve serbe.

Raporti i DASH-it ka nxjerrë se nuk pati ndryshime domethënëse gjatë vitit 2023 për situatën e të drejtave të njeriut në Kosovë.

Aty si probleme më serioze janë theksuar pavarësia e gjyqësorit, kufizimet ndaj lirisë së shprehjes dhe mediave, korrupsioni i qeverisë, dhuna me baza gjinore, e kërcënimet për dhunë ndaj pakicave etnike.

Hamasi – grupi palestinez i shpallur organizatë terroriste nga Shtetet e Bashkuara të Amerikës dhe Bashkimi Evropian – ka thënë të shtunën se është duke e shqyrtuar një propozim të ri të Izraelit për armëpushim në Gazë.

Egjipti i ka rritur përpjekjet për ta ndërmjetësuar një marrëveshje për t’i dhënë fund luftës disamujore dhe për ta parandaluar një pushtim të mundshëm tokësor të qytetit jugor të Gazës, Rafah, nga Izraeli.

Zyrtari i lartë i Hamasit, Khalil al-Hayya, tha se grupi militant është duke e vlerësuar propozimin e Izraelit dhe “sapo ta përfundojë shqyrtimin, do ta dorëzojë përgjigjen”.

Ai nuk dha hollësi rreth ofertës së Izraelit, por tha se ajo ishte përgjigje ndaj një propozimi që Hamasi e kishte bërë dy javë më parë. Në fillim të këtij muaji u bisedua mes palëve për një armëpushim gjashtëjavor dhe për lirimin e 40 pengjeve civile dhe të sëmurë, në këmbim të lirimit të qindra të burgosurve palestinezë nga burgjet izraelite.

Deklarata e Hamasit vjen pak orë pasi një delegacion egjiptian i nivelit të lartë e kreu një vizitë në Izrael, ku u bisedua për “një vizion të ri” për një armëpushim në Gazë, sipas një zyrtari egjiptian, i cili foli në kushte anonime.

Derisa lufta po vazhdon dhe numri i viktimave po rritet, Hamasi dhe Izraeli janë duke u përballur me trysni ndërkombëtare për ta arritur një marrëveshje për një armëpushim dhe për ta parandaluar një ofensivë të mundshme izraelite në Rafah, ku më shumë se gjysma e popullsisë e Gazës prej 2.3 milionë banorësh ka kërkuar strehim nga luftimet në pjesët e tjera të territorit.

Izraeli ka muaj që ngul këmbë se po planifikon ta kryejë një ofensivë tokësore në Rafah, i cili ndodhet në kufi me Egjiptin. Zyrtarët izraelitë thonë se shumë luftëtarët të Hamasit ndodhen në këtë qytet.

Bashkësia ndërkombëtare, përfshirë aleatja e tij e madhe SHBA-ja, i kanë bërë thirrje Izraelit të mos e pushtojë Rafahun. Por, Izraeli i ka mbledhur dhjetëra tanke dhe autoblinda në jug të Izraelit, në afërsi të Rafahut dhe kryen sulme ajrore pothuajse çdo ditë në këtë qytet.

Të shtunën në mëngjesin u vranë gjashtë njerëz, përfshirë katër fëmijë, nga një sulm ajror izraelit në Rafah, thanë zyrtarët e një spitali lokal.

Ndërkohë, Hamasi ka thënë se nuk do të heqë dorë nga kërkesat e veta për një armëpushim të përhershëm dhe për tërheqjen e trupave izraelite nga Gaza.

Izraeli i ka hedhur poshtë këto kërkesa.

Izraeli thotë se do t’i vazhdojë sulmet ushtarake derisa ta mposhtë Hamasin dhe se do ta vazhdojë praninë ushtarake në Gazë edhe pas luftës.

Lufta e Izraelit në Gazë kundër Hamasit nisi pasi pjesëtarët e këtij grupi i vranë rreth 1.200 njerëz, kryesisht civilë, dhe i rrëmbyen rreth 250 të tjerë gjatë atij sulmi në jug të Izraelit.

Më shumë se 34.000 palestinezë janë vrarë, prej të cilëve dy e treta fëmijë dhe gra, si pasojë e luftës izraelite në Gazë prej atëherë, sipas zyrtarëve shëndetësorë palestinezë./REL/

Krerët më të lartë të shtetit e familjarë të viktimave u mblodhën në “Lëndinën e Pikëllimit”, në 25-vjetorin e masakrës së Mejës, raporton Ekonomia Online.

Nga aty, krerët institucionalë kërkuan drejtësi për viktimat, teksa u zotuan se thirrja për drejtësi kurrë nuk do të mungojë. Presidentja e Kosovës, Vjosa Osmani, masakrën e Mejës e quajti “Srebrenica e Kosovës”, duke thënë se nuk do rreshtin së kërkuari drejtësi. “376 civilë të pafajshëm ju këputën ëndrrat në gjysmë vetëm pse ishin shqiptarë”.

376 familje pa më të dashurit e tyre e gjithë Kospva në dhimbje të përhershme. Meja është testament i kësaj dhimbje e vazhdueshme në çdo shtëpi të Kosovës. ‘Lëndina e Pikëllimit’ është vendi i së vërtetës sonë, rrëfimi i trishtë i 376 fate njerëzore, Srebrenica e Kosovës.

Kryeministri i Kosovës, Albin Kurti, tha se për shqiptarët stina e pranverës është stinë përkujtimore. “Sibjet po mbahen 25 kur lifta e arriti kulmin e luftës para se të përfundote nëq erdhor të atij viti. Viti 99 ishte stinë e vrasjes në kuadër të stilit gjenocidial, andaj pranvera për ne është stinë përkujtimore. Në hsitorinë eliftës masakra në Mejë e Korenicë është mëe madhja.

Atë ditë u vranë 376 civilë të pafajshëm, në mesin e e tyre nxënës e arsimtarë. Këtu i kemi varret e civilëve myslimanë e katolikë”, tha Kurti.

“Ju e keni të freskët mëngjesin e atij viti kur forcat paramilitare e ushtarake të Serbisë, i dëbuan civilët nga fshatrat e Gjakovës. Të dëbuarit i drejtuan nga Meja ku i plaçkitën dhe gratë e fëmijët i drejtuan për në Shqipëri, ndërsa burrat e djem të rinj u vranë në fshatin Mejë”, tha Kurti.

Kreu i ekzekutivit tha se edhe pas 25 vjet pas luftës, Kosova vazhdon të jetë në luftë të ashpër me Serbinë.

Një burrë është gjetur i vdekur dje në një banesë në Fushë-Kosovë.

Policia tha se ka nisur hetimet për vdekjen e tij, derisa trupi i pajetë i viktimës dërgohet në Institutin e Mjekësisë Ligjore, për obduksion.

“Fushë Kosovë / 26.04.2024 – 10:30. Raportohet se në një banesë është gjetur pa shenja jete viktima mashkull kosovar. Në vendin e ngjarjes kanë dalë njësitet përkatëse, ndërsa ekipi mjekësor ka konstatuar vdekjen e viktimës. Me vendim të prokurorit, trupi i pajetë i viktimës dërgohet në IML për obduksion”, thuhet në njoftimin e policisë.

Presidentja e Kosovës, Vjosa Osmani, duhet t’i ftojë partitë politike për t’u dakorduar për datën e zgjedhjeve të parakohshme. Kështu thotë nënkryetari i Lidhjes Demokratike të Kosovës, Lutfi Haziri.

Sipas tij, nëse kryeministri dëshiron që përmes shpërbërjes së Kuvendit të shkohet në zgjedhje të parakohshme, e para e vendit duhet të bëhet garant kushtetues i të gjitha partive politike dhe të ketë pajtim për datën e zgjedhjeve. Ai në një intervistë për KosovaPress, thotë se LDK-ja, është gati për zgjedhje dhe shohin periudhën e vjeshtës si një mundësi të mirë.

“Nëse dëshiron shpërbërje të Kuvendit, kryeministri mund t’ia kërkojë presidentes që t’i fton partitë politike në tryezë për mënyrën e shpërbërjes së parlamentit. S’ka autoritet kryeministri me bërë këtë, presidentja mund t’i thërret dhe të bëhet garant kushtetues i të gjitha partive politike. T’iu thotë urdhëroni të gjithë me pakica dhe shumicë grumbulloni nënshkrimet kush është për zgjedhje”, thotë Haziri.

Megjithatë, Haziri dyshon në sinqeritetin e kryeministrit Albin Kurti se e tërë mazhoranca do të votojë për shpërbërje të Kuvendit.

Sipas tij, ata nuk do të jenë unik në shpërbërjen e legjislativit, pasi deputetët e pushtetit kanë dallime të mëdha brenda grupit.

“Nuk kanë me kanë unik për shpërbërjen e Kuvendit. Deputetët që kanë dallime për shkak të agjendave politike, premtimeve të pa mbajtura dhe dështimeve. Ata që ndihen si përfaqësues të popullit nuk dëshirojnë të shpërbërjen vetveten. Është e pabesueshëm që dikush në emër të atij grupi parlamentar me detyru me votu. Fundja edhe pa LDK-në bëhen dy të tretat, ata mund të organizojnë këtë peticion për shpërbërjen e Kuvendit..33:31 Çdo kohë shtator e tutje është kornizë e zgjedhjeve të rregullta. Janë katër muaj të këtij viti dhe 1 muaj e gjysmë e vitit të ardhshëm bëjnë gjashtë muaj. Çdo periudhë katër deri gjashtë muaj është zgjedhje e rregullta. Zgjedhje të hershme mund të quhen nëse mbahen në qershor apo korrik e gusht. Natyrisht se jemi të gatshëm për zgjedhje në vjeshtë. Vjeshta është një periudhë kohore kur të gjithë e shohin si mundësi për zgjedhje”, thekson ai.

Duke folur për përfshirjen e kryeministrit Albin Kurti në zgjedhjet presidenciale në Maqedoninë e Veriut, Haziri thotë se ndërhyrja e tij ka përçarë shqiptarët atje. Mirëpo, ai thekson se Kurti po përçan edhe shqiptarët në Luginën e Preshevës dhe sa ka tentuar të ndërhyjë edhe te shqiptarët në Mal të Zi.

“Pozicionim i gabuar. Ai u mundu në Mal të Zi që nuk është vërejtur shumë. Dritan Abazoviq në atë kohë ishte autoritet që nuk lejoj hapësirë, pastaj ka vazhduar në Kosovën lindore, në tri komuna, Preshevë, Bujanoc dhe Medvegjë, ku ka shkaktuar përçarje serioze…Në Maqedoni ndërhyrja ka qenë klasike, sikurse në Luginë, e pozicionuar dhe ka dëmtuar mundësinë që me u bashku faktori politik. Ne kemi qenë në fillet e një angazhimi për t’i dhënë mesazh për bashkim, pa ndërhyrje, por me u bashku për kandidatin për president, për ndryshime kushtetuese dhe nevojat që kanë shqiptarët atje… Tash e ka defaktorizu sepse ka shkaktuar unifikim të maqedonasve dhe popullit sllav, po ashtu i ka dhënë mundësi që VMRO-së me shku shumë larg dhe ka dëmtuar LSDM-në në këtë rast”, deklaron Haziri.

Ukraina tha të shtunën se Rusia ka kryer sulme të mëdha kundër termocentraleve të saj gjatë natës. Ndërkohë, një rafineri ruse e naftës tha se e ka ndërprerë punën pas një sulmi me dronë.

DTEK, kompania më e madhe energjetike e Ukrainës, tha se katër termocentrale të saj janë goditur.

“Armiku përsëri i bombardoi fuqishëm objektet energjetike ukrainase”, tha DTEK në një komunikatë. “Pajisjet e kompanisë janë dëmtuar rëndë. Punëtorët e energjisë janë duke punuar tani për eliminimin e pasojave të sulmit”.

Ministri ukrainas i Energjisë, Herman Halushchenko, tha se sulmet ruse cak e kishin rajonin Dnipropetrovsk në Ukrainën qendrore dhe rajonet perëndimore Lviv dhe Ivano-Frankivsk.

Halushchenko tha se një punëtor i energjisë është plagosur. DTEK raportoi për viktima, por nuk dha hollësi.

Kundërajrorët ukrainas i rrëzuan 21 prej 34 raketave ruse gjatë natës, tha komandanti i Forcës Ajrore të Ukrainës të shtunën.

Gjatë muajit të fundit, ushtria ruse i ka rritur sulmet ndaj infrastrukturës energjetike të Ukrainës, duke i sulmuar termocentralet dhe hidrocentralet e këtij vendi pothuajse çdo ditë.

Zyrtarët ukrainas kanë thënë se vendi e ka humbur rreth 80 për qind të prodhimin të rrymës nga termocentralet dhe 35 për qind nga hidrocentralet, duke e detyruar Qeverinë ta vendosë reduktime të rrymës në disa rajone.

Në Rusi, ndërkohë, një rafineri e naftës në rajonin rus Krasnodar e ndërpreu punën, pas një sulmi të dyshuar me dronë mëngjesin e së shtunës, thanë zyrtarët lokalë.

“Saktësisht 10 UAVs (dronë) fluturuan drejt në rafineri. Kjo shkaktoi zjarr të madh. Mund të ketë dëme të padukshme”, tha Eduard Trudnev, drejtori për siguri i Slavynaks ECO Group, i cili e udhëheq këtë rafineri./REL/

Lëkundje tërmeti me magnitudë 4 të shkallës Rihter janë regjistruar mëngjesin e së shtunës pranë Napolit në Itali.

Mediat italiane raportojnë se banorët e Napolit janë zgjuar të frikësuar, ndërsa shumë kanë dalë në rrugë si pasojë e frikës për ndonjë lëkundje edhe më të fortë. Tërmeti ka qenë me epiqendër në zonën e Campi Flegrei, ndërsa thellësia ishte vetëm 3 kilometra.

“Goditja e mëngjesit të sotëm ishte e fortë. Ne kemi marrë menjëherë masat siç bëjmë zakonisht së bashku me Mbrojtjen Civile në të tilla raste. Për momentin nuk kemi raportime për të lënduar”, ka thënë kryebashkiaku i Pozzuoli, aty ku janë ndjerë më shumë lëkundjet.

Pas tërmetit të parë janë regjistruar edhe dy lëkundje të tjera më të lehta.

Misioni Evropian për Sundim të Ligjit në Kosovë (EULEX) ka marrë pjesë në aktivitetin e institucioneve të vendit për të përkujtuar të zhdukurit e luftës në Kosovë, në Ditën Kombëtare për Personat e Zhdukur.

Përmes një njoftimi, EULEX-i ka shprehur solidarizimin “për 1615 personat e zhdukur nga lufta në Kosovë dhe menjëherë pas saj, si dhe me familjet e tyre”.

“Familjarët e të gjithë personave të zhdukur kanë të drejtë ta dinë të vërtetën për fatin e të dashurve të tyre. Ne mbetemi të përkushtuar që të punojmë pandërprerë me Institutin e Mjekësisë Ligjore të Kosovës dhe institucionet tjera përkatëse për t’u ndihmuar atyre që ta përmbushin këtë të drejtë duke i gjetur personat e zhdukur, si dhe duke ndarë këshilla dhe ekspertizë për identifikimin e varreve ende të pazbuluara, kryerjen e zhvarrimeve dhe identifikimin e viktimave”.

“Nga viti 2009 e deri më sot, EULEX-i i ka marrë pjesë në mënyrë aktive në 800 operacione në terren për gjetjen e personave të zhdukur, duke përfshirë 209 zhvarrime. Mbetjet mortore të 501 personave janë identifikuar, duke përfshirë këtu 343 persona të zhdukur”, ka thënë EULEX-i në njoftimin për media.

Në aktivitetin e organizuar nga autoritetet e Kosovës, ka marrë pjesë zëvendës-shefja e Misionit, Emily Rakhorst.

Instituti i Kosovës për Drejtësi ka publikuar raportin e monitorimit të punës së Kuvendit të Kosovë.

Nga të dhënat e raportit që janë nxjerrë, Ganimete Musliu nga PDK-ja, Hykmete Bajrami nga LDK dhe Mimoza Kusari Lila nga VV janë tri deputetet gra me më së shumti deklarata në Kuvendin e Kosovës.

Ndërsa në bazë të deklaratave të deputetëve, rezulton se 15 deputetë nuk kanë ngritur asnjë çështje nga totali i 2114 deklaratave gjatë vitit 2023, ku prej këtyre deputetëve 9 janë grupit parlamentar të Listës Serbe, një nga GP LV, një nga GP LDK, një nga GP MULTIETNIK, një deputet i subjektit politik GI za Slobodu, Pravdu i Opstanak (GI SPO), një deputet nga Partia Unike Gorane (JGP) dhe Një deputet nga subjekti politik Romani Iniciativa (RI).