Blog

Instituti Hidrometeorologjik i Kosovës ka bërë të ditur se sot parashihet të mbajë mot me diell dhe vranësira të pjesëshme,të cilat siç thuhet në njoftim, gjatë pjesës së dytë të ditës mund te sjellin riga lokale shiu.

Sipas njoftimit të këtij instituti, temperaturat maksimale të ditës parashihen të lëvizin ndërmjet 30-33 gradë Celsius.

“Të dielën parashihet të mbajë mot me diell dhe vranësira të pjesëshme,të cilat gjatë pjesës së dytë të ditës mund te sjellin riga lokale shiu”.

“Temperaturat minimale do të lëvizin ndërmjet 15-18 gradë celsius, ndërsa maksimalet e ditës parashihen të lëvizin ndërmjet 30-33 gradë Celsius. Do të fryjë erë e lehtë deri mesatare nga drejtimi i juglindjes”, thuhet tutje në njoftim.

Presidenti i Republikës së Shqipërisë, BajramBegaj, u nis sot për një vizitë dyditore në Kosovë.

Gjatë kësaj vizite presidenti do të zhvillojë takime më tre komuna: Deçan, Junik dhe Drenas.

Presidenti Begaj do të nderojë, gjithashtu, ish-luftëtarët e UshtrisëÇlirimtare të Kosovës, të rënë gjatë luftës.

Lajmi është konfirmua nga zyra e shtypit të Presidencës.

Një burrë ka raportuar në polici zhdukjen e vajzës së tij në Ferizaj.

Në raportin e policisë thuhet se vajza është larguar në drejtim të panjohur dhe nuk dihet asgjë për vendndodhjen e saj.

“Ankuesi mashkull kosovar, ka raportuar se vajza e tij viktima femër kosovare, është larguar në drejtim të panjohur dhe nuk dihet asgjë për vendndodhjen e saj. Rasti nën hetime”, thuhet tutje në raport.

Lista e pritjes për pacientët që kanë nevojë për ekzaminime me rezonancë magnetike, është rishikuar dhe shkurtuar në “vetëm një muaj e gjysmë” ka deklaruar për Ekonomia Online drejtoresha e Radiologjisë në QKUK, Shkëndije Nuza. Sipas saj, para dy vitesh pacientët është dashur të presin deri në 13 muaj.

Nuza ka thënë se si Klinikë janë duke u ballafaquar edhe me aparatura të vjetra, të cilat kanë pasur edhe defekte, por sipas saj, tashmë janë rregulluar.

Nuza ka thënë se për pacientët që kanë nevojë për ekzaminime me ultrazë lista e pritjes është deri në tri javë, ndërsa ekzaminimet me CT, lista e pritjes është deri në dy javë.

“Duhet të kemi të qartë se pacientët spitalorë asnjëherë nuk presin. Për ekzaminimet me rëntgen asnjëherë nuk ka ekzistuar listë e pritjes; për ekzaminimet me ultrazë listën e pritjes e kemi diku brenda dy deri në tri javë, për arsye se kërkesat janë të vazhdueshme. Kërkesa shumë të mëdha kemi edhe prej mjekësisë primare për ekzaminime me CT. Dihet se Klinika e Radiologjisë punon me tre aparate të CT-së, tri janë paradite, ndërsa dy janë 24 orë, njëra pranë spitalit të fëmijëve, dhe CT-ja e emergjencës që punon 24 orë, lista e pritjes për CT është dy javë. Listë të pritjes, nëse do ta quajmë listë të pritjes për krahasim me listat e pritjes së përparme me rezonancë magnetike për rastet e ftohta, për rastet që presin është fundi i muajit korrik. Do të thotë është një muaj e gjysmë lista e pritjes për ekzaminime me rezonancë magnetike për rastet e ftohta”.

“Ndërsa për rastet onkologjike gjithmonë siç e kemi cekur edhe më herët planifikohen sipas kërkesave të onkologut; do të thotë nëse onkologu dëshiron që kjo të bëhet  pas dy jave do t’i krijohet hapësira, nëse e kërkon pas tre muajve ne duhet të krijojmë një listë të re, listat e pacientëve onkologjikë janë lista të planifikuara. Për rastet emergjente punon 24 orë rezonanca magnetike”, ka bërë të ditur drejtoresha e Klinikës së Radiologjisë.

“Lista e pritjes për gjithë pacientët pa dallim ka qenë 13 muaj para dy viteve. Pastaj puna kryesore ka qenë revidimi i listave të pritjes dhe puna e parë që është bërë u janë gjetur vendet dhe u janë krijuar hapësirat për pacientët onkologjikë, pastaj edhe për rastet e tjera. Pacientët spitalorë asnjë herë nuk presin”, ka thënë ajo.

Nuza në këtë intervistë ka treguar edhe numrin e shërbimeve që kjo klinikë ka ofruar për pesë muajt e parë të këtij viti.

“Në raportin e fundit pesëmujor, ka një numër të madh të shërbimeve të cilat kryhen prej të cilëve me rëntgën-radiografi janë kryer gjithsej 32 mijë 460 pacientë; ekzaminime me CT kemi 13 mijë e 422 pacientë; rezonanca magnetike për pesëmujor janë 5 mijë e 734 pacientë; ekzaminime me mamografi në pesëmujor janë 760 pacientë; ekzaminime me ultrazë i kemi 10 mijë e 832 ekzaminime, kjo përfshin edhe ndërrimin e paradites dhe me kujdestari. Ekzaminime me CT angiografi janë rreth 700 pacientë; ekzaminime intervente endovaskulare janë 38 pacientë; ekzaminime me biopsi – kjo përfshin biopsinë pjesën jovaskulare që është 505 pacientë në pesë muaj, ekzaminime me trombektomi janë kryer gjithsej 6 pacientë dhe biopsi të gjirit janë kryer në 97 pacientë”, ka treguar Nuza.

Drejtoresha e Radiologjisë ka thënë se si klinikë kanë aparatura të vjetra, shumica e të cilave janë rregulluar. Aktualisht jashtë funksioni kanë CT-në e cila gjendet në Klinikën e Neurologjisë.

Ajo ka shtuar se së shpejti kësaj klinike do t’i shtohet edhe një CT e cila është donacion i Ambasadës Amerikane dhe do të shfrytëzohet nga Emergjenca.

Derisa në klinika të tjera një problem që theksohet vitet e fundit është ikja e punonjësve shëndetësorë, sidomos e infermierëve, Nuza thotë de në Radiologji nuk e kanë këtë preokupim.

“Në Klinikën e Radiologjisë vetëm një teknike, për çështje familjare, ka dhënë dorëheqje. Për momentin ende nuk ka dikush që ka kërkuar një pëlqim për punësim jashtë shtetit”, ka thënë drejtoresha Nuza.

Policia, përmes raportit 24 orësh, ka njoftuar se mbrëmë ka ndodhur një aksident trafiku në rrugën “Transiti i Ri” në Rahovec, ku ka vdekur një person.

Ai ka marrë lëndime si pasojë e aksidentit dhe është dërguar në Spitalin e Gjakovës, ku mjeku ka konstatuar vdekjen.

“AKSIDENT TRAFIKU ME FATALITET- Rr. Transiti i ri, Rahovec 22.06.2024-22:10. Raportohet se i dyshuari mashkull kosovar, përderisa ka qenë duke drejtuar motoçikletën, duke mos përshtatur shpejtësinë e lëvizjes, humb kontrollin mbi motoçikletën, del jashtë rruge dhe rrokulliset. Si pasoj, i njëjti pëson lëndime trupore dhe dërgohet në Spitalin e Gjakovës ku mjeku kujdestar konstaton vdekjen e tij. Me vendim të prokurorit , trupi i pa jetë dërgohet në IML për obduksion.”

Kompania Rajonale e Ujësjellësit “Prishtina” ka njoftuar se disa zona të cilat furnizohen me ujë nga kjo kompani, do të mbesin pa ujë të pijshëm.

Kjo për shkak të dëmtimit të një kablloje të rrymës që furnizon me energji elektrike objektin e trajtimit të ujit “KRONI”.

“Zonat e prekura nga mungesa e ujit janë Bresje, një pjesë e Fushë Kosovës, Vragoli, Bardhi i Madh”, njoftoi KRU “Prishtina”.

Se kur mund të rikthehet furnizimi me ujë, kompania tha se kjo varet nga kohëzgjatja deri në riparimin e kabllove.

Organizata AVONET, ka njoftuar se kamerat e trupit të Policisë së Kosovës janë bërë të qasshme për publikun.

“Procedura Standarte e Operimit (PSO) për përdorimin dhe administrimin e sistemit të kamerave të trupit në Policinë e Kosovës është deklasifikuar pjesërisht për qasje publike nga të gjithë qytetarët”, thuhet në njoftim.

Njoftimi i plotë:

Deri te kjo arritje ka ardhur pas një hulumtimi të z. Lorik Krasniqi – Zv. Drejtor Ekzekutiv i AVONET, rast i cili ka filluar në muajin dhjetor të vitit 2023, ku duke shfrytëzuar dispozitat ligjore pozitive ka kërkuar qasje në disa PSO të Policisë së Kosovës, në lidhje me këtë në janar të këtij viti (2024) kemi pranuar përgjigjen në raport me kërkesën tonë nga Policia e Kosovës, ku është ofruar qasje në të gjitha PSO-të, përveç në PSO-në për përdorimin dhe administrimin e sistemit të kamerave të trupit në Policinë e Kosovës, me arsyetimin se bazuar në Ligjin për Informacionin e Klasifikuar dhe verifikim të sigurisë qasje nuk mund të ofrohet në PSO-në ”Përdorimi dhe administrimi i sistemit të kamerave të trupit”, për shkak se ky dokument është i klasifikuar.

Në lidhje me këtë, AVONET ka konsideruar se ky dokument nuk ka arsye të mjaftueshme që të cilësohet ende si i klasifikuar.

Andaj, duke shfrytëzuar të drejtën për ndjekjen e mjeteve juridike, në janar të vitit 2024, kemi kontaktuar AIP-në, në lidhje me rastin e paraqitur për PSO-në në fjalë.

Rrjedhimisht, kjo çështje ka vazhduar të trajtohet nga AIP-ja, ku në maj të këtij viti e njejta ka parashtruar kërkesë në Policinë e Kosovës për deklasifikimin e dokumentit publik.

Policia e Kosovës në fund të muajit maj, na ka njoftuar se ka formuar komisionin përkatës përmes vendimit të Drejtorit të Përgjithshëm të Policisë për të ndërmarr të gjitha veprimet e nevojshme për deklasifikimin e dokumentit në fjalë. Kështu që nga fundi i muajit maj ky dokument më nuk është plotësisht i klasifikuar, rrjedhimmisht i njëjti është i qasshëm për publikun.

Komisioni i formuar nga Drejtori i Përgjithshëm ka vendosur që informacione konfidenciale të jenë vetëm paragrafet ku përcaktohen detajet e serverëve të këtij sistemi. AVONET vlerëson rëndësinë e privatësisë së qytetarëve dhe siguron se hapësira për qasje të hapur dhe transparente në PSO-në në fjalë ka një impakt pozitiv në rritjen e besimit publik dhe përmirësimin e mëtejshëm të praktikave të sigurisë publike.

Ne vazhdimisht me vite të tëra kemi angazhuar resurset tona për të mbështetur qeverisjen e hapur dhe përgjegjëse në Kosovë, andaj konsiderojmë se çdo veprim në lidhje me përdorimin e kamerave të trupit duhet të jetë në përputhje me ligjin dhe të respektoj të drejtat dhe privatësinë e qytetarëve. Të bashkangjitura mund të gjeni disa informacione dhe grafika, që shpjegojnë se cilat janë të drejtat e qytetarëve dhe palëve të tjera që derivojnë nga dispozitat e kësaj Procedure Standarte të Operimit. Me respekt, Zyra për Informim Rrjeti i OJQ-ve AVONET”

Ministria e Arsimit, Shkencës, Teknologjisë përmes një postimi në Facebook ka bërë të ditur se ka përfunduar provimi i maturës, të cilit iu nënshtruan rreth 19 mijë maturantë.

Provimi i Maturës këtë vit është organizuar në 151 Qendra të Testimit, ku maturantët kanë qenë të sistemuar në 1500 klasa.

Derisa sipas raporteve të administratorëve, në disa Qendra ka pasur largim të nxënësve nga provimi, për shkak të përdorimit të telefonave. Siç mësohet rezultatet e Provimit të Maturës do të publikohen më 01.07.2024.

Testi i Maturës kopjohet dhe shpërndahet me të madhe në rrjete sociale