Blog

Aeroporti i Sofjes mbetet i pandikuar nga ndërprerja globale e TI-së, e cila ka shkaktuar ndërprerje për kompanitë në mbarë botën, tha të premten për BTA zyra e shtypit e aeroportit.

Anulimet dhe vonesat e fluturimeve, nëse ka, mund të jenë për shkak të aeroporteve dhe transportuesve të tjerë që janë prekur nga ndërprerja e IT, tha zyra e shtypit.

Ndërkohë, Ryanair paralajmëroi për ndërprerje të trafikut ajror për shkak të ndërprerjes së IT. Fluturimi i tij nga Berlini në Sofje u anulua.

Shumë aeroporte dhe transportues në Evropë aktualisht po përjetojnë vështirësi për shkak të ndërprerjes së IT.

Aeroporti i Sofjes nuk preket, por disa fluturime në nisje dhe mbërritje mund të vonohen për shkak të situatës në Evropë, paralajmëron Aeroporti dhe këshillon pasagjerët të monitorojnë orarin e fluturimeve në faqen e internetit të Aeroportit.

Gazetari amerikan i Wall Street Journal, Evan Gershkovich u dënua sot në Rusi me 16 vjet burg për spiunazh, pas një gjyqi që besohet të jetë i motivuar politikisht. Prokuroria ruse kërkoi që ai të dënohej me tetëmbëdhjetë vjet burg.

Gershkovich u arrestua më 29 mars 2023 në Yekaterinburg. Autoritetet ruse e akuzuan atë, pa prova, për mbledhjen e informacionit të klasifikuar me urdhër të qeverisë amerikane. Gershkovich është deklaruar i pafajshëm dhe gazeta e tij dhe qeveria e SHBA kanë thënë se gjyqi ishte i montuar.

“Arrestimi i gabuar i Evan 477 ditë më parë është i tmerrshëm dhe kjo duhet të marrë fund tani.” Ndërsa Rusia po orkestron këtë gjyq të turpshëm dhe të montuar, ne po bëjmë gjithçka që është në fuqinë tonë që Evan të lirohet menjëherë. Ai po bënte punën e tij si gazetar dhe gazetaria nuk është krim”, tha Wall Street Journal.

Departamenti Amerikan i Shtetit e shpalli të paligjshëm arrestimin e Gershkovich, duke e detyruar qeverinë të kërkonte me forcë lirimin e tij.

Zëdhënësi i Departamentit të Punëve të Jashtme të SHBA-së dje refuzoi të flasë për mundësinë e një shkëmbimi, por tha se qëndrimi i SHBA-së që nga fillimi ishte se Gershkovich ishte arrestuar pa prova dhe se ai nuk kishte bërë asgjë të keqe.

Gjyqi i Gershkovich filloi më 26 qershor në Yekaterinburg pasi ai kaloi 15 muaj në burg në Moskë.

Prokurori i shtetit rus tha muajin e kaluar se Gershkovich u akuzua për “mbledhjen e informacionit sekret” në lidhje me fabrikën e tankeve dhe pajisjeve ushtarake Uralvagonzavod, e vendosur 150 kilometra larg Yekaterinburgut, me urdhër të CIA-s.

Ligji i spiunazhit i Rusisë është i paqartë dhe i nënshtrohet interpretimeve të ndryshme, të cilat qeveria i përdor shpesh për të akuzuar njerëzit që ofrojnë informacion publik për të huajt për nxjerrje të sekreteve shtetërore.

Në fillim të këtij muaji, Kombet e Bashkuara thanë se Moska ka shkelur ligjin ndërkombëtar duke arrestuar Gershkovich dhe se duhet ta lirojë menjëherë.

Arrestimet e amerikanëve në Rusi po bëhen gjithnjë e më të shpeshta. Aktualisht, nëntë shtetas amerikanë janë arrestuar në Rusi në mes të tensioneve të përshkallëzuara mes dy vendeve.

Ambasadorja e SHBA-së në Kombet e Bashkuara, Linda Thomas-Greenfield, akuzoi Kremlinin se i trajton njerëzit si një monedhë për ryshfet. Ajo veçoi Gershkovich dhe ish-marinez Paul Whelan, i cili po vuan një dënim me 16 vjet burg gjithashtu për akuzat për spiunazh.

Aeroporti Ndërkombëtar i Prishtinës “Adem Jashari”, nuk është afektuar nga kolapsi kibernetik i cili është sot ka prekur pothuajse gjithë botën.

Këtë e ka bërë të ditur për KosovaPress, zëdhënësja e Aeroportit Ndërkombëtar “Adem Jashari”, Valentina Gara.

“Ju njoftoj se sistemet e Aeroportit Ndërkombëtar të Prishtinës nuk janë të afektuara”, ka thënë Valentina Gara për Kosovapress.

Edhe Banka Qendrore e Kosovës ka njoftuar se sistemi ndërbankar i Pagesave është plotësisht funksional dhe se nuk ka pasur asnjë ndërprerje në aktivitetin e tij.

“BQK bën me dije se nuk ka pasur sulme kibernetike në sistemin bankar dhe nuk ka pasur asnjë rrezik për të dhënat apo sistemet. Si pasojë e disa ndryshimeve teknike të aplikuara nga ofrues global të shërbimeve, disa nga shërbimet online janë kufizuar për një kohë të caktuar. Sistemi bankar është funksional dhe nuk ka asnjë arsye për shqetësim. Shërbimet bankare po ofrohen nga bankat përmes kanaleve të tyre fizike dhe digjitale”, thuhet në tutje në njoftim.

Ndërsa, kanë pranuar se disa nga shërbimet online të ndonjë banke të caktuar janë ndikuar pjesërisht nga problemet globale me shërbimet e kësaj natyre, por se edhe këto shërbime po rikthehen gradualisht nga banka, pa asnjë pasojë.

Por, është Kompania Kosovare për Furnizim me Energji Elektrike (KESCO), e cila ka njoftuar se është prekur me të njëjtin problem.

“Për shkak të një kolapsi kibernetik, i cili ka prekur shumë sektorë në shumë vende të botës, ka afektuar edhe #Kosovën ku, nga mëngjesi i sotëm, të gjitha kërkesat tuaja po hasin në vështirësi t’i procesojmë te departamentet përkatëse për shkak të rënies së sistemit të IT-së”, thuhet në njoftim.

Njëjtë sikurse Aeroporti Ndërkombëtar i Prishtinës, nga ndërprerja e funksionimit të sistemeve kompjuterike, në nivel global nuk është prekur as Aeroporti Ndërkombëtar “Nënë Tereza”, në Tiranë.

Grupi Parlamentar i Lidhjes Demokratike të Kosovës (LDK) ka dorëzuar të premten në Gjykatën Kushtetuese, vendimin për ndryshimin e Statutit të Universitetit të Prishtinës “Hasan Prishtina”, Ligjin për Komisionin e pavarur të mediave, Ligji për ndryshimin dhe plotësimin e ligjit për Këshillin Prokurorial të Kosovës, raporton Ekonomia Online.

Shefi i GP të LDK-së, Arben Gashi ka thënë se ligji për KPK ka një bazë të theksuar kundër-kushtetues duke centralizuar dhe politizuar KPK-në, për ligjin për KPM-në ai tha se synon të kontrolloj mediat dhe se statuti i ndryshuar i UP-së ka shkelje të Kushtetutës.

Ai ka thënë se këtë veprim LDK-ja e ka marr për të ruajtur rendin kushtetues të Kosovës dhe se presin që Kushtetuesja të marr vendim sa më shpejt.

“Në vazhdën e kujdesit për shëndetin demokracisë dhe rendin Kushtetuese të Kosovës, sot ne dorëzuam tri kërkesat për vlerësim të kushtetutshmërisë se vendimmarrjes së propozuar nga qeveria dhe të martuara nga Kuvendi”, ka thënë ai

Këto ligje në Kushtetuese dje i ka dërguar edhe Partia Demokratike e Kosovës.

Ministra e Bujqësisë, Pylltarisë dhe Zhvillimit Rural të premten ka vendosur logon e saj në ish-objektin e Aleances për Ardhmërinë e Kosovës, objekt ky që AAK-ja e ka përdorur për seli të saj, raporton EO.

Logoja është vendosur në hyrje të objektit, dhe tashmë pritet edhe renovimi i tij.

Ministria e Bujqërisë me AAK e kishte prishur kontratën për shfrytëzim të këtij objekti me AAK-në në mars të këtij vit. Ministri i MBPZhR-së Faton Peci, kishte thënë se me prishjen e kësaj kontrate Ministria e Bujqësisë ka kthyer 600 metra katrorë në shërbim të ministrisë.

Ndërsa, një reagim lidhur me këtë e kishte bërë edhe kreu i AAK-së, Ramush Haradinaj, duke thënë se Peci është përzier në punën e inspektorëve kur është futur në objektin e lëshuar me qira për AAK-në.

Megjithatë, pas kërkesës së ministrit, Haradinaj e kishte shkëputur kontratën për lirimin e zyrës së partisë së tij.

Ky objekt së shpejti do të fillojë procesin e renovimit. Kurse, AAK-ja, tashmë ka hapur zyrat qendrore në Dragodan.

Zëvendëskryeministri dhe ministri i Brendshëm i Serbisë Ivica Daçiq njoftoi sot për vrasjen e autorit të vrasësit të policit serb.

Mediumi serbe Blic.rs raporton sipas informatave të tij se “Faton Hajrizi ka tentuar të kalojë lumin Drina dhe të arratiset në Bosnje-Hercegovinë, por nuk ia ka dalë”.

“Kështu që është fshehur në një kompleks të braktisur fabrikash, ku prej vitesh fshihen migrantët nga Presheva në pritje të një “lidhjeje” për të ikur përtej Drinës”, shkruan Blic.rs.

Një nënë nga Lipjani ka lindur trenjakë.

E për familjen e saj, Komuna e Lipjanit, ka marrë vendim për ndarjen e 1500 eurove.

Këtë e ka bërë të ditur përmes një postimi në Facebook, nënkryetari i Komunës së Lipjanit Diamant Bytyqi.

“Sot bashkë me kryesuesin Dautin dhe drejtorin Sead e kemi takuar Fisnikun që para disa dite është bërë baba i trenjakëve. Kryetari Imri Ahmeti ka ndarë një subvencion prej 1500€ në shenjë kujdesi dhe mbështetje për familjen Luma. Fisit, Shkodranes e gjithë familjes i urojmë shëndet, të vegjëlit tuaj Najla,Maldi dhe Troi janë një bekim i madh dhe urojmë që çdo ditë të jetë e mbushur me buzëqeshje dhe dashuri të pafundme”, thuhet në njoftim.

Mediat serbe kanë publikuar pamje në vendin ku dyshohet se është vrarë Faton Hajrizi.

I vrari dyshohet të jetë fshehur afër një pompe të benzinës.

Nuk dihet se kush e ka qëlluar ose nëse ai e ka qëlluar veten.