Një 56-vjeçare shqiptare është nxjerrë pa ndjenja nga zona detare e plazhit të Artemisë në Greqi pasditen e së shtunës.
56-vjeçares i është dhënë ndihma e parë nga një roje plazhi dhe më pas është dërguar me ambulancë në Spitalin e Përgjithshëm të Athinës, ku është konstatuar vdekja e saj, raporton Top Channel.
Autoriteti Qendror Portual i Rafinës, që kryen hetimet paraprake, ka urdhëruar kryerjen e autopsisë në Laboratorin e Mjekësisë Ligjore dhe Toksikologjisë të Universitetit të Athinës.
Qendra Kombëtare për Menaxhim Kufitar ka përditësuar të dhënat mbi fluksin në kufi.
Aktualisht pritjet më të gjata për të hyrë në Kosovë janë në Merdar- 90 minuta.
Derisa pikat tjera pritjet janë 3 deri në 5 minuta, në Merdarë mërgimtarët po presin deri në 30 minuta, ndërsa në Mutivodë deri në 10 minuta.
Rapid ka vendosur çmimin e Albion Rrahmani (24 vjeç), sulmuesit kosovar, i cili pati një sezon fantastik.
Nëpërmjet Viorel Moldovan, presidentit të klubit, Rapidi i Bukureshtit ka njoftuar shumën minimale për të cilën është e gatshme të ndahet nga Albion Rrahmani.
Moldovan theksoi se pa të paktën pesë milionë euro në tryezë, Rapidi nuk do të pranojë asnjë ofertë për Rrahmani.
“Futbolli është biznes, normal që duam t’i shfrytëzojmë këta lojtarë në parametrat sa më fitimprurës për klubin. Rrahmani është lojtari i Rapidit, ne duam që ai të vazhdojë me ne dhe të na ndihmojë të përmbushim objektivat. Ai është i përqendruar te Rapid, kemi pasur diskutime me të. Nëse shfaqet diçka që të kënaqë kërkesat e klubit… Ai nuk mund të largohet për më pak se pesë milionë, shuma minimale do të ishte më shumë se pesë milionë”, deklaroi Viorel Moldovan për Fanatik.
Albion Rrahmani shënoi nga penalltia në ndeshjen Rapid – CFR Cluj 2-2, në javën e dytë të sezonit të ri të Superligës.
Ai vlerësohet me 3,5 milionë euro nga Transfermarkt.
Agjencia e Ushqimit dhe Veterinarisë ka reaguar pas njoftimit të lëshuar nga Ministria e Bujqësisë dhe Blegtorisë (Mapa) në Brazil për disa shtete ne mesin e tyre njofton edhe Republikën e Kosovës, për suspendimin e përkohshëm të certifikimit për eksportet e mishit të shpendëve dhe produkteve të tij.
AUV ngrit nivelin e masave të kontrollit i detajuar i secilës ngarkesë.
“Pasi është konfirmuar shpërthimi i sëmundjes së Newcastle (NCD) në komunën e Anta Gorda, në Rio Grande do Sul. AUV menjëherë ka urdhëruar ngritjen e masave të kontrollit për të gjitha ngarkesat qe vijnë nga Brazili. Ku përfshihet kontroll i detajuar i secilës ngarkesë. Për verifikim të hollësishëm për të siguruar që ngarkesa është në përputhje me rregullat ligjore qe përjashtojnë çdo dyshim rreziku pas situatës se re te krijuar nga shpërthimi i sëmundjes NEW CASTLE”, thuhet në njoftim.
Sipas njoftimit, në mesin e produkteve janë mishi i shpendëve i freskët, i ftohtë ose i ngrirë i cili tregtohen në vendet e rajon ku përfshihet edhe Kosova.
“Njoftimi i autoritetit shtetërorë të Brazilit përfshin dhe njeh entitetin e shtetit të Republikës se Kosovës. Në zbatim të rregullave ndërkombëtare për tregtimin e shpendëve dhe produkteve të tyre i cili garanton transparencë ndaj vendeve që importojnë produktet e tyre. Certifikimi i eksporteve është një marrëveshje dypalëshe midis vendeve dhe autoriteti Brazilian pezullon Certifikatën Ndërkombëtare të Shëndetit në mënyrë që të përmbushë garancitë dhe kërkesat për siguri të produkteve. Në mesin e produkteve janë mishi i shpendëve i freskët, i ftohtë ose i ngrirë i cili tregtohen në vendet e rajon ku përfshihet edhe Kosova. Ne zbatim të procedurave dhe rregullave ligjore masatë e nivelit të kontrollit do të jenë në përputhje me standardet ndërkombëtare të tregtimit të produkteve ushqimore për menaxhim bazuar në situatë”, thuhet tutje.
“Agjencia e Ushqimit dhe Veterinarisë në bashkëpunim dhe koordinim me agjencitë në kuadër të Menaxhimit të Integruar të Kufirit, Policinë e Kosovës dhe Doganat e Kosovës, në kapacitet të plotë do të ekzekutojnë masat sipas urdhrit njoftues, për parandalim të hyrjes se ngarkesave nga zonat e prekura me sëmundjen e Newcastle. Kjo sëmundje është një infeksion i shpendëve shtëpiake dhe specieve të tjera të shpendëve me virusin virulent të sëmundjes Newcastle (NDV). Nuk është shqetësuese për sigurinë ushqimore apo shëndetin publik. Qytetaret si konsumatorë nuk kanë nevojë për shqetësim. Sëmundja është e karakterit social-ekonomik e cila rrezikon vetëm sektorin e fermave të shpeztarisë.”
Kryeministri i Republikës së Kosovës, Albin Kurti, vizitoi sot ekspozitën personale “Udhët që më njohin” të artistit Rron Qena, të kuruar nga Lulzim Zeqiri, në Galerinë Kombëtare.
Përmes një komunikate për media, thuhet se ekspozita e artistit përbëhet nga 39 piktura të punuara në vaj të cilat shfaqin përjetime e emocione të autorit në qytetet e Prishtinës, Berlinit, Shkodrës e Bremenit.
Duke parë nga afër punimet e artistit, Kryeministri Kurti vlerësoi filozofinë artistike të Rron Qenës të shprehur përmes stilit dhe qasjes së tij në veprat e punuara me reflektim e kujdes në çdo detaj.
Ekspozita u hap të mërkurën e 17 korrikut dhe do të qëndrojë e hapur për publikun deri më 1 shtator.
Ministri i Financave, Hekuran Murati, ka thënë se javën e kaluar, Banka Qendrore e Kosovës, ka transferuar në llogarinë e Qeverisë 10.38 milionë euro në kuadër të ndarjes së fitimit vjetor.
Ai ka thënë se kjo është hera e parë që nga shpallja e pavarësisë.’
‘Edhe një lajm i mirë! Javën që shkoi, BQK ka transferuar në llogari të Qeverisë shumën prej 10.38 milionë euro, në kuadër të ndarjes së fitimit vjetor, ashtu siç parashihet në ligjin për Bankën Qëndrore të Republikës. Kjo shënon herën e parë në historikun e ri të shtetit tonë pas pavarësimit, që një transfer i tillë është mundësuar, falë performancës së mirë financiare të investimeve të BQK-së.’
Deputetja britanike Alicia Kearns ka thënë se është jetike për sigurinë në Ballkan dhe Evropë që të mos lejohen akterët armiqësorë të rindezin konfliktin në Kosovë.
Kearns është takuar në Britani me presidenten e Kosovës, Vjosa Osmani.
“Gjithmonë kënaqësi të takohem me presidenten e Kosovës, Vjosa Osmani, për të diskutuar për sigurinë dhe stabilitetin në Ballkan dhe Evropë. Ajo është me të vërtetë një fuqi dhe është jetike që të mos lejojmë akterët armiqësorë ta rindezin konfliktin në Kosovë”, ka shkruar Kearns në Facebook.
Osmani në Britani mori pjesë në Samitin e Komunitetit Politik Evropian.
Gjatë ditës së djeshme në qytetin e Pejës kishte ndryshim të motit me shi të madh, breshër dhe shkarkime rrufeshë që qytetarëve atje i solli telashe, raporton Sinjali.
Në fshatin Treboviq nga shkarkimi i fuqishëm i rrufesë, një trup arre është rrëzuar dha ka dëmtuar dy vetura në një shtëpi banimi.
Nga pamjet e siguruar, shihet se veturat janë dëmtuar dukshëm, por që nuk raportohet për persona të lënduar.
Para pak minutash është hedhur një mjet shpërthyes afër Liqenit të Ujmanit.
Lajmin e ka konfirmuar zëvendëskomandanti i Policisë, Veton Elshani.
Ai ka njoftuar se nga ky shpërthim janë dëmtuar së paku dy vetura, derisa sipas tij nuk dihet ende se a ka qenë granatë dore apo ndonjë mjet tjetër.
“Ka pas një shpërthim. Ka dëme materiale në dy vetura. Nuk ka të lënduar. Policia është duke u marr me rastin.”- tha Elshani.
Siç raportohet hedhja e mjetit shpërthyes është bërë pak minuta pas kalimit të autoblindës së policisë.
Mjeti shpërthyes dyshohet të jetë hedhur pak metra larg vendit ku po lahen qytetarët në Ujman.
Një burrë në Pejë është arrestuar nga policia pas dyshimeve se ka rrahur motrën e tij, raporton Ekonomia Online.
Sipas raportit 24-orësh të Policisë së Kosovës, thuhet se vajza ka marrë trajtim mjekësorë për dëmtimet e marrë nga sulmi.
Ndërsa i dyshuari, është dërguar në mbajtje në pritje të hetimit të mëtejshëm, sipas një njoftimi nga prokuroria lokale.
Policia ka njoftuar se çështja është nën hetim.
“Është arrestuar i dyshuari mashkull kosovar pasi që, i njëjti ka sulmuar fizikisht motrën e tij viktimën femër kosovare. Viktima ka pranuar tretman mjekësor, ndërsa i dyshuari me vendim të prokurorit është dërguar në mbajtje”, thuhet në raportin e policisë.