Blog

Gent Maksutaj, 20 vjeçar me prejardhje nga Kosova është vrarë mbrëmë në Suedi, në rrethana tragjike. I riu dyshohet se u privua nga jeta aksidentalisht, gjatë një përleshje mes bandave krimina;e.

Lidhur me këtë rast të rëndë kanë raportuar edhe mediat suedeze.

Sipas policisë i dyshuari për të shtënat dyshohet se ka udhëtuar me tren drejt Stokholmit, ku edhe është arrestuar më vonë gjatë mbrëmjes ose natës.

Krejt çka dyshohet se ndodhi

Të shtënat në Kvarngärdet

Rreth orës 21:00 të së dielës, policia mori një alarm për të shtëna me armë në zonën Kvarngärdet në Uppsala. Menjëherë u ndërmor një operacion i madh policor, ku u angazhuan disa patrulla dhe zona u rrethua plotësisht. Në vendngjarje u panë edhe dy autoambulanca.

Fillimisht, policia nuk dha shumë detaje për ngjarjen, por më vonë konfirmoi se një burrë në të njëzetat kishte humbur jetën si pasojë e plagëve nga arma e zjarrit.

Familjarët e viktimës janë njoftuar.

Hetimi: vrasje e rëndë

Policia suedeze e ka cilësuar ngjarjen si vrasje dhe po vazhdon hetimet për të zbardhur rrethanat e sakta të ngjarjes. Viktima është gjetur jashtë, ndërsa ende po hetohet vendi i saktë ku kanë ndodhur të shtënat.

“Ne kemi vendosur kordonë sigurie dhe po kërkojmë gjurmë që mund ta ndihmojnë hetimin. Po intervistojmë dëshmitarë dhe po kontrollojmë kamerat e sigurisë, si ato tona ashtu edhe private,” ka deklaruar zëdhënësi i policisë, Pelle Vamstad.

Nuk përjashtohet lidhja me krimin e organizuar.

Në këtë fazë të hetimit, policia nuk ka konfirmuar nëse ngjarja lidhet me kriminalitetin e bandave, por ka theksuar se kjo është një nga pistat që po shqyrtohet.

Hetimet për zbardhjen e plotë të ngjarjes vazhdojnë./KlanKosova

Kreu i AAK-së, Ramush Haradinaj, është deklaruar për protestën e sotme të fermerëve pranë Ministrisë së Bujqësisë, ku tha se “pamjet e derdhjes së qumështit nga fermerët në lumenj dhe në rrugë janë të dhimbshme dhe shqetësuese. Si pasojë e vështirësive të krijuara në shitjen e prodhimit të tyre, fermerët po detyrohen të ndërmarrin edhe veprime të tilla ekstreme në shenjë proteste”.

Haradinaj shprehet se “Qeveria në detyrë, me qasje armiqësore, po godet direkt prodhuesin vendor, mirëqenien e fermerit, familjen e tij dhe gjithë ekonominë tonë”.

“Ftoj institucionet të reflektojnë dhe t’i marrin seriozisht kërkesat e fermerëve dhe t’i kompensojnë dëmet e shkaktuara. Të mos i trajtojnë si kundërshtarë, por si partnerë në zhvillimin ekonomik të vendit”, është shprehur ai.

sh-presidentja e Kosovës, Vjosa Osmani, nuk ka dashur të komentojë nismën për mbledhjen e nënshkrimeve për shkarkimin e kryetarit të Lidhjes Demokratike të Kosovës (LDK), Lumir Abdixhiku, raporton EO.

E pyetur për zhvillimet e fundit brenda LDK-së, Osmani tha se tashmë e ka shprehur qëndrimin e saj për këto çështje dhe nuk ka asgjë për të shtuar.

“Jam deklaruar për këto tema më herët dhe i qëndroj prapa atyre deklarimeve. Të njëjtat vlejnë edhe tani”, tha Osmani.

Video:

Mbrëmë rreth orës 23:00, Policia e Kosovës – Stacioni Policor në Prizren ka pranuar informacione për përdorim të armës së zjarrit në një gazmend familjar në rrugën “Reshat Qoqaj” në Prizren.

“Njësitet policore kanë reaguar menjëherë, duke intervenuar në vendngjarje, identifikuar lokacionet dhe personin e dyshuar. I dyshuari ka pranuar se ka shtënë me armë dhe ka deklaruar se kanë pasur një gazmend familjar; i njëjti ka dorëzuar armën, një pistoletë”, konfirmon policia.

“Në vendngjarje, përveç armës janë sekuestruar edhe dy gëzhoja si prova materiale. Pas intervistimit të të dyshuarit, në prezencë të avokatit mbrojtës, me vendim të Prokurorit të Shtetit, i njëjti është ndaluar për 48 orë”, thuhet në njoftimin e policisë.

Ndaj të dyshuarit është iniciuar procedurë penale për veprat përkatëse, përfshirë “Shkaktimi i rrezikut të përgjithshëm” dhe “Mbajtja në pronësi, kontroll ose posedim të paautorizuar të armëve”.

“Policia e Kosovës apelon qytetarët që të shmangin përdorimin e armëve në festa apo gazmende familjare, duke respektuar ligjin dhe duke kontribuar në sigurinë e përgjithshme”, apelon policia.

Fermerët e Kosovës po protestojnë para Ministrisë së Bujqësisë, pasi tash e katër ditë është ndaluar përkohësisht grumbullimi i qumështit, duke paraprirë mbylljen e përkohshme të qumështores Vita.

Fermerët i janë kundërpërgjigjur ministrit në detyrë, Armend Muja, duke i thënë se “Qumështi Vitës është i Kosovës, jo i Serbisë”.

Ndërsa të njëjtit, kanë theksuar se po gjykohen padrejtësisht kinse po helmojnë popullin e vet.

Një rasti i rëndë është shënuar mbrëmjen e së dielës në Suedi, ku i riu Gent Maksutaj dyshohet se aksidentalisht u qëllua për vdekje.

Sipas informacioneve të para, viktima ishte kalimtar rasti në një përleshje mes bandave kriminale.

Babai i viktimës, ka ndarë një postim prekës për humbjen e djalit të tij.

“U presh në paqe djali jem. Përjetë në zemrat tona. Babi të do shumë”, ka shkruar ai.

Ish-kryeministri, Ramush Haradinaj ka kujtuar Betejën e Loxhës, duke e cilësuar atë si një nga dëshmitë më të fuqishme të bashkimit të shqiptarëve përballë armikut dhe të sakrificës për lirinë e Kosovës.

Përmes një postimi në Facebook, Haradinaj ka bërë homazhe për luftëtarët shqiptarë që morën pjesë në betejë, duke theksuar se Loxha mbetet simbol i qëndresës dhe unitetit.

“Nderojmë përjetë luftën e luftëtarëve shqiptarë në Loxhë. Ashtu siç dinë shqiptarët të bashkohen kundër armikut, ashtu ishim të gjithë bashkë në Loxhë”, ka shkruar Haradinaj.

Ai ka shprehur nderimin e përjetshëm për dëshmorët Tahir Shala, Rrustem Bruqi, Enver Alaj, Lumni Surdulli dhe Xhavit Qufaj, të cilët, sipas tij, u përjetësuan në themelet e lirisë së Kosovës.

Haradinaj ka kujtuar gjithashtu luftëtarët, Nimon Bajraktarin, Haki Ahmetxhekajn dhe Bashkim Mehmetajn, të cilët ranë në përpjekje për të sjellë armët e lirisë, si dhe bashkëluftëtarin Arsen Mazrekaj, i cili ra po në të njëjtën ditë.

“Lavdi!”, ka përfunduar postimin e tij Haradinaj.