ATV

Blog

  • Panxhari, ushqimi i duhur për mëlçinë

    Panxhari, ushqimi i duhur për mëlçinë

    Panxhari konsiderohet si një nga ushqimet më të mira për mëlçinë, falë përbërësve të tij unikë. Ai është i pasur me betainë, një substancë që mbështet proceset e detoksifikimit të mëlçisë dhe ndihmon në mbrojtjen e qelizave të saj nga dëmtimet.

    Gjithashtu, panxhari përmban nitrate natyrale, të cilat përmirësojnë qarkullimin e gjakut dhe furnizimin me oksigjen në organizëm. Kjo ndihmon jo vetëm mëlçinë të punojë më mirë, por edhe rrit energjinë dhe përmirëson performancën fizike.

    Konsumimi i rregullt i panxharit, qoftë në sallata, lëngje apo si përbërës në receta të ndryshme, është një mënyrë e thjeshtë dhe natyrale për të forcuar funksionet e mëlçisë dhe për të mbështetur shëndetin e përgjithshëm.

  • Juventus-Milan derbi i fundjavës në Serie A

    Juventus-Milan derbi i fundjavës në Serie A

    Kjo fundjavë pritet të sjellë xhiron e 6-të në Serie A,ku vëmendja pritet të jetë në derbin në mes Juventus-it dhe Milan-it.

    Rossonerët synojnë që të fitojnë edhe derbin e rradhës pas asaj kundër Napolit në xhiron e kaluar dhe të mbesin edhe më tutje lider në tabelë,kurse në anën tjetër bianconerët janë pa fitore në dy ndeshjet e fundit dhe para shikuesve të vet synojnë të iu rikthehen fitoreve në ligë.

    Ndeshja Juventus-Milan pritet të zhvillohet të dielën me fillim nga ora 20:45.

    Kampioni aktual Napoli do të luaj në shtëpi kundër Genoas,ku napolitanët synojnë të iu rikthehen fitoreve dhe të shpresojnë në një gabim të Milanit në derbi kundër Juventusit,kurse Genoa do të tentojë që të marrë një rezultat pozitiv.

    Në ndeshjet e tjera që do të zhvillohen në Itali Inter e pret në shtëoi skuadrën e Cremonenses,teksa Atalanta i bën konak skuadrës së Comos.

    Roma luan në udhëtim ndaj Fiorentinës,teksa Lazio e pret në shtëpi Torinon.

     

  • Kushtetuesja e RS-së: Referendumi për Dodikun nuk cenon interesin vital të boshnjakëve

    Kushtetuesja e RS-së: Referendumi për Dodikun nuk cenon interesin vital të boshnjakëve

    Këshilli për mbrojtjen e interesit jetik të Gjykatës Kushtetuese të Republikës Sërpska (RS) ka vendosur se vendimi për referendumin mbi aktgjykimin kundër Millorad Dodikut dhe heqjen e mandatit të tij si president i entitetit, nuk e cenon interesin vital kombëtar të popullit boshnjak.

    Gjykata Kushtetuese e RS-së ka vendosur mbi kërkesën e boshnjakëve në Këshillin e Popujve të entitetit serb në Bosnje e Hercegovinë.

    Gjykata konstatoi se deklarata e Klubit të delegatëve të popullit boshnjak në Këshillin e Popujve të RS-së, që shpreh shqetësime dhe supozime rreth pasojave të mundshme që rezultati i referendumit dhe zbatimi i tij mund të kenë për popullin boshnjak, si edhe për diskriminimin potencial, “nuk janë juridikisht të rëndësishme për çështjen e shkeljes së interesit vital kombëtar”.

    Vendimin për mbajtjen e referendumit e miratoi Kuvendi Popullor i RS-së më 22 gusht, pas aktgjykimit të formës së prerë të Gjykatës së Bosnje e Hercegovinës dhe vendimit të Komisionit Qendror të zgjedhjeve për t’ia marrë mandatin Dodikut.

    Mandati iu hoq zyrtarisht në mesin e muajit gusht pasi Gjykata e Bosnjë e Hercegovinës e dënoi Dodikun me vendim të formës së prerë me një vit burg për mosrespektim të vendimeve të përfaqësuesit të Lartë – dënim që ai e shleu me pagesë – si dhe me gjashtë vjet ndalim të ushtrimit të funksioneve publike dhe politike.Me njërin nga përfundimet e miratuara në Kuvendin e RS-së është paraparë që referendumi të mbahet më 25 tetor të këtij viti.

    Kushtetuta e Bosnjë e Hercegovinës nuk e parasheh mundësinë që entitetet të shpallin në mënyrë të njëanshme referendume për vendimet e institucioneve shtetërore.

    Nivelet më të ulëta të pushtetit në Bosnjë e Hercegovinë ligjërisht mund të shpallin referendum vetëm për çështje që janë në kompetencat e tyre, por jo për ato shtetërore.

    Ndryshe, vendimi për referendumin më 22 gusht u shoqërua edhe me miratimin e ndryshimeve të Ligjit për referendumin dhe nismën qytetare me procedurë të përshpejtuar, të cilat do t’i mundësonin Kuvendit të RS-së të formojë komisione të posaçme për referendume.

    Klubi i Boshnjakëve në Këshill, më 29 gusht e inicioi procedurën për mbrojtjen e interesit kombëtar për shkak të këtij vendimi.

    Gjithashtu, për këtë Klub problematike janë edhe ndryshimet në Ligjin e referendumit të RS-së, të cilat parashohin që referendumin mund ta realizojë edhe një komision ad-hoc që emërohet nga Parlamenti i entitetit.

    Pas kësaj, Këshilli i Popujve të Republikës Sërpska nuk e miratoi veton e Klubit të Boshnjakëve, pas së cilës, vendimi për referendumin përfundoi para Gjykatës Kushtetuese të RS-së./REL

  • 58% e grave ndjehen sikur po rrisin partnerët e tyre

    58% e grave ndjehen sikur po rrisin partnerët e tyre

    Një sondazh i ri zbuloi se 58% e grave ndihen sikur po rrisin partnerin e tyre romantik, në vend që të ndihen të dashura prej tij.

    Anketa nxjerr në pah frustrimet e grave që raportojnë se mbajnë barrën emocionale, financiare dhe punët e shtëpisë në një mënyrë që ndjehet më shumë si prindërore sesa si partnere të barabarta.

    Të anketuarat e përshkruan këtë pabarazi si rraskapitëse, duke thënë se ajo shkatërron romancën dhe krijon mllef. Shumë gra theksuan se shpesh ndihen të pavlerësuara, ndërkohë që partnerët e tyre nuk kontribuojnë në mënyrë të barabartë në punët e shtëpisë dhe ngarkesën emocionale.

    Ekspertët sugjerojnë se ky fenomen pasqyron modele më të thella kulturore, ku gratë mbajnë një pjesë të pabarabartë të kujdesit dhe punëve shtëpiake.

    Këshilltarët e marrëdhënieve paralajmërojnë se, nëse nuk trajtohet, ky dinamizëm mund të dëmtojë intimitetin dhe të çojë në pakënaqësi afatgjatë.

  • La Liga me ndeshje interesante këtë fundjavë

    La Liga me ndeshje interesante këtë fundjavë

    La Liga spanjolle pritet të sjellë ndeshje tejet interesante,ku pritet të zhvillohet xhiroja e 8-të.

    Kampioni Barcelona do të luaj në udhëtim kundër Sevillës,ku blaugranasit synojnë ta harrojnë humbjen kundër PSG-së në Ligën e Kampionëve,dhe njëherësh të vazhdojnë me fitore në La Liga,kurse Sevilla synon të marrë pikë në këtë ndeshje mjaft të vështirë.

    Nënkampioni Real Madrid në Santiago Bernabeu e pret Villarealin,ku “Los Blancos”do të tentoj ta harrojë humbjen e xhiros së kaluar ndaj Atletico Madridit,kurse nëndetësja e verdhë synon të marrë pikë në këtë ndeshje dhe t’ia shkatoj humbjen e rradhës Real Madridit në La Liga.

    Në ndeshjet e tjera që do të zhvillohen në Spanjë Atletico Madrid luan në udhëtim kundër Celta Vigos,kurse Athletic Bilbao e pret në San Mames Mallorcan e Vedat Muriqit.

  • U raportua për një person të bllokuar në bjeshkët e Istogut – policia niset me ekipet emergjente në vend të ngjarjes

    U raportua për një person të bllokuar në bjeshkët e Istogut – policia niset me ekipet emergjente në vend të ngjarjes

    Një person raportohet të ketë mbetur i bllokuar së bashku me bagëtitë e tij në njërën nga bjeshkët e Istogut.

    Lajmin e ka konfirmuar zëdhënësi i policisë për rajonin e Pejës, Fadil Gashi, i cili tha se menjëherë pas marrjes së informacionit, autoritetet janë angazhuar për trajtimin e rastit.

    “Policia e ka kuptuar përmes rrjeteve sociale për rastin, dhe menjëherë është nisur për Kuvendin Komunal të Istogut, ku edhe është njoftuar drejtori për Emergjenca. Ekipet emergjente tashmë janë nisur për në vendin e ngjarjes”, ka deklaruar Gashi.

    Ngjarja vjen në kohën kur Kosova është përfshirë nga reshje të dendura bore që filluan dje, duke mbuluar jo vetëm zonat e thella malore dhe fshatrat, por edhe qytetet.

  • Foda publikon listën e Kosovës për ndeshjet e tetorit – ftohet Albian Hajdari, rikthehen Zhegrova dhe Rashica

    Foda publikon listën e Kosovës për ndeshjet e tetorit – ftohet Albian Hajdari, rikthehen Zhegrova dhe Rashica

    Përzgjedhësi i Kombëtares së Kosovës, Franco Foda, ka bërë publike listën e futbollistëve të ftuar për dy ndeshjet kualifikuese të Kampionatit Botëror 2026 që zhvillohen në muajin tetor, kundër Sllovenisë dhe Suedisë.

    Në listën e publikuar këtë herë janë ftuar 27 futbollistë nga Foda, ndërsa në listën rezervë figurojnë edhe nëntë emra të tjerë.

    Emri i ri në listën e Dardanëve është ai i Albian Hajdarit, teksa është kthyer Edon Zhegrova, Ron Raçi dhe Leard Sadriu.

    Pjesë e listës janë edhe ‘veteranët’ si Vedat Muriqi, Valon Berisha, Milot Rashica, Fidan Aliti dhe Mërgim Vojvoda, teksa mungon kapiteni Amir Rrahmani.

     

    Në listën rezervë gjenden emra si Faton Maloku, Kreshnik Krasniqi, Behar Neziri, Ismet Lushaku, Bledian Krasniqi, Andi Hoti, Rilind Nivokazi, Bersant Celina dhe Donat Rudhani.

    Ndryshe, Dardanët do të nisin grumbullimin të hënën, më 6 tetor, me stërvitjen e parë që zhvillohet në orën 17:00 në Kampin Nacional të FFK-së në Hajvali. Më herët, në orën 12:00, Foda do të mbajë konferencën e zakonshme për media.

     

    Kosova do të përballet fillimisht me Slloveninë më 10 tetor, në orën 20:45, në stadiumin “Fadil Vokrri” në Prishtinë. Tre ditë më vonë, më 13 tetor, në të njëjtën orë, Dardanët luajnë në Goteborg kundër Suedisë.

    Pas dy ndeshjeve të para të këtij cikli kualifikues, Kosova renditet e dyta në Grupin B me 3 pikë. Kryeson Zvicra me 6 pikë, ndërsa Suedia dhe Sllovenia kanë nga një pikë.

  • Taylor Swift publikon albumin e ri

    Taylor Swift publikon albumin e ri

    Taylor Swift ka publikuar albumin e saj shumë të pritur të 12-të në studio, “The Life Of A Showgirl”. Ky album me 12 këngë, i cili pritet të kryesojë listat e hiteve në mbarë botën, u publikua të premten në mëngjes.

    Vetëm disa orë pas publikimit, albumi i artistes amerikane u bë menjëherë temë diskutimi, me shumë fansa dhe kritikë që komentuan tekstet e tij.

    Mediat botërore kanë publikuar gjithashtu analiza të ndryshme për albumin e ri “The Life Of A Showgirl”.


    Albumi është prodhuar nga bashkëpunëtorët e saj të gjatë, Max Martin dhe Shellback, dy producentë suedezë që kanë punuar me Swift në disa nga hitet më të mëdha të saj.

    Të premten do të shfaqet gjithashtu në kinema filmi dokumentar i albumit, “The Official Release Party Of A Showgirl”, që përfshin premierën botërore të videoklipit të këngës “The Fate Of Ophelia”, si dhe pamje prapa skenave dhe video me tekst nga albumi.

    Filmi, me gjatësi 89 minuta, do të shfaqet në kinema në mbarë botën, përfshirë edhe Kosovën.

  • Rubin: Haga të bëjë gjënë e duhur, t’i shpallë të pafajshëm ish-krerët e UÇK-së

    Rubin: Haga të bëjë gjënë e duhur, t’i shpallë të pafajshëm ish-krerët e UÇK-së

    Ish-zëvendësndihmësi i Sekretarit amerikan të Shtetit, James Rubin ka deklaruar edhe një herë se ish-presidenti Hashim Thaçi nuk kishte rol kyç në udhëheqjen e Ushtrisë Çlirimtare të Kosovës.

    Këtë deklaratë, Rubin e tha për gazetaren e njohur, Christiane Amanpour, pas përfundimit të dëshmisë së tij në Hagë.

    “Nuk është e vërtetë që të gjithë shqiptarët urrejnë serbët, dhe të gjithë serbët urrejnë shqiptarët. Por ky gjyq është duke fajësuar liderët e UÇK-së për gjërat që ata nuk kishin kontroll. Ishte shumë e qartë se zotëri Thaçi, një djalë i ri në atë kohë, nuk kishte kontroll mbi asgjë”, u shpreh ish-zyrtari amerikan.

    Gjatë intervistës me Amanpour, Rubin po ashtu tha se u befasua nga gjyqtarët në Hagë, gjatë dëshmisë së tij pro-Thaçi.

    “Gjyqtarët, për befasinë time, më bënin pyetje që më dukën tepër të anshme. Nuk tingëllonin si pyetje që kërkonin të gjenin fakte. Prokuroria duhet ta shtrojë akuzën e saj. Mbrojtja ta shtrojë mbrojtjen e saj. Gjyqtarët supozohet që thjesht duhet të mbledhin evidencë në mënyrë që të bëjnë gjykimin më pas. Dhe prej pyetjeve që mu bënë nga disa prej gjyqtarëve, mu duk se tashmë kishin marrë vendim se UÇK-ja ishte tamam organizatë që funksiononte si duhet me Hashim Thaçin në krye. Gjë që s’është e vërtetë”, u shpreh ish-diplomati.

    Sipas tij, Tribunali i Hagës duhet të bëjë gjënë e duhur, dhe t’i lirojë ish-krerët e UÇK-së.

  • Chelsea-Liverpool derbi i fundjavës në Premierligë

    Chelsea-Liverpool derbi i fundjavës në Premierligë

    Kjo fundjavë pritet të sjellë xhiron e 7-të në Premierligën angleze.

    Vëmendja pritet të jetë në Stamford Bridge,ku Chelsea e pret kampionin dhe liderin aktual Liverpool në derbin e kësaj fundjave në Angli.

    Blutë e Londrës synojnë që të këndellen nga humbja e xhiros së kaluar nga Brighton dhe të i rikthehen fitoreve,teksa të njëjtën gjë e synon edhe kampioni aktual i cili në dy ndeshjet e fundit pësoi humbje nga Crystal Palace dhe nga Galatasaray në Ligën e Kampionëve.

    Ndeshja Chelsea-Liverpool pritet të zhvillohet të shtunën me fillim nga ora 18:30.

    Në ndeshjet e tjera që do të zhvillohen në Angli Arsenal e pret në shtëpi Ëest Ham United,teksa Manchester City luan në udhëtim kundër Brentford-it.

    Manchester United e pret në Old Trafford Sunderland-in,kurse Tottenham,Newcastle United dhe Aston Villa do të takohem kundër Leeds United respektivisht Nottingham Forest konkretisht Burnley-it.