Blog

Superylli i ri i Barcelonës, Lamine Yamal, ka blerë zyrtarisht vilën e tij të parë luksoze, dhe jo cilëndo — por shtëpinë që dikur i përkiste Gerard Piqué dhe Shakirës, raporton Diario Sport.

Procesi i blerjes ka zgjatur rreth 3 deri në 4 muaj, dhe tashmë gjithçka është finalizuar. Vila ndodhet në lagjen ekskluzive “Ciutat Diagonal” në Barcelonë, një nga zonat më të shtrenjta dhe më të sigurta të qytetit.

Detajet e pronës:
• Sipërfaqe totale prej 1,240 metrash katrorë, e përbërë nga dy shtëpi të lidhura me njëra-tjetrën.
• Vetëm 10 kilometra larg qendrës stërvitore të Barcelonës.
• Pranë shtëpive të Ronald Araújo, Alejandro Balde dhe Andres Iniesta.
• Përfshin 6 dhoma gjumi, 2 pishina (të brendshme dhe të jashtme), palestër, bibliotekë dhe një studio muzikore, e përdorur dikur nga Shakira – që tani mund ta shfrytëzojë Nicky Nicole.

Sipas burimeve, vila do t’i nënshtrohet një rindërtimi të plotë, për t’u përshtatur me jetesën e një futbollisti profesionist.
Projekti përfshin:Një fushë të vogël futbolli, një palestër private, dhomë fizioterapie, sistem sigurie të avancuar për privatësi maksimale, dhe një fushë padeli.

Vetëm 17 vjeç, Yamal po tregon se është gati jo vetëm për futbollin e madh, por edhe për një jetë të nivelit më të lartë në Barcelonë — në një shtëpi që mbart histori yjesh.

Një surprizë e madhe tronditi turneun Masters 1000 që nisi këtë javë në Paris.

Spanjolli Carlos Alcaraz u eliminua që në raundin e dytë, duke humbur në ndeshjen e tij të parë ndaj britanikut Cameron Norrie.

Norrie fitoi 2-1 (4-6, 6-3, 6-4) pas një përballjeje që zgjati 2 orë e 25 minuta. Kjo humbje mund të ndikojë seriozisht tek Alcaraz, i cili mund të humbasë kreun e renditjes botërore nëse italiani Jannik Sinner fiton këtë turne.

Sinner, numri 2 në botë, është më pak se 800 pikë pas Alcaraz, dhe një fitore në Paris mund t’i sigurojë 1000 pikë, duke e çuar përpara spanjollin. Alcaraz shfaqi një nivel të dobët, me shumë gabime ndaj Norrie.

Spanjolli vinte pas një serie prej 18 fitoreve radhazi dhe këtë vit do të marrë pjesë edhe në Finalet ATP në Torino dhe në Kupën Davis. Megjithatë, rivaliteti me Sinner për të mbyllur vitin si “numri 1” do të mbetet i hapur deri në momentin e fundit.

Sinner sot do të ketë përball belgun Berges, në ndeshjen që fillon nga ora 15:00. /ATVLIVE.TV

Lajme të mira për tifozët e Arsenalit! Sipas raportimeve të Fabrizio Romano, bisedimet për rinovimin e kontratës së Bukayo Saka me klubin londinez po përparojnë me sukses dhe palët janë shumë afër një marrëveshjeje të re.

Saka, një nga lojtarët më të rëndësishëm dhe më të dashur të “Topçinjve”, pritet të nënshkruajë një kontratë afatgjatë, që do ta mbajë atë në “Emirates Stadium” për disa vite të tjera.

Burime të afërta me klubin konfirmojnë se negociatat po zhvillohen në atmosferë shumë pozitive, dhe se detajet përfundimtare po diskutohen — përfshirë rritjen e ndjeshme të pagës së lojtarit, që do ta bëjë atë një nga më të paguarit në skuadër.

Saka, 23-vjeçar, ka qenë thelbësor në projektin e Mikel Artetës, duke kontribuar me gola, asistime dhe liderizëm në fushë. Arsenal e sheh atë si “shtyllën kryesore” për të ardhmen e klubit.

Zyrtarizimi i marrëveshjes së re pritet të vijë së shpejti, nëse gjithçka shkon sipas planit.

“Gjithqka po ecën mirë,” – raportoi Romano, duke konfirmuar se tifozët e Arsenalit mund të qetësohen, pasi ylli i tyre është shumë afër firmës së madhe me klubin.

Sipas raporteve më të fundit nga Spanja, Real Madrid ka vendosur që nuk do të vendosë asnjë gjobë apo sanksion disiplinor ndaj Vinicius Junior pas ngjarjeve të fundit që kanë tërhequr vëmendjen e mediave.

Megjithatë, situata e tij nuk është mbyllur ende plotësisht — pasi klubi madrilen ka vendosur që çdo masë e mundshme disiplinore ose vendim i brendshëm të merret vetëm nga një person: Xabi Alonso.

Burimet afër klubit bëjnë të ditur se presidenti Florentino Pérez ka besim të plotë tek Alonso, duke ia lënë atij drejtimin e çështjeve të brendshme të ekipit dhe menaxhimin e marrëdhënieve me lojtarët.

Ky vendim shihet si një dëshmi e respektit dhe autoritetit që Alonso ka tashmë brenda klubit, sidomos në pritje të rolit të tij të ardhshëm si trajner i Real Madridit.

Vinicius, i cili ka qenë në qendër të vëmendjes për disa reagime të tij gjatë ndeshjeve të fundit, pritet të ketë një bisedë direkte me Alonson, për të zgjidhur çdo keqkuptim brenda ekipit.

Ky zhvillim tregon qartë se Real Madrid po ndjek një qasje të qetë dhe strategjike, duke shmangur tensionet publike dhe duke ruajtur unitetin brenda skuadrës.

Kombëtarja e Koosvës në hendboll sot do të kërkojë fitore në palestrën “Derby Arena” të Anglisë, kundër Britanisë së Madhe.

Në arenën e bukur multisportive, të martën mbrëma Kombëtarja zhvilloi stërvitjen e fundit para ndeshjes së re me britanikët.

Ndeshja do të zhvillohet nga ora 18:00, në kuadër të fazës së parë kualifikuese për Botërorin 2027.

Vetëm shtatë lojtarë që ishin paraqitur më 13 janar 2024, janë pjesë e Kombëtares aktualisht.

Selektori Jesper Ostlund në stërvitjen e fundit është fokusuar në aspekte taktike të lojës në mbrojtje dhe sulm, ndërsa synimi i vetëm i tyre sonte është fitorja. /ATVLIVE.TV

Trajneri i Arsenalit, Mikel Arteta, ka konfirmuar lajmin e madh për “topçinjtë” – Declan Rice është rikuperuar plotësisht dhe është gati për lojë që sot!

Mesfushori anglez, i cili mungoi në ndeshjen e fundit për shkak të një shqetësimi muskulor, është stërvitur normalisht me skuadrën dhe pritet të jetë në dispozicion për përballjen e sotme.

Arteta tha në konferencë:
“Declan është kthyer dhe ndihet shumë mirë. Ai është gati të luajë që sot nëse është e nevojshme.”

Ky është një lajm shumë i rëndësishëm për Arsenal-in, i cili kërkon të mbajë hapin me liderët në Premier League dhe të rikthehet te fitoret pas rezultateve jo të qëndrueshme në javët e fundit.

Rice, që ka qenë një nga lojtarët më të rëndësishëm të skuadrës që nga transferimi i tij nga West Ham, pritet të rikthejë ekuilibrin në mesfushën londineze.

Arsenal luan sot një ndeshje tejet të rëndësishme, dhe rikthimi i Rice vjen në momentin ideal për skuadrën e Artetës.