ATV

Blog

  • Haxhiu: Konjufca e bën qeverinë

    Haxhiu: Konjufca e bën qeverinë

    Albulena Haxhiu, nënkryetare e Kuvendit të Kosovës dhe një prej zërave më të afërt të Albin Kurtit, ka folur në Ditar nga Pandi Gjata në A2 CNN mbi zhvillimet e fundit politike në Prishtinë, duke konfirmuar se mandati për krijimin e qeverisë i është dhënë Glauk Konjufcës, ndërsa ka hedhur akuza të forta ndaj opozitës për bllokimin e institucioneve dhe për urrejtje ndaj Vetëvendosjes e Kurtit personalisht.

    “Konjufca është person unifikues, i dytë më i votuari në vend, dhe propozimi ynë ka ardhur për të shmangur një krizë të re politike. Ne kërkojmë votimin e buxhetit dhe një qeveri të përkohshme, para se vendi të shkojë sërish në zgjedhje”, tha Haxhiu, duke theksuar se opozita, sipas saj, po e mban peng shtetin “nga inati me Albin Kurtin”.

    Ajo shtoi se “LDK-ja është shkëputur nga elektorati i saj”, ndërsa për Fatmir Limajn tha se negociatat dështuan sepse “kërkoi më shumë se sa ia dha populli”.

    Sipas saj, Vetëvendosja nuk pranon pazare për poste, ambasada apo tenderë. Duke folur për mandatin e dytë të Konjufcës, Haxhiu u shpreh optimiste se votat mund të sigurohen, “nëse deputetët do të ishin të lirë nga presionet e kryetarëve të partive”.

    Ajo gjithashtu vlerësoi rolin e presidentes Osmani, e cila “ka vepruar në përputhje me Kushtetutën” për të shmangur zgjedhjet e menjëhershme.

    Haxhiu foli edhe për çështjen e ish-drejtuesve të UÇK-së në Hagë, duke zbuluar se qeveria ka bërë përpjekje të vazhdueshme për lirimin e tyre nga paraburgimi. “Ne kemi dhënë garanci për kthimin e tyre në Kosovë dhe respektimin e vendimeve të gjykatës. Ata mbahen padrejtësisht, dhe pas përfundimit të dëshmive të prokurorisë nuk ka më asnjë arsye që të qëndrojnë në paraburgim”, theksoi ajo, duke shtuar se “Kosova ka paguar mbi 33 milionë euro për mbrojtjen e tyre”.

    Haxhiu tha se përpjekjet e qeverisë janë bërë “në heshtje, sepse puna e mirë bëhet pa zhurmë”, ndërsa akuzat e opozitës i quajti “të pabaza”.

    Ajo vlerësoi edhe fitoret e kandidatëve shqiptarë në Maqedoninë e Veriut dhe deklaroi besim të plotë në suksesin e Vetëvendosjes në balotazhin e së dielës, veçanërisht në Prishtinë, Mitrovicë e Prizren.

  • Cristiano Ronaldo:Më vështirë është të shënosh gol në Arabinë Saudite sesa në La Ligën spanjolle

    Cristiano Ronaldo:Më vështirë është të shënosh gol në Arabinë Saudite sesa në La Ligën spanjolle

    Ylli portugez Cristiano Ronaldo ka treguar dallimet në mes Ligës Pro të Arabisë Saudite dhe ligave të tjera.

    Gjatë një bisede me gazetarin Pierce Morgan Ronaldo ka deklaruar se kampionati saudit meriton respekt,dhe thotë se më vështirë është të shënosh në Arabinë Saudite sesa në Spanjë.

     “Është shumë më i mirë se kampionati portugez, madje edhe se ai francez – sepse në Francë ekziston vetëm PSG-ja. Pse nuk llogaritet ‘Këpuca e Artë’ për ligën saudite? Shikoni golashënuesit më të mirë dhe pyesni futbollistët që kanë luajtur këtu. Për mua, ka qenë më e lehtë të shënoja në Spanjë sesa në Superligën e Arabisë”

    Përndryshe Ronaldo thotë se ata që e kritikojnë ligën saudite nuk kanë qenë aty fare,dhe se nuk e dijnë se si është të luhet në temperaturat prej rreth 40 gradë.

    Kujtojmë që Cristiano Ronaldo për Al Nassr ka shënuar 106 gola në 120 ndeshje,qëkur u transferua në Arabinë Saudite në vitin 2023.

  • Putini sfidon botën, arma e re bërthamore që mund të zhysë të tërë Manhatanin nën ujë

    Putini sfidon botën, arma e re bërthamore që mund të zhysë të tërë Manhatanin nën ujë

    Një raportim i “Daily Mail” ka tronditur opinionin ndërkombëtar, pasi zbulon se Rusia ka zhvilluar një armë të re bërthamore, e cilësuar si më e frikshmja që Moska ka ndërtuar ndonjëherë.

    Arma mban emrin “Poseidon” një supertorpedë me energji dhe ngarkesë bërthamore, e aftë, sipas ekspertëve, të zhysë brigjet e Shteteve të Bashkuara nën ujëra radioaktive në rast konflikti.

    Burime perëndimore pohojnë se “Poseidon” është projektuar për të vepruar në thellësi të mëdha, duke shmangur sistemet e mbrojtjes detare dhe duke shkaktuar cuname të përmasave katastrofike.

    Raporti paralajmëron se një shpërthim pranë brigjeve amerikane mund të fundosë qytete të tëra – përfshirë Manhattanin – nën ujë të kontaminuar radioaktiv.

    Publikimi i këtyre detajeve ka ngritur alarmin në Uashington. Sipas “Daily Mail”, zhvillimet e fundit e kanë detyruar ish-presidentin Donald Trump të shqyrtojë “të paimagjinueshmen” në lidhje me ekuilibrin bërthamor dhe strategjitë mbrojtëse të SHBA-së.

    Nga ana tjetër, Rusia e paraqet projektin si një “armë parandalimi strategjik”, por në Perëndim ai shihet si një kërcënim i drejtpërdrejtë ndaj sigurisë globale.

  • UEFA publikon “Ekipin e Javës” në Ligën e Kampionëve për javën e katërt

    UEFA publikon “Ekipin e Javës” në Ligën e Kampionëve për javën e katërt

    UEFA ka bërë publike listën zyrtare të “Ekipit të Javës” në Ligën e Kampionëve pas përfundimit të ndeshjeve të Matchday 4, ku janë përfshirë disa prej yjeve që shkëlqyen me paraqitjet e tyre këtë javë në arenën evropiane.

    Në formacionin e përzgjedhur nga UEFA bëjnë pjesë: Mikel Merino, Victor Osimhen, Phil Foden, Davide Zappacosta, Alexis Mac Allister, Maza, Forbs, Carlos Augusto, Robin Koch, Luckassen dhe portieri Neuner.

    Kjo javë e Ligës së Kampionëve solli duele spektakolare dhe disa surpriza, me Foden që u shpall edhe “Lojtari i Javës” pas paraqitjes fantastike në fitoren e Manchester City-t. Po ashtu, Osimhen u rikthye me gol pas një periudhe mungese, ndërsa Zappacosta dhe Mac Allister u vlerësuan për ndikimin e tyre në sukseset respektive të skuadrave.

    UEFA ka ftuar tifozët të shprehin mendimin e tyre nëse do të bënin ndryshime në këtë formacion, ndërsa ky “Team of the Week” pritet të pasqyrojë më së miri yjet që kanë lënë gjurmë në xhiron e katërt të fazës së grupeve.

  • Amir Rrahmani afër rinovimit me Napolin

    Amir Rrahmani afër rinovimit me Napolin

    Kapiteni i Kombëtares së Kosovës Amir Rrahmani,pritet që të rinovojë me kampionin e Italisë Napoli.

    Rrahmani mund të nënshkruajë kontratë të re me napolitanët,e cila pritet të zgjasë deri në qershor të vitit 2028.

    Përndryshe Rrahmani do të ketë rritje edhe në pagë,ku nga 2.5 milionë euro tani do të fitoj rreth 4 milionë euro në sezon.

    Ndërkohë Napoli do të rinovojë edhe me disa lojtarë të tjerë,duke përfshirë emra si: Giovanni Di Lorenzo, Matteo Politano dhe Frank Anguissa,dhe këto renovime po ndodhin falë paraqitjeve të mira në ndeshjet e fundit.

    Kujtojmë që Amir Rrahmani u rikthye tek Napoli në ndeshjen kundër Comos fundjavën e kaluar,teksa pritet që të grumbullohet me Kombëtaren e Kosovës për ndeshjet vendimtare për kualifikim në botërorin 2026 kundër Sllovenisë dhe Suedisë.

  • Eric Garcia në radarin e gjigantit francez PSG

    Eric Garcia në radarin e gjigantit francez PSG

    Gjiganti francez PSG po synon të bëjë përforcime për edicionin e ardhshëm.

    Sipas L’Equipe mbrojtësi i Barcelonës Eric Garcia është futur në radarin e kampionëve të Evropës,dhe drejtuesit parisienë do të tentojnë që të sigurojnë shërbimet e tij.

    Përndryshe trajneri Luis Enrique e preferon Garcian në skuadër,teksa në anën tjetër 24 vjeçari ka hyrë në vitin e fundit të kontratës me gjigantin katalunas që do të mundësonte kalimin e tij si transfer i lirë.

    Në anën tjetër Barcelona po synon të arrij një marrëveshje të re me Garcian,kjo pasi spanjolli konsiderohet si një prej lojtarëve më të rëndësishëm.

    Kujtojmë që Eric Garcia ka arritur të zhvillojë 15 ndeshje për Barcelonën në të gjitha garat. (more…)

  • Granit Xhaka:Do të japim maksimumin ndaj Arsenal-it

    Granit Xhaka:Do të japim maksimumin ndaj Arsenal-it

    Mesfushori dhe kapiteni i Sunderland-it Granit Xhaka,ka folur për ndeshjen të cilën skuadra e tij e luan kundër Arsenal-it në Premierligë këtë fundjavë.

    Xhaka duke folur për takimin kundër ish-skuadrës së tij ka thënë se Arsenal është skuadër tejet e fortë,por thotë se ndaj liderëve të Premiership-it do të japin më të mirët.

    Përndryshe Xhaka thotë se ndaj Arsenalit është një ndeshje veçantë,dhe se shpreson që ta shijoj deri në fund,si dhe thotë se askush nuk e mendoj  se Sunderland do të ishte aq lartë në tabelë.

    “Të luash kundër tyre këtu në Sunderland, sigurisht, është shumë e veçantë. Shpresoj ta shijoj edhe unë dhe le të shohim se kush është skuadra më e mirë atë ditë.Askush para sezonit nuk mendonte se do të ishim aty ku jemi, por për mua nuk është për t’u habitur, sepse punojmë shumë.”

    Kujtojmë që Granit Xhaka në 10 ndeshje të zhvilluara për Sunderlandin ka arritur të shënoj 1,si dhe dhuroi 3 asistime në 900 minuta të luajtura

  • Zyrtare: Ajax shkarkon John Heitinga, synon rikthimin e Erik ten Hag

    Zyrtare: Ajax shkarkon John Heitinga, synon rikthimin e Erik ten Hag

    Klubi holandez Ajax Amsterdam ka marrë një vendim të menjëhershëm duke shkarkuar trajnerin John Heitinga nga posti i trajnerit pas rezultateve të dobëta në këtë fillimsezoni.

    Sipas raportimeve të mediave ndërkombëtare, drejtuesit e klubit nga “Johan Cruyff Arena” kanë filluar menjëherë kontaktet për rikthimin e Erik ten Hag, aktualisht trajner i Manchester United, me të cilin Ajax kishte përjetuar periudhën më të suksesshme në vitet e fundit.

    Heitinga, që mori drejtimin e ekipit në fillim të sezonit pas krizës së brendshme në klub, nuk arriti të stabilizojë skuadrën, duke lënë Ajax-in në pjesën e poshtme të tabelës së Eredivisie-s.

    Burime pranë klubit kanë konfirmuar se Ten Hag është objektivi kryesor i drejtuesve për t’i dhënë fund krizës, ndërsa në rast se marrëveshja nuk finalizohet, alternativa mbetet trajneri i përkohshëm i akademisë.

    Erik ten Hag kishte drejtuar Ajax-in nga viti 2017 deri në 2022, duke fituar disa tituj kampioni dhe duke arritur në gjysmëfinalen e Ligës së Kampionëve në vitin 2019, para se të transferohej te Manchester United.

    Klubi pritet të bëjë njoftimin zyrtar gjatë ditëve në vijim.

  • Qeveria e Kurtit nis pagesat prej 100 eurosh, paralajmëron grupin e dytë

    Qeveria e Kurtit nis pagesat prej 100 eurosh, paralajmëron grupin e dytë

    Kryeministri në detyrë, Albin Kurti, ka bërë të ditur se sot është nisur procesimi i pagesave për grupin e parë të studentëve që janë kualifikuar si përfitues të shumës së njëhershme prej 100 eurove, në kuadër të mbështetjes për fillimin e vitit të ri akademik.

    Në njoftimin e tij, Kurti ka theksuar se 49,623 studentë nga të gjitha drejtimet dhe institucionet arsimore, publike e private, janë përfshirë në këtë grup të parë.

    Ai ka shtuar se pjesa e mbetur e aplikuesve që plotësojnë kriteret do të shqyrtohen dhe procesohen në ditët në vijim, si pjesë e grupit të dytë të përfituesve.

    “Sot është procesuar pagesa për grupin e parë të studentëve që janë kualifikuar si përfitues të shumës së njëhershme prej 100 eurove, me rastin e fillimit të vitit të ri akademik. Janë gjithsej 49,623 studentë përfitues të të gjitha drejtimeve e institucioneve arsimore, publike e private që janë procesuar me grupin e parë. Pjesa e mbetur e aplikuesve që plotësojnë kriteret për përfitim do të shqyrtohen dhe procesohen me grupin e dytë në ditët në vijim. Me qeverinë tonë, studentët çdoherë do të kenë mbështetjen e shtetit,” ka shkruar Kurti.

  • Selektori Ostlund: “Kundërshtar i vështirë, por kemi shanse”

    Selektori Ostlund: “Kundërshtar i vështirë, por kemi shanse”

    Selektori i Kosovës në hendboll, Jesper Ostlund, ka komentuar shortin për fazën e dytë kualifikuese për Kampionatin Botëror 2027.

    Kombëtarja jonë përballet me Bosnjë-Hercegovinën. Ndeshjet luhen në mars të vitit të ardhshëm.

    Ostlund vlerëson Bosnjë-Hercegovinën, por thotë se Kombëtarja jonë nuk është pa shanse.

    “Sfida të shkëlqyera në raundin e dytë, derbi ballkanik. Do t’iu qasemi ndeshjeve me shumë energji dhe besim. Bosnjë-Hercegovina është vend me kulturë të hendbollit dhe do të jetë kundërshtar i vështirë. Synimi ynë, natyrisht, është të provojmë të kualifikohemi në raundin e tretë. Mendoj se kemi shanse, nëse paraqitemi në nivelin tonë më të lartë”, ka thënë selektori Jesper Ostlund për faqen zyrtare të FHK-së.

    Në fazën e parë kualifikuese Kombëtarja jonë e eliminoi Britaninë e Madhe.

    Kualifikimet për Botërorin 2027 organizohen në tri faza eliminatore gjithsej. /ATVLIVE.TV