ATV

Blog

  • Gjethet po thahen dhe bien? Ja si ta shpëtoni bimën para se të jetë vonë

    Gjethet po thahen dhe bien? Ja si ta shpëtoni bimën para se të jetë vonë

    Nëse mendoni se bima juaj po i than gjethet “pa arsye”, gaboheni. Gjethet janë mënyra e saj për t’ju treguar se diçka nuk është në rregull

    Kur fillojnë të zverdhen, të bien ose të nxihen në skaje, kjo nuk është fundi, është sinjal paralajmërues. Lajmi i mirë? Shumica e bimëve mund të rikuperohen, nëse reagoni me kohë dhe bëni disa ndryshime të thjeshta në kujdes.

    Gjethet – gjuha e bimës

    Bimët komunikojnë përmes ndryshimeve në gjethe. Nëse zbehen, thahen apo kanë skaje të errëta, kjo tregon se diçka ka dalë nga ekuilibri: mund të jetë tepricë uji, mungesë drite, ajër shumë i thatë apo pleh i tepërt. Kur mësoni t’i lexoni këto shenja, do të mund të parandaloni dëmtimin para se të jetë vonë.

    1. Kontrolloni rrënjët – aty fillon gjithçka

    Rrënja është zemra e çdo bime. Nxirreni me kujdes nga vazoja dhe shikoni gjendjen e saj. Nëse rrënjët janë të errëta dhe të buta, bima po kalbet. Pritni pjesët e dëmtuara me gërshërë të sterilizuara dhe mbilleni në dhe të thatë e ajrosur.

    Nëse rrënjët janë të thata dhe të brishta, bima ka etje. Zhytni vazon në ujë të vakët për 15 minuta, pastaj lëreni të kullojë. Kjo ndërhyrje e parë shpesh bën diferencën mes një bime që ringjallet dhe asaj që humbet përgjithmonë, transmeton Telegrafi.

    2. Ujitja – më pak është më shumë

    Gabimi më i madh që bëjnë adhuruesit e bimëve është ujitja e tepërt. Shumica e bimëve të shtëpisë nuk vdesin nga thatësira, por nga uji i tepërt. Prandaj, gjithmonë kontrolloni tokën me gisht, nëse 2 centimetrat e sipërm janë të thatë, është koha për të ujitur. Përdorni ujë në temperaturë ambienti dhe mos lini kurrë tepricë në substrat. Rrënjëve nuk u pëlqen të “qëndrojnë në ujë”.

    3. Drita dhe nxehtësia – vrasësit e padukshëm të gjetheve

    Bimët duan stabilitet. Nëse gjethet zgjaten drejt dritares, mungon drita. Nëse skajet thahen e bëhen kafe, ndoshta janë shumë afër ngrohësit. Vendi ideal është një deri në dy metra larg dritares së kthyer nga lindja ose perëndimi, ku ka dritë të butë e të shpërndarë, por jo diell të drejtpërdrejtë.

    4. Lagështia e ajrit – ndryshim i vogël, efekt i madh

    Gjatë sezonit të ngrohjes, ajri në shtëpi bëhet shumë i thatë dhe kjo shkakton tharje të gjetheve. Vendosni një enë me ujë pranë bimës ose grupojini disa bashkë për të krijuar një mikroklimë. Edhe më mirë, spërkatini herë pas here me ujë të butë dhe të qëndrueshëm. Kjo jo vetëm që i freskon, por edhe ul stresin që vjen nga thatësia e ajrit.

    5. Plehërimi me masë

    Nëse gjethet zverdhen dhe bima nuk rritet, mund të ketë mungesë të lëndëve ushqyese. Në stinën e rritjes (pranverë dhe verë) përdorni pleh të lëngshëm të lehtë çdo dy deri në tre javë. Por kini kujdes – nëse në sipërfaqen e tokës shfaqen shtresa të bardha kripe, kjo do të thotë se toka është mbingopur. Në këtë rast, shpëlani rrënjët me ujë dhe zëvendësoni pjesërisht dheun para se të plehëroni sërish.

    Kur do t’i shihni rezultatet?

    Nëse keni reaguar si duhet, pas disa javësh do të vini re fidane të rinj dhe gjethe më me shkëlqim – shenjë që bima po ringjallet. Nuk keni pse të jeni ekspert për ta shpëtuar një bimë, mjafton ta vëzhgoni, ta kuptoni dhe t’i jepni vëmendje, jo perfeksion. Në këmbim, ajo ju fal diçka që nuk blihet: qetësi, jetë dhe ndjesinë e ekuilibrit në hapësirën tuaj. /Telegrafi/

  • Hajdari: “Gati për tri pikët kundër Sllovenisë”

    Hajdari: “Gati për tri pikët kundër Sllovenisë”

    Kombëtarja e Kosovës ka vijuar edhe sot me përkushtim të jashtëzakonshëm përgatitjet për dy ndeshjet vendimtare të ciklit kualifikues për Kampionatin Botëror 2026, ndaj Sllovenisë dhe Zvicrës.

    Seanca e stërvitjes është zhvilluar në stadiumin “Fadil Vokrri” në një atmosferë pozitive dhe me intensitet të lartë, ku përzgjedhësi Franco Foda pati në dispozicion të gjithë futbollistët e grumbulluar.

    Pas stërvitjes, mbrojtësi Albian Hajdari theksoi:

    “Atmosfera është shumë e mirë. Ne jemi gati. Stërvitja ka qenë intensive dhe niveli ka qenë shumë i lartë. Deri tani, gjithçka ka shkuar shumë mirë. Ne do të përgatitemi maksimalisht për ndeshjen kundër Sllovenisë dhe do të kërkojmë të marrim 3 pikët. Nuk është e lehtë të analizojmë kundërshtarin, pasi ndeshjen e parë e luajtëm këtu në ‘Fadil Vokrri’, ndërsa tani do të luajmë në Lubjanë. E dimë që na pret një ndeshje e vështirë, por trajneri është duke na përgatitur shumë mirë dhe ne do të japim maksimumin ditën e ndeshjes,” u shpreh Hajdari.

    Atmosfera brenda grupit është shumë e mirë, dhe besimi për sukses është i lartë, pasi futbollistët po përgatiten me shumë motivim për të vazhduar serinë e rezultateve pozitive dhe për ta ruajtur shpresën e një kualifikimi historik. /ATVLIVE.TV

  • Nga fusha në sallën e gjyqit: Antonio Brown përballet me akuza të rënda në Miami

    Nga fusha në sallën e gjyqit: Antonio Brown përballet me akuza të rënda në Miami

    Drama për ish-yllin e NFL-së, Antonio Brown, ai tashmë ka hyrë në një kapitull të ri e famëkeq. Futbollisti i famshëm është rikthyer në Miami, por këtë herë jo për lavdi, por për t’u përballur me akuza të rënda për tentativë vrasjeje.

    Burime nga mediat amerikane raportojnë se Brown është i përfshirë në një incident të armatosur që ndodhi në maj të këtij viti, gjatë një eventi boksi për personazhe të njohur në zonën “Little Haiti” të Miamit. Sipas hetimeve, një debat mes Brown dhe një burri të quajtur Zul-Qarnain Kwame Nantambu ka përfunduar me të shtëna armësh. Një plumb mendohet se e ka prekur viktimën në qafë.

    Pas ngjarjes, autoritetet lëshuan një urdhër arresti, por Brown është larguar drejt Dubait. Ai u gjet disa muaj më vonë dhe u ekstradua në SHBA, ku më pas u transferua në Miami. Me mbërritjen në aeroport, ai është shoqëruar nga policia drejt Turner Guilford Knight Correctional Center dhe është fotografuar për një foto zyrtare që tashmë po qarkullon gjerësisht në rrjete sociale.

    Në seancën e parë gjyqësore, Brown u deklarua i pafajshëm, ndërsa avokati i tij tha se ish-lojtari ka vepruar në vetëmbrojtje. “Antonio u sulmua dhe veproi për të mbrojtur jetën e tij”, tha për mediet mbrojtësi ligjor Mark Eiglarsh.

    Nëse shpallet fajtor, ai përballet me deri në 15 vite burg dhe një gjobë që mund të arrijë 10,000 dollarë. Prokurorët pritet të fokusohen në mënyrën si u përdor arma dhe nëse Brown kishte arsye të besonte se ishte në rrezik, sipas ligjit të Floridës “Stand Your Ground”.

    Një gjë është e qartë: për një sportist që dikur mahniste me 928 pasime të pranuara dhe mbi 12,000 jardë, ky është një kthim dramatik në qendër të vëmendjes, por këtë herë, në një arenë shumë ndryshe e famëkeqe.

    Nga fusha e futbollit te banka e të akuzuarve, Antonio Brown po përjeton një ndeshje që mund të vendosë jo vetëm të ardhmen e tij, por edhe mënyrën se si do të mbahet mend nga publiku përgjithmonë…

  • Alba Vukaj surprizohet me buqetë trëndafilash, kush është i dashuri misterioz?

    Alba Vukaj surprizohet me buqetë trëndafilash, kush është i dashuri misterioz?

    Alba Vukaj, ka ndezur rrjetet sociale me postimin e saj më të fundit plot romancë dhe mister. Në një foto të publikuar në Instagram, ajo shihet duke mbajtur një buqetë gjigante trëndafilash të kuq, të cilën e ka shoqëruar me përshkrimin intriguese: “Anonymous flowers 🥺”.

    Ky detaj i vogël mjaftoi për të vënë në lëvizje ndjekësit, të cilët menjëherë filluan të pyesin se kush është “djaloshi misterioz” që i ka dërguar një dhuratë kaq romantike. Komentet nën postim janë mbushur me hipoteza, me fansat që përpiqen të zbulojnë identitetin e dhuruesit anonim.

    Edhe pse Alba nuk ka dhënë asnjë sqarim dhe duket se po e shijon gjithë këtë vëmendje me buzëqeshje, postimi i saj është kthyer në një nga më të komentuarit e ditës në rrjetet sociale.

    A është ky fillimi i një romancë të re në jetën e saj, apo thjesht një gjest admirimi nga një fans i zjarrtë?

  • Getinjo tregon arsyet pse është vështirë të bësh muzikë sot

    Getinjo tregon arsyet pse është vështirë të bësh muzikë sot

    Reperi nga Ferizaj, Getinjo, ka folur hapur për vështirësitë e krijimit muzikor në kohët e sotme, duke pranuar se për artistët që shkruajnë vetë tekstet, periudha aktuale është më sfiduese se kurrë.

    Në një postim në rrjetet sociale, artisti ndau fragmente nga disa projekte të papublikuara dhe një mesazh të qartë për gjendjen e skenës muzikore:

    “Kjo tokë e muzikës që janë duke e mbjellur nuk sjell fruta as lule. Normalisht, fitojmë para në klube. Por, do të mundohem t’i publikoj disa këngë që do të kenë tekste të mençura dhe reale.”

    Getinjo, i njohur për tekstet me tematikë sociale dhe stilin e tij të drejtpërdrejtë, shtoi se arti i vërtetë duhet të ketë kuptim dhe ndikim:

    “Disi, kurrë s’ka pasur nevojë populli më shumë se sot për tekste. Njohuri! S’kam asgjë kundër reperëve të tjerë. Ka bukë për të gjithë. Shihemi!”

    Ky mesazh ka ngjallur reagime të shumta nga fansat, të cilët e kanë përkrahur për qëndrimin e tij të sinqertë dhe përkushtimin ndaj muzikës me vlerë.

  • Përfundon dëshminë Christopher Hill: Ishte përvojë e veçantë

    Përfundon dëshminë Christopher Hill: Ishte përvojë e veçantë

    Në Dhomat e Specializuara të Kosovës (DhSK) në Hagë, ka përfunduar dëshminë e tij ish-diplomati amerikan Christopher Hill, në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

    Hill tha se ishte një përvojë e veçantë pjesëmarrja e tij në këtë proces gjyqësor, raporton “Betimi për Drejtësi“.

    “Ishte një përvojë e veçantë doja të them”, tha Hill.

    Ndërsa, kryetari i trupit gjykues, Charles Smith III i tha dëshmitarit se shpreson që kjo të mos jetë një përvojë e keqe.

    “Shpresoj të mos ketë qenë një përvojë e keqe”, tha Smith III.

    Ndërsa, Hill ia ktheu duke i thënë se “Kam pasur përvoja edhe më të këqija”.

    Gjatë fundit të dëshmisë, për dëshmitarin pati disa pyetje edhe avokati i Kadri Veselit, Rodney Dixon. Për klientin e Dixon, dëshmitari tha se nuk e ka parë dhe nuk e di se ku ka qëndruar.

    Seanca pritet të vazhdojë pas pushimit me dëshminë e dëshmitarit të radhës.

  • Lladrovci përkrah protestën në Strasburg: E vërteta jonë lë të jetë e dukshme dhe e zëshme

    Lladrovci përkrah protestën në Strasburg: E vërteta jonë lë të jetë e dukshme dhe e zëshme

    Protesta e ftuar nga OVL-UÇK ndaj gjykimit të ish-krerëve të UÇK-së ka marrë përkrahje edhe nga Ramiz Lladrovci.

    Ai tha se “e vërteta jonë lë të jetë e dukshme dhe e zëshme në Strasburg, lë të jetë zë për drejtësinë ndërkombëtare”.

    Postimi i plotë i tij, në përkrahje të protestës:

    Protesta e ftuar nga OVL-UÇK më 16 nëntor në Strasburg, kundër padrejtësisë ndaj ish-krerëve të UÇK-së, është protestë edhe ndaj padrejtësisë që po i bëhet Kosovës, qytetarëve të saj dhe vet lirisë tonë.

    Unë i bashkohem protestës, njëherësh ftoj të gjithë atdhetarët që kanë mundësi, më 16 nëntor të jenë të pranishëm në Strasburg, në mënyrë simbolike të përcjellim mesazhin tonë se qëndrojmë fort pranë liderëve tanë të luftës dhe paqes, me Hashimin, Kadriun, Jakupin, Rexhën dhe të tjerët.

    Liria ishte motivi madhor i veprës së tyre. Çlirimi ishte rrugë e vetme për të arritur te liria, ishte rrugë të cilën e ndoqëm me aleatët, në pajtim me normat ndërkombëtare, andaj, akuzat janë pjesë e skenarit serbo-rus dhe nuk mund të jenë argument i përndjekjes për liderët tanë.

    Shihemi në Strasburg, për të dëshmuar se liderët tanë të luftës dhe paqes, kurrë nuk janë vetëm. E vërteta jonë lë të jetë e dukshme dhe e zëshme në Strasburg, lë të jetë zë për drejtësinë ndërkombëtare. UÇK ishte shpirti i një populli, krenari e një kombi!

  • Përfundon numërimi i votave në Mitrovicë

    Përfundon numërimi i votave në Mitrovicë

    Në Qendrën Komunale të Numërimit në Mitrovicën e Jugut ka përfunduar procesi i verifikimit dhe numërimit të fletëvotimeve për raundin e dytë të zgjedhjeve për Kryetar të Komunës.

    Procesi është zhvilluar gjatë ditës nën mbikëqyrjen e përfaqësuesve të subjekteve politike dhe dy hetuesve policorë të caktuar nga Prokuroria Themelore në Mitrovicë, pas vendimit për rifillimin e numërimit të ndërprerë të hënën për shkak të dyshimeve për manipulim me fletëvotime.

    Procesi i verifikimit të votave në këtë qendër rifilloi të mërkurën me urdhër të Prokurorisë Themelore, pasi ky institucion fillimisht ka urdhëruar ndërprerjen e përkohshme të këtij procesi si pasojë e raportimit të parregullsive të paraqitura për shkak të numrave serikë të ndryshëm në disa fletëvotime.

    Rifillimi i numërimit me urdhër të Prokurorisë nisi pasi kompania CETIS që shtypi fletëvotimet shpjegoi se problemi i numërimit ndodhi te njëra nga pllakat e printerëve me ngjyrë.

    Zhvillimet nga procesi i verifikimit të votave në Mitrovicë kanë nxitur shumë reagime.

    PDK-ja ka kërkuar rivotim në këtë komunë, e VV-ja ka vlerësuar se ndryshimi i numrave serik të fletëvotimeve nga numri i klasave ku është votuar, është gabim teknik.

    Shpalljen e pavlefshme të fletëvotimeve të tilla, ndërkohë e ka kërkuar shoqëria civile. Eugen Cakolli, është hulumtues në Institutin Demokratik të Kosovës, ka thënë se fletëvotimet të cilat nuk përputhen me kodin e vendvotimit ku është votuar duhet të shpallen të pavlefshme.

    Për kryetar të Mitrovicës në garë ishin Arian Tahiri i PDK-së e Faton Peci i Lëvizjes Vetëvendosje.
    Sipas rezultateve preliminare, fitues doli Peci me 2 mijë e 315 vota më shumë.

  • Luana Vjollca befasohet sërish, apartamenti i saj ‘pushtohet’ nga buqetat me trëndafila të kuq

    Luana Vjollca befasohet sërish, apartamenti i saj ‘pushtohet’ nga buqetat me trëndafila të kuq

    Moderatorja e njohur shqiptare, Luana Vjollca, sot (e mërkurë) ka përjetuar një tjetër mëngjes plot surpriza.

    Siç duket, buqetat me lule janë kthyer në një traditë për të, pasi edhe këtë herë shtëpia e saj është mbushur plot me trëndafila të kuq.

    Në një video të publikuar në InstaStory, Luana shfaqet e përgatitur për t’u nisur drejt punës, por përballet me një ‘pengesë’ të pazakontë – korridori i apartamentit ishte mbushur i gjithi me buqeta të shumta lulesh.

    Moderatorja tregon me humor se nuk kishte as ku të hidhte hapin për të kaluar.

    Me tone shakaje, ajo iu drejtua dërguesit misterioz duke pyetur: “Si e keni menduar këtë?”, pasi sasia e madhe e trëndafilave i kishte bllokuar rrugën.

    Ende nuk dihet kush është personi që i ka dërguar dhuratat këtë herë, duke e lënë publikun sërish në kureshtje.

    Kujtojmë se pak javë më parë, moderatorja u surprizua për ditëlindje me mijëra trëndafila dhe petale, një pamje që bëri xhiron e rrjeteve sociale. /Telegrafi/

  • Laporta zbulon gjendjen e Lamine Yamal: “Po vuan nga pubalgia, por vazhdon të luajë me zemër për Barçën”

    Laporta zbulon gjendjen e Lamine Yamal: “Po vuan nga pubalgia, por vazhdon të luajë me zemër për Barçën”

    Presidenti i Barcelonës, Joan Laporta, ka folur hapur për situatën fizike të talentit 17-vjeçar Lamine Yamal, duke konfirmuar se lojtari po përballet me pubalgi, por megjithatë ka vazhduar të luajë për skuadrën.

    “Lamine Yamal po vuan nga pubalgia, por vazhdon të luajë, duke treguar përkushtimin dhe dashurinë e tij për Barcelonën,” deklaroi Laporta. “Një specialist është marrë me rastin e tij, ka bërë diagnozën dhe trajtimin e nevojshëm. Ne duam që Lamine të jetë në gjendjen më të mirë të mundshme, dhe kjo përkoi me periudhën e ndeshjeve të kombëtares.”

    Deklarata e Laportës vjen pas raportimeve se Barcelona kishte kryer një trajtim të veçantë për Yamal-in pa njoftuar paraprakisht Kombëtaren spanjolle, gjë që shkaktoi polemika mes dy palëve.

    Megjithatë, Laporta theksoi se klubi ka vepruar vetëm për mirëqenien e lojtarit, duke theksuar rëndësinë që Yamal ka për të ardhmen e ekipit katalanas.