ATV

Blog

  • Të enjtën, shqiptarët në protestë kundër helmimit dhe abuzimit me kafshët

    Të enjtën, shqiptarët në protestë kundër helmimit dhe abuzimit me kafshët

    Të enjten, më 20 nëntor, qytetarët nga e gjithë Shqipëria do të mblidhen në Sheshin Skënderbej për një protestë paqësore, por vendimtare, kundër mizorive të kryera ndaj kafshëve endacake.

    Aktivistë, vullnetarë dhe qytetarë të thjeshtë i bëjnë thirrje publikut të bashkohet për të kërkuar hetim, transparencë dhe ndalimin e praktikave çnjerëzore që prej vitesh kryhen ndaj qenve të rrugës, shpesh me fonde publike dhe pa asnjë përgjegjësi ligjore. Protesta synon të ngrejë zërin për qindra raste të helmimeve, zhdukjeve dhe abuzimeve, duke kërkuar reagim urgjent nga institucionet shqiptare dhe vëmendjen e partnerëve ndërkombëtarë.

    Kjo është një thirrje kombëtare për drejtësi dhe llogaridhënie. Protestuesit kërkojnë ndalimin e mekanizmave të eliminimit të qenve endacakë, hetim të thelluar nga SPAK mbi përdorimin e fondeve bashkiake, dënime reale për abuzuesit dhe transparencë të plotë në strehat veterinare. Demonstrata nis në 11:00 AM, në Sheshin Skënderbej, dhe organizatorët ftojnë të gjithë të marrin pjesë, sepse vetëm duke ngritur zërin sot mund të ndalet dhuna sistematike ndaj kafshëve nesër.

    Njoftimi:

    Bashkohu në protestë! Behu zëri i tyre
    Shpërndajeni masivisht dhe sigurohuni të jeni aty. Nëse nuk ngremë zërin sot, mizoritë do të vazhdojnë nesër. Ju mirëpresim nga e gjithe Shqiperia.

    Kërkojmë drejtësi për kafshët e pambrojtura!

    E enjte, 20 Nëntor 2025
    11:00 AM
    Sheshi Skënderbej, Tiranë

    Kërkesat tona:
    1. Ndalimi i menjëhershëm i helmimeve dhe çdo forme tjetër të zhdukjes së qenve endacakë në gjithë Shqipërinë.
    2. Ndjekje penale dhe largim i menjëhershëm nga detyra për çdo person apo punonjës shtetëror që abuzon me detyrën dhe kryen krime ndaj kafshëve.
    3. Hetim nga SPAK për fondet që bashkitë perdorin për qentë endacakë dhe transparencë se ku përfundojnë. Hetim per numrin e qenve qe marrin ne Strehezat Veterinare dhe ku perfundojne ata.
    4. Përfshirja e strukturave të BE-së për forcimin e bazës ligjore dhe zbatimin real të dënimeve jo vetëm ligje vetem në letër.
    5. Angazhimi i organizatave dhe ambasadave të huaja në mbështetje të kauzës sonë.
    6. Akses i përditshëm për vullnetarët në Strehën Veterinare Tiranë dhe në çdo zonë ku mbahen qentë.

  • Veterinari amerikan: Një nga ushqimet më të përdorura dëmton shëndetin oral të maceve

    Veterinari amerikan: Një nga ushqimet më të përdorura dëmton shëndetin oral të maceve

    Çdo pronar kafshësh shtëpiake dëshiron më të mirën për mikun e tij me qime, por shpesh, edhe me qëllimet më të mira, mund të bëhen gabime të padukshme. Një prej aspekteve që anashkalohet më së shumti tek macet është higjiena dentare, dhe sipas veterinerit amerikan Dr. Mark Dos Anjos, një nga ushqimet më të zakonshme në dietën ditore të maceve mund të shkaktojë dëme serioze: ushqimi i thatë.

    Sipas raportimeve të Parade Pets dhe Index.hr, pavarësisht popullaritetit të madh, ushqimi i thatë mund të paraqesë rreziqe të rëndësishme për dhëmbët dhe shëndetin e përgjithshëm të maceve.

    Miti i ushqimit të thatë dhe pastrimit të dhëmbëve
    Për shumë vite është besuar se ushqimi i thatë krokant ndihmon në pastrimin e dhëmbëve të maceve. Por ekspertët thonë se kjo është thjesht një ide e vjetruar. Macet, të cilat në natyrë marrin shumicën e lëngjeve nga preja, nuk kanë instinkt të fortë për të pirë ujë. Duke qenë se ushqimi i thatë ka përmbajtje të ulët uji, ushqyerja ekskluzive me këtë lloj ushqimi mund të shkaktojë dehidratim kronik.

    Si krijohen problemet dentare?

    Ushqimi i thatë komercial shpesh përmban sasi të larta karbohidratesh, të nevojshme për të formuar formën krokante. Gjatë ngrënies, këto karbohidrate mbeten në sipërfaqen e dhëmbëve dhe shndërrohen në sheqerna, të cilat krijojnë një mjedis ideal për zhvillimin e pllakës dentare.

    Vetëm pas 72 orësh, pllaka ngurtësohet dhe shndërrohet në gurëza – depozita të forta ngjyrë kafe që nuk hiqen me larje të thjeshtë të dhëmbëve. Bakteret që grumbullohen nën to shkaktojnë:

    • Gingivit

    • Karies

    • Infeksione të dhimbshme

    • Rrezik për humbje të dhëmbëve

    Pse larja e dhëmbëve është thelbësore
    Veterinerët rekomandojnë që dhëmbët e maceve të lahen të paktën 2–3 herë në javë, ndërsa idealja është larja e përditshme. Pastrimi ditor parandalon ngurtësimin e pllakës dhe zvogëlon rrezikun e sëmundjeve dentare.

    Në treg ka shumë produkte, si furça dhe pasta të posaçme për macet, ndërsa alternativat si aditivët e ujit, pecetat apo sprejrat mund të ndihmojnë, por nuk zëvendësojnë larjen e vërtetë.

    Sidoqoftë, edhe me kujdes të rregullt në shtëpi, veterinerët rekomandojnë pastrim profesional një herë në vit, sidomos për macet e moshuara ose ato me predispozitë për probleme dentare.

    Rreziqe të tjera nga ushqimi i thatë
    Përtej shëndetit oral, dieta e bazuar kryesisht në ushqim të thatë lidhet edhe me probleme të tjera shëndetësore:

    • Sëmundje të veshkave për shkak të dehidratimit kronik

    • Probleme të traktit urinar

    • Obezitet për shkak të përmbajtjes së lartë të karbohidrateve

    • Diabet dhe sëmundje metabolike
    Në natyrë, macet konsumojnë vetëm 2% karbohidrate, ndërsa ushqimi i thatë mund të përmbajë 25–50%. Në SHBA, statistikat tregojnë se rreth 60% e maceve janë obezë, ndërsa 1 në 200–300 mace vuan nga diabeti.

    Si të zgjidhni ushqimin e duhur për macen tuaj
    Ekspertët theksojnë rëndësinë e leximit të etiketave:

    Përbërësi kryesor duhet të jetë proteina shtazore me cilësi të lartë (pule, peshk, gjeldeti).

    Duhet shmangur ushqimi ku përbërës kryesorë janë misri, gruri, orizi, patatet ose bizelet.

    Në fund të ditës, shëndeti oral nuk është vetëm çështje estetike. Ai ndikon drejtpërdrejt në mirëqenien dhe jetëgjatësinë e maces, duke e bërë kujdesin dentar një pjesë thelbësore të rutinës së përditshme të çdo pronari të përgjegjshëm.

  • SHBA shton trupat në Karaibe, Trump: Mund të kemi diskutime

    SHBA shton trupat në Karaibe, Trump: Mund të kemi diskutime

    Presidenti i SHBA-së, Donald Trump ka sinjalizuar për bisedime të mundshme me presidentin e Venezuelës, Nicolas Maduro, mes tensioneve të larta midis Uashingtonit dhe Karakasit, ndërsa SHBA-të vazhdojnë të rrisin praninë e tyre ushtarake pranë vendit të Amerikës së Jugut.

    “Mund të kemi disa diskutime me Maduron dhe do të shohim se si do të rezultojë kjo. Ata do të donin të flisnin”, tha Trump.

    “Venezuela do të donte të fliste. Çfarë do të thotë kjo? Më tregoni ju. Nuk e di”, shtoi ai.

    “Unë flas me këdo. Unë flas me ju, apo jo? Unë flas me këdo. Do të shohim çfarë do të ndodhë.”

    Kjo vjen në një kohë kur SHBA-të kanë kryer një seri sulmesh kundër anijeve të dyshuara për transportimin e drogës.

    Të shtunën, administrata Trump njoftoi sulmin e saj të fundit vdekjeprurës në ujërat ndërkombëtare të Oqeanit Paqësor lindor.

    Katër persona u vranë, duke e çuar numrin e përgjithshëm të njerëzve të vrarë në “Operacionin Shtiza Jugore” në 80.

    Në një deklaratë, Marina Amerikane njoftoi gjithashtu mbërritjen e aeroplanmbajtëses më të përparuar të vendit, USS Gerald R. Ford, si dhe anijeve të tjera në Karaibe.

    SHBA-të kishin vendosur tashmë tetë anije luftarake, një nëndetëse me energji bërthamore dhe një aeroplan luftarak F-35 në rajon më parë.

    Mbërritja e anijes Ford shënon grumbullimin më të madh të fuqisë së zjarrit të SHBA-së në rajon prej brezash.

    Vendosja e saj e sjell “Operacionin Shtiza Jugore” në gati një duzinë anijesh të Marinës dhe afërsisht 12,000 marinarë dhe marinsat.

  • Producenti i njohur pretendon se u kërcënua nga Don Xhoni

    Producenti i njohur pretendon se u kërcënua nga Don Xhoni

    Producenti Shkumbin Nebihu, i njohur si Bini Diez, ka pretenduar se është sulmuar me armë zjarri nga reperi Don Xhoni.

    Ai përmes një prononcimi për ‘Prive Liberta Spahiu’ ka thënë se Don Xhoni dhe një grup i personave i ka dalur me revole teksa ai ka qenë me familje.

    “Kam qenë me familje, më doket Don Xhonit ia kam ba s’jam vetë. Kanë qenë 15 veta dikun ma kanë pre rrugën Don xhoni u kan me vlla, ka pas armë. Shyqyr që jam kan me familje edhe un jam largu po edhe ata kanë fillu me u distancu se kish mujt me ndodh ma e keqja”, ka deklaruar Bini Diez.

    Deri më tani nuk dihen rrethanat e sakta që çuan në konflikt.

  • Pal Lekaj dhe të tjerët sot para gjykatës për “53 milionëshin”

    Pal Lekaj dhe të tjerët sot para gjykatës për “53 milionëshin”

    Në Gjykatën Themelore në Prishtinë është duke u mbajtur seanca e radhës e rigjykimit në rastin e njohur si “53-milionëshi” ndaj të akuzuarve Pal Lekaj, Eset Berisha, Nebih Shatri dhe Besim Tahiri, të akuzuar për keqpërdorim të detyrës lidhur me autostradën “Arben Xhaferi”.

    Gjykimi fillestar i këtij rasti ishte shtyrë pasi i akuzuari, Pal Lekaj, ishte shprehur se nuk e ka pranuar aktakuzën dhe për këtë nuk qe i gatshëm të deklarohet rreth saj.

    Lekaj u shpreh se sa i përket provave i kishte marrë, mirëpo sa i përket aktakuzës atë nuk e ka marrë

    Pasi gjykata e pajisi Lekajn me aktakuzë, u pyet se a ka pasur mundësi ta lexojë atë, e ai u përgjigj se për këtë i duhen 10 ditë kohë.

    “Nuk më ka mjaftuar koha, se koha shumë e shkurtë. Unë e potencova brenda 10 ditë kohë që ta kuptojë aktakuzën dhe të kem konsultime me avokatin. Sot nuk mund të deklarohem lidhur me fajësinë se nuk jam i gatshëm të deklarohem”, ishte shprehur Lekaj.

    “Sipas aktakuzës së ngritur më 4 shkurt 2022 nga Prokuroria Speciale e Republikës së Kosovës, më 27 shtator 2017, Pal Lekaj, në cilësinë e ministrit të Ministrisë së Infrastrukturës (MI) dhe si kryesues i Komitetit Ndërministror (KDNM) dhe Nebih Shatri, si sekretar i Përgjithshëm në këtë ministri, në bashkëveprim dhe me dashje edhe me të pandehurin Besim Tahiri – drejtor i Prokurimit Publik në MI, i cili tani për tani është i paqasshëm për prokurorinë, duke shfrytëzuar detyrën dhe autoritetin zyrtar, i kanë tejkaluar kompetencat dhe nuk i kanë përmbushur detyrat zyrtare, me qëllim që t’i shkaktojnë dëm buxhetit të Republikës së Kosovës në dobi të personit tjetër”.

    Ky veprim, sipas prokurorisë i ka lënë hapur mundësinë OE “Bechtel & Enka” që më 27 nëntor 2017 të paraqes pranë punëdhënësit kërkesën për pagesën e shumës shtesë në vlerë prej 63 milionë euro, në emër të zgjatjes së afatit të përfundimit të punimeve, e cila kërkesë më pas ka zbritur në vlerën prej 53 milionë e 100 mijë euro.

  • Policia e Kosovës demanton mediat serbe për të shtënat “ndaj ushtarëve serbë”: Dezinformata!

    Policia e Kosovës demanton mediat serbe për të shtënat “ndaj ushtarëve serbë”: Dezinformata!

    Policia e Kosovës ka deklaruar se pretendimet e publikuara në disa media të Serbisë, sipas të cilave një “grup i armatosur shqiptarësh ka qëlluar me armë zjarri drejt pjesëtarëve të ushtrisë serbe pranë bazës së ashtuquajtur ‘Debela Glava’”, janë dezinformata, të pabazuara dhe nuk korrespondojnë me asnjë informacion zyrtar.

    Sipas njoftimit të organeve të rendit, këto pretendime nuk janë ngjarje e verifikuar nga autoritetet në territorin e Republikës së Kosovës.

    Policia thotë se në bazë të të gjitha të dhënave operative, raportimeve nga njësite policore në terren dhe koordinimit me institucionet tjera kompetente, nuk është regjistruar asnjë incident i karakterit të pretenduar.

    “Publikimi i informacioneve të tilla të pasakta kontribuon në krijimin e perceptimeve të rreme dhe rritjen e tensioneve të panevojshme në zonat kufitare”.

    “Policia e Kosovës siguron qytetarët dhe opinonin publik se situata në zonën kufitare ka qenë dhe vazhdon të mbetet e qetë dhe plotësisht nën kontroll të autoriteteve”, thuhet në njoftim.

  • Në pritje të Kosovës dhe Shqipërisë: Këto janë 32 kombëtaret e kualifikuar deri më tani për Kupën e Botës

    Në pritje të Kosovës dhe Shqipërisë: Këto janë 32 kombëtaret e kualifikuar deri më tani për Kupën e Botës

    Nga 48 ekipe që do të marrin pjesë në Kupën e Botës verën e ardhshme, deri më tani janë shpallur 32 pjesëmarrëse.

    Norvegjia ishte e fundit që iu bashkua listës si fituese e Grupit I. Më herët të dielën, edhe Portugalia mori vizën e saj për Kupën e Botës.

    Kjo e çon numrin e skuadrave evropiane në pesë, pasi Franca, Anglia dhe Kroacia siguruan gjithashtu bileta për Kupën e Botës. Deri më tani, pjesëmarrësit më të njohur janë nga Afrika, nëntë skuadra, dhe nga Azia, tetë.

    Vlen të përmendet se midis 32 pasagjerëve janë tre debutues, Uzbekistani, Jordania dhe Kepi i Gjelbër.

    Shorti për grupet e Kupës së Botës do të mbahet më 5 dhjetor në Qendrën Kennedy në Uashington.

    Lista përfundimtare e të gjithë pjesëmarrësve në Kupën e Botës nuk do të dihet deri në fund të marsit të vitit të ardhshëm, kur janë planifikuar ndeshje shtesë kualifikuese në Evropë për të nxjerrë katër pasagjerët e fundit.

    Kosova dhe Shqipëria janë në play-off dhe do të luajnë në mars, për të luftuar për pjesëmarrje në Kupën e Botës.

    DERI TANI KANË SIGURUAR NJË VEND NË KUPËN E BOTËS (32/48)

    Pritës: SHBA, Meksikë, Kanada

    Afrika: Algjeria, Kepi i Gjelbër, Egjipti, Gana, Bregu i Fildishtë, Maroku, Senegali, Afrika e Jugut, Tunizia

    Azia: Australia, Irani, Japonia, Jordania, Katari, Arabia Saudite, Koreja e Jugut, Uzbekistani

    Amerika e Jugut: Argjentinë, Brazil, Kolumbi, Ekuador, Paraguai, Uruguai

    Evropa: Francë, Angli, Kroaci, Portugali, Norvegji

    Oqeania: Zelanda e Re

  • Huliganët në Mal të Zi sulmuan tifozët kroatë, u bllokuan rrugën dhe shkatërruan automjete me shufra hekuri

    Huliganët në Mal të Zi sulmuan tifozët kroatë, u bllokuan rrugën dhe shkatërruan automjete me shufra hekuri

    Tifozët kroatë që po shkonin mbrëmë në Mal të Zi, kundër të cilëve skuadra e tyre kombëtare e futbollit do të luajë ndeshjen e fundit kualifikuese për Kupën e Botës sonte, u sulmuan në rrugën Cetinje-Budva.

    Tifozët i raportuan policisë së Cetinjes se një grup i panjohur ua bllokoi rrugën në rrugën kryesore, në një vend që nuk mundën ta identifikonin me saktësi, pas së cilës dritaret dhe pasqyrat e automjeteve të tyre u thyen me shufra, shkruan portali malazez Vijesti.me.

    Xhami anësor i një furgoni me targa të Splitit u thye. Pas sulmit, tifozët kroatë “shkelën gazin” dhe i shpëtuan sulmuesve, dhe e raportuan sulmin në një patrullë policie në hyrje të Cetinjes.

    Drejtoria e Policisë tha jozyrtarisht se po punonin për të sqaruar rastin dhe për të identifikuar të gjithë të përfshirët në incident.

    Gjatë asaj kohe, tifozët nga Kroacia folën edhe për Radio Cetinjen, ku thanë se po vazhdonin udhëtimin e tyre për në Podgoricë, ku luhet ndeshja sonte. Ata besojnë se ky sulm është një rast i izoluar.

    “Ne nuk i dënojmë malazezët si popull, ata na sulmuan me kapuçë në kokë. Incidente të tilla ndodhin edhe këtu”, tha shkurt bashkëbiseduesi i Radio Cetinjes, duke shtuar se ata e duan dhe e respektojnë Malin e Zi dhe se po vazhdojnë të shkojnë në Podgoricë për të parë ndeshjen dhe për të brohoritur ekipin e tyre.

    Tifozët nga Kroacia u larguan nga Cetinja pas orës 23:00, nën shoqërimin e policisë, dhe autoritetet lokale u ofruan dhe u dhanë atyre të gjithë ndihmën e mundshme.

    Rastësisht, ndeshja e sonte, e cila fillon në orën 20:45, nuk ka asnjë rëndësi për sa i përket rezultateve, pasi Kroacia siguroi vendin e parë me 19 pikë, dhe Mali i Zi është në vendin e katërt me vetëm nëntë pikë dhe nuk mund të arrijë as në fazën eliminatore.

  • Zyra e presidentes i nis procedurat për ndërtimin e objektit presidencial

    Zyra e presidentes i nis procedurat për ndërtimin e objektit presidencial

    Zyra e Presidentes së Republikës së Kosovës ka ndërmarrë hapin e parë drejt ndërtimit të objektit të ri të Presidencës, duke publikuar njoftimin për vendimin e autoritetit kontraktues mbi procedurën e “Hartimit të planit të fizibilitetit”.

    Tashmë është shpallur fituesi i këtij projekti e që është Grupi Operativ Ekonomik i përbërë nga “FST Engineering SH.P.K; AL Engineering SH.P.K; GJEO-PROJEKT SH.P.K”, me ofertën më të ulët ekonomike prej 13,924.00 euro.

    Ky është hapi i parë zyrtar që shënon nisjen formale të procesit, duke i hapur rrugën hartimit të planit të fizibilitetit dhe më pas nismës së projekteve për ndërtimin e objektit të ri të Presidencës së Republikës së Kosovës.

    Ndryshe shpesh është përfol që presidenca të ketë një objekt të veçantë, por që nga shpallja e pavarësisë në vitin 2008, institucionet e Kosovës nuk kanë pasur një objekt të ndërtuar posaçërisht për Presidentin e vendit.

  • Për nëntë muaj linden mbi 20 mijë fëmijë

    Për nëntë muaj linden mbi 20 mijë fëmijë

    Sipas të dhënave të publikuara nga Agjencia e Statistikave të Kosovës (ASK), gjatë periudhës janar–shtator 2025 në vend kanë lindur gjithsej 20 mijë e 940 foshnje.

    Nga gjithsej 20 940 lindje, 10 876 ishin meshkuj, ndërsa 10 064 femra. Të dhënat e ASK-së tregojnë se korriku mbetet muaji me numrin më të lartë të lindjeve, ndërsa periudha shkurt–mars shënon shifrat më të ulëta.

    Statistikat tregojnë një shpërndarje të balancuar gjinore, me një epërsi të lehtë të lindjeve të meshkujve.

    Në bazë të raportit, lindjet sipas muajve paraqiten kështu:

    Janar 2 213 lindje

    Shkurt 1 955 lindje

    Mars 2 061 lindje

    Prill 2 113 lindje

    Maj 2 364 lindje

    Qershor 2 544 lindje

    Korrik 2 664 lindje

    Gusht 2 516 lindje

    Shtator 2 510 lindje