ATV

Blog

  • Ukraina blen “Rafale” nga Franca, Zelensky firmos në Paris marrëveshjen për blerjen e 100 avionëve

    Ukraina blen “Rafale” nga Franca, Zelensky firmos në Paris marrëveshjen për blerjen e 100 avionëve

    Ukraina ka nënshkruar me Francën një marrëveshje historike ushtarake për blerjen e deri në 100 avionëve luftarakë “Rafale”, së bashku me sisteme mbrojtjeje ajrore dhe dronë. Lajmi u konfirmua nga Pallati Elysee gjatë vizitës së presidentit Volodymyr Zelensky në Paris.

    Në bazën ajrore “Villacoublay”, Zelensky firmosi një letër qëllimi me presidentin francez Emmanuel Macron për blerjen e avionëve “Rafale”, një nga aeroplanët më të avancuar të flotës franceze.

    Detajet e plota të marrëveshjes nuk janë bërë ende publike, por kontrata parashikon një paketë të gjerë mbështetjeje që përfshin armatime, dronë dhe sisteme të avancuara mbrojtjeje ajrore.

    Kjo ishte vizita e nëntë e Zelensky-t në Paris që nga pushtimi rus i vitit 2022 — një tregues i rolit gjithnjë e më qendror të Francës në mbështetjen perëndimore për Ukrainën, sidomos në kushtet e pasigurisë së furnizimeve nga SHBA.

    Të dy liderët nënshkruan marrëveshjen pranë një avioni Rafale të armatosur me bomba të drejtuara AASM dhe pranë një rakete lundrimi SCALP — armë që Franca i ka dërguar tashmë Ukrainës. Në ceremoninë zyrtare ishin ekspozuar edhe një sistem interceptimi SAMP/T dhe një radar GF-300, pajisje të ofruara më parë Kievit.

    Rafale është avion luftarak multifunksional i gjeneratës së katërt, i aftë të kryejë brenda të njëjtës mision bombardime në distancë të gjatë, sulme precize dhe përleshje ajrore. Ai krahasohet shpesh me F-16 amerikan për fleksibilitetin dhe rolin taktik.

  • Digjet autobusi në rrugën nga Meka në Medinë, vdesin 45 persona që kishin shkuar për të bërë Umrah

    Digjet autobusi në rrugën nga Meka në Medinë, vdesin 45 persona që kishin shkuar për të bërë Umrah

    45 pelegrinë indianë kanë humbur jetën pasi autobusi me të cilin po udhëtonin mori flakë gjatë një aksidenti pranë Medinës në Arabinë Saudite, kanë bërë të ditur autoritetet e qytetit indian Hyderabad.

    -Autobusi kishte 46 pasagjerë, tha VC Sajjanar në një konferencë për media, duke shtuar se një burrë i cili ka mbijetuar aksidentin është dërguar në kujdes intensiv në një spital lokal.

    Shumica e viktimave janë nga Hyderabad-i, në shtetin jugor Telangana.

    Pelegrinët po udhëtonin nga qyteti i shenjtë i Mekës drejt Medinës kur ndodhi aksidenti, bëri të ditur qeveria e Telanganës në një deklaratë, raporton BBC.

    Ata kishin shkuar në Arabinë Saudite për pelegrinazhin Umrah, një version më i shkurtër i Haxhit, pelegrinazhit më të madh islam.

    Sajjanar deklaroi se në aksident ishte përfshirë edhe një cisternë nafte, por nuk dha më shumë detaje.

    Kryeministri indian Narendra Modi tha në një postim në X se ishte “thellësisht i tronditur” nga lajmi për aksidentin dhe se autoritetet indiane janë në kontakt të ngushtë me zyrtarët sauditë.

    “Ambasada jonë në Riad dhe Konsullata në Xheda po ofrojnë të gjithë ndihmën e mundshme,” shkroi ai.

    Dhoma të posaçme ndihme janë ngritur në Xheda dhe Hyderabad për të asistuar familjet e viktimave.

    Asaduddin Owaisi, përfaqësues i Hyderabadit në parlamentin indian, i tha agjencisë ANI se i kishte kërkuar qeverisë federale ndihmë për kthimin e trupave të viktimave në Indi.

    Sipas Sajjanar, 54 persona kishin udhëtuar nga Hyderabad drejt Xhedës më 9 nëntor për pelegrinazh. Prej tyre, katër persona qëndruan në Mekë, ndërsa katër të tjerë shkuan në Medinë me makinë. Pjesa tjetër prej 46 personash udhëtoi me autobusin që u aksidentua.

    Me përhapjen e lajmit për tragjedinë, të afërm të dëshpëruar kanë folur për mediat.

    Mohammed Tehseen, një banor i Hyderabadit, i tha ANI-së se shtatë të afërm të tij ndodheshin në autobus. Ai tha se lajmin e mori pasi u kontaktua nga i afërmi i tij, Shoaib, i cili ka mbijetuar aksidentin dhe po trajtohet në spital.

  • Çağatay Ulusoy shpallet “Mashkulli më i pashëm i Turqisë”

    Çağatay Ulusoy shpallet “Mashkulli më i pashëm i Turqisë”

    Aktorit të njohur turk, Çağatay Ulusoy, i shtohet një tjetër titull në koleksionin e tij, por këtë herë i bazuar tërësisht në votën e publikut.

    Në një sondazh të ri që ka tërhequr vëmendje të madhe në mediat turke pikërisht këtë Nëntor, ylli i serialeve është kurorëzuar si “Mashkulli më i pashëm i Turqisë”.

    Sipas raportimeve nga mediat si “Sonsöz Gazetesi”, vlerësimi erdhi si rezultat i një sondazhi të gjerë të zhvilluar në një “platformë ndërkombëtare”, ku fansat dhe ndjekësit patën mundësinë të votonin për yjet e tyre të preferuar.

    Edhe pse në garë ishin shumë emra të njohur të showbiz-it turk, Çağatay ishte ai që grumbulloi numrin më të madh të votave, duke dëshmuar se popullariteti i tij i kapërcen kufijtë e Turqisë.

     

    View this post on Instagram

     

    A post shared by Eşref Rüya (@esrefruyadizitv)

  • Clark përshkruan takimin me Thaçin: Ishte më i riu dhe më bindësi, por nuk ishte komandanti ushtarak

    Clark përshkruan takimin me Thaçin: Ishte më i riu dhe më bindësi, por nuk ishte komandanti ushtarak

    Gjenerali amerikan Wesley Clark ka dhënë detaje për një takim me Hashim Thaçin, i cili kishte ndodhur para bombardimeve të NATO-s.

    Ai ka treguar se asokohe Thaçi ishte një person me autoritet, por nuk kishte komandant.

    Gjatë dëshmisë së tij, ai e ka përshkrua në detaje këtë takim

    “U takova me Thaçin para se të fillonte fushata bombarduese. Ai ishte një prej personave më me autoritet, më i riu dhe më bindësi. Ishte personi që ishte i veshur më mirë. Me ca kuptova unë jetonte në Zvicër, nuk fliste shumë anglisht, fliste gjermanisht, ishte e vështirë të komunikonim se unë nuk është se flisja mirë gjermanisht. Ai nuk ishte komandanti ushtarak”, ka thënë Clark.

    Më pas, avokati i Thaçit e pyeti gjeneralin amerikan si erdhi në këtë përfundim.

    “E saktë. Kur u takova me të herën e tretë unë kërkova ndihmë dhe nuk morëm asnjë ndihmë pasi ai nuk e kishte idenë çfarë po ndodhte. Problemi që kisha unë si komandat, ishte se ne nuk kishim një forcë në teren, ne mbështeteshim vetmë në fushtatat ajrore. Donim që të mos sulmonim objektivat civile por donim thjesht të ndërhynim në forcat ushtarake në terren”, ka thënë gjenerali amerikan.

  • Presidentja Osmani dekoron Harry Bajraktarin me “Urdhrin e Lirisë”

    Presidentja Osmani dekoron Harry Bajraktarin me “Urdhrin e Lirisë”

    Presidentja Vjosa Osmani, ka ndarë sot “Urdhrin e Lirisë” për Harry Bajraktari, si vlerësim për kontributin e tij të jashtëzakonshëm për lirinë, pavarësinë dhe shtetndërtimin e Kosovës.

    Në njoftimin e saj, Presidentja Osmani vlerësoi rolin historik të Bajraktarit, duke theksuar se për më shumë se tri dekada ai ka qenë një nga zërat më të fuqishëm të Kosovës në Shtetet e Bashkuara të Amerikës.

    “Ishte nder i veçantë që sot i ndava Urdhrin e Lirisë, z. Harry Bajraktari, si vlerësim për kontributin e tij të jashtëzakonshëm për lirinë, pavarësinë dhe shtetndërtimin e Republikës së Kosovës. Për më shumë se tri dekada, z. Bajraktari ka qenë një nga zërat më të fuqishëm të Kosovës në Shtetet e Bashkuara të Amerikës. Qysh në vitet e para, ai ka bashkëpunuar ngushtë me Presidentin historik Ibrahim Rugova, duke e përfaqësuar kauzën e Kosovës para institucioneve amerikane në një periudhë tepër të ndjeshme për vendin tonë”, ka shkruar ajo.

    Presidentja shtoi se Bajraktari ishte një mbështetës i palëkundur i luftës së Ushtrisë Çlirimtare të Kosovës dhe një zë i fuqishëm i komunitetit shqiptaro-amerikan në arenën ndërkombëtare.

    “Gjithashtu, ai ka qenë mbështetës i palëkundur i luftës së Ushtrisë Çlirimtare të Kosovës, si dhe ka ngritur zërin e komunitetit shqiptaro-amerikan në arenën ndërkombëtare. Me përkushtim të pandalur, ai ka ndërtuar ura të rëndësishme bashkëpunimi me Shtëpinë e Bardhë, Kongresin amerikan dhe me udhëheqës të tjerë në SHBA, duke mbështetur Kosovën në momentet vendimtare dhe duke qëndruar krah popullit tonë”, ka shkruar ajo.

  • Clarku tregon për dallimet mes amerikanëve e francezëve për veriun

    Clarku tregon për dallimet mes amerikanëve e francezëve për veriun

    Ish-komandanti i NATO-s për Evropë, gjenerali Wesley Clark, gjatë dëshmisë në Hagë ka treguar për dallimet që kishte mes amerikanëve dhe francezëve për veriun e Kosovës.

    Clark ka treguar se kishte shkuar të takonte ministrin e Jashtëm të Francës atëkohë dhe ministrin e Mbrojtjes, për të biseduar për këtë çështje.

    “Jam ankuar, sepse ishte përpjekje e organizuar e serbëve për ta spastruar zonën në veri të lumit Ibër. Kam takuar ministrin Alain Richard që më tha, ‘jo ne u kemi dhënë urdhër trupave franceze t’i mbrojnë serbët në atë zonë, t’i mbështesin ata’. Kemi pasur disa vështirësi lidhur me këtë. Por, kjo është mënyra se si funksionojnë trupat e NATO-s. Ka lloj autoriteti e pushteti që i përket vet autoriteteve kombëtare, edhe pse janë nën kontrollin e komandës së NATO-s”, ka thënë Clark.

    Ai tregon se ministrit francez Richard i kishte bërë thirrje për t’i ndryshuar urdhra, porse nuk i ndryshoi urdhrat.

    “Më vonë kam çuar përforcime tjera atje, për ta ruajtur mundësinë që shqiptarët të mund të jetojnë atje. Raporti që po merrja tregonte se doktorët shqiptarë në spitale dhe njerëzit tjerë po detyroheshin të largoheshin e po dëboheshin nga aty. Mendova dhe e kuptova se ishin paraushtarakë serbë dhe forcat speciale serbe që po e bënin këtë. Kjo është mënyra se si Beogradi vepronte”, tha Clark.

    Clark po dëshmon në Hagë, si dëshmitar i thirrur nga mbrojtja e ish-presidentit të Kosovës, Hashim Thaçi.

    Ai është dëshmitari i fundit i mbrojtjes.

  • Clark: Millosheviq më tha e dimë si t’i trajtojmë shqiptarët, ashtu edhe siç e kemi bërë: I kemi vr*arë

    Clark: Millosheviq më tha e dimë si t’i trajtojmë shqiptarët, ashtu edhe siç e kemi bërë: I kemi vr*arë

    Ish-komandanti suprem i NATO-s, Wesley Clark gjatë dëshmisë së tij në Hagë dha detaje edhe rreth bisedës së tij me Sllobodan Millosheviqin.

    Ai tha se personalisht kishte shkuar tri herë në Beograd dhe bashkë me Havier Solanën.

    Ndonëse tha se Millosheviq i kishte premtuar se do t’i largonte forcat nga Kosova një gjë e tillë nuk kishte ndodhur.

    “Shkova në një takim pas një jave, i thash presidentit Millosheviq duhet të tërheqësh forcat sepse nëse nuk i tërheq forcat atëherë NATO-ja do të më kërkoj që të zbatoj planin që kam në letër dhe do ta vazhdojmë me bombardimin dhe ai mu përgjigj: NATO-ja d ta bëjë atë çfarë ka për të bërë dhe unë iu përgjigja ne nuk duam ta bëjmë atë që mund të bëjmë dhe ai më tha që ke të drejtë, por bisedoni me gjeneralët dhe unë shkova bisedova me gjeneralët, ua tregova hartën ata më thanë se këta janë terroristë, aty – këtu janë të gjithë terroristë janë zona të Kosovës,. Dhe unë i thash nuk do e zgjidhësh kështu këtë bisedë duke i quajtur të gjithë terroistë dhe duke i shtypur njerëzit nga shtëpitë e tyre dhe t’i thërrasësh të gjithë terrositë, duhet të ndryshosh taktikën tënde, por as kjo bisedë nuk çoi në asgjë. Kur e takova herën tjetër Millosheviqin ai më tha se do të bënte çdo gjë që të mundej por asgjë nuk ndodhi, më pas shkova në takimin e tretë me gjeneralin Marlin në atë kohë u ulëm me të dhe i treguam presidentit Millosheviq se çfarë donim të bënim, ai më tha që personi që është përgjegjës është zotëri Stojanoviq me atë duhet të flisni, kështu që ai tha që nuk ishte personi përgjegjës. Ne shpenzuam të gjithë darkën për të nënshkruar marrëveshjen, të nesërmen ishte e dielë në mëngjes ishte koha për të nënshkruar marrëveshjen, presidenti Millosheviq erdhi në orë 10:00 në mëngjes dhe ai u soll sikur marrëveshja ishte vërtetë shumë e rëndësishme ai tha: ne e dimë se si t’i trajtojmë këta shqiptarët, këta vrasës, dhe e kemi bërë këtë gjë edhe përpara s’është hera e parë, unë i thash po zotëri president si i keni trajtuar, çfarë keni bërë, ai mu përgjigj: i kemi vrarë të gjithë. Dhe pastaj paraqita marrëveshjen që ishte shtypur me njerëzit e vet ku ishin disa – pak lidhur me çfarë do të bënin Shtetet e Bashkuara sa u përket forcave tërheqëse të negociatave. Unë i thash zotëri president se keni nënshkruar marrëveshjen, ai më tha nuk është e nevojshme, i thash sigurisht që është e nevojshme duhet ta nënshkruani, ai e nënshkroi”, tha Clark.

  • Lojtari i New York Jets, Kris Boyd, i shtruar në spital sas të shënave në Midtown

    Lojtari i New York Jets, Kris Boyd, i shtruar në spital sas të shënave në Midtown

    Cornerback-u i “New York Jets”, Kris Boyd, u plagos rëndë dhe u shtrua në spital të dielën herët në mëngjes pas një të shtëne me armë zjarri në Midtown Manhattan, sipas disa raportimeve.

    NYPD njoftoi se incidenti ndodhi pak pas orës 2 të mëngjesit në West 38th Street pranë 7th Avenue, jashtë restorantit “Sei Less”. Boyd u qëllua në abdomen dhe u transportua menjëherë në Bellevue Hospital, ku ndodhet në gjendje “kritike, por stabile.”

    Deri tani nuk ka asnjë të arrestuar dhe hetimet vazhdojnë.

    “Jets” publikuan një deklaratë të shkurtër: “Jemi në dijeni të situatës që përfshin Kris Boyd dhe për momentin nuk kemi komente të tjera.”

    Boyd, 29 vjeç, nënshkroi me Jets në mars 2025. Ai ende nuk ka luajtur këtë sezon pasi u vendos në listën e të dëmtuarve në gusht për shkak të një dëmtimi në shpatull.

  • Isniqi, fshati i mikpritjes dhe traditave

    Isniqi, fshati i mikpritjes dhe traditave

    Udhëtimet nëpër fshatrat e Kosovës na kthejnë në kohë, aty ku jeta kishte më shumë shpirt, dhe fjala “bashkësi” kishte kuptim të vërtetë.

    Ndalesa jonë e radhës është në Isniq të Deçanit, fshat që ruan me krenari zakonet, traditat dhe trashëgiminë e brezave.

    Në rrugët e ngushta, të mbushura me histori, ndien frymën e burrave që dikur vendosnin për fatin e vendasve, e respekti ndaj tyre ishte mjaftë i çmuar.

    Një nga elementet më karakteristike të këtij vendi janë kullat, të cilat për shekuj me radhë kanë pasur një rol të rëndësishëm në jetën shoqërore, ekonomike dhe mbrojtëse të banorëve.

    E çdo gur i këtyre objekteve, edhe sot është dëshmi e gjallë e besës e mikpritjes shqiptare.

    Isniqi nuk njihet vetëm për traditat e tij, por edhe për veshjet karakteristike, të cilat pasqyrojnë identitetin, mënyrën e jetesës dhe vlerat e banorëve të këtij vendi.

    Reportazhin e plotë nga ATV, mund ta klikoni në linkun më poshtë:

     

  • Nëna e 6ix9ine u mbajt peng gjatë një sulmi të armatosur në Florida

    Nëna e 6ix9ine u mbajt peng gjatë një sulmi të armatosur në Florida

    Tekashi 6ix9ine thotë se shtëpia e tij në Florida u sulmua nga katër persona të armatosur të dielën mbrëma në një incident të frikshëm ku sipas tij, nëna e tij 60-vjeçare u mbajt kundër vullnetit të saj ndërsa agresorët kërkonin para dhe çelësat e makinës.

    Reperi nuk ndodhej në shtëpi në atë moment, ai ishte në një transmetim të drejtpërdrejtë me influencerin, Jack Doherty kur ndodhi gjithë ngjarja.

    Sipas Zyrës së Sherifit të Palm Beach, oficerët u thirrën për një grabitje në progres dhe gjetën disa persona brenda rezidencës të cilët raportuan se katër burra me maska dhe të armatosur me pistoleta kishin hyrë me forcë. Autoritetet thonë se nëna e Tekashi-t u mbajt fizikisht jashtë ndërsa të dyshuarit bastisnin shtëpinë.

    Njësia K-9 kontrolloi pronën, por nuk gjeti asnjë nga sulmuesit, të cilët dyshohet se u larguan me një automjet para se të arrijë policia. Zyra e sherifit konfirmoi se agresorët kërkuan para dhe çelësa makinash, por ende nuk ka arrestime.

    Incidenti i frikshëm vjen në një periudhë të trazuar për 6ix9ine, pasi Doherty, me të cilin ai ishte në livestream gjatë sulmit, u arrestua një ditë më parë për akuza lidhur me drogën.