ATV

Blog

  • Një grua humb jetën si pasojë e një aksidenti në Drenas, policia jep detaje

    Një grua humb jetën si pasojë e një aksidenti në Drenas, policia jep detaje

    Një grua ka humbur jetën si pasojë e një aksidenti në fshatin Zabel të Ulët të Drenasit.

    Aksidenti ndodhi mbrëmjen e së enjtes, ku sipas policisë, drejtuesi i mjetit nuk u ishte përshtatur kushteve të shpejtësisë dhe si pasojë kishte humbur kontrollin e veturës dhe kishte përfunduar në një kanal.

    Lëndime kanë pësuar edhe tre persona të tjerë, që janë dërguar për tretman mjekësor në QKUK.

    “Raportohet se i dyshuari mashkull kosovar si pasojë e mospërshtatjes se shpejtësisë me kushtet e rrugës, humb kontrollin mbi veturën del jashtë rruge dhe përfundon në një kanal. Si pasojë, drejtuesi dhe katër pasagjerë (tre femra dhe një mashkull kosovarë) kanë pësuar lëndime trupore dhe të njëjtit janë dërguar për tretman mjekësor në QKUK ku njëra nga pasagjeret si pasojë e lëndimeve ka ndërruar jetë. Me vendim të prokurorit, trupi i pajetë dërgohet ne IML për obduksion”, thuhet në raportin e Policisë.

  • Netanyahu tregon se pse ‘kurrë’ nuk do të krijohet shteti i Palestinës

    Netanyahu tregon se pse ‘kurrë’ nuk do të krijohet shteti i Palestinës

    Kryeministri izraelit, Benjamin Netanyahu, ka bërë një deklaratë të fortë lidhur me çështjen palestineze, duke theksuar se krijimi i një shteti palestinez është i pamundur dhe përbën një kërcënim ekzistencial për Izraelin.

    Ai shtoi se edhe nëse do të ndërmerren reforma të thella, ideja e një shteti të tillë mbetet e parealizueshme.

    Deklarata e udhëheqësit palestinez vjen në një moment kur tensionet në rajon janë të larta dhe bisedimet për zgjidhjen e konfliktit izraelito-palestinez kanë hasur në pengesa të shumta.

    Kryeministri izraelit argumentoi se siguria e Izraelit është prioritet absolut dhe se çdo hap drejt krijimit të një shteti palestinez duhet të analizohet me kujdes për pasojat strategjike.

    Shumë analistë politikë shprehen se fjalët e Netanyahut reflektojnë një pozicion të vendosur që ka tendencë të forcojë qëndrimet e brendshme të Izraelit, por që mund të shkaktojë tensione të reja në marrëdhëniet me komunitetin ndërkombëtar dhe autoritetet palestineze.

    Ndryshe, Kanada, Franca, Britania e Madhe kanë njohur tashmë shtetin palestinez.

  • FIFA fshin posterin e Kupës së Botës pas reagimeve të ashpra nga tifozët

    FIFA fshin posterin e Kupës së Botës pas reagimeve të ashpra nga tifozët

    FIFA ka hequr posterin e parë zyrtar të Kupës së Botës 2026 nga rrjetet e saj sociale, sipas raportimeve, pasi ai mori shumë kritika nga tifozët.

    Në total, 42 skuadra e kanë siguruar kualifikimin për Botërorin e verës së ardhshme në Shtetet e Bashkuara, Meksikë dhe Kanada, ndërsa gjashtë vende të tjera mbeten ende të lira në këtë turne historik me 48 ekipe.

    Pas konfirmimit të pjesëmarrjes nga disa prej ekipeve më të mira në botë, FIFA publikoi posterin e parë promocional që shfaqte lojtarë nga të gjitha kombëtaret e kualifikuara.

    Siç shihej, posterin e përbënin një sërë emrash të njohur, përfshirë Erling Haaland, Kylian Mbappe, Sadio Mane, Mohamed Salah dhe Lionel Messi, i cili ka të ngjarë të marrë pjesë në Botërorin e tij të fundit.

    Por, për habinë e shumëkujt, Cristiano Ronaldo ishte lënë jashtë, me Bruno Fernandes si përfaqësuesin e vetëm të Portugalisë, përkrah Marko Arnautovic të Austrisë.

    Mungesa e Ronaldos shkaktoi reagime të shumta në rrjetet sociale, me një tifoz që komentoi: “Fytyra më e madhe e sportit, pa debat”.

    Një tjetër shkroi: “FIFA ta lërë Cristiano Ronaldon jashtë posterit zyrtar të Botërorit është e vështirë të kuptohet. Nga pikëpamja e marketingut, ai është sportisti më me ndikim në planet, një fytyrë që shet një turne”.

    Një i tretë shtoi: “Poster i Kupës së Botës 2026 pa Ronaldon? Ndihet çuditshëm. Ai ishte fytyra e çdo turneu për gati dy dekada, bashkë me Messin”.

    Pas valës së kritikave nga tifozët, FIFA e hoqi posterin nga llogaria e saj zyrtare në X të enjten, sipas shumë mediave.

    Nuk dihet ende arsyeja e saktë pse FIFA e fshiu postimin, ndonëse sugjerohet se vendimi erdhi për shkak të reagimeve të shumta ndaj mungesës së Ronaldos.

  • Trajneri i Sllovakisë: Kosova, një kundërshtar i pakëndshëm dhe i fortë

    Trajneri i Sllovakisë: Kosova, një kundërshtar i pakëndshëm dhe i fortë

    Trajneri i kombëtares sllovake, Francesco Calzona, ka komentuar përballjen me Kosovën në Play Off të Kupës së Botës.

    Calzona tha se Kosova është një skuadër që po rritet dita-ditës, teksa përmendi edhe fitoret e ekipit tonë ndaj Suedisë e Sllovenisë në fazën e grupeve të kualifikimeve për Botëror.

    “Kosova është një ekip që po rritet për sa i përket performancës së futbollit. Kanë gjetur rrugën dhe po e ndjekin, dhe tani janë duke i korrur frutet e para. Në kualifikimet për Botëror, ata kanë mposhtur Suedinë dhe Slloveninë, kanë barazuar në shtëpi ndaj Zvicrës. Ne duhet ta shfrytëzojmë përparësinë e terrenit vendas, edhe pse Kosova mbetet një kundërshtar i pakëndshëm dhe i fortë, madje edhe kur luan si mysafire”, tha Calzone.

    Ky takim zhvillohet më 26 mars në Bratisllavë, duke filluar nga ora 20:45.

  • Getinjo ndan moment tepër të vështirë: Gjyshi i tij pëson sulm në kokë dhe mbetet i paralizuar

    Getinjo ndan moment tepër të vështirë: Gjyshi i tij pëson sulm në kokë dhe mbetet i paralizuar

    Reperi Getinjo ka ndarë një nga momentet më të dhimbshme në rrjetet sociale, duke treguar se gjyshi i tij ka pësuar një sulm në kokë, i cili e ka lënë të paralizuar nga njëra anë.

    Në një mesazh prekës, ai shprehu se i moshuari, me shumë mundim, ka arritur të shkruajë vetëm fjalën “Ndihmë” në një letër.

    “Babgjyshi jem pas një sulmi në kokë mbeti gjysmë i paralizuar dhe me shumë mundim krejt çka mujt me shkrue në fletë ishte fjala ‘Ndihmë’. Zoti i ndihmoftë,” shkroi ai ndër të tjera.

    Në një tjetër reagim emocional, artisti tregoi se gjyshi i tij, i cili është 85 vjeç dhe ka kaluar dramat e humbjes së dy djemve, ende shfaq dëshirë të jetojë dhe kërkon ndihmë për t’u mbajtur në jetë.

    “ Kur një plak 85 vjeç që i ka shti në dhe 2 djem të vet edhe e don jetën hala edhe lyp ndihmë… të kallxon sa e ëmbël është jeta,” shkroi Getinjo, duke reflektuar mbi forcën dhe vullnetin e të moshuarit.

    Ai shtoi një mesazh për brezin e sotëm, duke i kujtuar se jeta duhet shijuar sa është koha:
    “Knaquni se shpejt vjen një moment ku s’kthehesh mo.”

    Fansat dhe ndjekësit i janë bashkuar urimeve për shërim të shpejtë të gjyshit të tij dhe mbështetjes për familjen në këtë periudhë të vështirë.

  • Supremja udhëzon PZAP-në që të ketë rinumërim në disa vendvotime në Istog

    Supremja udhëzon PZAP-në që të ketë rinumërim në disa vendvotime në Istog

    Gjykata Supreme e Kosovës ka pranuar si të bazuar ankesën e kandidatit për asamblist në Komunën e Istogut, Avni Gashi nga Aleanca për Ardhmërinë e Kosovës (AAK), duke e kthyer çështjen për rivendosje në Panelin Zgjedhor për Ankesa dhe Parashtresa (PZAP).

    Gashi ishte ankuar fillimisht në PZAP, duke kërkuar rinumërimin e votave dhe verifikimin e materialit zgjedhor në disa vendvotime të caktuara, mirëpo ankesa e tij ishte refuzuar si e pabazuar më 14 nëntor. Pas këtij vendimi, ai iu drejtua Gjykatës Supreme.

    Supremja konstatoi se PZAP nuk ka vepruar në përputhje me vërejtjet e mëparshme të gjykatës dhe nuk ka respektuar nenin 117 të Ligjit për Zgjedhjet e Përgjithshme, i cili i jep PZAP-së kompetencë për të urdhëruar rinumërimin e votave dhe shqyrtimin e materialit zgjedhor si pjesë e hetimeve.

    Sipas Gjykatës Supreme, rinumërimi i votave në vendvotimet e identifikuara në ankesë është i domosdoshëm për të garantuar saktësinë e rezultatit zgjedhor dhe integritetin e procesit, në pajtim me parimin e besueshmërisë së zgjedhjeve të sanksionuar në nenin 45 të Kushtetutës.

    PZAP tani obligohet që, në rivendosje, të shqyrtojë përsëri të gjitha pretendimet e ankuesit, provat e dorëzuara dhe udhëzimet e Gjykatës Supreme, duke siguruar që çdo votë të numërohet drejt dhe të mos devijohet vullneti i qytetarëve.

  • Baleti Kombëtar i Kosovës prezantohet me dy shfaqje në Itali

    Baleti Kombëtar i Kosovës prezantohet me dy shfaqje në Itali

    Pas suksesit të madh në Prishtinë, Baleti Kombëtar i Kosovës do të prezantohet në Itali me kantatën skenike “Carmina Burana” me koreografi nga Toni Candeloro.

    Më 29 nëntor BKK prezanton në Venecia, me ftesë nga festivali prestigjioz “VeneziainDanza” ndërsa me 1 dhjetor në Potenza.

    Kjo vepër madhështore, e realizuar në bashkëpunim me Filharmoninë e Kosovës dhe Operën e Kosovës, përfaqëson një nga projektet më ambicioze të Baletit Kombëtar, duke bashkuar fuqinë e muzikës korale me ekspresivitetin e vallëzimit modern.

    Premiera e “Carmina Burana” u dha në qershor të këtij viti në Prishtinë.

  • Tërmet me magnitudë 5.7 godet Bangladeshin

    Tërmet me magnitudë 5.7 godet Bangladeshin

    Një tërmet me magnitudë 5.7 ballë goditi Bangladeshin të premten, tha Qendra Gjermane e Kërkimeve për Gjeoshkencat (GFZ), me epiqendrën në një thellësi prej 10 kilometra.

    Dridhjet u ndjenë edhe në shtetet lindore në Indinë fqinje që kufizohen me Bangladeshin, por nuk pati raportime të menjëhershme për dëme të mëdha në asnjërin vend, thanë autoritetet.

    Shërbimi Gjeologjik i Shteteve të Bashkuara tha se epiqendra e tërmetit ishte në qytetin Narsingdi, rreth 40 kilometra në lindje të kryeqytetit Daka.

    Banorët nxituan të dilnin nga shtëpitë e tyre në Daka ndërsa ndërtesat dridheshin dhe disa struktura të improvizuara u shembën, thanë dëshmitarë të Reuters.

    “Nuk kam ndjerë kurrë një dridhje të tillë në jetën time. Ishim në zyrë kur mobiljet filluan të dridheshin. Ne nxituam poshtë shkallëve në rrugë dhe pamë njerëz të tjerë në rrugë”, tha Sadman Sakib, i cili punon në një firmë private në Daka.

    Media lokale tregoi fotografi të njerëzve që mbanin fëmijët e tyre dhe ndihmonin të moshuarit të dilnin nga shtëpitë e tyre, ndërsa dridhjet shkaktuan panik.

  • Dështon tenderi i policisë për të furnizuar zyrtarët e Njësisë së Biçiklistave me uniforma (Dokument)

    Dështon tenderi i policisë për të furnizuar zyrtarët e Njësisë së Biçiklistave me uniforma (Dokument)

    Policia e Kosovës ditë më parë pati hapur tender për të furnizuar me uniforma zyrtarët e Njësisë së Biçikletave.

    Megjithatë një tender i tillë nuk është arritur të finalizohet me kontratë, kjo pasi një dispozitë në Ligjin e Prokurimit Publik, ka kërkuar anulimin e këtij aktiviteti.

    Në njoftim nga E- prokurimi bëhet e ditur se për të njëjtin tender ka aplikuar vetëm një operator ekonomik.

    Për një furnizim të tillë, nga buxheti janë ndarë hiç më pak se 125,980.00 euro.

    Tutje, në njoftimin për këtë tender u patën specifikuar detajisht kërkesat rreth uniformave.

    “Lënda e kontratës ka të bëjë me furnizim me Pantollona të gjatë, pantolona të shkurtër,fanela të bardha (polo), dorëza për biciklista, helmeta ,syza të diellit të polarizuara,patika për biciklistë,dhe Xhaketë (jakne)verore –për njësinë e bicikletave sipas nevojave te autoritetit kontraktues”.

    Ndërkohë, ende nuk dihet nëse policia e Kosovës, do të shpall një ri-tender për këtë furnizim.

  • Këto zona do të mbeten pa rrymë sot

    Këto zona do të mbeten pa rrymë sot

    KEDS ka njoftuar se të premten, më 21.11.2025, do të kryhen punime të domosdoshme për siguri të sistemit energjetik.

    Si pasojë në disa lokalitete do të ketë ndërprerje të rrymës.

    Ky është orari sipas rajoneve:

    Prishtinë

    Punime të domosdoshme për siguri të sistemit

    1.

    Nga TS 110/35/10kV Fushë Kosova do të ndërprehet:

    Dalja 10kV Shtepia e kulturës (kodi: 15100003) nga ora 11:00 deri 14:00

    Vendet: Qendra e Fushë-Kosovës te Stacioni ITrenit dhe ana majtë deri te rruga e Çerdhes.

    Arsyeja: Nderprerje per shkaqe sigurie, Shtrirja e kabllos XHE 49-A , 1×150/25mm2 sipas projektit

    Ferizaj

    Punime në projekte investive

    1.

    Nga TS 35/10[kV] Ferizaj III do të ndërprehet:

    Dalja 10[kV] Varoshi (kodi: 40042005) nga ora 09:30 deri 18:00

    Vendet: Fshatrat: Elezaj (një pjesë), Gërlicë (një pjesë), Greme, Qardak-Kaçaniku i Vjetër (një pjesë), Magj. Ferizaj-Kaçanik (një pjesë), Rakaj dhe Varosh.

    Arsyeja: Projekte investive. Energjizimi i linjes së re.

    2.

    Nga NS 110/35/10[kV] Ferizaj 1 do të ndërprehet:

    Dalja 10[kV] Drejtimi i Komogllavës (kodi: 40000009) nga ora 09:30 deri 18:00

    Vendet: Fshatrat: Bibaj (4 konsumatorë), Fshati i Vjetër, Gërlicë, Komogllavë, Magj.Ferizaj-Kaçanik (një pjesë), Magj.Prishtinë-Ferizaj (1 konsumatorë) dhe Varosh.

    Arsyeja: Projekte investive. Energjizimi i linjes së re.

    3.

    Nga TS 35/10[kV] Ferizaj III do të ndërprehet:

    Dalja 10[kV] Gaçka (kodi: 40042002) prej orës 09:30 deri në ora 18:00.

    Vendet: Greme,Gaçka,Burrnik,Izhanc,Kashtanjeva,Bajnicë,Semaj,Prushaj,Sllatina dhe bizniset private.

    Arsyeja: Projekte investive, Energjizimi i linjave të reja

    *****

    Punime nga pala e tretë

    1.

    Nga TS 35/10[kV] Ferizaj II do të ndërprehet:

    TS 10/0.4[kV] Kosovatransi (kodi: 40041038079) nga ora 09:00 deri 13:00

    Vendet: Konsumatorë ne afërsi te Stacionit te autobuseve

    Arsyeja: Ndrimin e trafos dhe panelit TU sepas PEE

    2.

    Nga NS 35/10[kV] Shtërpca do të ndërprehet:

    Dalja 10[kV] J02 Molika (kodi: 40044007) nga ora 08:30 deri 15:30.

    Vendet: TS Repititori, TS Shkolla Skijimit, TS Kulla, TS Hotel Molika

    Arsyeja: Pozicionimi i transformatorit, përforcimi me shtylla metalike anësore dhe punët përcjellëse në ormanin e transformatorit.

    Gjakovë

    Punime në projekte investiv

    1.

    Nga TS 35/10[kV] Gjakova I do të ndërprehet:

    NS 10/04[kV] TS 29 (kodi: 80080051003) nga ora 09:00 deri në ora 17:00

    Vendet: Lekë Dukagjini.

    Arsyeja: Projekte investive. Kyqja e konsumatoreve egzistues ne rrjetin e ri.