ATV

Blog

  • 6 ushqime që luftojnë kapsllëkun

    6 ushqime që luftojnë kapsllëkun

    Kapsllëku është një problem që prek të paktën 20% të popullsisë. Një nga shkaqet më të zakonshme është lëvizja e reduktuar e ushqimit përmes sistemit tretës. Nëse nuk ushtroheni fare dhe nuk hani sasi të mjaftueshme fibrash, problemi mund të përkeqësohet. Përpara se të detyroheni të drejtoheni te ndihmat farmaceutike për të luftuar kapsllëkun, mund të përfshini ushqimet e mëposhtme në rutinën tuaj të përditshme dhe të merreni me problemin e zorrëve me një metodë natyrale.

    Mollë

    “Një mollë në ditë e mban mjekun larg” dhe kjo nuk është një shprehje e rastësishme. Fruti që ju jep 4 gramë fibra dhe ndihmon zorrët tuaja të lëvizin çdo ditë. Mollët përmbajnë pektinë, e cila është një fibër e tretshme, e njohur për vetitë e saj laksative. Në një studim, 80 pjesëmarrës morën shtesa pektine dhe rezultatet ishin spektakolare pas 4 javësh. Pra, hani mollët tuaja të pastra, me kos, me bollgur, në sallatë frutash dhe në çdo mënyrë tjetër krijuese që mund të mendoni.

    Kivi

    Fruti që njihet për veprimin e tij kundër kapsllëkut. Ai stimulon sistemin tretës dhe përshpejton jashtëqitjen. Në një studim të mëparshëm të kryer mbi pjesëmarrësit që u ndanë në të kapsllëkuar dhe jo të kapsllëkuar, u vu re se kishte rezultate pozitive në të gjithë grupin. Pra, bëni një smoothie me kivi. Dhe lehtësim dhe freski në verë.

    Fiq

    Fiqtë e thatë, në veçanti, ju japin edhe më shumë fibra. Merrni parasysh se gjysmë filxhani është i barabartë me 30% të nevojave tuaja ditore për fibra. Në një studim me 40 vullnetarë, fiqtë përmirësuan strukturën e jashtëqitjes dhe ulën ndjeshëm dhimbjet e barkut të shkaktuara nga kapsllëku.

    Thjerrëzat

    E dini që shumica e bishtajoreve janë shumë të dobishme në jashtëqitje. Përveçse përmbajnë shumë fibra, thjerrëzat rrisin prodhimin e acidit butirik, i cili rrit lëvizjen e sistemit tretës. Në verë, do t’i hani më lehtë në sallata perimesh të freskëta.

    Patate të ëmbla

    Tashmë keni shumë arsye për të ngrënë patate të ëmbla. Por tani zbuloni se ato ju ndihmojnë të shkoni në tualet më shpesh. Ato kanë aq shumë fibra saqë nuk mund të mos i përfshini në receta të ndryshme dhe të zëvendësoni patatet klasike me to.

    Kefir

    Qumështi i fermentuar përmban probiotikë, të cilët janë baktere të shëndetshme në zorrë. Studime të panumërta kanë treguar se kefiri është një aleat i shkëlqyer kundër kapsllëkut dhe kontribuon ndjeshëm në hidratimin e zorrëve. Mund të bëni smoothie me kefir në vend të qumështit klasik ose ta kombinoni atë me tërshërë.

  • Rama pret Kurtin në Samitin “Our pathway to EU”, shtrëngojnë duart

    Rama pret Kurtin në Samitin “Our pathway to EU”, shtrëngojnë duart

    Në Pallatin e Brigadave në Tiranë, ka nisur pritja e liderëve të Ballkanit Perëndimor, për samitin Growth Plan “Our pathway to EU”.

    Kryeministri Edi Rama është nikoqir i këtyre udhëheqësve.

    Ndër të parët që mbërriti në samit, ishte kryeministri në detyrë i Kosovës, Albin Kurti.

    Pas përshëndetjes dorë për dore me Ramën, Kurti u fut në objektin kur do të mbahet samiti.

  • Niveli i lumit Vjosa në kuota maksimale, përmbyten 10 banesa

    Niveli i lumit Vjosa në kuota maksimale, përmbyten 10 banesa

    Situata në lumin Vjosë mëngjesin e kësaj të premteje vazhdon që të jetë kritike. Përgjatë mbrëmjes të së enjtes niveli Vjosës ka arritur në 8.3 metra ndërsa tendenca e prurjeve në orët e mëngjesit ka vazhduar në ulje.

    Këtë të premte niveli është në 8.1 metra ku vazhdon të mbetet në kuotën maksimale. Duhen parë prurjet në vazhdimësi nga Memaliaj dhe Përmeti që të vlerësohet situata. Janë 10 banesa të cilat janë përmbytur në oborret dhe territorin përreth. Banorët e këtyre shtëpive janë evakuuar ndërsa rreziku për banesat e tjera vijon të jetë ende i lartë.

  • Punëtorët e Postës në grevë, kërkojnë rritje të pagave

    Punëtorët e Postës në grevë, kërkojnë rritje të pagave

    Punëtorët e Postës së Kosovës nga e hëna kanë hyrë në grevë. E greva ka filluar pasi që kërkesat e tyre, si rritja e pagave, pagesa e rrezikshmërisë dhe plotësimi i numrit të stafit, nuk u janë realizuar, përkundër kërkesave të vazhdueshme, që ata i kanë bërë tek menaxhmenti.

    Driton Gashi, i cili së bashku me 25 punëtorë të tjerë të postës numër 6 në Prishtinë janë në grevë, janë të vendosur që të vazhdojnë grevën, deri në plotësimin e kërkesave të tyre.

    “Nga e hëna jemi në grevë. I kemi paralajmëru. Kërkesë ka qenë rritja e pagës, pagesa e rrezikshmërisë dhe plotësimi i numrit të stafit, sepse nuk po mundemi me e mbulu tërë rajonin e Prishtinës”, tha Gashi.

    Ndërsa theksoi se që nga e hëna kur dhe ka filluar greva e tyre, puna është paralizuar dhe se nuk është realizuar asnjë shpërndarje e dokumenteve, letrave as në Gjykata dhe as në ndonjë institucion tjetër.

    Ndërsa thotë se përkundër takimeve me menaxhmentin e Postës, ata nuk kanë marrë ndonjë konfirmim për realizimin e kërkesave të tyre.

    “Gjithçka është paralizu, nuk ka shpërndarje as në gjykata as në institucione tjera. Jemi takuar me menaxhmentin, të cilët na kanë thënë nisjani punës dhe ne do të shikojmë për kërkesat tuaja. Por s’ka reflektim, nuk na kanë dhënë ndonjë datë apo konfirmim. Jemi të vendosur të vazhdojmë grevën, deri në realizimin e kërkesave”, tha ai.

  • Policia shqipton mbi dy mijë gjoba trafiku brenda 24 orëve të fundit

    Policia shqipton mbi dy mijë gjoba trafiku brenda 24 orëve të fundit

    Policia e Kosovës ka shqiptuar 2147 gjoba për kundërvajtësit e trafikut brenda 24 orëve të fundit.

    Në 24 orët e fundit janë raportuar 42 aksidente trafiku me dëme materiale, 15 aksidente trafiku kanë përfunduar me të lënduar, kurse një aksident përfundoi me fatalitet

    Policia e Kosovës ka arrestuar 15 persona, kurse 12 janë dërguar në mbajtje.

  • Zhduket një burrë në Ferizaj, Policia në kërkim të tij

    Zhduket një burrë në Ferizaj, Policia në kërkim të tij

    Një rast i zhdukjes është raportuar në Ferizaj.

    Siç bën të ditur Policia e Kosovës, në këtë institucion është raportuar për një burrë të zhdukur.

    Sipas organeve të rendit, ende nuk dihet për vendndodhjen e tij.

    “Me 20.11.2025 është raportuar se viktima mashkull kosovar është larguar nga shtëpia dhe nuk ka njohuri për vendndodhjen e tij”, thuhet në raportin 24-orësh të PK-së.

  • Dafina Aliu arrin në finalen e “Këngës Magjike”

    Dafina Aliu arrin në finalen e “Këngës Magjike”

    Artistja kosovare, Dafina Aliu, më këngën “E fortë si arrë”, ka arritur në finalen e Festivalit “Kënga Magjike”, që është duke u mbajtur në Pallatin e Kongreseve në Tiranë.

    Aliu me zërin e saj është konsideruar më këngëtaren e mirënjohur Vaçe Zelën.

    Për të fituar Aliu në kategorinë “New Artist” 2025 duhet të dërgoni SMS me me Kodin 38 në numrin: +355682228222, raporton Periskopi.

    Aliu konkuron më kënga “E fortë si arrë”, me tekst nga Dita-Aferdita Saraçini Kelmendi, ndërsa kompozimi dhe orkestrimet mbajnë firmën e Xhevdet Gashit

  • Arrestohen dy burra dhe një shtetase e Serbisë pasi kanosën zyrtarët policorë

    Arrestohen dy burra dhe një shtetase e Serbisë pasi kanosën zyrtarët policorë

    Tre persona – dy burra dhe një shtetase e Serbisë – janë arrestuar në fshatin Vrellë të Istogut, pasi kanë kanosur zyrtarët policorë gjatë shqiptimit të një gjobe për kundërvajtje në trafik.

    Sipas raportit 24-orësh të Policisë së Kosovës, gjatë ndërhyrjes policore është përdorur sprej ndaj të dyshuarve, të cilëve më pas u është ofruar tretman mjekësor.

    Në incident ka pësuar lëndime trupore edhe një zyrtar policor, i cili po ashtu ka pranuar ndihmë mjekësore.

    “Pas shqiptimit të një gjobe për kundërvajtje, të dyshuarit kanë kanosur zyrtarët policorë. Për t’i neutralizuar, ndaj tyre është përdorur sprej dhe më pas të njëjtëve u është ofruar trajtim mjekësor. Lëndime trupore ka pësuar edhe një zyrtar policor”, thuhet në raport.

    Me vendim të prokurorit, pas intervistimit, të dyshuarit janë liruar në procedurë të rregullt, ndërsa hetimet lidhur me rastin po vazhdojnë.

  • U rrëzua në mes të rrugës, vdes papritur një qytetar në Gjilan

    U rrëzua në mes të rrugës, vdes papritur një qytetar në Gjilan

    Në qytetin e Gjilanit është raportuar për një rast të rëndë, ku një burrë ka humbur jetën pasi dyshohet se i është përkeqësuar gjendja shëndetësore gjatë ecjes në rrugë.

    Sipas policisë, viktima është rrëzuar papritur, ndërsa kalimtarët kanë njoftuar menjëherë njësitë relevante.

    Ekipet policore dhe ato mjekësore kanë dalë në vendngjarje, por pavarësisht intervenimit të shpejtë, mjekët kanë konstatuar vdekjen e tij.

    Me vendim të prokurorit, trupi i pajetë i viktimës është liruar për familjarët.

    “Është raportuar se viktima mashkull kosovar derisa ka qenë në rrugë dyshohet se i është keqësuar gjendja shëndetësore dhe për një moment është rrëzuar. Njësitë relevante policore kanë dalë në vendngjarje , ndërsa nga ekipi mjekësor është konstatuar vdekja e viktimës. Me vendim të prokurorit, trupi i pajetë u është liruar familjarëve”, thuhet në raportin 24 orësh të Policisë së Kosovës.

  • Një grua humb jetën si pasojë e një aksidenti në Drenas, policia jep detaje

    Një grua humb jetën si pasojë e një aksidenti në Drenas, policia jep detaje

    Një grua ka humbur jetën si pasojë e një aksidenti në fshatin Zabel të Ulët të Drenasit.

    Aksidenti ndodhi mbrëmjen e së enjtes, ku sipas policisë, drejtuesi i mjetit nuk u ishte përshtatur kushteve të shpejtësisë dhe si pasojë kishte humbur kontrollin e veturës dhe kishte përfunduar në një kanal.

    Lëndime kanë pësuar edhe tre persona të tjerë, që janë dërguar për tretman mjekësor në QKUK.

    “Raportohet se i dyshuari mashkull kosovar si pasojë e mospërshtatjes se shpejtësisë me kushtet e rrugës, humb kontrollin mbi veturën del jashtë rruge dhe përfundon në një kanal. Si pasojë, drejtuesi dhe katër pasagjerë (tre femra dhe një mashkull kosovarë) kanë pësuar lëndime trupore dhe të njëjtit janë dërguar për tretman mjekësor në QKUK ku njëra nga pasagjeret si pasojë e lëndimeve ka ndërruar jetë. Me vendim të prokurorit, trupi i pajetë dërgohet ne IML për obduksion”, thuhet në raportin e Policisë.