ATV

Blog

  • Më shumë se 100 vajza në eventin e “Her World, Her Rules” në Istog

    Më shumë se 100 vajza në eventin e “Her World, Her Rules” në Istog

    Federata e Basketbollit e Kosovës (FBK) ka organizuar aktivitetin e radhës në kuadër të kampanjës “Her World, Her Rules”, që ka për qëllim masivizimin dhe promovimin e vajzave në basketboll.

    Eventi shumë i rëndësishëm është mbajtur në Shkollën Fillore të Mesme të Ulët “Bajram Curri” në Istog.

    Në këtë ngjarje kanë marrë pjesë edhe përfaqësues të KFOR-it.

    Afër 100 vajza kanë marrë pjesë në këtë aktivitet, duke e masivizuar këtë event.

    Para vajzave është folur për rëndësinë që ka basketbolli në jetën e tyre, fuqizimin dhe zhvillimin e tyre për të ardhmen.

    Projekti ‘Her World, Her Rules’ synon të inkurajojë dhe të promovojë përfshirjen e vajzave dhe grave në basketboll, duke ofruar trajnime dhe mundësi të reja, FBK synon të krijojë një mjedis mbështetës dhe motivues për basketbollistet. /ATVLIVE.TV

  • Me fustan transparent në tubim diplomatik, ambasadorja e ShBA-së në Athinë ngjall debat me paraqitjen e saj

    Me fustan transparent në tubim diplomatik, ambasadorja e ShBA-së në Athinë ngjall debat me paraqitjen e saj

    Ambasadorja e re e Shteteve të Bashkuara në Greqi, Kimberly Guilfoyle, është bërë figura më e komentuar e një eventi të organizuar për Ditën e Falënderimeve nga Dhoma Amerikano-Helenike e Tregtisë.

    Vëmendja këtë herë nuk shkoi te fjalimi i saj, por te veshja – një fustan transparent me detaje të shkëlqyera, të cilin shumë e konsideruan tepër provokues për një tubim zyrtar diplomatik.

    Rrjetet sociale u ndanë në dy pjesë: disa e vlerësuan për vetëbesimin dhe stilin, ndërsa të tjerë argumentuan se një ambasadore e SHBA-ve nuk duhet të paraqitet me një veshje të tillë në evente formale, duke e quajtur atë shkelje të protokollit.

    Guilfoyle është një figurë e profilit të lartë: avokate, ish-prezantuese në Fox News, ish-bashkëshortja e guvernatorit të Kalifornisë Gavin Newsom dhe ish-e fejuara e Donald Trump Jr.

    Në dhjetor 2024, Presidenti Trump e emëroi ambasadore të SHBA-ve në Greqi, ndërsa ajo zyrtarisht mori detyrën në shtator 2025.

  • 28 Nëntori bashkon Policinë e Kosovës dhe të Shqipërisë në aktivitet festiv

    28 Nëntori bashkon Policinë e Kosovës dhe të Shqipërisë në aktivitet festiv

    Për nder të festës së madhe kombëtare, 28 Nëntorit, Ditës së Flamurit, Sindikata e Policisë së Kosovës dhe Sindikata e Policisë së Shqipërisë, në bashkëpunim dhe përkrahje të të dy policive nga Shqipëria dhe Kosova, organizuan një lojë sportive në futboll të vogël, me ekipe sportive nga Policia e Kosovës dhe Policia e Shqipërisë.

    “Në një ambient impozant, të ngrohtë dhe vëllazëror siç është Akademia e Sigurisë së Policisë së Shqipërisë në Tiranë, u mbajt gara sportive në futboll të vogël ku të dy ekipet treguan respekt, profesionalizëm dhe disiplinë të lartë garuese, duke treguar se rezultati pozitiv i kësaj gare është vet loja dhe festa e përbashkët për nder të 28 Nëntorit”, thuhet në njoftim.

    Të dy kryetarët e Sindikatave Policore, Avdi Hoti dhe Sadedin Fishta me stafin menaxhues, fillimisht u pritën në takim zyrtar nga Rektori i Akademis së Sigurisë Ilirjan Mandro, nga ku përçuan mesazhe të fuqishme të bashkimit, bashkëpunimit dhe kremtimit të përbashkët të festave të ndryshme ndërshtetërore.

    “Se vërtetë, sporti dhe vet sportistët janë ambasadorët më të mirë të një vendi, e dëshmoj edhe ky organizim i përbashkët, i cili u realizua në një atmosferë të lartë vëllazërore e festive”, thuhet tutje në njoftim transmeton Klankosova.tv.

    “Sportistëve garues të të dy ekipeve të Policisë së Kosovës dhe Policisë së Shqipërisë, iu ndanë medalje në shenjë nderimi për pjesëmarrjen në këtë garë sportive, e cila iu dedikua festës kombëtare të “28 Nëntorit””.

  • “A po fitojmë pa balotazh?”, fëmijët ngacmojnë Kurtin gjatë vizitës në kazermën e FSK-së

    “A po fitojmë pa balotazh?”, fëmijët ngacmojnë Kurtin gjatë vizitës në kazermën e FSK-së

    Forca e Sigurisë së Kosovës sot ka hapur dyert për qytetarët, me rastin e shënimit të Ditës së Forcës.

    Krerët e shtetit po qëndrojnë në kazermë, ku po shikojnë nga afër armatimin dhe pajisjet ushtarake.

    Në një moment, disa fëmijë i rikthyen buzëqeshjen kryeministrit në detyrë, Albin Kurti, duke e pyetur: “A po fitojmë pa balotazh?”

    Kjo frazë u bë e njohur gjatë fushatës zgjedhore për zgjedhjet lokale, kur kandidati për kryetar të Mitrovicës, Faton Peci, në një tubim me qytetarë kishte pyetur nëse do t’i fitonin zgjedhjet në atë komunë pa balotazh.

    Më pas, kjo shprehje u bë virale në rrjetet sociale.

  • Fëmijët e thërrasin “Albin Baba” Kurtin kur e shohin tek Kazerma e FSK’së

    Fëmijët e thërrasin “Albin Baba” Kurtin kur e shohin tek Kazerma e FSK’së

    Kazerma “Adem Jashari” në “Ditën e Forcës” ka hapur sot dyert për qytetarët.

    Ndër vizitorët e parë ishin edhe disa nxënës të shkollave, të cilat bënë disa pyetje për ushtarët në kazermë.

    Ndërkaq, disa të tjerë filluan të thirrin “Albin baba” kur u takuan më kryeministrin në detyrë, Albin Kurti.

    Pamjet: EO

  • “Kur vdes e shpallni hero, kur ka nevojë nuk i gjendeni”, Adelina “shpërthen” pas akuzave të ndjekësve

    “Kur vdes e shpallni hero, kur ka nevojë nuk i gjendeni”, Adelina “shpërthen” pas akuzave të ndjekësve

    Ditën e djeshme, këngëtari shqiptar Shpat Kasapi ka ndërruar jetë papritur.

    Lajmi për vdekjen e tij tronditi të gjithë familjar, miq e fansa.

    Edhe këngëtarja Adelina Tahiri ndau postime të dhimbshme duke i bërë dedikime të ndjera.

    Por, ndjekësit nuk ia përtuan duke i dërguar mesazhe në “Instastory”.

    Ajo deklaroi se Shpatin e kishte mik të afërt dhe se dhimbjen për humbjen e tij do ta ketë gjithmonë me vete.

    Gjithashtu theksoi se është bërë shprehi që kur një person vdes ta shpallin hero ndërsa kur është gjallë dhe ka nevojë për ndihmë nuk i gjendet askush.

    Më poshtë keni videot.

  • Florentina Kallaba, gjyqtarja e parë kosovare në Kupën e Botës në futsall për femra

    Florentina Kallaba, gjyqtarja e parë kosovare në Kupën e Botës në futsall për femra

    Gjyqtarja kosovare, Florentina Kallaba, ka shkruar historinë, duke e bërë paraqitjen e saj të parë në Kupën e Botës në futsall për femra në Filipine, duke u bërë kështu e para nga Kosova që ndan drejtësinë në një ngjarje të tillë prestigjioze.

    Në ndeshjen Panama–Iran (2:6), Kallaba ishte gjyqtare kryesore dhe performoi në nivel të lartë, duke përfaqësuar denjësisht vendin tonë. Profesionalizmi dhe vendosmëria e saj u vlerësuan nga të gjithë pjesëmarrësit dhe ekspertët e garës.

    Ky sukses për Kallabën është një arritje e madhe jo vetëm për sektorin e gjyqtarëve në Kosovë, por edhe për Federatën e Futbollit të Kosovës. Pjesëmarrja e saj shërben gjithashtu si një burim motivimi për të gjitha vajzat dhe gratë që synojnë të ndjekin karrierë në futsall dhe futboll, duke treguar se kufijtë mund të thyhen edhe në nivel ndërkombëtar. /ATVLIVE.TV

  • Arteta: “Mundëm skuadrën më të mirë në Europë” pas fitores 3-1 ndaj Bayern

    Arteta: “Mundëm skuadrën më të mirë në Europë” pas fitores 3-1 ndaj Bayern

    Arsenali arriti një fitore të madhe 3-1 ndaj Bayern Munichut në Ligën e Kampionëve, duke treguar se mund të sfidojë “skuadrën më të mirë në Europë”, sipas trajnerit Mikel Arteta.

    Golat vendimtarë në pjesën e dytë nga Noni Madueke dhe Gabriel Martinelli vulosën triumfin e topçinjve, ndërsa Jurrien Timber kishte hapur serinë e golave për Arsenalin. Për Bayern-in, 17-vjeçari Lennart Karl shënoi golin e barazimit, i pari që Arsenali pëson këtë sezon në Champions.

    Madueke, i rikthyer pas dy muajsh mungesë për shkak të dëmtimit në gju, shënoi golin e tij të parë me fanellën e Arsenalit, ndërsa Martinelli përfitoi nga një gabim i portierit Manuel Neuer për të vendosur rezultatin përfundimtar. Kjo fitore i jep Arsenalit pesë fitore nga pesë ndeshje në këtë edicion të Ligës së Kampionëve.

    “Duhet t’i lavdëroj lojtarët tanë. Zhvilluan një ndeshje të jashtëzakonshme kundër, sipas mendimit tim, skuadrës më të mirë në Europë,” tha Arteta. “Energjia që krijuam në stadium, cilësia me të cilën luajmë – është e pabesueshme.”

    Harry Kane dhe Bayern Munich nuk arritën të reagojnë. Kapiteni i Anglisë pranoi se pjesa e dytë ishte e vështirë: “Humbëm shumë duele dhe nuk patëm të njëjtën energji. Është humbja jonë e parë e sezonit, por do të mësojmë prej saj.”

    Trajneri i Bayernit, Vincent Kompany, pranoi superioritetin e Arsenalit: “Fitorja e tyre ishte e merituar. Në pjesën e dytë dolën me më shumë qëllim dhe mprehtësi. Ne thjesht i lejuam të merrnin kontrollin.”

    Arsenali, tashmë lider në grup, duket se po ngrihet me ritëm të lartë, ndërsa ky triumf i fortë në Emirates e vendos skuadrën në një pozitë të favorshme për fazën e eliminatoreve. /ATVLIVE.TV

  • FSK hap dyert – Liderët e shtetit dhe qytetarët shohin nga afër punën dhe armatimin e ushtrisë

    FSK hap dyert – Liderët e shtetit dhe qytetarët shohin nga afër punën dhe armatimin e ushtrisë

    Në kazermën “Adem Jashari”, dyert sot janë hapur për të gjithë qytetarët të cilët duan të shohin nga afër ushtrinë e Kosovës.

    Në “Ditën e Forcës” presidentja e vendit, Vjosa Osmani, kryeministri në detyrë, Albin Kurti, kryekuvendari, Dimal Basha dhe ministri në detyrë i Mbrojtjes, Ejup Maqedonci vizituan kazermën duke parë nga afër pajisjet ushtarake të FSK-së.

    Mes tjerash edhe fëmijët të cilët kishin mundësi të vizitonin kazermën me brohoritje përqafuan dhe shkëmbyen fotografi me liderët e vendit.

    Ndërkaq, në “Ditën e Forcës” tradicionalisht ushtria pret qytetarët e saj.

    Ndryshe, më 14 dhjetor të 20218-ës, Kuvendi i Kosovës pati miratuar tri ligjet me të cilat mundësohet transformimi i Forcës së Sigurisë së Kosovës në Ushtri të Kosovës, pra, Ligjin për Ministrinë e Mbrojtjes, atë për Forcën e Sigurisë së Kosovës dhe Ligjin për Shërbim në Forcën e Sigurisë së Kosovës.

    Pas këtij vendimi, po në kazermën “Adem Jashari” në Prishtinë ishte mbajtur një ceremoni ku është prezantuar Forca e Sigurisë së Kosovës.Në atë kohë, President i Kosovës ishte Hashim Thaci, Kryeministër Ramush Haradinaj dhe Kryetar i Kuvendit, Kadri Veseli.

  • Nxënësit në kazermën “Adem Jashari” pyesin ushtarët: A frikësoheni nga lufta?

    Nxënësit në kazermën “Adem Jashari” pyesin ushtarët: A frikësoheni nga lufta?

    Kazerma “Adem Jashari” në “Ditën e Forcës” hapi dyert për qytetarët, e ku ndër vizitorët e para pati nxënësit e disa shkollave e të cilët nuk hezituan të bënin pyetjet më interesante teksa nuk fshihnin dot emocionin që takoheshin me ushtarët e shtetit të Kosovës.

    Ndër pyetjet që iu bënë ushtarëve nga nxënësit ishin “a frikësoheni nga lufta?”, “Armët që përdorni a janë të vërteta?”

    Ushtarët e Kosovës siguruan nxënësit se janë të gatshëm për çdo situatë që mund t’i ndodhë Republikës së Kosovës.

    Tradicionalisht kazermat e FSK-së në “Ditën e Forcës” hapin dyert për qytetarët e saj, raporton Ekonomia Online.

    Më 14 dhjetor të 20218-ës, Kuvendi i Kosovës pati miratuar tri ligjet me të cilat mundësohet transformimi i Forcës së Sigurisë së Kosovës në Ushtri të Kosovës, pra, Ligjin për Ministrinë e Mbrojtjes, atë për Forcën e Sigurisë së Kosovës dhe Ligjin për Shërbim në Forcën e Sigurisë së Kosovës.

    Pas këtij vendimi, po në kazermën “Adem Jashari” në Prishtinë ishte mbajtur një ceremoni ku është prezantuar Forca e Sigurisë së Kosovës.

    Në atë kohë, President i Kosovës ishte Hashim Thaci, Kryeministër Ramush Haradinaj dhe Kryetar i Kuvendit, Kadri Veseli.