Liverpooli përballet me një tjetër pengesë përpara ndeshjes së Champions League ndaj Interit. Ylli egjiptian Mohamed Salah nuk udhëtoi sot me skuadrën për këtë takim.
Raportohet se trajneri Arne Slot vendosi ta lërë jashtë egjiptianin pas deklaratave të tij pas ndeshjes së fundit ndaj Leeds.
Mungesa e tij konsiderohet një problem i madh për “Reds”, pasi në pozicionin e Salah Liverpooli nuk ka një alternativë të denjë për të zëvendësuar yllin egjiptian. /ATVLIVE.TV
Londra po teston një flotë dronësh nënujore për të ndjekur anijet spiune ruse pranë brigjeve britanike, si pjesë e strategjisë së re të Marinës Mbretërore për të mbrojtur bregdetet dhe infrastrukturat kritike. Dronët, të njohur si SG Fathom ose “glidera nënujore”, janë si torpedo të pilotuara nga distanca dhe mund të patrullojnë nën ujë për ditë të tëra, duke lëvizur në heshtje.
Katie Raine, përgjegjëse e programit Fathom, tha për BBC-në se dronët monitorojnë thellësitë e oqeanit dhe identifikojnë kërcënimet më shpejt se më parë.
Nëse provat rezultojnë të suksesshme, Fathom mund të integrohet në Atlantic Bastion, një rrjet dronësh, anijesh luftarake dhe avionësh survejimi për të mbrojtur infrastrukturat nënujore.
Ministria e Mbrojtjes ka njoftuar për një rritje të aktivitetit nënujor rus, me një shtim prej 30% të anijeve që kërcënojnë ujërat britanike në dy vitet e fundit.
Strategjia britanike synon jo vetëm mbrojtjen e Marinës Mbretërore, por edhe sigurinë e kabllove nënujore dhe objektivave të tjerë jetikë, pas incidenteve si ai i muajit të kaluar me anijen ruse Yantar, e cila përdori lazer kundër pilotëve të RAF-it që e monitoronin.
Qendërmbrojtësi i Napolit dhe kapiteni i Kombëtares së Kosovës Amir Rrahmani ka folur për ndeshjen kundër Juventusit,të cilën e fituan me rezultat 2:1 në derbin e fundjavës në Serie A.
Pas ndeshjes Rrahmani ka deklaruar se fitorja e napolitanëve ishte e merituar,dhe se 3 pikët janë tejet të rëndësishme.
“Këto janë tre pikë të rëndësishme ndaj një skuadre të fortë që po garon për vendet kryesore. Duhet ta festojmë fitoren sepse luftuam fortë dhe e merituam”
Përndryshe Rrahmani shtoi se tani fokusi është në Ligën e Kampionëve,dhe beson se në fund do të arrijnë fazën e play-off-it.
Kujtojmë që Amir Rrahmani luajti për 90 minuta në derbi kundër Juventusit,dhe nga faqja Sofa Score u vlerësua me notën 7.2 si ndër më të mirët e ndeshjes.
Presidentja e Republikës së Kosovës, Vjosa Osmani, ka dërguar një mesazh urimi për Ditën e Çlirimit të Sirisë, në përvjetorin e parë historik të këtij momenti, duke theksuar lidhjet e thella mes dy popujve që kanë kaluar nëpër dekada shtypjeje, dhimbjeje dhe luftë për liri.
Në fjalimin e saj në “X”, Osmani u shpreh se kjo ditë nuk simbolizon vetëm rikthimin e lirisë, por edhe “rilindjen e shpresës së popullit”.,
Presidentja kujtoi se viti 2025 shënoi një kapitull të ri historik me njohjen reciproke mes Kosovës dhe Sirisë.
“Gëzuar Ditën e Çlirimit të gjithë popullit të Sirisë. Me nder të thellë ju drejtohem sot në emër të popullit dhe institucioneve të Republikës së Kosovës, ndërsa shënoni këtë përvjetor historik të parë të çlirimit tuaj. Kjo është një ditë që simbolizon jo vetëm lirinë e rifituar, por edhe rilindjen e shpresës së popullit. Të dy vendet tona, Kosova dhe Siria, kanë njohur kapitujt më të errët të shtypjes, padrejtësisë dhe vuajtjeve të paimagjinueshme. Por ne gjithashtu kemi ditur se çfarë do të thotë të ngrihesh, të transformosh dhimbjen në qëllim dhe forcë. Ne kemi qëndruar të vendosur në besimin tonë se asnjë forcë nuk mund ta shuajë dëshirën e një populli për liri dhe kemi mësuar se drejtësia, megjithëse e vonuar, gjithmonë gjen një zë. Për popullin e Kosovës, liria u fitua përmes kaq shumë sakrificash dhe guximi dhe ne e dimë se i njëjti shpirt përcakton popullin e Sirisë, i cili ka duruar kaq shumë, por kurrë nuk e ka hequr dorë nga besimi i tij në një të nesërme më të mirë. Është ky shpirt i përbashkët i qëndrueshmërisë, dinjitetit dhe shpresës që i lidh dy vendet tona së bashku.
Këtë vit, filloi një kapitull i ri midis Republikës së Kosovës dhe Republikës Arabe Siriane me një njohje të ndërsjellë midis dy vendeve tona. Kjo njohje është një lidhje morale midis dy popujve që e kuptojnë koston e lirisë dhe vlerën e të qëndruarit krah për krah për një botë më të drejtë. Jemi të entuziazmuar nga ajo që na pret në partneritetin tonë. Republika e Kosovës është e përkushtuar të punojë ngushtë me ju në vitet që vijnë, duke i afruar dy kombet tona edhe më shumë në miqësi dhe bashkëpunim. Të dashur miq në Siri, ju lutem dijeni se Kosova është me ju. Ne do të jemi partneri juaj, miku juaj dhe aleati juaj në çdo hap të rrugës. Nga Prishtina në Damask, zemrat tona rrahin si një e vetme, për liri, për dinjitet dhe për miqësinë e qëndrueshme midis dy vendeve tona. Gëzuar Ditën e Çlirimit”, ka thënë Osmani.
Ish-mbrojtësi belg Glen De Boeck ka ndërruar jetë të dielën në mbrëmje, në moshën 54-vjeçare, pas një hemorragjie të rëndë cerebrale që ndodhi të premten në shtëpi. Pas kësaj, ai ra në koma të thellë, siç njoftoi familja e tij.
De Boeck është i njohur për karrierën e tij të suksesshme si futbollist, ku ka luajtur 280 ndeshje për Anderlechtin, duke fituar tri tituj kampion në Belgjikë (2000, 2001 dhe 2004).
Ai gjithashtu ka qenë pjesë e Kombëtares belge në dy Kupat e Botës, atë të vitit 1998 në Francë dhe 2002 në Japoni dhe Korenë e Jugut, duke grumbulluar gjithsej 34 paraqitje.
Në vitin 2005, një dëmtim i rëndë në gju e detyroi tërheqjen e tij nga futbolli aktiv.
Pas karrierës si lojtar, De Boeck nisi rrugëtimin si trajner, duke udhëhequr Cercle Brugge në vitin 2007, dhe më pas ka drejtuar disa klube të tjera, përfshirë Germinal Beerschot, VVV Venlo, Beveren, Mouscron, KV Kortrijk dhe Lokeren.
Rikthimi i tij në vitin 2023 te KV Kortrijk ishte edhe periudha e tij e fundit si trajner, ku drejtoi 9 ndeshjet e fundit të karrierës së tij. /ATVLIVE.TV
Ylli brazilian Raphina ka folur lidhur me spekulimet për një largim të mundshëm nga gjiganti katalunas Barcelona.
Raphina ka deklaruar se këto spekulime nuk qëndrojnë fare,dhe se këto sipas tij janë budallallëqe.
“E nuk e kuptoj se nga i nxjerrin gjithë këto budallallëqe ‘shumë të vërteta’. Ky lajm që del gjithmonë, është thjesht fake neës”
Përndryshe Raphina ka theksuar se është i lumtur tek Barca,dhe se do të synoj që të qëndroj më gjatë në Camp Nou.
Kujtojmë që Raphina u rikthe në aksion për Barcelonën pas lëndimeve të njëpasnjëshme në muskul,por nuk luajti në ndeshjen kundër Real Betis-it në fitoren 5:3 të katalunasve.
Portieri, Marc-André ter Stegen, është shumë afër marrjes së lejes mjekësore për të qenë i gatshëm për ndeshjen e fundjavës ndaj Osasunës. Megjithatë, me afatin kalimtar të janarit që po afrohet, spekulimet rreth të ardhmes së tij janë bërë më të shpeshta.
Në një moment ku është një nga kapitenët e Barcelonës, situata e portierit gjerman është gjithnjë e më e paqartë. Joan Garcia, portieri titullar i Barcelonës, ka qenë në formë të shkëlqyer dhe duket se do të jetë ai që do të mbajë vendin në portë për një kohë të gjatë.
Sipas informacionit nga Sport Bild, Ter Stegen mund të mos jetë as portieri i dytë në renditje, pasi Wojciech Szczesny është gjithashtu një mundësi shumë e fortë për të marrë atë pozicion.
Në një vit ku Kupën e Botës 2026 po afron, Ter Stegen është i motivuar të luajë sa më shumë që të jetë e mundur, në mënyrë që të jetë i ftuar nga trajneri i Gjermanisë, Julian Nagelsmann. Kjo mund ta shtyjë atë të kërkojë një kalim me huazim gjatë afatit kalimtar të janarit, për të siguruar minuta lojë.
Pas operacionit të suksesshëm në shpinë, forma e tij mbetet një mister dhe interesimi për të mund të përfshijë huazime, pasi ka humbur shumë ndeshje.
Megjithatë, Ter Stegen ka shprehur dëshirën të fokusohet vetëm te fusha dhe të rikthejë versionin më të mirë të vetes. Në fund, ai do të duhet të respektojë vendimet që do të marrë trajneri i kombëtares gjermane, Hansi Flick, për sa i përket minutave që do të luajë.
Joan Garcia vazhdon të shkëlqejë në portë dhe Barcelona ka bërë një goditje të madhe me transferimin e tij për 30 milionë euro, duke shtuar më tej pasigurinë për të ardhmen e Ter Stegen te klubi. /ATVLIVE.TV
Ambasada e Zvicrës në Kosovë ka reaguar pas publikimit të një lajmi edhe në mediat në Kosovë ku pretendohej se “Zvicra ‘hap dyert’ për 85 mijë vende pune për të huajt – me paga deri në 6.500 euro”.
Dhe sipas reagimit të ambasadës zvicerane, ky informacion është i rremë dhe kuotat për shtetasit e vendeve të treta (shtetet jo-Shengen) mbeten të pandryshuara për vitin 2026.
“Kujdes nga lajmet e rreme! Kohët e fundit, mediat sociale dhe gazetat online kanë përhapur pretendime se Zvicra po hap tregun e saj të punës për 85,000 punëtorë të huaj. Këto raportime janë të rreme!”, është thënë në fillim të reagimit të ambasadës zvicerane.
Më pas theksohet se “siç thuhet në njoftimin zyrtar për shtyp të 19 nëntorit 2025, Këshilli Federal Zviceran ka vendosur të ruajë kuotat ekzistuese për shtetasit e vendeve të treta (shtetet jo-Shengen) për vitin 2026”.
“Një maksimum prej 8,500 punëtorësh dhe specialistësh të kualifikuar nga vendet e treta mund të rekrutohen në Zvicër vitin e ardhshëm. Kjo përfshin 4,500 leje qëndrimi (B) dhe 4,000 leje afatshkurtra (L)”, ka shtuar reagimi i Ambasadës së Zvicrës në Kosovë.
Një 70-vjeçare është gjetur e pajetë në banesën e saj në Korçë.
Sipas informacioneve paraprake, mësohet se e moshuara jetonte e vetme në një pallat në lagjen nr 17.
Ka qenë fëmija i saj që ka lajmëruar policinë pasi prej disa ditësh nuk e kishte parë të moshuarën.
Dyshohet që e moshuara të ketë disa ditë që ka ndërruar jetë, ndërsa nga kqyrja paraprake nuk janë konstatuar shenja dhune.
Pritet që trupi ti nënshtrohet ekspertizës mjeko ligjore për të zbardhur shkakun e vdekjes.
Grekët të palëkundur, vijojnë protestat, fermerët të vendosur t’i vazhdojë bllokadat
Read more
Analistja, Nafie Selmani ka publikuar në rrjetet e saj sociale një skandal të regjistruar në libarat në Maqedoninë e Veriu. Selmani ka ndarë foto nga një faqe e librit të gjeografisë ndërsa i referohet rajonit të Dukagjinit si Metohi.
Selmani në një lidhje live në Euronews Albania e ka cilësuar këtë një skandal dhe një gabim të rëndë. Ajo theksoi se botimi i librit të gjeografisë së klasës së 7-të është publikuar në gushtin e këtij viti dhe se termi Metohi është një gabim i rëndë identitar.
“Teksti është i librit të gjeografisë konkretisht të klasës së 7-të. Fotoja erdhi nga një prind i shqetësuar nga ky skandal sepse nuk mund ta llogarisim një lapsus të tillë pasi libri është publikuar në gusht 2025 dhe i ka kaluar të gjitha filtrave që kërkohen konform i ligjeve aktuale të Maqedonisë së Veriut. Rajonit të Dukagjinit i referohet si Metohi dhe është një gabim i rëndë historik dhe identitar”, u shpreh ajo.