ATV

Blog

  • Neymar në rrezik për Kupën e Botës 2026-Pritet t’i nënshtrohet operacionit në gju

    Neymar në rrezik për Kupën e Botës 2026-Pritet t’i nënshtrohet operacionit në gju

    Ylli brazilian Neymar mund të rrezikojë pjesëmarrjen me Kombëtaren e Brazilit në Kupën e Botës vitin e ardhshëm.

    33 vjeçari pritet që t’i nënshtrohet një operacioni në gju,kjo pasi Neymar luajti i dëmtuar në ndeshjen kundër Cruzeiros.

    Përndryshe Neymar nuk dihet se sa kohë mund të jetë larg fushave të gjelbërta,ndërkohë një mungesë e tij e mundshme në Kupën e Botës do të ishte hendikep i madh për Brazilin.

    Kujtojmë që Neymar ka pasur probleme me lëndime të shumta që prej rikthimit tek Santos,ku zhvilloi vetmë 20 ndeshje në kampionatin brazilian nga 38 të mundshmet.

  • Real Madridi në panik – Pérez thërret takim emergjent pas rënies së formës

    Real Madridi në panik – Pérez thërret takim emergjent pas rënies së formës

    Real Madridi përjetoi një natë të vështirë në “Bernabéu” pas humbjes tronditëse 0-2 ndaj Celta Vigos, rezultat që e la skuadrën katër pikë prapa Barcelonës. Sipas raportimeve të “Marca”-s, drejtuesit e klubit, të kryesuar nga Florentino Pérez, zhvilluan një takim urgjent që zgjati deri në orët e para të mëngjesit për të analizuar rënien e formës dhe krizën që ka goditur ekipin javët e fundit.

    Në takim u trajtuan disa çështje madhore. Forma e dobët e skuadrës, me vetëm tre fitore në shtatë ndeshjet e fundit, ishte shqetësimi kryesor. Gjithashtu, dëmtimet e shumta në mbrojtje – sidomos ai i Éder Militãos – kanë lënë ekipin të pambrojtur. Edhe gjykimi i ndeshjes ndaj Celtas u diskutua, pasi tre përjashtime e kanë lënë Realin me mungesa të mëdha për sfidën e radhës.

    Megjithatë, pika më e nxehtë e debatit ishte situata e trajnerit Xabi Alonso. Raportohet se marrëdhënia e tij me disa lojtarë kyç është tensionuar, sidomos pas episodeve si zëvendësimi i Viniciusit në “El Clásico”. Klubi e ka vendosur ndeshjen e së mërkurës kundër Manchester Cityt si test vendimtar, i cili do të përcaktojë të ardhmen e tij. Në rast dështimi, emrat e Zinedine Zidane dhe Jürgen Klopp po qarkullojnë si kandidatë të mundshëm.

    Krizat e fundit kanë lëkundur rëndë Realin edhe në renditje, ndërsa Barcelona duket se po fiton vrull pavarësisht problemeve të veta. Për Xabi Alonson, përballja me Cityn mund të jetë shansi i fundit për të kthyer situatën dhe për të shmangur ndryshime të mëdha këtë verë. /ATVLIVE.TV

  • Rënia alarmante e lirisë së medias, Kosova e 99-ta

    Rënia alarmante e lirisë së medias, Kosova e 99-ta

    Në renditjen e “Reporterëve pa Kufij”, vendet si: Norvegjia, Estonia, Holanda, Suedia, Finlanda dhe Danimarka, po kryesojnë listën e lirisë së shtypt, duke iu ofruar gazetarëve mbrojtje të fortë ligjore si dhe një mjedis të përshtatshëm mediatik.

    Por, e njëjta situatë nuk është në krejt Evropën, sidomos në atë Jugore dhe Lindore ku ka performancë ndjeshëm më të dobët.

    Në këtë pjesë më e prekur mbetet Greqia, e cila për të katërtin vit me radhë shihet si vend që e ka të rrënuar ambientin gazetaresk, nga ndërhyrjet politike dhe “ngacmimi ligjor i gazetarëve”.

    Edhe Ballkani Perëndimor mbetet gjithashtu një pjesë e prekshme nga këto ndërhyrje, sidomos vendet si: Bosnja, Serbia dhe Kosova që renditen goxha dobët.

    Kosova në renditje zë vendin e 99, më keq janë vendet si: Gjeorgjia, Turqia, Bjellorusia dhe Rusia, që janë krejt në fund të renditjes.

    Kurse, në nivelin global, perspektiva është edhe më alarmante.

    Për herë të parë që nga fillimi i indeksit në vitin 2002, rezultati mesatar global i lirisë së shtypit ra nën 55, me mbi gjysmën e vendeve të klasifikuara si me kushte “të vështira” ose “shumë serioze” për gazetarinë.

    Përqendrimi i medias, presioni politik dhe paqëndrueshmëria ekonomike janë faktorë kryesorë që kontribuojnë.

    Pavarësisht epërsisë së përgjithshme të Evropës, përçarja e brendshme në rritje dhe prapambetja globale ngrenë pyetje urgjente në lidhje me të ardhmen e gazetarisë së lirë.

    A mund të mbetet liria e shtypit një gur themeli i demokracisë nëse kaq shumë rajone – përfshirë pjesë të Evropës, po përpiqen ta mbrojnë atë?

    Qiproja Veriore është renditur veçmas nga Qiproja në pozicionin 91.

  • Shkarkohen drejtorët komunalë në veri, Lista Serbe publikon foto pa simbolet e Kosovës

    Shkarkohen drejtorët komunalë në veri, Lista Serbe publikon foto pa simbolet e Kosovës

    Lista Serbe ka bërë të ditur se kryetarët e katër komunave veriore kanë shkarkuar drejtorët komunal që ishin në mandatin e kaluar.

    “Kryetarët e Mitrovicës Veriore, Milan Radojeviq, Zveçan Dragisha Milovoć, Zubin Potok Millosh Perovic dhe Leposavić Zoran Todić, kanë marrë postin në këto komuna dhe kanë marrë vendim për shkarkimin e të gjithë drejtorëve të emëruar politikisht të drejtorive komunale”, thuhet në një komunikatë të Listës Serbe në Instagram.

    Në fotografitë që ka publikuar Lista Serbe në zyrat e kryetarëve nuk vërehen simbolet e shtetit të Kosovës, ndonëse betimin e dhanë para tyre.

    Kryetarët e rinj thonë se zyrat i kanë gjetur në mënyrë jo të mirë.

  • Nga futbolli te hetimet: Polemika pas ndeshjes Gjilani–Llapi dhe rasti i kanosjes që po heton prokuroria!

    Nga futbolli te hetimet: Polemika pas ndeshjes Gjilani–Llapi dhe rasti i kanosjes që po heton prokuroria!

    Pas ndeshjes së tensionuar ndërmjet Gjilanit dhe Llapit, në Superligën e Kosovës kanë shpërthyer reagime të ashpra, ndërsa organet e drejtësisë kanë hapur hetime për një rast të dyshuar kanosjeje që përfshin persona të lidhur me ngjarjet e ditës.

    Klubi i Llapit ka publikuar një reagim të fuqishëm pas humbjes ndaj Gjilanit, duke akuzuar gjyqtarin kryesor, Egzon Dakaj, për gjykim tendencioz dhe të njëanshëm. Sipas klubit, vendimi për t’i treguar karton të kuq kapitenit Axel Gnapi ishte plotësisht i pabazë, ndërsa vlerësimet e ekspertëve ndërkombëtarë të FIFA-s, të cituara nga Llapi, e kanë konsideruar ndërhyrjen si të rregullt dhe jo përjashtuese.

    Llapi pretendon se gjyqtari ka marrë vendimin me pesë minuta vonesë, gjë që sipas tyre e bën kartonin e kuq “të dyshimtë dhe të porositur”. Po ashtu, klubi kontestion edhe faullin që parapriu golin e dytë të Gjilanit, duke theksuar se ndërhyrja nuk ka qenë e parregullt.

    Në njoftim, Llapi kujton se nuk është hera e parë që Dakaj del në qendër të akuzave në ndeshje të rëndësishme të klubit, teksa kërkon nga Komisioni i Gjyqtarëve dhe organet e FFK-së hapjen e procedurës disiplinore ndaj tij dhe analizimin e plotë të vendimeve.

    Ndërkohë, Prokuroria Themelore në Prishtinë ka njoftuar se ka pranuar informacion zyrtar nga Policia e Kosovës për një rast të dyshuar kanosjeje mes personave me inicialet T.B. dhe E.D.

    Prokurori i Shtetit ka urdhëruar Policinë të intervistojë palët dhe të mbledhë prova shtesë për të sqaruar rrethanat e incidentit.

    Në njoftimin zyrtar thuhet se organet kompetente janë duke punuar për “mbledhjen dhe grumbullimin e informacioneve relevante me qëllim zbardhjen e plotë të çështjes”.

    Kjo ditë e trazuar për futbollin kosovar pritet të ketë vazhdim, si në aspektin sportiv me shqyrtimin e vendimeve të gjyqtarit Dakaj, ashtu edhe në aspektin juridik me hetimet për rastin e kanosjes.

  • Pse disa njerëz janë më rezistentë ndaj të ftohtit?

    Pse disa njerëz janë më rezistentë ndaj të ftohtit?

    Disa njerëz janë shumë më rezistentë ndaj të ftohtit se të tjerët, edhe kur temperatura bie ndjeshëm.

    Një studim nga Instituti Karolinska ka gjetur arsyen dhe pohon se ky ndryshim nuk është i rastësishëm, por lidhet me gjene specifike. Studimi tregon se një mutacion i zakonshëm gjenetik në gjenin ACTN3, i cili rregullon funksionin e muskujve skeletorë, i bën disa njerëz shumë më rezistentë ndaj të ftohtit.

    Rreth një në pesë persona u mungon proteina α-aktinina-3, për shkak të një ndryshimi të thjeshtë gjenetik në ACTN3. Mungesa e kësaj proteine ​​duket se është rritur ndërsa njerëzit modernë migruan nga Afrika në klimat më të ftohta të Evropës dhe Azisë.

    Shkencëtarët kanë zbuluar se njerëzit që u mungon α-aktinina-3 mund të mbajnë një temperaturë më të lartë të trupit dhe të ftohen më pak kur ekspozohen ndaj temperaturave të ftohta, krahasuar me ata me nivele normale të proteinës.

    Në eksperiment morën pjesë 42 burra të moshës 18-40 vjeç nga Kaunas, Lituani. Vullnetarët u ekspozuan ndaj ujit të ftohtë në 14℃ për deri në 120 minuta, me pushime 10-minutëshe në temperaturë ambienti midis tyre. Pastaj ata u ndanë në dy grupe, varësisht nëse kishin apo jo proteinën α-aktinina-3.

    Rezultatet ishin mbresëlënëse:

    – Vetëm 30% e pjesëmarrësve që kishin proteinën arritën të përfundonin 120 minutat në të ftohtë.

    – Në të kundërt, 69% e atyre që nuk kishin α-aktininë-3 i mbijetuan të gjithë ekspozimit.

    Përveç kësaj, studiuesit vlerësuan se sa intensivisht dridheshin pjesëmarrësit. Ata që nuk kishin proteinë dridheshin dukshëm më pak, duke treguar se trupat e tyre gjenerojnë nxehtësi në mënyrë më efikase pa shpenzuar shumë energji.

    Ky zbulim është i rëndësishëm: të kuptuarit se si ky gjen ndikon në funksionin e muskujve mund të çojë në trajtime të reja për sëmundje serioze të muskujve siç është distrofia muskulore e Duchenne-it, por edhe për sëmundjet e zakonshme metabolike siç janë obeziteti dhe diabeti i tipit 2.

  • Konstituohet Këshilli Shtetëror për Licencimin e Mësimdhënësve

    Konstituohet Këshilli Shtetëror për Licencimin e Mësimdhënësve

    Ministrja në detyrë, Arbërie Nagavci, mori sot pjesë në mbledhjen e Këshillit Shtetëror për Licencimin e Mësimdhënësve, ku ky këshill u konstitua dhe zgjodhi udhëheqësinë e re: kryetaren Anita Kadriu dhe nënkryetaren Edi Gaxha Puka, të cilat do të drejtojnë punën e Këshillit në mandatin e ardhshëm.

    Ministrja falënderoi të gjithë anëtarët për angazhimin dhe përgjegjësitë që bartin, duke vlerësuar lart kontributin e tyre në proceset e licencimit, të cilat janë thelbësore për funksionimin dhe zhvillimin e sistemit të arsimit parauniversitar.

    Ajo theksoi se roli i Këshillit mbetet qendror në sigurimin e standardeve profesionale të mësimdhënësve dhe se deri tani ka vepruar në mënyrë të pavarur dhe profesionale, duke përballuar sfida ligjore dhe ndërinstitucionale.

    “Ka shumë punë përpara dhe jam tejet mirënjohëse për angazhimin e Këshillit deri më tani,” tha Ministrja Nagavci.

    Ajo shtoi se disa sfida burojnë nga legjislacioni aktual, çështjet ndërinstitucionale dhe kufizimet ligjore dhe financiare, por se MASHTI mbetet i përkushtuar për të mbështetur Këshillin, duke siguruar që proceset e licencimit të jenë efikase, transparente dhe në shërbim të rritjes së cilësisë në arsim.

    Anëtarët e Këshillit shprehën gatishmërinë për të vazhduar angazhimin në ngritjen e cilësisë së arsimit dhe bashkëpunimin e ngushtë me Ministrinë.

  • Presidentja Osmani viziton FC Dritën, moment krenarie për klubin

    Presidentja Osmani viziton FC Dritën, moment krenarie për klubin

    Presidentja e Republikës së Kosovës, Vjosa Osmani, ka vizituar gjatë ditës së sotme ekipin nga Gjilani, Fc Drita.

    Klubi është shprehur mirënjohës për vizitën e saj duke treguar se është një moment që i mbush me krenari dhe motivim të jashtëzakonshëm.

    FC Drita shkruan:

    Sot patëm nderin dhe privilegjin të presim në FC Drita në një vizitë historike Presidenten e Republikës së Kosovës së Kosovës, znj. Vjosa Osmani, si dhe Kryetarin e Komunës së Gjilanit, z. Alban Hyseni. Kjo ishte një nga vizitat më të rëndësishme në historinë e klubit tonë, një moment që na mbushi me krenari dhe motivim të jashtëzakonshëm.

    Prania e Presidentes në ambientet tona është vlerësim i madh për punën, përkushtimin dhe rolin që FC Drita ka në zhvillimin e sportit, komunitetit dhe rinisë. Ky takim na inkurajon të vazhdojmë rrugëtimin tonë me edhe më shumë energji dhe përgjegjësi.

    Në emër të klubit, lojtarëve, stafit dhe gjithë tifozëve bardhekaltër, shprehim mirënjohjen tonë të thellë për këtë vizitë.

    Faleminderit Presidente!

  • Xherdan Shaqiri në formacionin e javës në Superligën Zvicrane

    Xherdan Shaqiri në formacionin e javës në Superligën Zvicrane

    Ylli shqiptar Xherdan Shaqiri ka bërë paraqitje fantastike me Baselin,ku ishte protagonist në ndeshjen kundër Winterthurit në Superligën Zvicrane.

    Shaqiri shënoi golin e parë në fitoren 3:0 kundër Ëinterthurit,teksa fitoi edhe një penallti në këtë ndeshje.

    Përndryshe Shaqiri për këtë paraqitje fantastike u përfshi në formacionin e javës në Superligën Zvicrane,si dhe nga faqja e nohur Sofascore u vlerësua me notën 8.3 kurse një notë më të lartë se Shaqa mori Nils Reichmuth i FC Thun ku u vlerësua me notën 8.4.

    Kujtojmë që Xherdan Shaqiri në 21 ndeshje në të gjitha garat për Baselin ka realizuar 9 gola si dhe ka po aq asistime.

  • Hellems hero, shpallet edhe MVP i javës

    Hellems hero, shpallet edhe MVP i javës

    Java e nëntë dhuroi super ndeshje në ProCredit Superligë. Çdo sfidë ishte interesante, derisa lufta për çdo pozitë sa vjen e bëhet më e ashër.

    MVP i javës shpallet Jericole Hellems i Vëllaznimit. Ai ishte heroi i kuqezinjve ndaj kampionëve të Kosovës, Trepcës, duke shënuar pikët vendimtare për 83:85, në sekondën e fundit. Hellems e përfundoi ndeshjen me 24 pikë, tetë kërcime e dy asistime. Ai u rikthye të skuadra kuqezi, duke ndihmuar të shënojë dy fitore radhazi, fillimisht ndaj liderit Bashkimit, e më pas ndaj kampiones, Trepçës.

    Ndihmë të madhe në fitoren e fundit ka dhënë Marques Warrick me 27 pikë, dy kërcime dhe dy asistime, sidomos me tetë pikë në fund të ndeshjes.

    GO+ Peja u rikthye te fitoret, duke mundur Golden Eagle Yllin, ku Tajh Green e përfundoi ndeshjen me 15 pikë, 17 kërcime dhe një asistim.

    Rahoveci 029 ia shkaktoi humbjen e dytë Bashkimit, ku te ‘Vreshtarët’ u dallua Kentrell Pullian me 26 pikë, pesë kërcime dhe nëntë asistime.

    Bora fitoi duelin ndaj Sigal Prishtinës në Mitrovicë, ku më i miri ishte Shaquan Jules me 24 pikë, pesë kërcime dhe një asistim.

    MVP

    Jericole Hellems (Vëllaznimi) 24 pikë, 8 kërcime, 2 asistime, 22 indeksi

    Top 5

    Jericole Hellems (Vëllaznimi) 24 pikë, 8 kërcime, 2 asistime, 22 indeksi

    Marques Warrick (Vëllaznimi) 27 pikë, 2 kërcime, 2 asistime, 24 indeksi

    Tajh Green (GO+ Peja) 15 pikë, 17 kërcime, 1 asistim, 30 indeksi

    Kentrell Pullian (Rahoveci 029) 26 pikë, 5 kërcime, 9 asistime, 25 indeksi

    Shaquan Jules (Bora) 24 pikë, 5 kërcime, 1 asistim, 23 indeksi. /ATVLIVE.TV