ATV

Blog

  • Policia parandalon atentatin e radhës ndaj Preng Gjinit

    Policia parandalon atentatin e radhës ndaj Preng Gjinit

    Policia e Shkodrës ka parandaluar një ngjarje të rëndë kriminale. Bëhet fjalë për një atentat tjetër që nga të dhënat hetimore dhe provat e sekuestruara, do ti bëhej Preng Gjinit, makina e të cilit u hodh në erë në lëvizje edhe në shtator të vitit 2020 në zonën e Selitës në Tiranë.

    Blutë e qytetit verior kanë arrestuar pak ditë më parë në flagrancë 38 vjeçarin Euglen Buraku me një sasi lënde plasëse të lidhur me një aparat celular për shpërthim në distancë. Buraku banues në Durrës lëvizte në fshatin Stajkë të Vaut të Dejës me një automjet me targa të vjetra të mbivendosura ndërsa nga ekspertimi i aparatit të tij cëlular iu gjet në brendësi foto e Preng Gjinit.

    Hetuesit besojnë se kanë zbuluar edhe një autor të dytë të dyshuar, Eduard Përgjoka 34 vjeç në banesën e së cilit në Rubik u sekuestruan kapsolla detonatorë, 11 celularë dhe fara kanabisi.

    Ky i fundit është shpallur në kërkim pasi bashkë me të arrestuarin po hetoen për vrasje me paramendim mbetur në tentativë, armëmbajtje pa leje dhe prodhim e shitje narkotikësh.

    Nga hetimet e SPAK në dosjen ‘REVANSHI’, atentati i parë ndaj Preng Gjinit u krye për motive gjakmarrje ndërsa të pandehur të arrestuar dhe në mungesë, janë marrë 6 persona si urdhërues dhe sigurues të kushteve dhe mjeteve materiale për të kryer vrasje. /Euronews/

  • “S’e dija që ishte vëllai im”, historia si në filma e Vullnetit të grupit Marigona – Si e mësoi motra e tij pas shumë vitesh që ishin familje

    “S’e dija që ishte vëllai im”, historia si në filma e Vullnetit të grupit Marigona – Si e mësoi motra e tij pas shumë vitesh që ishin familje

    Mbrëmja e së shtunës ishte e mbushur me emocione për adhuruesit e muzikës shqiptare, teksa grupi legjendar “Marigona” mbajti koncertin e tij të fundit në Prishtinë, duke i dhënë fund një epoke të rëndësishme të muzikës live në vend.

    Por, përpara se Vullnet Sefaja të ngjitej në skenë për performancën e fundit me grupin, një histori e rrallë familjare preku zemrat e publikut.

    Motra e tij nga babai, Erëza Vela, ndau në rrjetet sociale rrëfimin e pazakontë se si zbuloi ekzistencën e vëllait të saj, një histori që, siç thotë vetë ajo, ia ndryshoi jetën përgjithmonë.

    Gjithçka nisi në vitin 1994, kur Erëza ishte vetëm nëntë vjeçe. Gjatë një bisede në Tetovë, një kushërirë e pyeti nëse e dinte që babai i saj kishte edhe një djalë tjetër me emrin Vullnet.

    Edhe pse u përpoq të sillej sikur e dinte, ajo pranon se në atë moment bota iu përmbys.

    “Nuk doja që ajo ta kuptonte se, me një fjali të vetme, sapo ma kishte lëkundur të gjithë botën. Atë natë nuk fleta”, rrëfen Erëza.

    Të nesërmen vendosi ta pyeste babanë e saj drejtpërdrejt. Pas një heshtjeje të gjatë, ai i tregoi historinë e djalit që kishte lindur pesë vite para se të njihte nënën e Erëzës.

    Vullneti ishte rritur nga nëna e tij, Vala, të cilën Erëza e përshkruan si një grua të fortë dhe krenare, që i kishte dhënë të birit mbiemrin e saj – Sefaja.

    Për Erëzën, zbulimi u bë edhe më emocionues kur kuptoi se ky vëlla ishte pikërisht këngëtari i grupit “Marigona”, zëri i këngës së saj të preferuar, “Ajshe”.

    Megjithatë, momenti që bashkoi përfundimisht familjen erdhi falë nënës së Erëzës.

    Ajo vendosi që fëmijët duhej të njiheshin me njëri-tjetrin dhe e ftoi Vullnetin në shtëpinë e tyre në Tetovë.

    “Fëmijët duhet të njohin njëri-tjetrin. Është koha të thërrasim Vullnetin të vijë në shtëpi. Të provojmë të bëjmë familje këtë që deri tani ka qenë vetëm një histori e komplikuar”, kujton Erëza fjalët e nënës së saj.

    Kur Vullneti mbërriti në shtëpi, ai u prit me ngrohtësi dhe përqafim.

    “Eja, djali im. Mirë se erdhe”, i kishte thënë nëna e Erëzës.

    Që nga ajo ditë, marrëdhënia mes tyre u forcua vazhdimisht, sidomos pas ndarjes nga jeta të babait të tyre.

    Erëza tregon se Vullneti u bë mbështetja e saj më e madhe, duke e ndihmuar të përfundonte studimet universitare, por edhe duke i qëndruar pranë në hapat e parë të karrierës profesionale.

    Një nga momentet më prekëse të rrëfimit lidhet me respektin që Vullneti kishte për nënën e Erëzës.

    Pas vdekjes së nënës së tij, Valës, ai iu drejtua asaj me fjalët: “Tani mbeta vetëm me një nënë”.

    Në koncertin e fundit të “Marigonës”, Erëza dhe nëna e saj ishin në mesin e publikut për ta mbështetur Vullnetin në një natë historike për karrierën e tij.

    Mes nostalgjisë dhe emocioneve që shoqëruan performancën e fundit të grupit legjendar, historia e tyre familjare u shndërrua në një nga momentet më prekëse të mbrëmjes, një dëshmi se lidhjet e gjakut dhe dashuria familjare mund të kapërcejnë çdo pengesë.

  • Ministria e Infrastrukturës me një njoftim të rëndësishëm për kufizimet e nesërme në autoudhë

    Ministria e Infrastrukturës me një njoftim të rëndësishëm për kufizimet e nesërme në autoudhë

    Ministria e Infrastrukturës dhe Transportit ka njoftuar se nesër do të zbatohet kufizim i përkohshëm i qarkullimit për automjetet e transportit të mallrave me masë totale mbi 20 tonë në autoudhë.

    Sipas ministrisë, kufizimi do të jetë në fuqi nga ora 11:00 deri në 17:30, pasi temperaturat e parashikuara pritet të arrijnë 32°C ose më shumë.

    Ndërkaq, në rrugët nacionale, rajonale dhe lidhëse, qarkullimi i këtyre automjeteve do të lejohet pa kufizime.

    Nga ky vendim përjashtohen automjetet e organeve të rendit dhe sigurisë publike, shërbimeve emergjente dhe institucioneve shëndetësore.

    Ministria u ka bërë thirrje operatorëve ekonomikë dhe drejtuesve të mjeteve që të respektojnë kufizimin dhe të planifikojnë qarkullimin sipas orarit të përcaktuar.

  • Ndahet nga jeta gazetari Behlul Jashari, AGK shpreh ngushëllime

    Ndahet nga jeta gazetari Behlul Jashari, AGK shpreh ngushëllime

    Është ndarë nga jeta gazetari i njohur Behlul Jashari, një nga emrat e shquar të gazetarisë kosovare.

    Me këtë rast, Asociacioni i Gazetarëve të Kosovës (AGK) ka shprehur pikëllimin e thellë për vdekjen e tij, duke vlerësuar kontributin mbi pesë dekadash të Jasharit në gazetari.

    AGK theksoi se ai do të kujtohet për profesionalizmin, guximin dhe përkushtimin në raportimin e ngjarjeve historike të Kosovës, përfshirë edhe periudhën e luftës.

    Jashari i kushtoi mbi pesë dekada gazetarisë, duke lënë gjurmë të pashlyeshme në Rilindja, si kryeredaktori i parë i gazetës së rezistencës Bujku, si dhe përmes raportimeve të tij për Agjencinë Telegrafike Shqiptare (ATSH).

    Ai do të kujtohet për profesionalizmin, guximin dhe përkushtimin e tij në raportimin e ngjarjeve historike të Kosovës, përfshirë edhe periudhën e luftës.

    Në reagimin e saj, AGK u shprehu ngushëllimet më të sinqerta familjes Jashari, kolegëve, miqve dhe gjithë komunitetit të gazetarëve.

  • Ambasada e Kosovës në Zagreb u shpërndanë pako ushqimore bashkatdhetarëve në pikën kufitare Kroaci-Serbi

    Ambasada e Kosovës në Zagreb u shpërndanë pako ushqimore bashkatdhetarëve në pikën kufitare Kroaci-Serbi

    Ambasada e Republikës së Kosovës në Kroaci ka qenë sot pranë bashkatdhetarëve në Pikën Kufitare Bajakovo, ku ka shpërndarë ujë dhe pako ushqimore për udhëtarët që po prisnin të kalonin kufirin, për shkak të fluksit të shtuar gjatë sezonit veror.

    Sipas Ambasadës, megjithëse kolonat e automjeteve janë të gjata, koha aktuale e pritjes për kalimin e kufirit është rreth 10 deri në 15 minuta. Në funksion janë tetë korsi hyrëse, ndërsa autoritetet kroate po punojnë për të siguruar një qarkullim sa më të shpejtë dhe efikas.

    Ambasada pëe Dukagjinin bëri të ditur se kolonat janë kryesisht pasojë e zbatimit të Sistemit të Hyrje/Daljes (EES), i cili ka sjellë procedura të reja të kontrollit kufitar dhe ka ndikuar në ngadalësimin e përkohshëm të qarkullimit.

    Po ashtu, Ambasada falënderoi Hakif Qenajn për dhurimin e pakove ushqimore të shpërndara për udhëtarët, duke e vlerësuar kontributin e tij si një akt solidariteti dhe kujdesi ndaj bashkatdhetarëve.

    Ambasada e Kosovës theksoi se do të vazhdojë të monitorojë situatën në pikat kufitare dhe të ofrojë mbështetje për qytetarët sa herë që kjo të jetë e nevojshme, duke u uruar të gjithë bashkatdhetarëve një udhëtim të sigurt dhe të mbarë.

  • Serbia shpall gjendje të jashtëzakonshme në disa pjesë, për shkak të etheve afrikane të derrit

    Serbia shpall gjendje të jashtëzakonshme në disa pjesë, për shkak të etheve afrikane të derrit

    Virusi i etheve afrikane të derrit ka shpërthyer në shtatë qarqe dhe 52 vendbanime në Serbi, duke nxitur autoritetet të shpallin gjendje të jashtëzakonshme në vendet e prekura, njoftuan autoritetet.

    Për më tepër, në dy ditët e fundit është shfaqur edhe në Bezdan, në kufirin me Kroacinë, dhe në Rrethin Jugor të Baçkës në qytetet Zhabal dhe Gospodinci, tha të shtunën Ministri i Bujqësisë i Serbisë, Dragan Glamoçiq.

    Ai tha se gjendja e jashtëzakonshme është shpallur në Rumë, Obrenovac, një pjesë të territorit të Sremska Mitrovicës dhe në Shabac.

    Të dielën, gjatë një takimi emergjent në Obrenovac për shkak të shpërthimit të etheve afrikane të derrave, Glamoçiq paralajmëroi për asgjësimin gjithnjë e më të shpeshtë dhe të papërshtatshëm të kafshëve të ngordhura dhe theksoi se një sjellje e tillë përbën një kërcënim serioz për shëndetin e kafshëve, mjedisin dhe njerëzit.

    “Në kushtet e gjendjes së jashtëzakonshme, nuk do të ketë tolerancë për sjellje të papërgjegjshme. Çdo rast do t’u raportohet autoriteteve kompetente dhe do të sanksionohet në përputhje me ligjin”, tha ai.

    Glamoçiq, duke theksuar se bartësit kryesorë janë derrat e egër dhe njerëzit, theksoi gjithashtu se niveli rekord i ulët i ujit të Danubit lehtëson më tej përhapjen e sëmundjes, sepse derrat e egër mund ta kalojnë lumin në disa vende.

    Që nga shpërthimi i virusit, rreth 28.000 derra janë vrarë ose kanë ngordhur, dhe disa pronarëve të fermave u është ndaluar mbarështimi për një muaj.

    Gjatë takimit, u diskutua për forcimin e bashkëpunimit me Ministrinë e Punëve të Brendshme, ushtrinë serbe, qeveritë lokale, kompanitë e shërbimeve publike dhe shërbimet veterinare, në mënyrë që të jenë në dispozicion të gjitha makineritë, personeli dhe mbështetja logjistike e nevojshme, tha Ministria serbe e Bujdesisë.

    Glamoçiq theksoi edhe një herë domosdoshmërinë e respektimit të rreptë të masave të biosigurisë, eutanazimit në kohë të kafshëve të infektuara dhe largimit të tyre të sigurt, me qëllim parandalimin e përhapjes së mëtejshme të virusit.

    Ai shtoi se virusi është i pranishëm në më shumë se 70 vende të botës dhe në shumë vende evropiane, përfshirë vendet në afërsi të menjëhershme të Serbisë, prandaj është i nevojshëm zbatimi i vazhdueshëm i masave të biosigurisë.

    Ministri u bëri thirrje qeverive lokale që të ndihmojnë familjet në sigurimin e dezinfektantëve aty ku është e nevojshme, por kujtoi se çdo familje është e detyruar të zbatojë dezinfektim të rregullt dhe masa të tjera mbrojtëse.

    Kjo sëmundje u shfaq në Evropë në vitin 2007 dhe nuk është e rrezikshme për njerëzit, por në rastin e derrave është një sëmundje serioze me vdekshmëri pothuajse 100%.

    Në Afrikë, ethet afrikane të derrave shfaqen te derrat e egër dhe kanë një pamje klinike të lehtë, ndërsa në Evropë dhe në pjesë të tjera të botës, preken si derrat e egër ashtu edhe ata shtëpiakë. /REL

  • Ramadani: Papërgjegjësi totale mosthirrja e seancës konstituive, i vetmi plan prapa kësaj është bllokada

    Ramadani: Papërgjegjësi totale mosthirrja e seancës konstituive, i vetmi plan prapa kësaj është bllokada

    Deputeti i zgjedhur i Aleancës, Burim Ramadani tha se thirrja e seancës konstituive të Kuvendit po vonohet pa “asnjë arsye”.

    Ramadani shkroi në Facebook se kjo është “papërgjegjësi totale” ndërsa sugjeroi se plani i Lëvizjes Vetëvendosje është “bllokada”

    “Papërgjegjësi totale mosthirrja e Kuvendit.
    Konstituimi i Kuvendit nuk ka asnjë arsye normale të vonohet. I vetmi plan prapa kësaj vonese është bllokada”, shkroi ai.

    “Shihet qartë se as nuk iu ngutet, as nuk e kanë dertin e funksionimit të shtetit. Mbi 10 ditë që u certifikuan rezultatet, këta luajnë hajgare me shtetin! Thirreni seancën e Kuvendit!”, shkroi Ramadani.

  • “Kallëzim Penal ndaj Qeverisë”, Hykmete Bajrami e Fitore Pacolli vazhdojnë statuset për njëra-tjetrën

    “Kallëzim Penal ndaj Qeverisë”, Hykmete Bajrami e Fitore Pacolli vazhdojnë statuset për njëra-tjetrën

    Deputetja e zgjedhur e LDK-së, Hykmete Bajrami, njofton se ka bërë Kallëzim Penal, duke kërkuar të hetohet KMDK-ja, Ministria, Qeveria dhe të gjitha institucionet përgjegjëse, derisa po replikojnë nga distanca me ministren e Mjedisit në detyrë, Fitore Pacolli, për deponinë e Sferkës.

    Bajrami për këtë çështje ka shkruar:

    Ndërsa, ministrja e Mjedisit në detyrë, Fitore Pacolli ka shkruar:

  • Kolona të gjata në kufi, pritjet mbi 8 orë për të hyrë mërgimtarët në Kosovë

    Kolona të gjata në kufi, pritjet mbi 8 orë për të hyrë mërgimtarët në Kosovë

    Fluksi i mërgimtarëve që po hyjnë në Kosovë ka sjellë rritje të pritjeve në disa pika kufitare të vendit.

    Sipas të dhënave të fundit nga Qendra Kombëtare për Menaxhim Kufitar, pritjet më të gjata për hyrje në Kosovë janë regjistruar në pikën kufitare Dheu i Bardhë, ku qytetarët po presin deri në 40 minuta.

    Në Kullë dhe Merdarë, pritjet për hyrje arrijnë deri në 15-20 minuta, ndërsa në pikat e tjera kufitare situata paraqitet më e qetë.

    Për dalje nga Kosova nuk raportohet të ketë pritje të konsiderueshme, me kohë pritjeje deri në 2-3 minuta.

    Ndërkohë, kolona më të gjata janë krijuar në disa pika të tjera kufitare.

    Në Muçibabë, pritjet për hyrje dhe dalje kanë arritur deri në 500 minuta, ndërsa në Han të Elezit pritjet për hyrje shkojnë deri në 100 minuta.

    Për më shumë detaje rreth gjendjes në pikat kufitare, shihni përditësimet në fotografi.

  • FIFA përgatit një spektakël madhështor: Çfarë pritet gjatë pushimit të finales së Kupës së Botës

    FIFA përgatit një spektakël madhështor: Çfarë pritet gjatë pushimit të finales së Kupës së Botës

    Finalja e Kupës së Botës 2026 mes Spanjës dhe Argjentinës, që zhvillohet këtë të diel në stadiumin MetLife në New Jersey, nuk do të jetë vetëm një duel futbolli.

    FIFA ka përgatitur një spektakël të paprecedentë, të frymëzuar nga shfaqja e famshme e pushimit të finales së Super Bowl, duke premtuar një mbrëmje historike për tifozët në mbarë botën.

    Para fillimit të ndeshjes do të zhvillohet ceremonia tradicionale e mbylljes, ndërsa për herë të parë në histori të një finaleje të Kupës së Botës, pushimi mes pjesëve do të shoqërohet me një koncert të madh.

    Ceremonia e mbylljes do të nisë një orë e gjysmë para fillimit të ndeshjes dhe do të përmbledhë rrugëtimin 39-ditor të turneut, duke vënë në pah 48 kombëtaret pjesëmarrëse dhe 16 qytetet organizatore në Shtetet e Bashkuara, Kanada dhe Meksikë. FIFA premton një kombinim të muzikës, futbollit dhe kulturave të tre vendeve organizatore.

    Ylli amerikan Post Malone do të jetë artisti kryesor i ceremonisë, ndërsa në skenë do t’i bashkohen edhe Laura Pausini, Nicole Scherzinger dhe Robbie Williams.

    Një nga surprizat e spektaklit do të jetë pjesëmarrja e streamerit të njohur iShowSpeed, i cili gjatë gjithë turneut ka qenë një nga figurat më të komentuara në tribuna dhe në rrjetet sociale.

    Ndërkohë, aktori i famshëm i Hollywoodit, Tom Cruise, pritet të ketë një segment të veçantë gjatë ceremonisë. FIFA nuk ka zbuluar ende detaje, por mediat ndërkombëtare raportojnë se ai mund të realizojë një tjetër performancë spektakolare në stilin e filmave “Mission: Impossible”.

    Pak para fillimit të ndeshjes, himni kombëtar i Shteteve të Bashkuara do të interpretohet nga Jennifer Hudson, fituese e çmimeve Emmy, Grammy, Oscar dhe Tony.

    Një tjetër moment i veçantë do të jetë prezantimi ceremonial i trofeut të Kupës së Botës, i cili do të sillet në fushë brenda një valixheje luksoze të Louis Vuitton, e krijuar posaçërisht për këtë rast.

    Pjesa më e shumëpritur e mbrëmjes do të vijë gjatë pushimit të finales. Për herë të parë në histori, FIFA ka organizuar një koncert të plotë në intervalin mes dy pjesëve të lojës.

    Edhe pse fillimisht u raportua se pushimi do të zgjatej në 30 minuta, sipas gazetës spanjolle Marca, FIFA u ka bërë të ditur federatave të Spanjës dhe Argjentinës se pushimi do të zgjasë saktësisht 17 minuta. Prej tyre, 11 minuta do t’i kushtohen koncertit, ndërsa gjashtë minutat e mbetura do të përdoren për montimin dhe çmontimin e skenës, si dhe për mirëmbajtjen e fushës.

    Në koncert do të performojnë katër nga emrat më të mëdhenj të muzikës botërore: Madonna, Shakira, grupi koreano-jugor BTS dhe Justin Bieber.

    Programit do t’i bashkohet edhe dirigjenti venezuelian Gustavo Dudamel, drejtues i Filarmonisë së Nju Jorkut, duke kombinuar muzikën pop me interpretimet orkestrale.

    Gjithashtu, kori i fëmijëve PS22 do të performojë së bashku me Coldplay, ndërsa në spektakël do të shfaqen edhe personazhe të njohur si Kermit the Frog dhe Miss Piggy nga “Sesame Street” dhe “The Muppet Show”, për të promovuar mesazhin e edukimit dhe unitetit.

    Sipas FIFA-s dhe organizatës Global Citizen, finalja e Kupës së Botës 2026, e kombinuar me këtë spektakël muzikor, mund të ndiqet nga rreth dy miliardë shikues në mbarë botën, duke u shndërruar në një nga transmetimet muzikore më të ndjekura në histori.