Blog

Gjykata Themelore në Prishtinë ua ka caktuar nga një muaj paraburgim ish-ministrit Fadil Ismajli dhe gjashtë të dyshuarve tjerë për përfshirje në vepra penale të korrupsionit.

“Gjykata Themelore në Prishtinë, Departamenti Special ka vendosur lidhur me kërkesën e Prokurorisë Speciale të Republikës së Kosovës, për caktimin e masës së paraburgimit në çështjen penale ndaj të pandehurit N.K. për shkak të dyshimit të bazuar se ka kryer veprën penale Marrja e ryshfetit, e pandehura M.B.-D për shkak të dyshimit të bazuar se ka kryer veprën penale Dhënia e ryshfetit si dhe veprën penale Ushtrimi i ndikimit, i pandehuri Sh.T. për shkak të dyshimit të bazuar se ka kryer veprat penale Dhënia e ryshfetit si dhe veprën penale Ushtrimi i ndikimit, i pandehuri G.L. për shkak të dyshimit të bazuar se ka kryer veprat penale Dhënia e ryshfetit si dhe veprën penale Ushtrimi i ndikimit, i pandehuri F.I.për shkak të dyshimit se ka kryer veprën penale Dhënia e ryshfetit, i pandehuri J.M. për shkak të dyshimit të bazuar se ka kryer veprën penale Marrja e ryshfetit si dhe i pandehuri B.D. për shkak të dyshimit të bazuar se ka kryer veprat penale Dhënia e ryshfetit si dhe veprën penale Ushtrimi i ndikimit.”

Në njoftim thuhet se “Gjykata vlerësoj se caktimi i masës së paraburgimit në këtë çështje penale është masë adekuate dhe konstatoi se masa e paraburgimit tani për tani është e vetmja masë për rrjedhjen e pa penguar të procedurës penale në këtë çështje juridiko – penale”.

“Kundër këtij aktvendimi, palët e pakënaqura kanë të drejtë ankese në Gjykatën e Apelit, përmes Gjykatës Themelore në Prishtinë.”

Shefja e komunitetit kombëtar të inteligjencës amerikane, Tulsi Gabbard tha sot se komuniteti i inteligjencës amerikane nuk vlerëson nëse Rusia ka aftësinë për të pushtuar Evropën apo edhe Ukrainën.

Tulsi Gabbard i bëri komentet në një postim në, X, duke iu përgjigjur raporteve që pretendonin se komuniteti i inteligjencës amerikane mbështet pikëpamjet e BE-së dhe NATO-s se Rusia po synon të pushtojë Evropën.

Ajo akuzoi ata që i quajti “nxitës të shtetit të thellë dhe mediat e tyre propagandistike” për përhapjen e narrativave të rreme për të minuar përpjekjet e Presidentit të ShBA-së, Donald Trump, për të sjellë paqe në Ukrainë dhe Evropë.

“Nxitësit e shtetit të thellë dhe mediat e tyre propagandistike po përpiqen përsëri të minojnë përpjekjet e Presidentit Trump për të sjellë paqe në Ukrainë – dhe në fakt në Evropë – duke pretenduar në mënyrë të rreme se ‘komuniteti i inteligjencës amerikane’ pajtohet dhe mbështet pikëpamjen e BE-së/NATO-s se qëllimi i Rusisë është të pushtojë Evropën (me qëllim që të fitojë mbështetje për politikat e tyre pro-luftës)”, tha Gabbard.

“Është e vërtetë që inteligjenca amerikane vlerëson se Rusia nuk ka as aftësinë për të pushtuar Ukrainën, e lëre më të ‘pushtojë’ Evropën”, shtoi ajo.

Reuters raportoi dje se agjencitë e inteligjencës amerikane po paralajmërojnë se Presidenti rus Vladimir Putin synon të pushtojë të gjithë Ukrainën dhe të rimarrë pjesë të Evropës që dikur i përkisnin Bashkimit Sovjetik, pavarësisht negociatave të vazhdueshme për paqe.

Deep State warmongers and their Propaganda Media are again trying to undermine President Trump’s efforts to bring peace to Ukraine—and indeed Europe—by falsely claiming that the ‘U.S. intelligence community’ agrees to and supports EU/NATO viewpoint that Russia’s aim is to…

— Tulsi Gabbard 🌺 (@TulsiGabbard) December 20, 2025

Policia e Kosovës, në bashkëpunim me Agjencinë e Kosovës për Inteligjencë (AKI), ka arrestuar V.M ish-pjesëtar të Ministrisë së Punëve të Brendshme të Serbisë, i dyshuar për përfshirje në kidnapimin e shtetasit kosovar Milan Vukashinoviq, ngjarje që kishte ndodhur më 01.11.2025 në Leposaviq.

Lidhur me këtë rast, Policia e Kosovës ka dhënë detaje përmes raportit 24 orësh.

Sektori për Hetimin e Krimeve të Rënda ka bastisur shtëpinë dhe objektet përcjellëse të të dyshuarit, sipas urdhëresës së gjykatës.

Gjatë bastisjes janë sekuestruar 9 telefona celularë, 1 llaptop, 3 dokumente A4, një pushkë gjuetie me 39 fishekë, një jelek për fishekë armësh dhe një tytë arme, të cilat do të shërbejnë si prova materiale në hetime.

I dyshuari, mashkull, pas intervistimit nga prokurori është dërguar në mbajtje.

Operacioni është pjesë e përpjekjeve të autoriteteve për të zbardhur plotësisht rrethanat e ngjarjes dhe për të siguruar drejtësi për rastin e rëndë të rrëmbimit dhe tentativës për vrasje.

Policia dhe AKI po vazhdojnë hetimet për identifikimin e çdo personi tjetër të përfshirë në këtë rast dhe për dokumentimin e plotë të veprës penale.

Dy persona janë arrestuar nga policia e Shkodrës duke çuar kështu në zbardhjen e vrasjes së 20-vjeçarit Pavlin Preka, i cili u gjet i vdekur në oborrin e banesës së tij në fshatin Guci e Re më 27 shkurt të këtij viti.

Personat e arrestuar janë Klaudio Lisaj dhe Vasel Koçeku, të cilët akuzohen për veprat penale “Vrasja me paramendim”, e kryer në bashkëpunim dhe “Mbajtja pa leje dhe prodhimi i armëve, armëve shpërthyese dhe municionit”.

“Si rezultat i punës policore dhe hetimore të shërbimeve të DVP Shkodër, nën drejtimin e Prokurorisë së Shkodrës, zbardhet vrasja e shtetasit P. P., e kryer më datë 27.02.2025, në fshatin Guci e Re. Kapen dhe vihen në pranga dy shtetas, të dyshuar si autorë të kësaj vrasjeje.

Operacioni u zhvillua me mbështetjen e Forcës Kombëtare të Sigurisë, Njësisë Shkodër, Forcës së Posaçme “Shqiponja”, shërbimeve të Komisariatit të Policisë Shkodër dhe atyre të DVP-së Shkodër.

Si rezultat i një pune intensive operative dhe hetimore, të kryer nga strukturat e Drejtorisë Vendore të Policisë Shkodër, në bashkëpunim me Prokurorinë e Shkodrës, Forcën Kombëtare të Sigurisë, Njësinë Shkodër dhe Forcën e Posaçme “Shqiponja”, me qëllim zbardhjen e dinamikës dhe autorësisë së vrasjes së shtetasit P. P., e kryer më datë 27.02.2025, në fshatin Guci e Re, u finalizua operacioni policor i koduar “Pesha e krimit”.

Në kuadër të këtij operacioni, u identifikuan, u kapën dhe u vunë në pranga shtetasit: K. L., 20 vjeç, banues në fshatin Mgull; V. K., 43 vjeç, banues në fshatin Hot i Ri, për veprat penale: “Vrasja me paramendim”, e kryer në bashkëpunim; “Mbajtja pa leje dhe prodhimi i armëve, armëve shpërthyese dhe municionit”. Materialet procedurale iu referuan Prokurorisë së Shkodrës, për veprime të mëtejshme”, njofton policia.

Qendra Kombëtare për Menaxhim Kufitar ka përditësuar të dhënat mbi pritjet në pikat kufitare.

Sipas përditësimit të fundit nga terreni të orës 14:45, qarkullimi në pikën kufitare në Merdarë për dallim nga orët e mëngjesit kur pritjet ishin deri në 3 orë tani ato janë reduktuar dukshëm dhe pritjet për hyrje në Kosovë janë nga 15 deri në 20 minuta.

Ndërkohë, situata në pikën kufitare Dheu i Bardhë mbetet e ngjashme me orët e paradites, ku pritjet janë nga 30 deri në 40 minuta.

Pritje prej 15 deri 20 minutash ka edhe në pikën kufitare në Mutivodë, derisa në pikat e tjera kufitare qarkullimi po zhvillohet normalisht dhe nuk raportohet për pritje të gjata.